തിരുവനന്തപുരം: കോൺഗ്രസ് വർക്കിംഗ് കമ്മിറ്റി അംഗവും മുൻ പ്രതിപക്ഷ നേതാവുമായ രമേശ് ചെന്നിത്തലയുടെ മാതാവ് എൻ. ദേവകി അമ്മ (91) അന്തരിച്ചു. മുൻ പഞ്ചായത്ത് അംഗമായിരുന്നു അവർ. ഭർത്താവ് ചെന്നിത്തല തൃപ്പരുന്തുറയിലെ വി. രാമകൃഷ്ണൻ നായർ (ചെന്നിത്തല മഹാത്മാ ഹൈസ്കൂളിന്റെ മുൻ മാനേജർ) നേരത്തെ മരിച്ചു. ചെന്നിത്തല മഹാത്മാ ഹൈസ്കൂളിന്റെ മുൻ മാനേജർ കെ.ആർ. രാജൻ, കെ.ആർ. വിജയലക്ഷ്മി (റിട്ട. അധ്യാപിക), കെ.ആർ. പ്രസാദ് (റിട്ട. ഇന്ത്യൻ എയർഫോഴ്സ്) എന്നിവരാണ് അവരുടെ മറ്റു മക്കൾ.
മരുമക്കൾ: അനിത രമേശ് (റിട്ട. ഡെവലപ്മെന്റ് ഓഫീസർ, യുണൈറ്റഡ് ഇന്ത്യ ഇൻഷുറൻസ് കമ്പനി), ശ്രീജയ (റിട്ട. അഡീഷണൽ രജിസ്ട്രാർ, സഹകരണ വകുപ്പ്), അമ്പിളി എസ് പ്രസാദ് (റിട്ട. അസിസ്റ്റന്റ് ഡയറക്ടർ, ഓൾ ഇന്ത്യ റേഡിയോ), മരുമകൻ പരേതനായ സി കെ രാധാകൃഷ്ണൻ (റിട്ട. ജില്ലാ യൂത്ത് കോർഡിനേറ്റർ, നെഹ്റു കേന്ദ്ര).
പേരക്കുട്ടികളായ ഡോ. രോഹിത് ചെന്നിത്തല (മൂകാംബിക മെഡിക്കൽ കോളേജ്), രമിത് ചെന്നിത്തല (ഡെപ്യൂട്ടി ഡയറക്ടർ, ഇൻകം ടാക്സ്), രമ്യ രാജ് (അധ്യാപിക), ഡോ. രേഷ്മ രാജ്, ഡോ. വിഷ്ണു ആർ. കൃഷ്ണൻ (പിആർഎസ് ആശുപത്രി തിരുവനന്തപുരം), ലക്ഷ്മി കൃഷ്ണ (യുഎസ്എ), പ്രണവ് പി നായർ (സയന്റിസ്റ്റ് ബിഎആർസി, മുംബൈ), ആദിത്യ കൃഷ്ണ (യോഗ അധ്യാപകൻ).
ചൊവ്വാഴ്ച ഉച്ചയ്ക്ക് 12 മണിക്ക് ചെന്നിത്തലയിലെ കുടുംബ വീട്ടിൽ സംസ്കാരം നടക്കും.
