വാഷിംഗ്ടണ്‍: വെസ്റ്റ് ബാങ്കിൽ ഫലസ്തീനികൾക്കെതിരായ അക്രമങ്ങളിൽ ഏർപ്പെട്ടിരിക്കുന്ന ഇസ്രായേലി കുടിയേറ്റക്കാർക്ക് അമേരിക്ക (യുഎസ്) വിസ നിരോധനം ഏർപ്പെടുത്തി.
പ്രസിഡന്റ് ജോ ബൈഡനും മറ്റ് മുതിർന്ന യുഎസ് ഉദ്യോഗസ്ഥരും വെസ്റ്റ് ബാങ്കിൽ വർദ്ധിച്ചുവരുന്ന ഇസ്രായേലി കുടിയേറ്റക്കാരുടെ അക്രമത്തെക്കുറിച്ച് മാസങ്ങളായി മുന്നറിയിപ്പ് നൽകിയതിന് ശേഷമാണ് ഡിസംബർ 5 ചൊവ്വാഴ്ച സ്റ്റേറ്റ് സെക്രട്ടറി ആന്റണി ബ്ലിങ്കെൻ ഈ നീക്കം പ്രഖ്യാപിച്ചത്.
“വെസ്റ്റ് ബാങ്കിൽ ഫലസ്തീനികൾക്കെതിരെ അക്രമാസക്തമായ ആക്രമണങ്ങൾ നടത്തിയ തീവ്രവാദി കുടിയേറ്റക്കാരെ ഉത്തരവാദിത്തമുള്ളവരാക്കാൻ കൂടുതൽ കാര്യങ്ങൾ ചെയ്യേണ്ടതിന്റെ ആവശ്യകത ഞങ്ങൾ ഇസ്രായേൽ സർക്കാരിനോട്
ഊന്നിപ്പറഞ്ഞു,” ബ്ലിങ്കെൻ പ്രസ്താവനയിൽ പറഞ്ഞു . പ്രസിഡന്റ് ബൈഡൻ ആവർത്തിച്ച് പറഞ്ഞതുപോലെ, ആ ആക്രമണങ്ങൾ അംഗീകരിക്കാനാവില്ല എന്നും അദ്ദേഹം കൂട്ടിച്ചേര്‍ത്തു.
“ഇന്ന്, സ്റ്റേറ്റ് ഡിപ്പാർട്ട്‌മെന്റ് വെസ്റ്റ് ബാങ്കിലെ സമാധാനം, സുരക്ഷ അല്ലെങ്കിൽ സ്ഥിരത എന്നിവയ്ക്ക് തുരങ്കം വയ്ക്കുന്നതിൽ ഉൾപ്പെട്ടിട്ടുണ്ടെന്ന് വിശ്വസിക്കപ്പെടുന്ന വ്യക്തികളെ ലക്ഷ്യമിട്ട് ഒരു പുതിയ വിസ നിയന്ത്രണ നയം നടപ്പിലാക്കുന്നു. അത്തരത്തിലുള്ള ആളുകളും കുടുംബാംഗങ്ങളും ഈ നിയന്ത്രണങ്ങൾക്ക് വിധേയമാകും,”ബ്ലിങ്കൻ പറഞ്ഞു.
വെസ്റ്റ് ബാങ്കിലെ സിവിലിയൻമാർക്കെതിരായ എല്ലാ അക്രമങ്ങൾക്കും യുഎസ് ഉത്തരവാദിത്തം തേടുന്നത് തുടരുകയാണ്, “ഇസ്രായേലികൾക്കെതിരായ പലസ്തീൻ ആക്രമണങ്ങൾ തടയാൻ കൂടുതൽ കാര്യങ്ങൾ ചെയ്യണമെന്ന്” പലസ്തീൻ അതോറിറ്റിയോട് പറഞ്ഞതായും ബ്ലിങ്കെൻ കൂട്ടിച്ചേർത്തു.
ഒക്‌ടോബർ ഏഴിന് ഇസ്രയേലിനെതിരെ ഹമാസ് നടത്തിയ അപ്രതീക്ഷിത ആക്രമണത്തിന് പിന്നാലെ വെസ്റ്റ്ബാങ്കിലെ ആക്രമണങ്ങൾ ഗണ്യമായി വർദ്ധിച്ചു.
യുദ്ധം ആരംഭിച്ചതിനുശേഷം വെസ്റ്റ് ബാങ്കിലെ ഫലസ്തീനികൾക്കെതിരായ ഇസ്രായേൽ കുടിയേറ്റക്കാരുടെ ആക്രമണം ഇരട്ടിയിലധികമായി, ഏകദേശം 1,000 ഫലസ്തീനികൾ അവരുടെ വീടുകൾ ഉപേക്ഷിച്ച് പലായനം ചെയ്തുവെന്ന് ഐക്യരാഷ്ട്രസഭ (യുഎൻ) റിപ്പോർട്ട് ചെയ്തു.
യുദ്ധം ആരംഭിച്ചതിനുശേഷം വെസ്റ്റ് ബാങ്കിലും കിഴക്കൻ ജറുസലേമിലും 65 കുട്ടികൾ ഉൾപ്പെടെ 246 ഫലസ്തീനികൾ കൊല്ലപ്പെട്ടതായി യുഎൻ ഡാറ്റ സൂചിപ്പിക്കുന്നു, എട്ട് കുടിയേറ്റക്കാരും കൊല്ലപ്പെട്ടു.
Today, I announced a new visa restrictions policy targeting individuals and their family members involved in or meaningfully contributing to actions that undermine peace, security, and stability in the West Bank. Violence against civilians will have consequences.
— Secretary Antony Blinken (@SecBlinken) December 5, 2023
