ജമ്മു കശ്മീരിലെ പഹൽഗാമിൽ പാക്കിസ്താന് ഭീകരർ 26 നിരപരാധികളെ കൊലപ്പെടുത്തിയതിനെത്തുടർന്ന്, ലഷ്കർ-ഇ-തൊയ്ബ ഡെപ്യൂട്ടി ചീഫ് സൈഫുള്ള കസൂരി ഇന്ത്യയ്ക്കെതിരെ ഭീഷണി മുഴക്കി. ഇന്ത്യൻ സുരക്ഷാ ഏജൻസികൾ അതീവ ജാഗ്രതയിലാണ്. കസൂരിയുടെ ഇന്ത്യയ്ക്കെതിരായ ഭീഷണി പ്രസ്താവനകൾ തീവ്രവാദത്തിനെതിരെ പോരാടുന്നതിന് കൂടുതൽ കർശനമായ സുരക്ഷാ നടപടികൾ ആസൂത്രണം ചെയ്യാൻ ഇന്ത്യൻ ഏജൻസികളെ പ്രേരിപ്പിച്ചു.
ഇക്കഴിഞ്ഞ ഏപ്രിലിൽ, ജമ്മു കശ്മീരിലെ പഹൽഗാമിൽ പാകിസ്ഥാൻ ഭീകരർ 26 നിരപരാധികളെ കൊലപ്പെടുത്തി, രാജ്യത്തെ മുഴുവൻ ഞെട്ടിച്ചു. ഇന്ത്യൻ സുരക്ഷാ സേനയ്ക്കും സാധാരണക്കാർക്കും കനത്ത പ്രഹരമായിരുന്നു ഈ ആക്രമണം. തുടർന്ന്, മെയ് മാസത്തിൽ ഇന്ത്യയും പാക്കിസ്താനും തമ്മിൽ ഒരു യുദ്ധവും ആരംഭിച്ചു. അതിൽ പാക്കിസ്താൻ പരാജയപ്പെട്ടു. ഇപ്പോള് പാക്കിസ്താൻ ഭീകര സംഘടനയായ ലഷ്കർ-ഇ-തൊയ്ബയുടെ ഡെപ്യൂട്ടി ചീഫ് സൈഫുള്ള കസൂരി ഇന്ത്യയ്ക്കെതിരെ ഭീഷണി മുഴക്കിയിരിക്കുകയാണ്. ആ ഭീഷണി ഇന്ത്യൻ സുരക്ഷാ ഏജൻസികൾ ഗൗരവമായി എടുത്തിട്ടുണ്ട്.
ജമ്മു കശ്മീരിലും അതിലെ അണക്കെട്ടുകളിലും നദികളിലും പാക്കിസ്താൻ ഉടൻ തന്നെ നിയന്ത്രണം നേടുമെന്നാണ് സൈഫുള്ള കസൂരി ഇന്ത്യൻ സർക്കാരിന് മുന്നറിയിപ്പ് നൽകിയിരിക്കുന്നത്. ഇന്ത്യയെ വെല്ലുവിളിക്കാനും ഭീകരതയെ പ്രോത്സാഹിപ്പിക്കാനുമുള്ള ശ്രമമാണിതെന്ന് കണക്കാക്കപ്പെടുന്നു. “ഇന്ന് എന്ത് സംഭവിച്ചാലും പ്രതികാരം ചെയ്യും, നമ്മുടെ ജീവൻ പോലും വകവയ്ക്കാതെ നമ്മുടെ രാജ്യത്തെ സംരക്ഷിക്കും” എന്ന് കസൂരി പറഞ്ഞു. ഇതിനെത്തുടർന്ന്, ഇന്ത്യൻ സുരക്ഷാ ഏജൻസികൾക്ക് ജാഗ്രതാ നിർദ്ദേശം നൽകിയിട്ടുണ്ട്. ഇത്തരം ഭീകരാക്രമണങ്ങൾ തടയാൻ എല്ലാ ശ്രമങ്ങളും നടത്തുന്നുണ്ടെന്നും, ഇത്തരം ഭീഷണികളെ നേരിടാൻ കൂടുതൽ കർശനമായ നടപടികൾ ഇന്ത്യൻ സർക്കാർ സ്വീകരിക്കുമെന്ന് അധികൃതര് പറഞ്ഞു.
പാക്കിസ്താനിലെ പഞ്ചാബ് പ്രവിശ്യയിൽ നിന്നുള്ള സൈഫുള്ള കസൂരി പാക്കിസ്താന് ലഷ്കർ-ഇ-തൊയ്ബയുടെ ഡെപ്യൂട്ടി മേധാവിയാണ്. ഇന്ത്യയ്ക്കെതിരെ നിരവധി ഭീകരാക്രമണങ്ങൾ ആസൂത്രണം ചെയ്ത ഭീകരൻ ഹാഫിസ് സയീദിന്റെ അടുത്ത അനുയായിയായി ഇയാൾ കണക്കാക്കപ്പെടുന്നു. ഏകദേശം 40 മുതൽ 45 വയസ്സ് വരെ പ്രായമുള്ള കസൂരി കഴിഞ്ഞ 20-25 വർഷമായി തീവ്രവാദ പ്രവർത്തനങ്ങളിൽ ഏർപ്പെട്ടിരിക്കുന്നു. കസൂരി ഇടയ്ക്കിടെ ഇന്ത്യയ്ക്കെതിരെ പ്രകോപനപരമായ പ്രസ്താവനകൾ നടത്തുകയും പാക്കിസ്താന് സൈന്യവും ഐഎസ്ഐയും നടത്തുന്ന പരിപാടികളിൽ സജീവമായി പങ്കെടുക്കുകയും ചെയ്തിട്ടുണ്ട്.
കനത്ത സുരക്ഷയിലാണ് കസൂരി പാക്കിസ്താനില് കഴിയുന്നത്. ആധുനിക ആയുധങ്ങൾ ധരിച്ച പരിശീലനം ലഭിച്ച തീവ്രവാദികൾ എപ്പോഴും ഇയാളുടെ ചുറ്റുമുണ്ട്.. കൂടാതെ, പാക്കിസ്താന് രഹസ്യാന്വേഷണ ഏജൻസിയായ ഐഎസ്ഐയുടെയും സൈന്യത്തിന്റെയും ഒത്താശയോടെ ഇന്ത്യയ്ക്കെതിരെ നിരവധി തവണ ഗൂഢാലോചന നടത്തുകയും ഭീഷണി മുഴക്കുകയും ചെയ്തിട്ടുണ്ട്.
