ആല്ബനി (ന്യൂയോര്ക്ക്): സിബിഎസ്-6 ന് നൽകിയ ലൈവ് ടെലിവിഷൻ അഭിമുഖത്തിൽ, ന്യൂയോർക്കിലെ ആല്ബനി സ്വദേശിയായ ലോറൻസ് ക്രൗസ് എട്ട് വർഷം മുമ്പ് തന്റെ വൃദ്ധരായ മാതാപിതാക്കളെ കൊലപ്പെടുത്തി അവരുടെ മൃതദേഹങ്ങൾ വീടിന് പിന്നിൽ കുഴിച്ചിട്ടതായി സെൻസേഷണൽ വെളിപ്പെടുത്തൽ നടത്തി. 53 കാരനായ ക്രൗസ് ഇതിനെ “ദയാ കൊലപാതകം” എന്നാണ് വിശേഷിപ്പിച്ചത്. കാരണം മാതാപിതാക്കളുടെ ആരോഗ്യം മോശമായിരുന്നതു കൊണ്ടാണത്രെ അവരെ കൊല ചെയ്യേണ്ടി വന്നത്.
CBS6 ന്യൂസ് ഡയറക്ടർ സ്റ്റോൺ ഗ്രിസ്സമിന് ക്രൗസിൽ നിന്ന് രണ്ട് പേജുള്ള ഒരു ഇമെയിൽ ലഭിച്ചതാണ് തുടക്കം. അതിൽ ക്രൗസ് തന്റെ മാതാപിതാക്കളെ കൊലപ്പെടുത്തി വീടിന് പിന്നില് കുഴിച്ചിട്ടതായി സമ്മതിച്ചു. ഗ്രിസ്സം അദ്ദേഹത്തെ ഒരു അഭിമുഖത്തിനായി വിളിച്ചു. ഒരു മണിക്കൂറിനുള്ളിൽ ക്രൗസ് ആല്ബനിയുടെ അടുത്ത പ്രദേശമായ നിസ്കായുനയിലുള്ള സ്റ്റുഡിയോയിൽ എത്തി. അവതാരകൻ ഗ്രെഗ് ഫ്ലോയ്ഡ് വലിയ തയ്യാറെടുപ്പുകളില്ലാതെയാണ് തന്റെ ചോദ്യങ്ങൾ ആരംഭിച്ചത്. എട്ട് മിനിറ്റ് നീണ്ടുനിന്ന സംഭാഷണത്തിൽ, 92 ഉം 83 ഉം വയസ്സുള്ള തന്റെ മാതാപിതാക്കളെ കഴുത്തു ഞെരിച്ച് കൊന്നതായി ക്രൗസ് സമ്മതിച്ചു. അദ്ദേഹം അതിനെ ഒരു “ദയാ കൊലപാതകം” എന്ന് വിശേഷിപ്പിക്കുകയും ചെയ്തു.
തന്റെ അമ്മയ്ക്ക് ഒരു വീഴ്ചയിൽ പരിക്കേറ്റിരുന്നുവെന്നും, തിമിര ശസ്ത്രക്രിയയ്ക്ക് ശേഷം പിതാവിന് വാഹനമോടിക്കാൻ കഴിയാതെ വന്നിരുന്നുവെന്നും ക്രൗസ് വിശദീകരിച്ചു. “അവരുടെ അന്ത്യം അടുത്തിരിക്കുന്നുവെന്ന് അവർക്ക് അറിയാമായിരുന്നു. ഞാൻ അവരുടെ കഷ്ടപ്പാടുകൾ അവസാനിപ്പിച്ചു” എന്ന് ക്രൗസ് പറഞ്ഞു. മാതാപിതാക്കളുടെ സമ്മതത്തോടെയാണ് താൻ എല്ലാം ചെയ്തതെന്ന് ക്രൗസ് അവകാശപ്പെട്ടു. എന്നാൽ, നിയമത്തിന്റെ ദൃഷ്ടിയിൽ ഈ “ദയ” അവകാശവാദം കൊലപാതകമാണ്. അഭിമുഖത്തിന് ശേഷം ക്രൗസിനെ ഉടൻ അറസ്റ്റ് ചെയ്തു കോടതിയിൽ ഹാജരാക്കി.
തെരേസയുടെയും ഫ്രാൻസ് ക്രൗസിന്റെയും സ്ഥലത്തെയും സാമ്പത്തിക സ്ഥിതിയെയും കുറിച്ചുള്ള സോഷ്യൽ സെക്യൂരിറ്റി അഡ്മിനിസ്ട്രേഷൻ അന്വേഷണത്തിൽ സ്റ്റേറ്റ് പോലീസും ആല്ബനി കൗണ്ടി ഡിസ്ട്രിക്റ്റ് അറ്റോർണി ഓഫീസും ഉൾപ്പെടെ ഒന്നിലധികം ഏജൻസികൾ ഉൾപ്പെട്ടിരുന്നു.
ക്രൗസിന്റെ മാതാപിതാക്കളായ ഫ്രാൻസും തെരേസയും വർഷങ്ങളായി അവരുടെ പേരിൽ സോഷ്യല് സെക്യൂരിറ്റി പേയ്മെന്റുകൾ സ്വീകരിച്ചിരുന്നുവെങ്കിലും അവരെ എവിടെയും കാണാനില്ലായിരുന്നു. അവർ ജർമ്മനിയിലേക്ക് മടങ്ങിയതായിരിക്കും എന്ന് അയല്ക്കാര് കരുതി. വ്യക്തിപരമായ ചെലവുകൾക്കായി ക്രൗസ് മാതാപിതാക്കളുടെ ആനുകൂല്യങ്ങൾ ഉപയോഗിച്ചതായി പോലീസ് പറഞ്ഞു.
53 കാരനായ ലോറൻസ് ക്രൗസിനെ വെള്ളിയാഴ്ച രാവിലെ ആൽബനി സിറ്റി കോടതിയിൽ ജഡ്ജി ജോഷ്വ ഫാരെലിന്റെ മുമ്പാകെ ഹാജരാക്കി. ക്രൗസിനെതിരെ രണ്ട് കൊലപാതക കുറ്റങ്ങളും മൃതദേഹം ഒളിപ്പിച്ചതിന് രണ്ട് കുറ്റങ്ങളും ചുമത്തിയിട്ടുണ്ട്. അതേസമയം താന് “കുറ്റക്കാരനല്ല” എന്ന് കോടതിയില് പറഞ്ഞു. ഒക്ടോബർ 1 ന് ഒരു പ്രീ-ട്രയൽ ഹിയറിംഗ് ഷെഡ്യൂൾ ചെയ്തിട്ടുണ്ട്.
2017 ൽ തന്റെ വൃദ്ധ മാതാപിതാക്കളായ തെരേസയെയും ഫ്രാൻസ് ക്രൗസിനെയും കൊന്ന് അവരുടെ മൃതദേഹങ്ങൾ 6 ക്രസ്റ്റ്വുഡ് കോര്ട്ടിലുള്ള വീടിന്റെ പിൻവശത്ത് അടക്കം ചെയ്തതായി സമ്മതിച്ച അഭിമുഖത്തിന് ശേഷം വ്യാഴാഴ്ച വൈകുന്നേരം നിസ്കായുനയിലെ WRGB ടിവി സ്റ്റുഡിയോകൾക്ക് പുറത്ത് വെച്ചാണ് പോലീസ് ക്രൗസിനെ അറസ്റ്റ് ചെയ്തത്.
"I buried them in their property." In an interview with CBS6 Albany, Lorenz Kraus admitted to killing his parents and burying their bodies in the backyard of their family home. pic.twitter.com/KBFysfiazs
— USA TODAY (@USATODAY) September 27, 2025
