റായ്പൂർ: ഛത്തീസ്ഗഢിലെ രണ്ട് മൊബൈല്‍ ടവറുകള്‍ നക്സലൈറ്റുകള്‍ തീ വെച്ച് നശിപ്പിച്ചു. തിങ്കളാഴ്ച ഗൗർദണ്ഡ്, ചമേലി ഗ്രാമങ്ങളിലെ രണ്ട് മൊബൈൽ ടവറുകൾക്കാണ് തീയിട്ടത്. നാരായൺപൂരിലെ ഛോട്ടേഡോംഗർ പോലീസ് സ്റ്റേഷൻ പരിധിയിലാണ് സംഭവങ്ങൾ നടന്നത്.
ആക്രമണത്തെ തുടർന്ന് ജില്ലാ പോലീസും ഐടിബിപിയും തിരച്ചിൽ ആരംഭിച്ചിട്ടുണ്ട്. ദിവസങ്ങൾക്ക് മുമ്പ്, മെയ് 25 ന്, ബീജാപ്പൂരിലെ ജപ്പേമർക, കാംകനാർ വനങ്ങളിൽ സുരക്ഷാ സേന നക്‌സലൈറ്റുകളുമായുള്ള ഏറ്റുമുട്ടലിൽ ഏർപ്പെട്ടിരുന്നു, അതിൻ്റെ ഫലമായി രണ്ട് കലാപകാരികൾ കൊല്ലപ്പെട്ടു.
ഏറ്റുമുട്ടൽ നടന്ന സ്ഥലത്ത് നിന്ന് ആയുധങ്ങൾ, വയർലെസ് സെറ്റുകൾ, മാവോയിസ്റ്റ് യൂണിഫോം, മരുന്നുകൾ, നിരോധിത മാവോയിസ്റ്റ് സംഘടനയുടെ പ്രചരണ സാമഗ്രികൾ, സാഹിത്യങ്ങൾ, നിത്യോപയോഗ സാധനങ്ങൾ എന്നിവ കണ്ടെടുത്തതായി ബിജാപൂർ പോലീസ് സൂപ്രണ്ട് ജിതേന്ദ്ര യാദവ് വെളിപ്പെടുത്തി.
നേരത്തെ, മറ്റൊരു ഏറ്റുമുട്ടലിൽ, ഛത്തീസ്ഗഡിലെ ബസ്തർ മേഖലയിൽ സ്ഥിതി ചെയ്യുന്ന കങ്കേറിൽ നടന്ന വെടിവയ്പിൽ മൂന്ന് സുരക്ഷാ ഉദ്യോഗസ്ഥർക്ക് പരിക്കേറ്റിരുന്നു. 29 നക്‌സലുകളെ നിർവീര്യമാക്കിയിരുന്നു.
