തിരുവനന്തപുരം: തിരുവനന്തപുരം മേയർ വി.വി. രാജേഷും ഡപ്യൂട്ടി മേയർ ജി.എസ്. ആശാ നാഥും തിങ്കളാഴ്ച മുഖ്യമന്ത്രി പിണറായി വിജയനെ സന്ദർശിച്ചു. ഫേസ്ബുക്ക് പോസ്റ്റിലൂടെയാണ് വി.വി. രാജേഷ് ഇക്കാര്യം അറിയിച്ചത്. കോർപ്പറേഷന്റെ ഭാവി പ്രവർത്തനങ്ങൾക്ക് സർക്കാരുമായി സഹകരണം തേടിയതായി വി.വി. രാജേഷ് പറഞ്ഞു. വികസന പ്രവർത്തനങ്ങൾക്ക് മുഖ്യമന്ത്രി പിന്തുണ വാഗ്ദാനം ചെയ്തതായി മേയർ പറഞ്ഞു.
വികസന പ്രവർത്തനങ്ങൾക്ക് നല്ല സഹകരണം വാഗ്ദാനം ചെയ്ത മുഖ്യമന്ത്രി, സംസ്ഥാന തലസ്ഥാനത്ത് കോർപ്പറേഷനു വേണ്ടിയുള്ള കേന്ദ്ര പദ്ധതികൾ പരമാവധി പ്രയോജനപ്പെടുത്താൻ കോർപ്പറേഷനോട് ആവശ്യപ്പെട്ടതായി രാജേഷ് പറഞ്ഞു.
