വത്തിക്കാന്: ഈസ്റ്ററിനു മുന്പ് ഏകീകരിച്ച കുര്ബാനക്രമം നടപ്പാക്കാന് എറണാകുളം- അങ്കമാലി അതിരൂപത അടക്കം എല്ലാ രൂപതകളിലും ഫ്രാന്സിസ് മാര്പാപ്പയുടെ ആഹ്വാനം. ഏപ്രില് ഒന്നിന് പുറത്തുവിട്ട കത്തിലാണ് മാര്പാപ്പ മേജര് ആര്ച്ച്ബിഷപ്പ്, മേജര് ആര്ച്ച്ബിഷപ്പിന്റെ വികാരി,എറണാകുളം-അങ്കമാലി അതിരൂപതയിലെ വൈദികര്,സന്യസ്തര്, അല്മായ വിശ്വാസികള് എന്നിവര്ക്ക് ആഹ്വാനം നല്കിയിരിക്കുന്നത്. വിശുദ്ധ വാരത്തിനു മുന്നോടിയായി സഭയ്ക്ക് അയച്ച കത്തിലാണ് നിര്ദേശം നല്കിയിരിക്കുന്നത്. മാര്പാപ്പയുടെ കത്തിന്റെ പ്രസക്ത ഭാഗങ്ങള് ”ഒരു സഭയെന്ന നിലയില് , നാമെല്ലാവരും – മെത്രാന്മാര്, വൈദികര്, ഡീക്കന്മാര്, അല്മായ വിശ്വാസികള് – ആഘോഷിക്കുന്ന രഹസ്യത്തിന്റെ സത്ത മറക്കാന് പലപ്പോഴും പ്രലോഭിതരാകുന്നു: നാം ഈശോയെക്കുറിച്ചു സംസാരിക്കുന്നു, സൈദ്ധാന്തികമായി നമുക്ക് അവിടത്തെക്കുറിച്ച് വളരെയേറെ അറിയാം. എങ്കിലും അവിടത്തോടൊപ്പം ജീവിക്കാന്, അവിടത്തെ ഇഷ്ടപ്പെടാന്, താഴ്ത്തപ്പെടലിന്റെ പാതയും കുരിശിന്റെ വഴിയും അംഗീകരിക്കാന് നമുക്കാകണം. നമുക്കു വിഘടിച്ചുജീവിക്കാനാകില്ല. നമുക്കു വിഭജനം സൃഷ്ടിക്കാനാവില്ല. നമുക്കൊരു വിവാദത്തിന്റെ പ്രഭവമാകുന്നതിനു നിന്നുകൊടുക്കാനാകില്ല.…
ഈസ്റ്ററിനു മുന്പ് എല്ലാ രൂപതകളിലും ഏകീകരിച്ച കുര്ബാനക്രമം നടപ്പാക്കാന് മാര്പാപ്പയുടെ ആഹ്വാനം
