Author: ജയപ്രകാശ് നായർ

ന്യൂയോർക്ക്: റോക്ക്‌ലാൻഡ് കൗണ്ടി ആസ്ഥാനമായി പ്രവർത്തിക്കുന്ന ഹഡ്സൺ‌വാലി റീജിയണിലെ നായർ സർവീസ് സൊസൈറ്റിയുടെ ഓണാഘോഷം 2025 ഓഗസ്റ്റ് 31 ഞായറാഴ്ച ഓറഞ്ച്ബർഗിലുള്ള ‘സിത്താർ’പാലസ്സിൽ വച്ച് ആഘോഷിക്കുകയുണ്ടായി. സെക്രട്ടറി പത്മാവതി നായർ ആമുഖ പ്രഭാഷണം നടത്തി. പ്രഥമ വനിത ജഗദമ്മ നായർ, മുഖ്യാതിഥി KHNA ജനറൽ സെക്രട്ടറി സിനു നായർ, KHNA Ethics Committee Member സുധാ കർത്താ, സംഘടനയുടെ രക്ഷാധികാരി ഡോ. പി.ജി. നായർ, സെക്രട്ടറി പത്മാവതി നായർ, ട്രഷറർ കൃഷ്ണകുമാർ, പ്രസിഡന്റ് ജി.കെ.നായർ എന്നിവർ ചേർന്ന് ഭദ്രദീപം കൊളുത്തി ചടങ്ങുകൾ ഔപചാരികമായി ഉദ്ഘാടനം ചെയ്തു. രാധാമണി. നായർ പ്രാർത്ഥനാ ഗാനം ആലപിച്ചു. പ്രസിഡന്റ് ജി.കെ.നായർ സംഘടനയുടെ ജീവകാരുണ്യ പ്രവർത്തനങ്ങൾ, സ്കോളർഷിപ്പ് വിതരണം എന്നിങ്ങനെ കഴിഞ്ഞ വർഷങ്ങളിൽ ചെയ്ത പ്രവർത്തനങ്ങളെക്കുറിച്ച് വിശദീകരിച്ചുകൊണ്ട് സ്വാഗത പ്രസംഗം നടത്തി. മുഖ്യാതിഥി സിനു നായർ ഫ്ലോറിഡയിൽ വച്ചു നടക്കുന്ന അടുത്ത KHNA…

യുഎസ് പ്രസിഡന്റ് ഡൊണാൾഡ് ട്രംപ് ഇന്ത്യയ്ക്ക് മേൽ 50 ശതമാനം താരിഫ് ഏർപ്പെടുത്തിയതിനെതിരെ ലോകമെമ്പാടും വിമർശനം ഉയരുകയാണ്. അതേസമയം, മുൻ ബ്രിട്ടീഷ് വിദേശകാര്യ മന്ത്രി വില്യം ഹേഗിന്റെ പുതിയ പ്രസ്താവന കൂടുതല്‍ ചര്‍ച്ച ചെയ്യപ്പെടുകയാണ്. “ഇന്ത്യ ഒരു സ്വതന്ത്ര രാഷ്ട്രവും നാഗരികതയുമാണ്, അതിൽ അവർ അഭിമാനിക്കുന്നു. എല്ലാ രാജ്യങ്ങളും അത് മനസ്സിലാക്കേണ്ടതുണ്ട്. നിങ്ങൾ ഇന്ത്യയോട് അതിനനുസരിച്ച് പെരുമാറേണ്ടിവരും. നിങ്ങൾ ഇന്ത്യയിൽ താരിഫ് ചുമത്തുകയാണെങ്കിൽ, അവര്‍ പിന്നോട്ട് പോകില്ല, മറിച്ച് മറ്റ് രാജ്യങ്ങളുമായി സഹകരിച്ച് പ്രവർത്തിക്കാൻ തുടങ്ങും,” ഒരു മാധ്യമ പോഡ്‌കാസ്റ്റിനിടെ വില്യം ഹേഗ് പറഞ്ഞു. അതോടൊപ്പം, “അമേരിക്ക പാക്കിസ്താനുമായി ഇടപെടുന്ന രീതി ഇന്ത്യ ഒരിക്കലും സഹിക്കില്ല” എന്നും അദ്ദേഹം കൂട്ടിച്ചേര്‍ത്തു. ഹേഗിന്റെ പ്രസ്താവന ഇന്ത്യയുടെ സാമ്പത്തിക നയങ്ങളിലേക്കും ആഗോള നിലപാടിലേക്കും വീണ്ടും ശ്രദ്ധ ആകർഷിച്ചു. ഇന്ത്യ എപ്പോഴും അതിന്റെ സ്വാതന്ത്ര്യത്തിനും ദേശീയ താൽപ്പര്യങ്ങൾക്കുമാണ് മുൻഗണന നൽകിയിട്ടുള്ളത്, ഏകപക്ഷീയമായ…

വാഷിംഗ്ടണ്‍: ഇറക്കുമതി ചെയ്യുന്ന മരുന്നുകൾക്ക് 200% വരെ തീരുവ ചുമത്തുമെന്ന് യുഎസ് പ്രസിഡന്റ് ഡൊണാൾഡ് ട്രംപ് ഭീഷണിപ്പെടുത്തി. ഇത് നടപ്പിലാക്കിയാൽ മരുന്നുകളുടെ വില വർദ്ധിക്കുമെന്നും അമേരിക്കയിൽ മരുന്നുകളുടെ ക്ഷാമം ഉണ്ടാകുമെന്നും വിദഗ്ദ്ധർ പറയുന്നു. ഇത് പ്രത്യേകിച്ച് ജനറിക് മരുന്നുകളെ ബാധിക്കും, ഇതുമൂലം താഴ്ന്ന വരുമാനക്കാരായ കുടുംബങ്ങളും പ്രായമായ രോഗികളും പ്രശ്നങ്ങൾ നേരിടേണ്ടി വന്നേക്കാം. അമേരിക്കൻ വിപണിയിലേക്ക് വിലകുറഞ്ഞ ജനറിക് മരുന്നുകളുടെ വലിയൊരു ഭാഗം ഇന്ത്യയാണ് നൽകുന്നത്. കൂടാതെ, യുഎസ് ഭരണകൂടവും ഇതിനെ ആശ്രയിക്കുന്നു. എന്നാൽ, ഈ നയം ദീർഘകാലം നിലനിൽക്കുകയാണെങ്കിൽ, അതിന്റെ ആഘാതം രോഗികളിലും, ഔഷധ കമ്പനികളിലും, മുഴുവൻ വിതരണ ശൃംഖലയിലും കാണപ്പെടുമെന്ന് വിദഗ്ധർ മുന്നറിയിപ്പ് നൽകുന്നു. ട്രം‌പിന് ഇന്ത്യയോടുള്ള സമീപകാല അഭിപ്രായ വ്യത്യാസമാണോ അദ്ദേഹത്തെ ഇങ്ങനെയൊരു തീരുമാനമെടുക്കാന്‍ പ്രേരിപ്പിച്ചതെന്ന് സംശയിക്കേണ്ടിയിരിക്കുന്നു. 1962 ലെ വ്യാപാര വികസന നിയമത്തിലെ സെക്‌ഷന്‍ 232 പ്രകാരം ദേശീയ സുരക്ഷയെ ഉദ്ധരിച്ചുകൊണ്ടാണ്…

ചിക്കാഗോ സീറോ മലബാർ രൂപതാ രൂപികരണത്തോടു കൂടി കത്തിഡ്രൽ ദേവാലയമായി മാറിയ ചിക്കാഗോ സീറോ മലബാർ കത്തീഡ്രൽ ദേവാലയത്തിൻ്റെ ജൂബിലി ആഘോഷങ്ങളുടെ ഭാഗമായി 2025 സെപ്തംബർ 20 ന് വൈകുന്നേരം ദമ്പതി സായാഹ്നമായി ആഘോഷിക്കുന്നു. “ദൈവം യോജിപ്പച്ചത് മനുഷ്യൻ വേർപെടുത്താതിരിക്കട്ടെ” എന്ന വിവാഹ ഉടമ്പടി, വിശ്വാസത്തിലൂന്നി അഹ്ളാതകരമായി ജീവിച്ച് ആ ഉടമ്പടി പുനർജ്ജീവിപ്പിക്കുക എന്നതാണ് ഈ വിവാഹത്തിൻ്റെ റിന്യൂവലിലൂടെ ലക്ഷ്യം വയ്ക്കുന്നത്. സെപ്തംബർ 20 ന് വൈകുന്നേരം 5.00 മണിക്ക് കത്തിഡ്രൽ ദേവലായത്തിൽ രൂപതാദ്ധ്യക്ഷൻ മാർ ജോയി ആലപ്പാട്ടിൻ്റെയും,പ്രധമ രൂപതാദ്ധൃക്ഷൻ മാർ ജേക്കബ് അങ്ങാടിയത്തിൻ്റെയും കത്തിഡ്രൽ വികാരി റവ: ഫാ: തോമസ് കടുകപ്പള്ളിയുടെയും കത്തിഡ്രൽ പള്ളിയിലേയും രൂപതാ കേന്ദ്രത്തിലെ മറ്റു വൈദികരുടെയും ഒപ്പം ദിവ്യ ബലി അർപ്പിച്ച് ദമ്പതികളെ ആശിർവദിച്ച് അനുഗ്രഹം നൽകുന്നതാണ്. വിശുദ്ധ കുർബ്ബാനയ്ക്കും മറ്റു പ്രാർത്തനകൾക്കും ശേഷം ദമ്പതികൾക്കൊപ്പം ബിഷപ്പുമാരും വൈദികരുമൊപ്പമുള്ള വിരുന്നും ഒരിക്കിയിരിക്കുന്നു.…

ചിക്കാഗോ: നായര്‍ അസ്സോസിയേഷന്‍ ഓഫ് ഗ്രേറ്റര്‍ ചിക്കാഗോയുടെ ഓണാഘോഷ പരിപാടികള്‍ പാര്‍ക്ക് റിഡ്ജിലുള്ള സെന്‍റിനിയല്‍ ആക്ടിവിറ്റി സെന്‍ററില്‍ വെച്ച് പ്രൗഢഗംഭീരമായി നടന്നു. സെറാഫിന്‍ ബിനോയിയുടെ ഈശ്വരപ്രാര്‍ത്ഥനയോടു കൂടി ആരംഭിച്ച ഓണാഘോഷത്തില്‍ പ്രസിഡണ്ട് വിജി നായര്‍ സദസ്സിനെ സ്വാഗതം ചെയ്യുകയും ഓണാശംസകള്‍ നല്കുകയും ചെയ്തു. ചെണ്ടമേളങ്ങളുടെയും താലപ്പൊലിയുടെയും അകമ്പടിയോടു കൂടി മഹാബലിയെയും മുഖ്യാതിഥിയായി എത്തിയ മാണി സി. കാപ്പന്‍ എംഎല്‍എയെയും വേദിയിലേക്ക് ആനയിച്ചു. ഓംകാരം ചിക്കാഗോയുടെ വാദ്യകലാകാരന്മാര്‍ അവതരിപ്പിച്ച ചെണ്ടമേളം വളരെ ഗംഭീരമായിരുന്നു. മാണി സി. കാപ്പന്‍ എംഎല്‍എ ഓണാഘോഷ പരിപാടികള്‍ ഭദ്രദീപം കൊളുത്തി ഉദ്ഘാടനം നിര്‍വഹിച്ചു. കൂടാതെ പ്രസിഡണ്ടും മറ്റു ഭാരവാഹികളും ഉദ്ഘാടനച്ചടങ്ങില്‍ പങ്കുചേര്‍ന്നു. മോന്‍സ് ജോസഫ് എംഎല്‍എയും ചടങ്ങില്‍ പങ്കുചേരുകയും ഓണസന്ദേശം നല്കുകയും ചെയ്തു. എംഎല്‍എമാര്‍ രണ്ടുപേരെയും സതീശന്‍ നായര്‍ സദസ്സിനു പരിചയപ്പെടുത്തി. ശ്രീമതി പ്രസന്ന അവതരിപ്പിച്ച ഗണപതിയെ സ്തുതിച്ചുകൊണ്ടുള്ള മോഹിനിയാട്ടം, ബിമല്‍ നായരുടെ ഗാനാലാപനം,…

ഫോർട്ട് വർത്ത്, ടെക്‌സാസ്: ഫോർട്ട് വർത്തിലെ ഒരു വീട്ടിൽ യുവതി മരിച്ച നിലയിൽ കണ്ടെത്തിയ സംഭവത്തിൽ പോലീസ് അന്വേഷണം ആരംഭിച്ചത്. ശനിയാഴ്ച രാവിലെയാണ് യുവതിയെ കിടക്കയിൽ മരിച്ച നിലയിൽ കണ്ടെത്തിയത്. സംഭവത്തിൽ യുവതിക്കൊപ്പ താമസിച്ചിരുന്ന ഒരാളെ പോലീസ് അറസ്റ്റ് ചെയ്തു. ശനിയാഴ്ച  രാവിലെ 7:30-ഓടെയാണ്സംഭവത്തെക്കുറിച്ച് പോലീസിന് ലഭിച്ചത്. യെഗർ സ്ട്രീറ്റിലെ സംഭവസ്ഥലത്ത് പോലീസ് എത്തിയപ്പോൾ, കിടക്കയിൽ തലയ്ക്കും ശരീരത്തിൻ്റെ മുകൾഭാഗത്തും വെടിയേറ്റ നിലയിൽ യുവതി മരിച്ച നിലയിൽ കണ്ടെത്തുകയായിരുന്നു. യുവതിയോടൊപ്പം താത്കാലികമായി താമസിച്ചിരുന്ന ഒരാളാണ് പ്രതിയെന്ന് പോലീസ് തിരിച്ചറിഞ്ഞു. തുടർന്ന്, പടിഞ്ഞാറൻ-മധ്യ ടെക്സാസിൽ വെച്ച് ഇയാളെ പോലീസ് കസ്റ്റഡിയിലെടുത്തു.

കൊളംബിയ, സൗത്ത് കരോലിന: ഡ്രൈവിംഗിനിടെ ഫോൺ ഉപയോഗിക്കുന്നതുമായി ബന്ധപ്പെട്ട് സൗത്ത് കരോലിനയിൽ പുതിയ നിയമം സെപ്തംബര് 1 നു പ്രാബല്യത്തിൽ വന്നു. ‘സൗത്ത് കരോലിന ഹാൻഡ്സ്-ഫ്രീ ആൻഡ് ഡിസ്ട്രാക്ടഡ് ഡ്രൈവിംഗ് ആക്റ്റ്’ എന്ന് പേരിട്ടിട്ടുള്ള ഈ നിയമം ശ്രദ്ധയില്ലാത്ത ഡ്രൈവിംഗ് കുറയ്ക്കുക എന്ന ലക്ഷ്യത്തോടെയാണ് നടപ്പാക്കിയിരിക്കുന്നത്. നിയമം ലംഘിക്കുന്നവർക്ക് ആദ്യഘട്ടത്തിൽ മുന്നറിയിപ്പ് നൽകും. ആറ് മാസത്തെ മുന്നറിയിപ്പ് കാലയളവിന് ശേഷം, അതായത് 2026 ഫെബ്രുവരി 28 മുതൽ പിഴ ഈടാക്കും. പുതിയ നിയമമനുസരിച്ച്, ഡ്രൈവിംഗിനിടെ മൊബൈൽ ഫോൺ കൈകൊണ്ട് പിടിക്കാൻ അനുവാദമില്ല. സംസാരിക്കുന്നതിനോ, മെസ്സേജ് അയക്കുന്നതിനോ, വീഡിയോ കാണുന്നതിനോ, സോഷ്യൽ മീഡിയ ഉപയോഗിക്കുന്നതിനോ ഫോൺ കൈയിൽ പിടിക്കുന്നത് നിയമവിരുദ്ധമാണ്. മൊബൈൽ ഫോണിന് പുറമെ, പോർട്ടബിൾ കമ്പ്യൂട്ടറുകൾ, ജിപിഎസ് ഉപകരണങ്ങൾ, ഇലക്ട്രോണിക് ഗെയിമുകൾ തുടങ്ങിയവയ്ക്കും ഈ നിയമം ബാധകമാണ്. നിയമം ലംഘിക്കുന്നവർക്ക് ആദ്യ തവണ 100 ഡോളർ പിഴ…

അതെ! ഞാൻ അത്ഭുതങ്ങളിൽ വിശ്വസിക്കുന്നു. എന്റെ ജീവിതത്തിൽ നിരവധി തവണ ഞാൻ അവ അനുഭവിച്ചിട്ടുണ്ട്. അത്ഭുതങ്ങളിൽ വിശ്വസിക്കുക എന്നത് യേശുക്രിസ്തുവിലുള്ള എന്റെ വ്യക്തിപരമായ വിശ്വാസത്തിന്റെ അവിഭാജ്യ ഘടകമാണ്. യേശു പ്രാർത്ഥനയ്ക്ക് ഉത്തരം നൽകുന്ന ദൈവമാണെന്നും അവന് അത്ഭുതങ്ങൾ ചെയ്യാൻ കഴിയുമെന്നും ഞാൻ വിശ്വസിക്കുന്നു. അത്തരമൊരു സാക്ഷ്യം ഞാൻ പങ്കുവെക്കട്ടെ – 2022 ഓഗസ്റ്റിൽ ഞാൻ അനുഭവിച്ച ഒരു മെഡിക്കൽ അത്ഭുതം. പുതിയ കണ്ണടകൾ വാങ്ങുന്നതിനായി മിഷിഗണിലെ ട്രോയിയിലുള്ള ഹെൻറി ഫോർഡ് ഹെൽത്ത് സിസ്റ്റത്തിൽ എന്റെ ഒപ്‌റ്റോമെട്രിസ്റ്റുമായി ഒരു പതിവ് നേത്ര പരിശോധന ഷെഡ്യൂൾ ചെയ്‌തു. നേത്ര പരിശോധന, രോഗനിർണയം, കാഴ്ച പ്രശ്‌നങ്ങളുടെ ചികിത്സ എന്നിവയുൾപ്പെടെ പ്രാഥമിക കാഴ്ച പരിചരണം നൽകുന്നതും തിരുത്തൽ ലെൻസുകൾ നിർദ്ദേശിക്കുന്നതും നൽകുന്ന ഒരു ആരോഗ്യ സംരക്ഷണ പ്രൊഫഷണലാണ് ഒപ്‌റ്റോമെട്രിസ്റ്റ്. നേത്ര പരിശോധനയുടെ ഭാഗമായി, എന്നോട് ഒരു വിഷ്വൽ ടെസ്റ്റ് നടത്താൻ ആവശ്യപ്പെട്ടു. എന്റെ…

തൃശൂർ: റിപ്പോർട്ടർ ടിവിയുടെ തൃശൂർ ബ്യൂറോ ഓഫീസിൽ യൂത്ത് കോൺഗ്രസ് പ്രവർത്തകർ അക്രമം അഴിച്ചുവിട്ടു. വെള്ളിയാഴ്ചയാണ് സംഭവം. കോൺഗ്രസ് പ്രവർത്തകർ ഓഫീസിന്റെ ചുമരുകളിൽ കരി ഓയില്‍ ഒഴിക്കുകയും കമ്പനി കാറിൽ പതാക ഉയർത്തുകയും ചെയ്തു. ചാനലിനെ അപമാനിക്കുന്ന തരത്തിലുള്ള നോട്ടീസുകൾ ഓഫീസിന്റെ ചുമരുകളിൽ പതിച്ചിരുന്നു. യൂത്ത് കോൺഗ്രസ് സംസ്ഥാന ജനറൽ സെക്രട്ടറി മിഥുൻ മോഹൻ, ജില്ലാ വൈസ് പ്രസിഡന്റ് മോബൻ, ജില്ലാ വൈസ് പ്രസിഡന്റ് വിഷ്ണു ചന്ദ്രൻ എന്നിവരുടെ നേതൃത്വത്തിലായിരുന്നു ആക്രമണം. മുതിർന്ന പത്രപ്രവർത്തകരിൽ ഒരാൾ ലൈംഗിക പീഡനം നടത്തിയതായി സ്ഥാപനത്തിലെ മുൻ പത്രപ്രവർത്തകൻ നടത്തിയ വെളിപ്പെടുത്തലിന്റെ പശ്ചാത്തലത്തിലാണ് ആക്രമണം ഉണ്ടായതെന്ന് റിപ്പോർട്ടുകൾ പറയുന്നു. സംഭവത്തിൽ കേരള പത്രപ്രവർത്തക യൂണിയൻ ജില്ലാ കമ്മിറ്റി പ്രതിഷേധിച്ചു. മാധ്യമ സ്ഥാപനങ്ങൾക്കെതിരായ ആക്രമണങ്ങളും കടന്നുകയറ്റങ്ങളും ആവർത്തിക്കാതിരിക്കാൻ അധികാരികൾ ശക്തമായ നടപടി സ്വീകരിക്കണമെന്നും പ്രതികൾക്ക് മാതൃകാപരമായ ശിക്ഷ ഉറപ്പാക്കണമെന്നും യൂണിയൻ ആവശ്യപ്പെട്ടു.സംഭവത്തെ സിപിഎം…