ബിദാർ (കർണാടക): നടൻ പ്രഭാസ് നായകനായ ‘ആദിപുരുഷ്’ എന്ന ചിത്രത്തിലെ ഒരു സാംസ്കാരിക പരിപാടിയിൽ ഗാനം ആലപിക്കുന്നതുമായി ബന്ധപ്പെട്ട് എഞ്ചിനീയറിംഗ് കോളേജിൽ രണ്ട് കൂട്ടം വിദ്യാർത്ഥികൾ തമ്മിൽ സംഘർഷം ഉണ്ടായതായി പോലീസ് വൃത്തങ്ങൾ അറിയിച്ചു.
ജയ് ശ്രീറാം ഗാനം ആലപിച്ചതിന് തൊട്ടുപിന്നാലെ ബിദറിലെ ഗുരുനാനാക് ദേവ് എഞ്ചിനീയറിംഗ് കോളേജിൽ ഒരു വിഭാഗം വിദ്യാർത്ഥികൾ ഇതിനെതിരെ പ്രതിഷേധിക്കുകയും മറ്റൊരു ഗ്രൂപ്പുമായി ഏറ്റുമുട്ടുകയും ചെയ്തു.
കോളേജ് ഓഡിറ്റോറിയത്തിനുള്ളിൽ നടന്ന സംഘർഷത്തിൽ ഒരു വിദ്യാർത്ഥിക്ക് പരിക്കേറ്റതായി വൃത്തങ്ങൾ അറിയിച്ചു. സംഭവമറിഞ്ഞ് പോലീസ് സ്ഥലത്തെത്തി. പിന്നീട് കർണാടക മന്ത്രിമാരായ ഈശ്വർ ഖണ്ഡേ, റഹീം ഖാൻ എന്നിവരും കോളേജ് സന്ദർശിച്ച് സ്ഥിതിഗതികൾ ശാന്തമാക്കി.
