ന്യൂയോര്‍ക്ക്: ടി20 ലോകകപ്പിൽ ഇന്ത്യക്ക് മികച്ച തുടക്കം. ആദ്യ മത്സരത്തിൽ രോഹിത് ശർമ്മയുടെ ടീം 8 വിക്കറ്റിന് അയർലൻഡിനെ പരാജയപ്പെടുത്തി. അതിന് ശേഷം അവസാന പന്ത് വരെ നീണ്ട് നിന്ന പാക്കിസ്താനെതിരായ മത്സരം 6 റൺസിന് വിജയിച്ചു. ഇനി മൂന്നാം മത്സരത്തിൽ ആതിഥേയരായ അമേരിക്കയെയാണ് ടീമിന് നേരിടേണ്ടത്. ഈ മത്സരത്തിൽ ജയിച്ചാൽ ഇന്ത്യ സൂപ്പർ-8ൽ എത്തും. ആദ്യ രണ്ട് മത്സരങ്ങളിലും ഇന്ത്യയുടെ പ്ലേയിംഗ്-11 സമാനമാണ്. ഇത്തരമൊരു സാഹചര്യത്തിൽ അമേരിക്കക്കെതിരെ രോഹിത് ശർമ്മ എന്തെങ്കിലും മാറ്റമുണ്ടാക്കുമോ? രണ്ട് മാച്ച് വിന്നർമാരുടെ ടീമിലേക്ക് രോഹിത് എത്തുമോ എന്ന് കണ്ടറിയണം.
കുൽദീപ് യാദവിനും യശസ്വി ജയ്‌സ്വാളിനും ആദ്യ രണ്ട് മത്സരങ്ങളിൽ അവസരം ലഭിച്ചിരുന്നില്ല. കുൽദീപ് യാദവ് ഇപ്പോൾ മികച്ച ഫോമിലാണ്. അടുത്തിടെ സമാപിച്ച ഐപിഎല്ലിൽ ഡൽഹി ക്യാപിറ്റൽസിനായി കുൽദീപ് മികച്ച പ്രകടനം നടത്തിയിരുന്നു. എന്നാൽ, രോഹിത് ശർമ്മ അദ്ദേഹത്തെ ഉൾപ്പെടുത്താതെ പ്ലേയിംഗ്-11 ൽ അക്ഷര് പട്ടേലിന് അവസരം നൽകി. മറുവശത്ത്, യശസ്വി ജയ്‌സ്വാളിനും പ്ലേയിംഗ്-11 ൽ അവസരം ലഭിച്ചിട്ടില്ല. രോഹിത് ശർമ്മയും വിരാട് കോഹ്‌ലിയുമാണ് ഓപ്പണർമാർ. ഇത്തരമൊരു സാഹചര്യത്തിൽ അമേരിക്കയ്‌ക്കെതിരായ മത്സരത്തിൽ രോഹിത് ശർമ്മ പ്ലെയിംഗ്-11ൽ മാറ്റങ്ങൾ വരുത്തുമോ എന്നതാണ് ഇനി കണ്ടറിയേണ്ടത്.
യുസ്വേന്ദ്ര ചാഹലിനും സഞ്ജു സാംസണിനും ഇതുവരെ പ്ലെയിങ് 11ൽ അവസരം ലഭിച്ചിട്ടില്ല. കഴിഞ്ഞ ഐപിഎൽ സീസണിൽ ഈ രണ്ട് താരങ്ങളും അത്ഭുതകരമായ പ്രകടനമാണ് നടത്തിയത്. രാജസ്ഥാൻ റോയൽസിനായി ഏറ്റവും കൂടുതൽ വിക്കറ്റ് നേടിയവരിൽ ചാഹലും സഞ്ജു സാംസൺ 500+ റൺസും നേടിയിരുന്നു. ടൂർണമെൻ്റ് തുടങ്ങുന്നതിന് മുമ്പുള്ള പരിശീലന മത്സരത്തിൽ സാംസണിന് അവസരം ലഭിച്ചെങ്കിലും പ്രത്യേകിച്ചൊന്നും ചെയ്യാൻ സാധിച്ചില്ല. ഇത്തരമൊരു സാഹചര്യത്തിൽ ഈ രണ്ട് താരങ്ങൾക്കും പ്ലെയിങ്-11ൽ അവസരം ലഭിക്കുമോയെന്ന് കണ്ടറിയണം. അമേരിക്കയ്ക്കും കാനഡയ്ക്കുമെതിരെയാണ് ഇന്ത്യ അടുത്ത രണ്ട് ഗ്രൂപ്പ് ഘട്ട മത്സരങ്ങൾ കളിക്കേണ്ടത്.
ആദ്യ രണ്ട് മത്സരങ്ങളിൽ ഇന്ത്യയുടെ പ്ലെയിങ്-11 ഇവര്‍
രോഹിത് ശർമ (ക്യാപ്റ്റൻ), വിരാട് കോഹ്‌ലി, ഋഷഭ് പന്ത് (വിക്കറ്റ് കീപ്പർ), സൂര്യകുമാർ യാദവ്, ശിവം ദുബെ, ഹാർദിക് പാണ്ഡ്യ, രവീന്ദ്ര ജഡേജ, അക്സർ പട്ടേൽ, ജസ്പ്രീത് ബുംറ, മുഹമ്മദ് സിറാജ്, അർഷ്ദീപ് സിങ്.
ടീം ഇന്ത്യയുടെ ലോക കപ്പ് സ്ക്വാഡ്
രോഹിത് ശർമ്മ (ക്യാപ്റ്റൻ), ഹാർദിക് പാണ്ഡ്യ (വൈസ് ക്യാപ്റ്റൻ), യശസ്വി ജയ്‌സ്വാൾ, വിരാട് കോഹ്‌ലി, സൂര്യകുമാർ യാദവ്, ഋഷഭ് പന്ത് (വിക്കറ്റ് കീപ്പർ), സഞ്ജു സാംസൺ (വിക്കറ്റ് കീപ്പർ), ശിവം ദുബെ, രവീന്ദ്ര ജഡേജ, അക്സർ പട്ടേൽ, കുൽദീപ് യാദവ്, യുസ്വേന്ദ്ര യാദവ്, യുസ്വേന്ദ്ര യാദവ്, അർഷ്ദീപ് സിംഗ്, ജസ്പ്രീത് ബുംറ, മുഹമ്മദ് സിറാജ്.
