വാഷിംഗ്ടണ്‍: 25 മില്യൺ ഡോളറിൻ്റെ നിക്ഷേപ തട്ടിപ്പ് പദ്ധതിയിൽ ടെക്സാസ് ആസ്ഥാനമായുള്ള ഇന്ത്യൻ അമേരിക്കൻ ഇൻവെസ്റ്റ്‌മെൻ്റ് അഡ്വൈസർ കുറ്റക്കാരനാണെന്ന് കണ്ടെത്തി. 36 കാരനായ സിദ്ധാർത്ഥ് ജവഹറിനെ കഴിഞ്ഞ ഡിസംബറിൽ സെൻ്റ് ലൂയിസിലെ യുഎസ് ഡിസ്ട്രിക്റ്റ് കോടതിയിൽ മൂന്ന് വയർ വഞ്ചനകൾക്കും ഒരു നിക്ഷേപ ഉപദേശക തട്ടിപ്പിനും ഒരു ഗ്രാൻഡ് ജൂറി കുറ്റം ചുമത്തിയിരുന്നു.
മിസോറിയിലെ യുഎസ് അറ്റോർണി ഓഫീസ് പറയുന്നതനുസരിച്ച്, ജവഹർ സ്വിഫ്റ്റാർക് ക്യാപിറ്റൽ എൽഎൽസി എന്ന പേരിൽ ഒരു നിക്ഷേപ കമ്പനി നടത്തിയിരുന്നു. 2016 ജൂലൈ മുതൽ ഏകദേശം ഡിസംബർ 2023 വരെ, അദ്ദേഹം സ്വിഫ്റ്റാർക് നിക്ഷേപകരിൽ നിന്ന് 35 മില്യൺ ഡോളറിലധികം സ്വീകരിച്ചു, “എന്നാൽ കമ്പനികളിലെ നിക്ഷേപത്തിനായി ഏകദേശം 10 മില്യൺ ഡോളർ മാത്രമാണ് ചെലവഴിച്ചത്,” യുഎസ് അറ്റോർണി ഓഫീസ് പറഞ്ഞു. പുതിയ നിക്ഷേപകരിൽ നിന്നുള്ള പണം പഴയ നിക്ഷേപകർക്ക് തിരിച്ചടയ്ക്കാനും സ്വകാര്യ വിമാനങ്ങളില്‍ യാത്ര, ആഡംബര ഹോട്ടലുകളിലെ താമസം, ആഡംബര ഭക്ഷണശാലകളിലെ ചെലവേറിയ ഔട്ടിംഗ് എന്നിവ ഉൾപ്പെടുന്ന അതിരു കടന്ന ജീവിതശൈലിയാണ് സിദ്ധാര്‍ത്ഥ് ജവഹര്‍ നയിച്ചതെന്ന് കുറ്റപത്രത്തില്‍ പറയുന്നു.
കോടതി കുറ്റപത്രം അനുസരിച്ച്, Swiftarc തുടക്കത്തിൽ വൈവിധ്യമാർന്ന സെക്യൂരിറ്റികളിൽ നിക്ഷേപിച്ചിരുന്നു. എന്നാൽ, 2015 ൽ, ജവഹർ ഭൂരിഭാഗം ക്ലയൻ്റ് ഫണ്ടുകളും ഫിലിപ്പ് മോറിസ് പാക്കിസ്താന്‍ (PMP) എന്ന ഒരൊറ്റ നിക്ഷേപത്തിൽ നിക്ഷേപിക്കാൻ തുടങ്ങി. ഒടുവിൽ, ക്ലയൻ്റ് ഫണ്ടുകളുടെ 99% പിഎംപി നിക്ഷേപത്തിലേക്ക് ഏകീകരിക്കപ്പെട്ടതായി കുറ്റപത്രത്തിൽ പറയുന്നു. PMP യുടെ മൂല്യം ഗണ്യമായി കുറഞ്ഞ വിവരം നിക്ഷേപകരെ ജവഹർ അറിയിച്ചില്ല. പകരം നിക്ഷേപകർക്ക് ഓഹരികൾ വളരെ ഉയർന്ന വിലയിലാണ് വ്യാപാരം ചെയ്യുന്നതെന്നും, നിക്ഷേപകരെ അവരുടെ ലാഭത്തെക്കുറിച്ച് തെറ്റിദ്ധരിപ്പിക്കുകയും ചെയ്തു.
175,000 ഡോളർ നിക്ഷേപം നിശ്ചിത കമ്പനികളിലേക്ക് പോകുമെന്ന് ജവഹർ കിഴക്കൻ മിസോറിയിലെ ഒരാളെ തെറ്റിദ്ധരിപ്പിച്ചതായി കുറ്റപത്രം ആരോപിക്കുന്നു. ന്യൂയോർക്ക് നിക്ഷേപകനോട് 350,000 ഡോളറും ഒഹായോ നിക്ഷേപകനോട് 250,000 ഡോളറും ഇതേ രീതിയിൽ തന്നെ പറഞ്ഞതായി കുറ്റപത്രത്തിൽ പറയുന്നു.
2022 ജൂൺ 7-ന്, ടെക്സാസ് സ്റ്റേറ്റ് സെക്യൂരിറ്റീസ് ബോർഡ് നിക്ഷേപ പ്രവർത്തനങ്ങൾ നടത്താനുള്ള സ്വിഫ്റ്റാർക്ക് ക്യാപിറ്റലിൻ്റെ അധികാരം റദ്ദാക്കുകയും “വഞ്ചനയിൽ ഏർപ്പെടുന്നതിൽ നിന്ന് വിട്ടുനിൽക്കാനും” ജവഹറിനോട് ഉത്തരവിടുകയും ചെയ്തു. നിക്ഷേപകരുടെ പണം കൈക്കലാക്കുന്നതിന് മുമ്പ് ജവഹർ നിക്ഷേപകരെ അറിയിച്ചിട്ടില്ലെന്നും സംസ്ഥാന ബോർഡിൻ്റെ ഉത്തരവിന് ആഴ്ചകൾക്ക് ശേഷം ഒരു നിക്ഷേപകനിൽ നിന്ന് 1 മില്യൺ ഡോളർ ഉൾപ്പെടെയുള്ള നിക്ഷേപക ഫണ്ട് വഞ്ചനാപരമായി അഭ്യർത്ഥിക്കുകയും സ്വീകരിക്കുകയും ചെയ്തുവെന്നും കുറ്റപത്രത്തിൽ പറയുന്നു.
കോടതിയിൽ ഹാജരാക്കുന്നത് വരെ കസ്റ്റഡിയിൽ തുടരാനാണ് ഇപ്പോൾ ഉത്തരവിട്ടിരിക്കുന്നത്. വയർ വഞ്ചനാ കുറ്റങ്ങൾക്ക് 20 വർഷം വരെ തടവോ 250,000 ഡോളർ പിഴയോ അല്ലെങ്കിൽ രണ്ടും കൂടിയോ ശിക്ഷ ലഭിക്കും. ഇൻവെസ്റ്റ്‌മെൻ്റ് അഡൈ്വസർ വഞ്ചനാ കുറ്റത്തിന് അഞ്ച് വർഷം വരെ തടവോ 10,000 ഡോളർ പിഴയോ അല്ലെങ്കിൽ രണ്ടും കൂടിയോ ശിക്ഷ ലഭിക്കും.
