ലഖ്‌നൗ: യുപിയിലെ ദൻകൗറിൽ ബുധനാഴ്ച ഉച്ചയ്ക്ക് ബുലന്ദ്ഷഹർ ഡിപ്പോയുടെ റോഡ്‌വേസ് ബസ് ഓടിക്കുന്നതിനിടെ ഡ്രൈവർക്ക് ഹൃദയാഘാതം സംഭവിച്ചതിനെത്തുടര്‍ന്ന് ബസ് നിയന്ത്രണം വിട്ട് ബൈക്ക് യാത്രക്കാരെ ഇടിച്ചു തെറിപ്പിച്ചു. റെയിൽവേ സ്റ്റേഷൻ മേൽപ്പാലത്തിൽ നിന്ന് ഇറങ്ങുന്നതിനിടെയാണ് സംഭവം. ഡ്രൈവർ അബോധാവസ്ഥയിലായ ഉടൻ ബസ് നിയന്ത്രണം വിട്ട് മുന്നോട്ട് നീങ്ങി മൂന്ന് ബൈക്കുകളിലായി സഞ്ചരിച്ചിരുന്ന നാല് പേരെ ഇടിച്ചു വീഴ്ത്തി. ഇതിനിടയിൽ ബസിൽ യാത്ര ചെയ്തിരുന്നവർ പെട്ടെന്ന് മുന്നോട്ട് നീങ്ങി. ഒരാൾ സ്റ്റിയറിംഗ് നിയന്ത്രിച്ചു, മറ്റൊരാൾ ബ്രേക്ക് അമർത്തി. ഈ അപകടത്തിൽ 4 പേർക്ക് സംഭവസ്ഥലത്ത് തന്നെ ജീവൻ നഷ്ടപ്പെട്ടു. ബ്രേക്ക് ഇടാൻ താമസിച്ചിരുന്നെങ്കിൽ ഇനിയും നിരവധി പേർ ബസ് ഇടിക്കുമായിരുന്നുവെന്ന് ബസിലെ യാത്രക്കാര്‍ പറഞ്ഞു.
മൂന്ന് ബൈക്കുകൾ 50 അടി ദൂരെ വരെ ബസിനടിയിൽ കുടുങ്ങിക്കിടക്കുന്ന തരത്തിലാണ് അപകടം ഉണ്ടായത്. ബസിനടിയിൽ കുടുങ്ങിയ ബൈക്ക് യാത്രികരെ ഏറെ നേരത്തെ പരിശ്രമത്തിനൊടുവിലാണ് സമീപത്തുണ്ടായിരുന്നവർ പുറത്തെടുത്തത്. മൂന്ന് പേര്‍ സംഭവസ്ഥലത്ത് വെച്ചും നാലാമത്തെയാള്‍ ആശുപത്രിയിലുമാണ് മരിച്ചത്.
ഡങ്കൗർ റെയിൽവേ സ്‌റ്റേഷനിലെ മേൽപ്പാലത്തിൽ പകൽസമയത്ത് ഗതാഗതക്കുരുക്ക് രൂക്ഷമാണ്. ബസ് മേൽപ്പാലത്തിൽ നിന്ന് താഴേക്ക് ഇറങ്ങാൻ തുടങ്ങുമ്പോഴായിരുന്നു അപകടം. സെക്കന്തരാബാദ് സ്വദേശി കരൺ (23), ബുലന്ദ്ഷഹർ സ്വദേശി സുശീൽ (30), ഹത്രാസ് സ്വദേശി ബദൻ (26), ഇറ്റാഹ് സ്വദേശി കമലേഷ് (33) എന്നിവർക്കാണ് ബസിടിച്ച് ജീവൻ നഷ്ടമായത്.
ബദനും കമലേഷും ഭാര്യാ സഹോദരന്മാരായിരുന്നു. ദൻകൗർ പ്രദേശത്ത് താമസിച്ച് പാത്രങ്ങൾ വില്പനയായിരുന്നു തൊഴില്‍. ബൈക്കിൽ സെക്കന്തരാബാദിലേക്ക് പോകുകയായിരുന്നു ഇരുവരും. അതിനിടയിലാണ് ഈ അപകടമുണ്ടായത്. ദൻകൗർ പ്രദേശത്തെ അസ്തൗലി ഗ്രാമത്തിലെ സഹോദരിയുടെ വീട്ടിൽ താമസിച്ച് ഒരു കോച്ചിംഗ് സെന്ററില്‍ പഠിക്കുകയായിരുന്നു കരൺ എന്ന് കുടുംബാംഗങ്ങള്‍ പറഞ്ഞു. ഗ്രേറ്റർ നോയിഡയിൽ നിന്ന് തന്റെ ഗ്രാമമായ ബുലന്ദ്ഷഹറിലേക്ക് പോകുകയായിരുന്നു സുശീൽ. മേൽപ്പാലത്തിൽ വെച്ചാണ് ഈ അപകടമുണ്ടായിരുന്നെങ്കിൽ ഇതിലും വലിയ അത്യാഹിതം നടന്നേനെ എന്ന് ദൃക്‌സാക്ഷികൾ പറയുന്നു. ബസ് ഡ്രൈവറുടെ ആരോഗ്യനില വഷളായതിനെ തുടർന്നാണ് അപകടമുണ്ടായത്. മരിച്ചവരുടെ ബന്ധുക്കളുടെ പരാതിയുടെ അടിസ്ഥാനത്തിൽ തുടർ നടപടി സ്വീകരിക്കും.
ബുലന്ദ്ഷഹർ ഡിപ്പോയിലെ ബസിൽ 30 പേർ യാത്ര ചെയ്തിരുന്നു. ഡ്രൈവർക്ക് സ്ട്രോക്ക് വന്നെന്ന് അറിഞ്ഞതോടെ ബസിലുണ്ടായിരുന്നവർ ബഹളം വച്ചു. വഴിയാത്രക്കാരും കടയുടമകളും നിലവിളി കേട്ടു. ആളുകൾക്ക് എന്തെങ്കിലും മനസ്സിലാകും മുൻപേ ബസ് ബൈക്കിൽ പോവുകയായിരുന്ന നാലുപേരെ ഇടിച്ചു തെറിപ്പിച്ചു. ബസിലുണ്ടായിരുന്ന ആർക്കും പരിക്കില്ല. ബസിനുള്ളിലെ ആളുകൾ ബഹളം വച്ചപ്പോൾ അപകടം സംഭവിച്ചതായി കരുതിയതായി ബസിൽ യാത്ര ചെയ്തിരുന്ന സെക്കന്തരാബാദ് സ്വദേശി റിസ്വാൻ പറഞ്ഞു. പെട്ടെന്ന് താന്‍ ഡ്രൈവറെ ശ്രദ്ധിച്ചു എന്ന് റിസ്വാന്‍ പറഞ്ഞു.
ഡ്രൈവർ അബോധാവസ്ഥയിൽ ജനലില്‍ ചാരിക്കിടക്കുകയായിരുന്നു. ബസ് നീങ്ങിക്കൊണ്ടിരുന്നു. ആളുകൾ ധൈര്യം കാണിച്ച് ബസ് നിയന്ത്രിച്ചു. ഡ്രൈവറെ ഗ്രെനോയിലെ ജിംസിൽ പ്രവേശിപ്പിച്ചു. പ്രാഥമിക ശുശ്രൂഷയ്ക്ക് ശേഷം അവിടെ നിന്ന് ഡിസ്ചാർജ് ചെയ്തു. മരിച്ചവരുടെ ബന്ധുക്കളുടെ പരാതിയുടെ അടിസ്ഥാനത്തിൽ കേസിൽ തുടർ നിയമനടപടികൾ സ്വീകരിക്കുമെന്ന് പോലീസ് പറഞ്ഞു.
