2020-21 വർഷത്തിൽ, കൊറോണ വൈറസ് ലോകമെമ്പാടുമുള്ള ദശലക്ഷക്കണക്കിന് ആളുകളെ ബാധിച്ചു. പകർച്ചവ്യാധിക്ക് ശേഷം വാക്സിൻ ലഭ്യമായപ്പോൾ, എല്ലാവര്ക്കും ആശ്വാസം ലഭിച്ചു എങ്കിലും കോവിഡിന് ശേഷം, ഹൃദയാഘാത കേസുകളിൽ പെട്ടെന്ന് വർദ്ധനവുണ്ടായി. ഡൽഹി എയിംസിലെ ഡോക്ടർ കരണ് മദന് ഇതിനെക്കുറിച്ച് തന്റെ അഭിപ്രായം പറഞ്ഞിട്ടുണ്ട്.
ന്യൂഡല്ഹി: 2020 ലും 2021 ലും കൊറോണ വൈറസ് പകർച്ചവ്യാധി ലോകത്തെ മുഴുവൻ പിടിച്ചുകുലുക്കി. ഈ അപകടകരമായ വൈറസ് മൂലം ദശലക്ഷക്കണക്കിന് ആളുകൾക്ക് ജീവൻ നഷ്ടപ്പെട്ടു. കോവിഡ്-19 നുള്ള വാക്സിൻ വന്നപ്പോൾ, എല്ലാവര്ക്കും വലിയ ആശ്വാസമാണ് ലഭിച്ചത്. മാത്രമല്ല, അത് അണുബാധയെ ചെറുക്കാനും സഹായിച്ചു. എന്നാൽ, സമീപ വർഷങ്ങളിൽ, ഹൃദയാഘാതം മൂലമുള്ള പെട്ടെന്നുള്ള മരണങ്ങളെക്കുറിച്ചും, കോവിഡ് വാക്സിൻ ആണോ ഇതിന് കാരണമെന്ന് ചർച്ചകൾ നടക്കുന്നുണ്ട്.
ക്രിക്കറ്റ് കളിക്കുമ്പോഴോ വിവാഹച്ചടങ്ങിൽ നൃത്തം ചെയ്യുമ്പോഴോ ആളുകൾ പെട്ടെന്ന് മരിക്കുന്നത് സമൂഹത്തിൽ ആശങ്ക സൃഷ്ടിച്ചുകൊണ്ടിരിക്കുകയാണ്. ഈ സംഭവങ്ങൾക്ക് ശേഷം, കോവിഡ് വാക്സിന് ഹൃദ്രോഗങ്ങളുമായി എന്തെങ്കിലും ബന്ധമുണ്ടോ എന്ന ചോദ്യം ഉയർന്നുവന്നു? എന്നാൽ, ഇപ്പോൾ എയിംസ് ഡൽഹി, ജിബി പന്ത് ആശുപത്രി, ഐസിഎംആർ എന്നിവിടങ്ങളിലെ വിദഗ്ധർ ഈ ആശയക്കുഴപ്പം നീക്കി.
മഹാമാരിയുടെ സമയത്ത് ജീവൻ രക്ഷിക്കുന്നതിൽ കോവിഡ്-19 വാക്സിനുകൾ ഒരു പ്രധാന പങ്ക് വഹിച്ചിട്ടുണ്ടെന്ന് എയിംസ് ഡൽഹിയിലെ പൾമണോളജി വിഭാഗത്തിലെ അസോസിയേറ്റ് പ്രൊഫസർ ഡോ. കരൺ മദൻ പറഞ്ഞു. പെട്ടെന്നുള്ള ഹൃദയാഘാത മരണങ്ങളും വാക്സിനുകളും തമ്മിൽ നേരിട്ടുള്ള ബന്ധം കണ്ടെത്തിയിട്ടില്ലെന്ന് അദ്ദേഹം വ്യക്തമാക്കി. വാക്സിനുകൾ മരണനിരക്ക് കുറച്ചിട്ടുണ്ടെന്നും അവയുടെ ഗുണങ്ങൾ ഏതൊരു ഭയത്തേക്കാളും വളരെ വലുതാണെന്നും അദ്ദേഹം പറയുന്നു.
യുവാക്കളിൽ ഹൃദയാഘാതം ഉണ്ടാകുന്നതിനെക്കുറിച്ച് പഠനങ്ങൾ നടന്നിട്ടുണ്ടെന്നും എന്നാൽ അവ കോവിഡ് വാക്സിനുമായി നേരിട്ട് ബന്ധപ്പെട്ടിരിക്കുന്നുവെന്ന് ഒരു ഗവേഷണവും തെളിയിച്ചിട്ടില്ലെന്നും എയിംസ് മുൻ ഡയറക്ടർ ഡോ. രൺദീപ് ഗുലേറിയ പറഞ്ഞു. എല്ലാ മരുന്നുകൾക്കും ചില പാർശ്വഫലങ്ങൾ ഉണ്ടാകാമെന്നും എന്നാൽ, കോവിഡ് വാക്സിനും ഹൃദയാഘാതവും തമ്മിൽ ശാസ്ത്രീയ ബന്ധം തെളിയിക്കപ്പെട്ടിട്ടില്ലെന്നും അദ്ദേഹം പറഞ്ഞു.
ജിബി പന്ത് ആശുപത്രിയിലെ കാർഡിയോളജി വിഭാഗം പ്രൊഫസർ ഡോ. മോഹിത് ഗുപ്ത 1600 ഹൃദയാഘാത രോഗികളിൽ ഒരു പഠനം നടത്തി. കോവിഡ് വാക്സിൻ എടുത്തവരിൽ ഹൃദയാഘാതത്തിനും പെട്ടെന്നുള്ള മരണത്തിനും സാധ്യത ഗണ്യമായി കുറവാണെന്ന് ഫലങ്ങൾ കണ്ടെത്തി. കൂടാതെ, വാക്സിനേഷൻ എടുത്തവരിൽ 30 ദിവസവും 6 മാസവും മരണ സാധ്യതയും കുറവായിരുന്നു. കോവിഷീൽഡ്, കോവാക്സിൻ വാക്സിനുകൾ സുരക്ഷിതമാണെന്നും ഹൃദയത്തിൽ ഒരു നെഗറ്റീവ് ഫലവും കണ്ടെത്തിയിട്ടില്ലെന്നും അദ്ദേഹം പറഞ്ഞു.
