Category: AMERICA

ഒക്ലഹോമ സിറ്റി: അടുത്ത അധ്യയന വർഷത്തേക്കുള്ള പേരന്റൽ ചോയ്സ് ടാക്സ് ക്രെഡിറ്റ് (PCTC) പദ്ധതിയുടെ അപേക്ഷാ വിൻഡോ തുറന്ന ആദ്യ ദിവസം തന്നെ ആയിരക്കണക്കിന് രക്ഷിതാക്കൾ അപേക്ഷയുമായി രംഗത്തെത്തി. തിങ്കളാഴ്ച മാത്രം ഏകദേശം 27,000 അപേക്ഷകൾ ലഭിച്ചതായി ഒക്ലഹോമ ടാക്സ് കമ്മീഷൻ അറിയിച്ചു. കുട്ടികളെ സ്വകാര്യ സ്കൂളുകളിൽ അയക്കാൻ ആഗ്രഹിക്കുന്ന കുടുംബങ്ങൾക്ക് സാമ്പത്തിക സഹായം നൽകുന്നതാണ് ഈ പദ്ധതി. ഒരു കുട്ടിക്ക് പരമാവധി $7,500 വരെ ടാക്സ് ക്രെഡിറ്റായി ലഭിക്കും. കുറഞ്ഞ ക്ലാസ് വലിപ്പവും വ്യക്തിപരമായ ശ്രദ്ധയും ഉറപ്പാക്കാൻ ഈ പദ്ധതി സഹായിക്കുന്നുവെന്ന് രക്ഷിതാക്കൾ സാക്ഷ്യപ്പെടുത്തുന്നു. മുൻഗണന: വാർഷിക വരുമാനം $150,000-ൽ താഴെയുള്ള അപേക്ഷകർക്ക് ആദ്യ 60 ദിവസം മുൻഗണന ലഭിക്കും. കഴിഞ്ഞ വർഷം ഏകദേശം 40,000 അപേക്ഷകൾ അംഗീകരിച്ചിരുന്നു. ഇതിൽ 3,700 കുട്ടികൾ മാത്രമാണ് നേരത്തെ പബ്ലിക് സ്കൂളുകളിൽ പഠിച്ചിരുന്നത്. നിലവിൽ 250 മില്യൺ ഡോളറാണ്…

ഡാളസ് (ടെക്സാസ്): ഡാളസ് പട്ടണത്തിലെ മലയാളി പെന്തക്കോസ്തൽ സഭകളുടെ ഐക്യവേദിയായ ഡാളസ് സിറ്റി-വൈഡ് ഫെലോഷിപ്പി(DCF)-ന്റെ പ്രവർത്തനോൽഘാടനം 2026 മാർച്ച് 14 ശനിയാഴ്ച രാവിലെ 10:00 മുതൽ 12:30 വരെ, ശാരോൻ ഫെലോഷിപ്പ് സഭയിൽ വച്ച് ഡാളസ് പട്ടണത്തിലെ സഭാ ശുശ്രൂഷകന്മാരുടെയും വിശ്വാസ സമൂഹത്തിന്റെയും സാന്നിദ്ധ്യത്തിൽ നടന്നു. “ദൈവരാജ്യത്തിനായി ഐക്യപ്പെടുക” എന്നതായിരുന്നു സെമിനാറിന്റെ മുഖ്യ വിഷയം. കഴിഞ്ഞ ചില വർഷങ്ങളായി സിറ്റി-വൈഡിന് നേതൃത്വം നൽകിയ പാസ്റ്റർ മാത്യു ശാമുവലായിരുന്നു യോഗത്തിന് അദ്ധ്യക്ഷം വഹിച്ചത്. ഡാളസ് പട്ടണത്തിലെ സഭകളെ ഒരു കുടക്കീഴിൽ നിർത്തുവാൻ ഡാളസ് സിറ്റി-വൈഡിന് കഴിഞ്ഞകാലങ്ങളിൽ നേതൃത്വം നൽകിയ നേതൃത്വത്തെയും കഴിഞ്ഞ നാൽപ്പത് വർഷമായി ചെയ്തുവരുന്ന പ്രവർത്തനങ്ങളെക്കുറിച്ചും അദ്ദേഹം എടുത്തുപറയുകയുണ്ടായി. തുടർന്ന് DCF-ന്റെ ചെയർമാനായി ഈ വർഷം ചുമതലയേറ്റ പാസ്റ്റർ തോമസ് മുല്ലയ്ക്കൽ ഉദ്ഘാടന പ്രസംഗം നടത്തുകയുണ്ടായി. കഴിഞ്ഞ രണ്ടു മാസത്തിനുള്ളിൽ സംഘടനാപരമായി ചെയ്ത പ്രവർത്തനങ്ങളെക്കുറിച്ച് താൻ വിവരിക്കുകയുണ്ടായി.…

ഷിക്കാഗോ: അമേരിക്കൻ രാഷ്ട്രീയത്തിൽ ശ്രദ്ധേയനായ ഇന്ത്യൻ വംശജൻ രാജ കൃഷ്ണമൂർത്തിക്ക് ഇലനോയി സെനറ്റ് പ്രൈമറി തെരഞ്ഞെടുപ്പിൽ അപ്രതീക്ഷിത തിരിച്ചടി. വൻ തുക പ്രചാരണത്തിനായി ചിലവഴിച്ചിട്ടും ലെഫ്റ്റനന്റ് ഗവർണർ ജൂലിയാന സ്ട്രാറ്റണോടാണ് അദ്ദേഹം പരാജയപ്പെട്ടത്. ഇതോടെ അമേരിക്കൻ സെനറ്റിലെത്തുന്ന ആദ്യ ഇന്ത്യൻ വംശജനാകാനുള്ള കൃഷ്ണമൂർത്തിയുടെ ചരിത്രപരമായ നീക്കത്തിന് താൽക്കാലികമായി വിരാമമായി. ഡൊണാൾഡ് ട്രംപിന്റെ അനുയായികളിൽ നിന്നും ഇമിഗ്രേഷൻ എൻഫോഴ്സ്‌മെന്റുമായി  ബന്ധമുള്ള കമ്പനികളിൽ നിന്നും കൃഷ്ണമൂർത്തി ഫണ്ട് സ്വീകരിച്ചത് വലിയ വിവാദമായിരുന്നു. ഇത് ഡെമോക്രാറ്റിക് വോട്ടർമാർക്കിടയിൽ അദ്ദേഹത്തിന് തിരിച്ചടിയായി. ഇലനോയി ഗവർണർ ജെ.ബി. പ്രിറ്റ്‌സ്‌കറുടെ ശക്തമായ പിന്തുണ ജൂലിയാന സ്ട്രാറ്റണ് ഗുണകരമായി. കൃഷ്ണമൂർത്തി ഏകദേശം 30 മില്യൺ ഡോളറിലധികം പ്രചാരണത്തിനായി ചിലവഴിച്ചപ്പോൾ, സ്ട്രാറ്റൺ വളരെ കുറഞ്ഞ തുക മാത്രമാണ് ചിലവഴിച്ചത്. പണം കൊണ്ട് മാത്രം വിജയം നേടാനാവില്ലെന്ന് ഈ ഫലം തെളിയിച്ചു. കറുത്തവർഗക്കാരുടെ വോട്ടുകൾ ഭിന്നിപ്പിക്കാൻ കൃഷ്ണമൂർത്തിയുടെ അനുകൂലികൾ ശ്രമിച്ചെന്ന…

ഡാളസ് / കൊപ്പേൽ :  ടെക്സസിലെ കൊപ്പേൽ സെന്റ് അൽഫോൻസാ സീറോ മലബാർ ഇടവകയിൽ ആത്മീയ ചൈതന്യം തുളുമ്പുന്ന വേളയിൽ 25 ബാലന്മാർ പുതുതായി അൾത്താര ശുശ്രൂഷയിലേക്ക് പ്രവേശിച്ചു. 2001 മാർച്ച് 13-ന് പരിശുദ്ധ ജോൺ പോൾ രണ്ടാമൻ മാർപാപ്പ ചിക്കാഗോ സെന്റ് തോമസ് സീറോ മലബാർ രൂപത ഔദ്യോഗികമായി സ്ഥാപിച്ചതിന്റെ കൃത്യം 25-ാം വാർഷിക ദിനത്തിലാണ് ഈ ശുശ്രൂഷാ സ്വീകരണം നടന്നത് എന്നത് ഏറെ സവിശേഷമായി. രൂപതയുടെ രജതജൂബിലി ദിനത്തിൽ ഒരു ഇടവകയിൽ നിന്ന് തന്നെ 25 കുട്ടികൾ ഒരേസമയം ശുശ്രൂഷാ പദവിയിലേക്ക് ഉയർത്തപ്പെട്ടത് ചരിത്രമുഹൂർത്തമായി മാറി. മാർച്ച് 13 വെള്ളിയാഴ്ച ഇടവക ദേവാലയത്തിൽ നടന്ന പ്രത്യേക തിരുക്കർമ്മങ്ങൾക്ക് വികാരി ഫാ. മാത്യൂസ് കുര്യൻ മുഞ്ഞനാട്ട്, അസിസ്റ്റന്റ് വികാരി ഫാ. ജിമ്മി എടക്കുളത്തൂർ എന്നിവർ മുഖ്യകാർമ്മികത്വം വഹിച്ചു. വിശുദ്ധ കുർബാനയ്ക്ക് മുന്നോടിയായി നടന്ന ചടങ്ങിൽ വൈദികർ…

വാഷിംഗ്ടൺ, ഡിസി: ഇറാനുമായുള്ള യുദ്ധം മൂന്നാം ആഴ്ചയിലേക്ക് കടക്കുമ്പോൾ, പ്രസിഡന്റ് ഡൊണാൾഡ് ട്രംപിന്റെ സൈനിക അധികാരങ്ങൾ പരിമിതപ്പെടുത്താൻ ഡെമോക്രാറ്റുകൾ കൊണ്ടുവന്ന നീക്കം അമേരിക്കൻ സെനറ്റ് തള്ളി. ബുധനാഴ്ച നടന്ന വോട്ടെടുപ്പിൽ 47-നെതിരെ 53 വോട്ടുകൾക്കാണ് പ്രമേയം പരാജയപ്പെട്ടത്. കോൺഗ്രസിന്റെ മുൻകൂർ അനുമതിയില്ലാതെ ഇറാനിൽ സൈനിക നടപടി തുടരുന്നത് തടയാൻ ലക്ഷ്യമിട്ടുള്ള ബില്ലാണ് പരാജയപ്പെട്ടത്. റിപ്പബ്ലിക്കൻ പാർട്ടിയിലെ ഭൂരിഭാഗം അംഗങ്ങളും ട്രംപിനെ പിന്തുണച്ചപ്പോൾ, ഡെമോക്രാറ്റിക് പാർട്ടിയിലെ ജോൺ ഫെറ്റർമാൻ പ്രമേയത്തെ എതിർത്ത് വോട്ട് ചെയ്തു. റിപ്പബ്ലിക്കൻ സെനറ്റർ റാൻഡ് പോൾ മാത്രമാണ് ഡെമോക്രാറ്റുകൾക്കൊപ്പം നിന്നത്. ട്രംപ് നടത്തുന്നത് നിയമവിരുദ്ധമായ യുദ്ധമാണെന്നും, ഇതിന്റെ ലക്ഷ്യങ്ങളെക്കുറിച്ച് വിദേശകാര്യ സെക്രട്ടറി മാർക്കോ റൂബിയോ, പ്രതിരോധ സെക്രട്ടറി പീറ്റ് ഹെഗ്‌സെത്ത് എന്നിവർ പരസ്യമായി വിശദീകരണം നൽകണമെന്നും ഡെമോക്രാറ്റുകൾ ആവശ്യപ്പെട്ടു. വരും ദിവസങ്ങളിലും സമാനമായ പ്രമേയങ്ങൾ കൊണ്ടുവരുമെന്ന് സെനറ്റർ ടിം കെയ്ൻ മുന്നറിയിപ്പ് നൽകി. യുദ്ധം…

വിസ്‌കോൺസിൻ : വിസ്‌കോൺസിനിൽ മൂന്ന് വർഷം മുമ്പ് നവജാത ശിശുവായിരുന്ന സ്വന്തം മകളെ ക്രൂരമായി വെടിവെച്ചു കൊലപ്പെടുത്തിയ കേസിൽ യുവാവിന് കോടതി ജീവപര്യന്തം തടവുശിക്ഷ വിധിച്ചു. 21 വയസ്സുകാരനായ ലോഗൻ ക്രൂക്കൻബെർഗ് ആൻഡേഴ്സനെയാണ് കോടതി ശിക്ഷിച്ചത്. 2021-ലായിരുന്നു നാടിനെ നടുക്കിയ സംഭവം. അന്ന് 16 വയസ്സുകാരനായിരുന്ന ലോഗൻ, തന്റെ കാമുകി ബാത്ത് ടബ്ബിൽ ജന്മം നൽകിയ പെൺകുഞ്ഞിനെ കാട്ടിലേക്ക് കൊണ്ടുപോയി. മഞ്ഞുമൂടിയ കാട്ടിൽ കുഞ്ഞിനെ ഉപേക്ഷിച്ച ശേഷം തലയ്ക്ക് രണ്ട് തവണ വെടിവെച്ച് കൊലപ്പെടുത്തുകയായിരുന്നു. കുഞ്ഞ് തന്റെ ജീവിതത്തിന് ഒരു തടസ്സമാകുമെന്ന് കരുതിയാണ് ലോഗൻ ഈ ക്രൂരകൃത്യം ചെയ്തതെന്ന് പ്രോസിക്യൂട്ടർമാർ കോടതിയിൽ പറഞ്ഞു. കുഞ്ഞിനെ ദത്തെടുക്കാൻ ഒരാൾക്ക് കൈമാറി എന്നായിരുന്നു പ്രതി ആദ്യം പോലീസിനോട് പറഞ്ഞിരുന്നത്. എന്നാൽ പിന്നീട് നടത്തിയ അന്വേഷണത്തിൽ സത്യാവസ്ഥ പുറത്തുവരികയായിരുന്നു. മാർച്ച് 16 തിങ്കളാഴ്ച നടന്ന വാദത്തിനൊടുവിലാണ് കോടതി ശിക്ഷാവിധി പ്രഖ്യാപിച്ചത്. ജീവപര്യന്തം…

ഹൂസ്റ്റൺ: ലോകമെമ്പാടുമുള്ള ക്രൈസ്തവർ പീഡാനുഭവ വാരത്തിലേക്ക് പ്രവേശിക്കാനൊരുങ്ങുമ്പോൾ, ഹൂസ്റ്റൺ സെന്റ് പീറ്റേഴ്സ് മലങ്കര കത്തോലിക്കാ ദേവാലയത്തിൽ ഈ വർഷത്തെ വിശുദ്ധ വാര തിരുക്കർമ്മങ്ങൾ അതിവിശിഷ്ടമായ രീതിയിൽ നടത്തപ്പെടുന്നു. മലങ്കര കത്തോലിക്കാ സഭയുടെ യുഎസ്എ – കാനഡ ഭദ്രാസന അധ്യക്ഷൻ അഭിവന്ദ്യ ഫിലിപ്പോസ് മാർ സ്റ്റേഫാനോസ് മെത്രാപ്പോലീത്ത ഈ വർഷത്തെ തിരുക്കർമ്മങ്ങൾക്ക് മുഖ്യകാർമ്മികത്വം വഹിക്കും. ഇടവക വികാരി റവ. ഫാ. ബിന്നി ഫിലിപ്പിന്റെ നേതൃത്വത്തിലുള്ള പാരിഷ് കൗൺസിൽ, വിശ്വാസികൾക്ക് ആത്മീയ ചൈതന്യം പകരുന്ന രീതിയിലാണ് ക്രമീകരണങ്ങൾ പൂർത്തിയാക്കിയിരിക്കുന്നത്. കാൽകഴുകൽ ശുശ്രൂഷയുടെ പ്രത്യേകത ഈ വർഷത്തെ തിരുക്കർമ്മങ്ങളിൽ ഏറ്റവും സവിശേഷമായത് അഭിവന്ദ്യ പിതാവ് നേരിട്ട് നേതൃത്വം നൽകുന്ന കാൽകഴുകൽ ശുശ്രൂഷയാണ്. മലങ്കര സഭയുടെ പാരമ്പര്യമനുസരിച്ച് മെത്രാപ്പോലീത്തമാർ മാത്രം നിർവഹിക്കുന്ന ഈ കർമ്മം, യേശുക്രിസ്തു തന്റെ ശിഷ്യന്മാരുടെ പാദങ്ങൾ കഴുകി വിനയത്തിന്റെ മാതൃക കാണിച്ചു കൊടുത്തതിനെ അനുസ്മരിപ്പിക്കുന്നു. ഇടവകയിലെ തിരഞ്ഞെടുക്കപ്പെട്ട മുതിർന്ന…