കൊറോണ വൈറസ് മഹാമാരിക്കെതിരെ സര്‍ക്കാര്‍ ഏർപ്പെടുത്തിയ നിർബന്ധിത നടപടികളെ എതിർക്കുന്ന പ്രതിഷേധക്കാരെ പിരിച്ചുവിടാൻ ബെൽജിയൻ പോലീസ് കണ്ണീർ വാതകവും ജലപീരങ്കിയും പ്രയോഗിച്ചു.
ആയിരക്കണക്കിന് പ്രതിഷേധക്കാർ ബ്രസൽസിൽ തെരുവിലിറങ്ങി യൂറോപ്യൻ യൂണിയന്റെ (EU) ആസ്ഥാനത്തേക്ക് മാർച്ച് നടത്തി, “സ്വാതന്ത്ര്യം” എന്ന മുദ്രാവാക്യങ്ങൾ ഉയർത്തി.
സമാധാനപരമായ ഒരു പ്രതിഷേധമെന്ന നിലയിൽ ആരംഭിച്ച പ്രകടനം അക്രമാസക്തമായത്, പ്രതിഷേധക്കാരെ യൂറോപ്യൻ യൂണിയൻ ഓഫീസിന് പുറത്തുള്ള റൗണ്ട് എബൗട്ടിൽ എത്തുന്നതിൽ നിന്ന് മുള്ളുവേലി ബാരിക്കേഡും കലാപ പോലീസ് ഉദ്യോഗസ്ഥരെ വൻതോതിൽ വിന്യസിച്ച് തടഞ്ഞപ്പോഴാണെന്ന് റിപ്പോർട്ടുകൾ പറയുന്നു.
രണ്ട് ഡ്രോണുകളും ഒരു ഹെലികോപ്റ്ററും ആകാശത്ത് വട്ടമിട്ടപ്പോൾ, ചില പ്രകടനക്കാർ പോലീസിന് നേരെ പടക്കങ്ങളും ക്യാനുകളും എറിഞ്ഞതായി റിപ്പോർട്ടുണ്ട്. പോലീസ് കണ്ണീർ വാതകവും ജലപീരങ്കിയും ഉപയോഗിച്ച് പ്രതികരിച്ചു.
പോലീസ് നടപടി ജനക്കൂട്ടത്തെ ചെറിയ ഗ്രൂപ്പുകളായി വിഭജിക്കുകയും കൂടുതൽ സംഘർഷങ്ങളിലേക്ക് മാറുകയും ചെയ്തു. പ്രകടനക്കാര്‍ ബാരിക്കേഡുകൾക്കും ചവറ്റുകുട്ടകൾക്കും തീയിടുകയും ചെയ്തുവെന്ന് റിപ്പോർട്ടുകൾ പറയുന്നു.
വ്യത്യസ്‌ത പൊതു ഇടങ്ങളിൽ പ്രവേശിക്കുന്നതിന് ആളുകൾക്ക് കോവിഡ്-19 വാക്സിന്‍ പാസുകൾ കാണിക്കണമെന്ന് ആവശ്യപ്പെടുന്ന സമീപകാല സർക്കാർ നടപടികൾ പിൻവലിക്കണമെന്ന് പ്രകടനക്കാർ ആവശ്യപ്പെട്ടു.
പുതിയ കോവിഡ്-19 അണുബാധകളുടെ കുതിച്ചുചാട്ടം തടയുന്നതിനായി സർക്കാരുകൾ കർശന നിയന്ത്രണങ്ങൾ ഏർപ്പെടുത്താൻ നീക്കം നടത്തിയതിനാൽ നിരവധി യൂറോപ്യൻ രാജ്യങ്ങൾ സമീപ ആഴ്ചകളിൽ വലിയ തോതിലുള്ള പ്രകടനങ്ങൾക്ക് സാക്ഷ്യം വഹിച്ചു.
കൊറോണ വൈറസിന്റെ പുതിയ ഒമൈക്രോൺ വേരിയന്റിന്റെ ആവിർഭാവം കൂടുതൽ ആശങ്കകൾക്ക് ആക്കം കൂട്ടി.
ഞായറാഴ്ച നടന്ന പ്രതിഷേധങ്ങൾ നവംബർ 21-ലെ പ്രകടനത്തിന്റെ ആവർത്തനമായി കാണപ്പെട്ടു. അതിൽ പ്രതിഷേധക്കാർ ബ്രസൽസിൽ പോലീസുമായി അക്രമാസക്തമായി ഏറ്റുമുട്ടി, അതിന്റെ ഫലമായി ഒന്നിലധികം അറസ്റ്റുകൾക്കും പരിക്കുകൾക്കും കാരണമായി.
“എനിക്ക് ഒരു രൂപത്തിലും വിവേചനം സഹിക്കാൻ കഴിയില്ല, ഇപ്പോൾ വിവേചനപരമായ വാക്‌സിൻ പാസ് ഉണ്ട്, വാക്‌സിനേഷൻ ചെയ്യാത്ത പരിചരണക്കാർക്കുള്ള ഉപരോധം വിവേചനപരമാണ്, നിർബന്ധിത വാക്സിനേഷനും ഉണ്ട്,” ഒരു പ്രതിഷേധക്കാരൻ പറഞ്ഞു. “അതെല്ലാം വിവേചനമാണ്, അതിനാൽ നമ്മൾ അതിനെതിരെ പോരാടണം. നമ്മള്‍ക്ക് സ്വേച്ഛാധിപത്യം ആവശ്യമില്ല,” പ്രകടനക്കാര്‍ പറയുന്നു.
മിക്ക പ്രൈമറി സ്കൂൾ കുട്ടികൾക്കും നിർബന്ധിത മാസ്ക് ധരിക്കുന്നതും സ്കൂൾ അവധിക്കാലം നീട്ടുന്നതും ഉൾപ്പെടെ യൂറോപ്പിലെ ഏറ്റവും ഉയർന്ന അണുബാധ നിരക്ക് നിയന്ത്രിക്കാനുള്ള ശ്രമങ്ങളുടെ ഭാഗമായി വെള്ളിയാഴ്ചത്തെ പുതിയ നടപടികളുടെ പ്രഖ്യാപനത്തിന് ശേഷമാണ് പ്രതിഷേധ റാലി നടന്നത്.
