കൊച്ചി: അഡ്വ. ജോസ് വിതയത്തിലിന്റെ നിസ്വാര്ത്ഥ സേവനങ്ങളും ജീവിത മാതൃകയും അല്മായ ശക്തീകരണപ്രവര്ത്തനങ്ങളും ഭാരതസഭയ്ക്കും പൊതുസമൂഹത്തിനും അഭിമാനമേകുന്നതാണെന്ന് സിബിസിഐ വൈസ്പ്രസിഡന്റും മാവേലിക്കര രൂപത ബിഷപ്പുമായ ജോഷ്വാ മാര് ഇഗ്നാത്തിയോസ്. അഡ്വ.ജോസ് വിതയത്തിലിന്റെ ഒന്നാം ചരമവാര്ഷിക അനുസ്മരണ സമ്മേളനത്തിന്റെയും അഡ്വ.ജോസ് വിതയത്തില് ഫൗണ്ടേഷന്റെയും ഉദ്ഘാടനം നിര്വ്വഹിച്ചു സംസാരിക്കുകയായിരുന്നു അദ്ദേഹം. ദൈവത്തോടും സഭയോടും സമൂഹത്തോടും ചേര്ന്ന് അദ്ദേഹം പ്രവര്ത്തിച്ചു. ആത്മാര്ത്ഥവും നിസ്വാര്ത്ഥവും നിഷ്കളങ്കവുമായിരുന്ന അദ്ദേഹത്തിന്റെ മഹത്തായ സംഭാവനകള് പുതുതലമുറയ്ക്ക് പ്രചോദനമേകുന്നുവെന്നും ഈ തലങ്ങളില് അഡ്വ.ജോസ് വിതയത്തില് ഫൗണ്ടേഷന് വളരെ പ്രതീക്ഷകളേകുന്നുവെന്നും ജോഷ്വാ മാര് ഇഗ്നാത്തിയോസ് കൂട്ടിച്ചേര്ത്തു. ആലങ്ങാട് സെന്റ് മേരീസ് പള്ളിയില് നടന്ന അനുസ്മരണ ദിവ്യബലിയെ തുടര്ന്ന് പ്രാര്ത്ഥനാശുശ്രൂഷയ്ക്ക് ബിഷപ് മാര് മാത്യു വാണിയക്കിഴക്കേല് നേതൃത്വം നല്കി. വിവിധ മേഖലകളില് ജോസ് വിതയത്തില് ഏറ്റെടുത്ത ഉത്തരവാദിത്വങ്ങള് ഏറ്റവും ഭംഗിയായി നിര്വ്വഹിക്കുകമാത്രമല്ല അവിടെയെല്ലാം ക്രൈസ്തവ സാക്ഷ്യം ഉയര്ത്തിപ്പിടിക്കാനും അദ്ദേഹം ശ്രമിച്ചുവെന്ന് ബിഷപ്…
അഡ്വ. ജോസ് വിതയത്തിലിന്റെ സേവനങ്ങള് ഭാരതസഭയ്ക്ക് അഭിമാനം: ജോഷ്വാ മാര് ഇഗ്നാത്തിയോസ്
