എടത്വ: തലവടി പഞ്ചായത്ത് 10-ാം വാർഡിൽ കോയിപറമ്പിൽ ചെല്ലപ്പൻ – ലക്ഷ്മിക്കുട്ടി ദമ്പതികളുടെ മകൻ കെ.സി ഷിബു (53) ഇരു വൃക്കകളും തകരാറിലായതിനെ തുടർന്ന് ചികിത്സാ സഹായം തേടുന്നു. പ്രവാസിയായിരുന്ന ഷിബുവിന് ജോലി സ്ഥലത്ത് വെച്ചുണ്ടായ ഹൃദയസംബന്ധമായ രോഗം ഉണ്ടാകുകയും സുഹ്യത്തുക്കളുടെ അടിയന്തിര ഇടപെടൽ മൂലം ചികിത്സ നടത്തി ജീവൻ രക്ഷിക്കുകയും ചെയ്തു. വീണ്ടും ആരോഗ്യ നില മോശമായതിനെ തുടർന്ന് നാട്ടിലെത്തുകയും പിന്നീടുള്ള പരിശോധനയിലാണ് ഇരു വൃക്കകളും തകരാറിലായതായി അറിഞ്ഞത്. ഷിബുവിന്റെ ഭാര്യ ബിന്ദു ഒരു കടയിൽ സെയിൽസ് ഗേൾ ആയി ജോലി ചെയ്തുവരികയായിരുന്നു. ആകെയുണ്ടായിരുന്ന ഏക വരുമാനം ആയിരുന്നു അത്. കിടപ്പിലായ ഷിബുവിനെ പരിചരിക്കുന്നതിന് ബിന്ദു ജോലി ഉപേക്ഷിച്ചു.
ഷിബു പ്രവാസിയായിരുന്നപ്പോൾ വീട് വെയ്ക്കുന്നതിന് ബാങ്കിൽ നിന്നും വായ്പയെടുത്തിരുന്നു. രോഗം മൂലം ഗൾഫിൽ നിന്നും മടങ്ങി വന്നതോടെ വായ്പാ തിരിച്ചടവിന് മുടക്കം വന്നു. ദിവസം 3 തവണ പി.ഡി ഡയാലിസിസിന് വിധേയനാകുന്ന ഷിബുവിന്റെ ആരോഗ്യനില അതീവ ഗുരുതരമായി തുടരുമ്പോഴാണ് ബാങ്കിൽ നിന്നും പ്രാരംഭ ജപ്തി നടപടികള് സ്വീകരിച്ചിരിക്കുന്നത്. അതുകൂടിയായപ്പോള് ഷിബു മാനസികമായും ശാരീരികമായും ആകെ തളർന്ന നിലയിലാണ്.
ഷിബുവിന്റെ ഏക മകൾ പ്ളസ് ടു വിദ്യാര്ത്ഥിനിയാണ്. ഷിബുവിന്റെ അവസ്ഥ അറിഞ്ഞ അദ്ധ്യാപകരും സഹപാഠികളും ചേർന്നാണ് പഠന ചെലവ് വഹിക്കുന്നത്. ഷിബുവിന്റെ തുടർ ചികിത്സയ്ക്കും ശസ്ത്രക്രിയയ്ക്കും ഭീമമായ തുക ആവശ്യമാണ്. വാർദ്ധകൃത്തിലെത്തിയ മാതാവും ദിവസ വേതനത്തിൽ ജോലി ചെയ്യുന്ന സഹോദരങ്ങളും അടങ്ങിയ കുടുബത്തിന് ഇത് താങ്ങാനാവില്ല.
സുമനസ്സുകൾ കൈത്താങ്ങായി എത്തുമെന്നുള്ള പ്രതീക്ഷയിലാണ് ഈ കുടുംബം.
ഷിബുവിന്റെ ബാങ്ക് അക്കൗണ്ട് വിവരങ്ങൾ.
SHIBU K C
IOB NEERATUPURAM,
06090100014610
IOBA0000609.
Google pay 9947993081
