ദോഹ (ഖത്തര്): മൂന്ന് വർഷമായി കനേഡിയൻ ജയിലിൽ നിന്ന് ചാടി ഒളിവിൽ കഴിഞ്ഞിരുന്ന കാനഡയിലെ ഏറ്റവും കൂടുതൽ തിരയുന്ന കുറ്റവാളികളിൽ ഒരാളായ റാബിഹ് അൽഖലീൽ ഒടുവിൽ ഖത്തറിൽ അറസ്റ്റിലായി. 38 കാരനായ അൽഖലീൽ കൊലപാതകം, കൊക്കെയ്ൻ കടത്താനുള്ള ഗൂഢാലോചന എന്നിവയുൾപ്പെടെ നിരവധി ഗുരുതരമായ കുറ്റങ്ങൾ നേരിട്ടിരുന്നു. കനേഡിയൻ ജയിലിൽ നിന്ന് രക്ഷപ്പെട്ടതിന് ശേഷം കൊലപാതക വിചാരണയ്ക്കിടെ ഒളിവിലായിരുന്നു.
കനേഡിയന് അധികൃതര്ക്ക് കൈമാറുന്നതിനായി കാത്തിരിക്കുന്ന അൽഖലീൽ ഖത്തറിൽ കസ്റ്റഡിയിൽ തുടരുകയാണ്. ഖത്തർ ആഭ്യന്തര മന്ത്രാലയം, ഇന്റർപോൾ നാഷണൽ സെൻട്രൽ ബ്യൂറോ (ദോഹ, ഒട്ടാവ), റോയൽ കനേഡിയൻ മൗണ്ടഡ് പോലീസ് (ആർസിഎംപി), ബ്രിട്ടീഷ് കൊളംബിയയിലെ കമ്പൈൻഡ് ഫോഴ്സ് സ്പെഷ്യൽ എൻഫോഴ്സ്മെന്റ് യൂണിറ്റ്, ആർസിഎംപി ഫെഡറൽ പോളിസിംഗ് പസഫിക് മേഖല എന്നിവയുടെ സഹകരണത്തിലൂടെയാണ് അല്ഖലീലിന്റെ അറസ്റ്റ് സാധ്യമായത്.
