കാലടി: മധ്യപ്രദേശ് മുൻ മുഖ്യമന്ത്രി ശ്രീ ശിവരാജ് സിംഗ് ചൗഹാൻ ആദി ഗുരു ശങ്കരാചാര്യരുടെ ജന്മസ്ഥലമായ കാലടിയിലെത്തി ആദി ഗുരുവിനെ ആരാധിക്കുകയും ക്ഷേത്രത്തിൽ വൃക്ഷത്തൈകൾ നടുകയും ചെയ്തു.
ആദിഗുരു ശങ്കരാചാര്യരുടെ ജന്മനാട്ടിൽ ഇന്ന് എത്താൻ കഴിഞ്ഞത് എന്റെ ഭാഗ്യമാണെന്ന് അദ്ദേഹം പറഞ്ഞു. ഇവിടെയാണ് ആദിശങ്കരന്‍ ജനിച്ചത്, ഇവിടെ നിന്ന് ഒരു ഗുരുവിനെ തേടി കാൽനടയായി ഓംകാരേശ്വരത്തേക്ക് പുറപ്പെട്ടു. തന്റെ ഗുരുവിനെ ഓംകാരേശ്വരിൽ കണ്ടെത്തിയെന്നും അവിടെനിന്ന് സന്യാസം സ്വീകരിച്ച് ഭാരതപര്യടനം തുടങ്ങിയെന്നും ശിവരാജ് സിംഗ് ചൗഹാന്‍ പറഞ്ഞു.
ഭാരതം സാംസ്‌കാരികമായി ഏകീകരിക്കപ്പെട്ടത് ആദി ഗുരു ശങ്കരാചാര്യൻ കാരണമാണ്. ആദി ഗുരു ഇന്ത്യയെ മുഴുവൻ ബന്ധിപ്പിക്കാൻ പ്രവർത്തിച്ചു. ആദി ഗുരുജി തന്റെ ഗുരുവിനെ കണ്ടെത്തിയ ഓംകാരേശ്വറിൽ ഏകതയുടെ മഹത്തായ പ്രതിമ നിർമ്മിച്ചിട്ടുണ്ടെന്ന് ശിവരാജ് സിംഗ് ചൗഹാന്‍ പറഞ്ഞു. സംഘർഷമല്ല ഏകോപനം, വിദ്വേഷമല്ല സ്നേഹം, സമാധാനം, എല്ലാ വിവേചനങ്ങളും മായ്ച്ചുകളയണമെന്ന സന്ദേശമാണ് ഇവിടെനിന്ന് പോകുന്നതെന്നും മുൻ മുഖ്യമന്ത്രി പറഞ്ഞു. അതിനുള്ള പ്രവർത്തനങ്ങൾക്ക് തുടക്കമിട്ടിട്ടുണ്ടെന്നും, മുഖ്യമന്ത്രി മോഹൻ യാദവിന്റെ സംഘം പ്രവർത്തനങ്ങൾ മുന്നോട്ട് കൊണ്ടുപോകുമെന്നും ലോകത്തിന് സന്ദേശം നൽകുമെന്നും അദ്ദേഹം പറഞ്ഞു.
കോട്ടയത്ത് നടക്കുന്ന വികാസ് ഭാരത് സങ്കൽപ് യാത്രയിൽ മുൻ മുഖ്യമന്ത്രി പങ്കെടുക്കും. അതിന് ശേഷം വൈകീട്ട് മൂന്നിന് കോട്ടയം നഗരത്തിൽ സംഘടിപ്പിക്കുന്ന വികാസ് ഭാരത് സങ്കൽപ് യാത്രയിൽ പങ്കെടുക്കും.
