Category: AMERICA

അര്‍ക്കന്‍സാസ്: സംസ്ഥാനത്തെ മൾബറി നഗരത്തിൽ മൂന്നു പോലീസുകാർ ഒരു യുവാവിന്റെ മേൽ മുട്ടുകാല്‍ കൊണ്ട് അമര്‍ത്തുകയും ഇടിക്കുകയും അയാളുടെ മുഖത്ത് ക്രൂരമായി ഇടിക്കുകയും, തല നിലത്തേക്ക് അമര്‍ത്തുകയും ചെയ്യുന്ന പോലീസ് അതിക്രമത്തിന്റെ പുതിയ വീഡിയോ വൈറലായതിന് ശേഷം പോലീസിന്റെ ക്രൂരതയ്ക്കെതിരെ സോഷ്യല്‍ മീഡിയയില്‍ വ്യാപക പ്രതിഷേധം. സൗത്ത് കരോലിനയിലെ ഗൂസ് ക്രീക്കിൽ നിന്നുള്ള റാൻഡൽ വോർസെസ്റ്റർ എന്ന 27-കാരനാണ് പോലീസിന്റെ ക്രൂരതയ്ക്ക് ഇരയായത്. ഒരു കൺവീനിയൻസ് സ്റ്റോറിന് പുറത്തു വെച്ചാണ് യുവാവിനെ രണ്ട് ഡെപ്യൂട്ടിമാരും ഒരു പോലീസ് ഓഫീസറും ക്രൂരമായി മര്‍ദ്ദിച്ചത്. വീഡിയോ പോസ്റ്റ് ചെയ്തതിന് ശേഷം സോഷ്യല്‍ മീഡിയയില്‍ വ്യാപക പ്രതിഷേധമാണ് ഉയരുന്നത്. അക്രമ സംഭവത്തെക്കുറിച്ച് അർക്കൻസാസ് സ്റ്റേറ്റ് പോലീസ് അന്വേഷണം ആരംഭിച്ചിട്ടുണ്ട്. “അർക്കൻസാസ് സ്റ്റേറ്റ് പോലീസ് അന്വേഷണം നടത്തണമെന്ന് ഞങ്ങൾ അഭ്യർത്ഥിച്ചു. അന്വേഷണത്തിന്റെ ഫലം വരെ ഡെപ്യൂട്ടിമാരെ സസ്പെൻഡ് ചെയ്തിട്ടുണ്ട്,” ക്രോഫോർഡ് കൗണ്ടി ഷെരീഫിന്റെ…

വാഷിംഗ്ടണ്‍: ഗ്യാസ് വിലയിലെ ആപേക്ഷിക ഇടിവിന് വൈറ്റ് ഹൗസ് ക്രെഡിറ്റ് എടുക്കാൻ ശ്രമിക്കുമ്പോൾ, വേനൽക്കാലത്തിന്റെ തുടക്കത്തിൽ കുതിച്ചു ചാട്ടത്തിന് കാരണമായ പല പ്രശ്‌നങ്ങളും പരിഹരിക്കപ്പെടാതെ കിടക്കുന്നുണ്ടെന്നും, ഭാവിയിൽ അമേരിക്കക്കാർക്ക് പമ്പിൽ കൂടുതല്‍ ബുദ്ധിമുട്ടുകള്‍ അനുഭവപ്പെടുന്നത് തുടരുമെന്നും വ്യവസായ വിദഗ്ധര്‍ മുന്നറിയിപ്പ് നൽകുന്നു. എണ്ണ വിദഗ്ധരും വ്യവസായ എക്സിക്യൂട്ടീവുകളും പറയുന്നത്, ഗ്യാസിന്റെ വിലയിലെ സമീപകാല ഇടിവിൽ വൈറ്റ് ഹൗസ് പരിമിതമായ സ്വാധീനം ചെലുത്തിയിട്ടുണ്ടെന്നാണ്. ഇത് കഴിഞ്ഞ ആഴ്ച ഗാലന് 4 ഡോളറിന് താഴെയായി കുറഞ്ഞതായി എൻബിസി ന്യൂസ് റിപ്പോർട്ട് ചെയ്തു. എന്നാല്‍, അഡ്മിനിസ്ട്രേഷൻ ഉദ്യോഗസ്ഥർ അവസരം മുതലെടുക്കുകയും, യുഎസിലെ ചരിത്രപരമായി ഉയർന്ന പണപ്പെരുപ്പം നിയന്ത്രിക്കാൻ കൂടുതൽ കാര്യങ്ങൾ ചെയ്യാനുള്ള കടുത്ത സമ്മർദ്ദത്തിലായ പ്രസിഡന്റ് ജോ ബൈഡന് രാഷ്ട്രീയ ഉത്തേജനമായി ഗ്യാസ് വിലയിടിവ് വിൽക്കാൻ ശ്രമിക്കുകയും ചെയ്തു. ജൂണിൽ കഴിഞ്ഞ 50 വർഷത്തിനിടയിൽ അപൂർവ്വമായി കാണാത്ത നിലവാരത്തിലേക്ക് ഗ്യാസ് വിലയെ…

ലോകസിനിമയിലെ ഏറ്റവും മികച്ച കൊമേഡിയന്‍ ചാര്‍ലി ചാപ്ലിന്റെ ജീവിതത്തെ ആസ്പദമാക്കി ഫോമയുടെ നേതൃത്വത്തില്‍ അമേരിക്കന്‍ മലയാളികള്‍ അരങ്ങിലെത്തിക്കുന്ന നാടകമാണ് ചാര്‍ലി ചാപ്ലിന്‍ . തോമസ് മാളക്കാരന്‍ രചിച്ച നാടകം പൗലോസ് കുയിലാടന്‍ സംവിധാനം ചെയ്യുന്നു . ഏതൊരു നടനും വെല്ലുവിളിയായി മാറുന്ന ചാര്‍ലി ചാപ്ലിനെ അരങ്ങില്‍ അവതരിപ്പിക്കുന്നതും പൗലോസ് കുയിലാടന്‍ തന്നെയാണ് . നാടകപ്രേമികള്‍ക്ക് ഒരിക്കലും മറക്കാനാവാത്ത വേറിട്ടൊരു അനുഭവമായിരിക്കും ചാര്‍ലി ചാപ്ലിന്‍ എന്ന നാടകം സമ്മാനിക്കുന്നത് . നാടകത്തിന്റെ ആദ്യ അവതരണം മെക്‌സിക്കോയിലാണ് .

കോട്ടയം: തലപ്പാടി കുറ്റിക്കാട്ട് പടിഞ്ഞാറേക്കര പി.ജെ. വര്‍ഗീസിന്റെ പത്‌നി സാറാമ്മ വര്‍ഗീസ് (92) തിങ്കളാഴ്ച അന്തരിച്ചു. പരേത പയ്യപ്പാടി കുറ്റിപ്പുറത്ത് കുടുംബാംഗമാണ്. മക്കള്‍: ജോണ്‍, ബാബു (ന്യൂജേഴ്‌സി), ജേക്കബ് (ന്യൂയോര്‍ക്ക്), മിനി, കുഞ്ഞുമോള്‍. മരുമക്കള്‍: തോമസ്, റെജി, ജോയ്‌സ്, സുമ (ന്യൂജേഴ്‌സി), ബീന (ന്യൂയോര്‍ക്ക്). സംസ്‌കാരം പിന്നീട് തലപ്പാടി നസ്രേത്ത് മാര്‍ത്തോമാ പള്ളി സെമിത്തേരിയില്‍. കൂടുതല്‍ വിവരങ്ങള്‍ക്ക്: ബാബു വര്‍ഗീസ് (973 951 2069).

ഒഹായോ: സെന്‍റ് മേരീസ് സിറോ മലബാര്‍ കത്തോലിക്ക മിഷൻ്റെ നേതൃത്വത്തില്‍ കഴിഞ്ഞ ഏഴ് വർഷങ്ങളായി വിജയകരമായി നടത്തിക്കൊണ്ടിരിക്കുന്ന സിഎൻസി ക്രിക്കറ്റ് ടൂർണമെൻറ്റ്‌ ഈ വർഷം ഓഗസ്റ്റ് 27 ഡബ്ലിൻ എമറാൾഡ് ഫീൽഡിൽ നടത്താൻ തീരുമാനിച്ചിരിക്കുന്നു. ഇതിനു മുൻ വർഷങ്ങളിലെ പോലെ ഇത്തവണയും മിഷന് പുറത്തുള്ള ടീമുകളെ കൂടി ഉൾകൊള്ളിച്ചു നടത്താൻ സാധിക്കുന്നത് ഒരു വലിയ നേട്ടം തന്നെയാണ്. സോണി ജോസഫ് (കോൾഡ്‌വെൽ ബാങ്കർ റിയാലിറ്റി), ഡെവ് കെയർ സൊല്യൂഷൻസ് ആണ് പ്രധാന സ്പോൺസർ. അരുൺ ഡേവിസ് നേതൃത്വം കൊടുക്കുന്ന കൊളംബസ് ചാംപ്യൻസും ചെറിയാൻ മാത്യു നേതൃത്വം കൊടുക്കുന്ന കൊളംബസ് ടൈറ്റൻസും ആണ് മിഷൻ്റെ കീഴിലുള്ള ടീമുകൾ. ഈ ടീമുകൾക്ക് പുറമെ ജിൻ്റോ വർഗീസ് നേതൃത്വം കൊടുക്കുന്ന സെൻറ്. ചാവറ സിറോ മലബാർ കത്തോലിക്ക മിഷൻ സിൻസിനാറ്റി, അജീഷ് പൂന്തുരുത്തിയിൽ നേതൃത്വം കൊടുക്കുന്ന ഒഹായോ മലയാളി ക്രിസ്ത്യൻ കോൺഗ്രിഗേഷൻ…

അറ്റ്‌ലാന്റ: അറ്റ്‌ലാന്റയില്‍ ഇന്ത്യന്‍ സ്വാതന്ത്ര്യ ദിന പരേഡില്‍ കേരളത്തെ പ്രതിനിധീകരിച്ച് ആനയും, അമ്പാരിയും, മുത്തുക്കുടകളുമായി അനേകം മലയാളികൾ പങ്കെടുത്തത് ജനശ്രദ്ധ നേടി. രണ്ടായിരത്തിൽ പരം ആളുകൾ പങ്കെടുത്ത ഈ മെഗാ പരിപാടിയിൽ കേരളത്തിന്റെ ആന വളരെ ആകർഷണീയമായിരുന്നു. നല്ലൊരു ശതമാനം ആളുകളും ഗജവീരനോടൊത്തുനിന്ന് ഫോട്ടോ എടുക്കുവാൻ ഉത്സാഹം കാണിച്ചത് സംഘാടകർക്ക് അഭിമാനമായി. വളരെയധികം സമയം ചിലവഴിച്ച് ഇതിനുവേണ്ടി കഠിനാധ്വാനം ചെയ്ത സാബു ചെമ്മലകുഴി, ഭാര്യ ആൻസി, തോമസ് കല്ലടാന്തിയിൽ, ജോർജ് ഇല്ലിക്കാട്ടിൽ, ജോ കൂവക്കാടൻ എന്നിവരെ ഔട്ട്ഗോയിംഗ് പ്രസിഡന്റ്‌ ഡൊമിനിക്ക് ചാക്കോനാൽ നന്ദി പറഞ്ഞു. കേരളക്കരയെ പ്രതിനിധീകരിക്കുവാൻ അറ്റ്‌ലാന്റാ മലയാളി അസോസിയേഷനെ ക്ഷണിച്ചതിനും, പരിപാടി വൻ വിജയമാക്കാൻ അമ്മയോടൊപ്പം വന്ന എല്ലാ മലയാളികൾക്കും അമ്മയുടെ പുതിയ ഭരണ സമിതി അനുമോദനവും നന്ദിയും അറിയിച്ചു.  

ന്യൂയോർക്ക്: നായർ ബനവലന്റ് അസോസിയേഷന്റെ ഈ വര്‍ഷത്തെ പിക്നിക് വന്‍ വിജയമായി. കോവിഡ് മഹാമാരിക്കു ശേഷം ആദ്യമായി സംഘടിപ്പിച്ച പിക്നിക്കില്‍ നിരവധി പേര്‍ ഉത്സാഹത്തോടെ പങ്കെടുത്തു. ആഗസ്റ്റ് 21-ാം തിയ്യതി ഞായറാഴ്ച രാവിലെ പത്തുമണി മുതൽ ക്വീൻസിലുള്ള ആലി പോണ്ട് പാർക്കിൽ വെച്ചായിരുന്നു വിപുലമായ പരിപാടികളോടെ പിക്നിക്ക് സംഘടിപ്പിച്ചത്. വിവിധ കായിക മത്സരങ്ങളോടെ നടന്ന പിക്നിക്കിന് നേതൃത്വം കൊടുത്തവരിൽ പ്രസിഡന്റ് അപ്പുക്കുട്ടൻ നായർ, ജനറൽ സെക്രട്ടറി സേതു മാധവൻ, ട്രഷറർ ഗോപിനാഥക്കുറുപ്പ്, ട്രസ്റ്റീ ബോർഡ് ചെയർമാൻ രഘുവരൻ നായർ എന്നിവർ അഭിനന്ദനം അർഹിക്കുന്നു. വിമൻസ് ഫോറം പ്രവർത്തകരായ ലക്ഷ്മി രാംദാസ്, രാധാമണി നായർ, ലതിക നായർ എന്നിവരുടെ നേതൃത്വത്തിൽ സംഘടിപ്പിച്ച രുചികരമായ ഭക്ഷണം പിക്നിക്കിന്റെ സവിശേഷതകളിൽ ഒന്നായിരുന്നു. രഘുനാഥൻ നായർ, സുധാകരൻ പിള്ള, പ്രഭാകരൻ നായർ, ശശി പിള്ള എന്നിവരുടെ നേതൃത്വത്തിലായിരുന്നു ബാര്‍ബിക്യു. കായിക മത്സരങ്ങൾക്ക് റാണി…

കടുത്ത ചൂടും വരൾച്ചയും അമേരിക്ക, യൂറോപ്പ്, ചൈന എന്നീ രാജ്യങ്ങളെ കാര്യമായി ബാധിച്ചു. സാമ്പത്തിക വളർച്ച ഇതിനകം തന്നെ മന്ദഗതിയിലായിരിക്കുന്ന സമയത്ത് തൊഴിലാളികൾക്കും ബിസിനസുകൾക്കും അത് ഏറെ പ്രശ്നങ്ങൾ സൃഷ്ടിക്കുകയാണ്. ചൈനയിലെ സിചുവാൻ പ്രവിശ്യയിൽ, ഊർജ്ജ സംരക്ഷണത്തിനായി എല്ലാ ഫാക്ടറികളും ആറ് ദിവസത്തേക്ക് അടച്ചിടാൻ ഉത്തരവിട്ടു. കൽക്കരിയും രാസവസ്തുക്കളും വഹിക്കുന്ന കപ്പലുകൾ ജർമ്മനിയിലെ റൈൻ നദിയിലൂടെ സാധാരണ യാത്ര ചെയ്യാൻ പാടുപെടുകയാണ്. താപനില കുതിച്ചുയരുന്നതിനാൽ അമേരിക്കയുടെ വെസ്റ്റ് കോസ്റ്റിൽ താമസിക്കുന്നവരോട് കുറഞ്ഞ വൈദ്യുതി ഉപയോഗിക്കാൻ അധികൃതര്‍ ആവശ്യപ്പെട്ടിട്ടുണ്ട്. ഈ രാജ്യങ്ങൾ അഭിമുഖീകരിക്കുന്ന ചില പ്രശ്‌നങ്ങൾ മാത്രമാണിവ. പ്രശ്നങ്ങളുടെ വ്യാപ്തി ചൂടും മഴയുടെ അഭാവവും എത്രത്തോളം നീണ്ടുനിൽക്കും എന്നതിനെ ആശ്രയിച്ചിരിക്കും. എന്നാല്‍, ജർമ്മനി പോലുള്ള രാജ്യങ്ങളിൽ, മുന്നറിയിപ്പ് നൽകുന്നത് വളരെ കുറച്ച് സഹായമേ ചെയ്യുന്നുള്ളൂ. കൂടാതെ, സ്ഥാപനങ്ങൾ ഏറ്റവും മോശമായ അവസ്ഥയ്ക്ക് തയ്യാറെടുക്കുകയാണ്. ലോകവികസനത്തെ സഹായിക്കുന്ന ലോകമെമ്പാടുമുള്ള മറ്റ്…

വാഷിംഗ്ടണ്‍: 2022 ന്റെ ആദ്യ പാദത്തിൽ അമേരിക്കയില്‍ 9,500-ലധികം ആളുകൾ വാഹനാപകടങ്ങളിൽ കൊല്ലപ്പെട്ടതായി രാജ്യത്തെ ഓട്ടോ-സേഫ്റ്റി റെഗുലേറ്ററിൽ നിന്നുള്ള കണക്കുകൾ കാണിക്കുന്നു. നാഷണൽ ഹൈവേ ട്രാഫിക് സേഫ്റ്റി അഡ്മിനിസ്ട്രേഷന്റെ (NHTSA) കണക്കനുസരിച്ച്, ജനുവരി മുതൽ മാർച്ച് വരെ വാഹനാപകടങ്ങളിൽ 9,560 പേർ മരിച്ചു. 2021 ലെ ഇതേ പാദത്തിൽ നടന്ന 8,935 മരണങ്ങളെ അപേക്ഷിച്ച് ഈ കണക്ക് ഏകദേശം 7% വർദ്ധനവ് രേഖപ്പെടുത്തുന്നതായി NHTSA റിപ്പോർട്ട് ചെയ്തു. ഇത് അമേരിക്കൻ റോഡുകളില്‍ 20 വർഷത്തിനിടയിലെ ഏറ്റവും മാരകമായ ആദ്യ പാദമാണെന്നും റിപ്പോര്‍ട്ടില്‍ കൂട്ടിച്ചേർത്തു. “മൊത്തത്തിലുള്ള സംഖ്യകൾ ഇപ്പോഴും തെറ്റായ ദിശയിലാണ് നീങ്ങുന്നത്. എല്ലാ സംസ്ഥാനങ്ങൾക്കും ട്രാഫിക് സുരക്ഷ ഇരട്ടിയാക്കാനുള്ള സമയമാണിത്, ”എൻഎച്ച്ടിഎസ്എ അഡ്മിനിസ്ട്രേറ്റർ സ്റ്റീവൻ ക്ലിഫ് പ്രസ്താവനയിൽ പറഞ്ഞു. NHTSA യുടെ റിപ്പോർട്ട് അപകടത്തിന്റെ മൂലകാരണത്താൽ ട്രാഫിക് മരണങ്ങളെ വിഭജിക്കുന്നില്ല. എന്നാൽ അമിതവേഗത, അതുപോലെ തന്നെ വാഹനമോടിക്കുന്നവരുടെ…