Category: AMERICA

മിനിയാപൊളിസ്: വംശീയ അനീതിക്കെതിരെ ലോകമെമ്പാടും പ്രതിഷേധം ആളിക്കത്തിച്ച കറുത്ത വർഗക്കാരനായ ജോർജ്ജ് ഫ്‌ളോയിഡിനെ കൊലപ്പെടുത്തിയതിലെ പങ്കിനെ തുടർന്ന് മുൻ മിനിയാപൊളിസ് ഉദ്യോഗസ്ഥന്‍ തോമസ് ലെയ്‌നെ ഫെഡറൽ കുറ്റത്തിന് 2-1/2 വർഷം തടവിന് ശിക്ഷിച്ചു. ഫ്ലോയിഡിന്റെ പൗരാവകാശങ്ങൾ ഹനിച്ചെന്നും, അറസ്റ്റാണ് മരണത്തിന് കാരണമായതെന്നും സെന്റ് പോളിലെ ഫെഡറൽ കോടതിമുറിയിൽ യുഎസ് ഡിസ്ട്രിക്റ്റ് ജഡ്ജി പോൾ മാഗ്നുസൺ വിധിന്യായത്തില്‍ പറഞ്ഞു. ജയില്‍ ശിക്ഷ കഴിഞ്ഞാലുടന്‍ രണ്ട് വർഷത്തേക്ക് പോലീസിന്റെ മേൽനോട്ടത്തിൽ പുറത്തിറങ്ങാനും ജഡ്ജി മാഗ്നുസൺ ഉത്തരവിട്ടതായി ഒരു പബ്ലിക് ഇൻഫർമേഷൻ ഓഫീസർ പറഞ്ഞു. 2020 മെയ് 25 ന് മിനിയാപൊളിസ് പലചരക്ക് കടയിലേക്ക് വിളിച്ചു വരുത്തിയ നാല് ഉദ്യോഗസ്ഥരിൽ ഒരാളാണ് 39 കാരനായ ലെയ്ൻ. സിഗരറ്റ് വാങ്ങാൻ 20 ഡോളർ വ്യാജ ബിൽ ഉപയോഗിച്ചുവെന്ന സംശയത്തിലാണ് ജോര്‍ജ്ജ് ഫ്ലോയിഡിനെ കസ്റ്റഡിയിലെടുക്കാൻ ശ്രമിച്ചത്. അറസ്റ്റ് നടക്കുന്നതിനിടയില്‍ നടന്ന മല്പിടുത്തത്തില്‍, സ്ഥലത്തുണ്ടായിരുന്ന മുതിർന്ന…

വാഷിംഗ്ടണ്‍: അമേരിക്കയിൽ “അടുത്ത ഏതാനും വർഷങ്ങളിള്‍ക്കകം” ഒരു ആഭ്യന്തരയുദ്ധം ഉണ്ടാകുമെന്ന് എല്ലാ അമേരിക്കക്കാരിലും പകുതിയോളം പേര്‍ വിശ്വസിക്കുന്നതായി പഠന റിപ്പോര്‍ട്ട്. യൂണിവേഴ്സിറ്റി ഓഫ് കാലിഫോർണിയ-ഡേവിസ് വയലൻസ് പ്രിവൻഷൻ റിസർച്ച് പ്രോഗ്രാമും കാലിഫോർണിയ വയലൻസ് റിസർച്ച് സെന്ററും ചേർന്നാണ് പഠനം നടത്തിയത്. ബുധനാഴ്ചയാണ് ഈ റിപ്പോര്‍ട്ട് പുറത്തിറങ്ങിയതെന്ന് വിവിധ മാധ്യമങ്ങള്‍ വ്യാഴാഴ്ച റിപ്പോര്‍ട്ട് ചെയ്തു. സർവേയിൽ പങ്കെടുത്തവരിൽ 50.1 ശതമാനം പേരും ആഭ്യന്തരയുദ്ധം ഉടൻ ഉണ്ടാകുമെന്ന് ഒരു പരിധിവരെയെങ്കിലും സമ്മതിക്കുന്നതായി ഗവേഷകർ റിപ്പോർട്ട് ചെയ്തു. അതേസമയം, 47.8 ശതമാനം പേർ അത് നടക്കില്ലെന്ന് പറഞ്ഞു. പ്രതികരിച്ചവരിൽ 14 ശതമാനം പേരും ഒരു ആഭ്യന്തരയുദ്ധം ആസന്നമാണെന്ന് തങ്ങൾ “ശക്തമായി” അല്ലെങ്കിൽ “വളരെ ശക്തമായി” സമ്മതിക്കുന്നുവെന്ന് പറഞ്ഞു. അതേസമയം, 36 ശതമാനം പേർ തങ്ങൾ ഒരു പരിധിവരെ അംഗീകരിക്കുന്നുവെന്ന് പറഞ്ഞു. 2021 ജനുവരി 6 ന് ആയിരക്കണക്കിന് ട്രംപ് അനുകൂലികൾ യുഎസ്…

മാന്യരായേവരും വാഴ്ത്തുവോർ നാൾക്കുനാൾ ശൂന്യരായ് മാറുന്നൊരീ യുഗത്തിൽ, മാനവ സത്യ സനാതന ധർമ്മങ്ങൾ മാറാല കെട്ടുന്നോരീ യുഗത്തിൽ, അർത്ഥ ലാഭേച്ഛയിൽ ധാർമ്മിക മൂല്യങ്ങൾ- ക്കർത്ഥമില്ലാതാകുമീ യുഗത്തിൽ, പഴുതെഴും തന്മനസ്സാക്ഷിയേ വേരോടെ പിഴുതെറിഞ്ഞീടുന്നൊരീ യുഗത്തിൽ, അഴകോലും ശോഭന ഭാവിക്കായന്യരെ അഴലിൽ കുളിപ്പിക്കുമീ യുഗത്തിൽ, അഴിമതിക്കൂടുതൽ കൊണ്ടു ഹൃദയത്തിൻ ആഴമറിയാത്തൊരീ യുഗത്തിൽ, ഉള്ളതെല്ലാം തൻ്റെ സ്വന്തമെന്നേവരും ഉച്ചത്തിൽ ഘോഷിക്കുമീ യുഗത്തിൽ, കഴുതപോലൊരു കൂട്ടരന്യരുരിഞ്ഞിടും വിഴുപ്പു ചുമക്കുന്നൊരീ യുഗത്തിൽ, വേലയേ ചെയ്യാതനങ്ങാതൊരു കൂട്ടർ വേതനം വാങ്ങുന്നൊരീ യുഗത്തിൽ, സത്വരലാഭപ്രസക്തനാംമാനവൻ തത്വംപ്രസംഗിക്കുമീയുഗത്തിൽ, വിശ്വത്തിൽ ഭൗതിക സൗഖ്യത്താലീശ്വര- വിശ്വാസം തീരുന്നൊരീ യുഗത്തിൽ, സുഖമോഹം തീരാത്ത മാനവനനുദിനം ദുഖത്തിലാഴുന്നൊരീ യുഗത്തിൽ, നന്മനാമെത്രമേൽ ചെയ്കിലും നാൾക്കുനാൾ തിന്മവളരുന്നൊരീ യുഗത്തിൽ, ഉള്ളവനൊന്നും കഴിക്കുവാനാകാതെ ഉള്ളുരുകീടുന്നൊരീ യുഗത്തിൽ, ഭക്ഷണം കാണാതെയെത്രയോ നിർധനർ ഭിക്ഷയാചിക്കുന്നൊരീ യുഗത്തിൽ, സർവ്വജ്ഞപീഠം കയറിയപോൽ ചിലർ, ഗർവ്വു കാട്ടീടുന്നൊരീ യുഗത്തിൽ, കണ്ണഞ്ചിപ്പിക്കുമെന്തുണ്ടേലും പിന്നെയും കാഞ്ചന മോഹിതമീ യുഗത്തിൽ,…

പെൻസിൽവേനിയ ∙ ഇരുപത്തിയെട്ടു വയസ്സുള്ള യുവാവിന്റെ വളർത്തു ജീവിയാണ് 15 അടിയിലധികം നീളം വരുന്ന പെരുമ്പാമ്പ്. പാമ്പിനെ വളർത്തുക എന്നത് ഇയാളുടെ വിനോദമായിരുന്നു. പാമ്പിന് യജമാനനോടുള്ള സ്നേഹം വർധിച്ചപ്പോൾ അത് പ്രകടിപ്പിച്ചത് കഴുത്തിൽ വരിഞ്ഞു മുറുക്കിയായിരുന്നു. ഇതിനെ തുടർന്ന് യുവാവ് ശ്വാസം കിട്ടാതെ ബോധരഹിതനായി നിലത്തു വീണു. ഇത് കണ്ട് കൂടെയുണ്ടായിരുന്ന കുടുംബാംഗം പൊലീസനെ വിവരം അറിയിച്ചു. പൊലീസ് സ്ഥലത്തെത്തുമ്പോൾ യുവാവ് മരണത്തിലേക്ക് നീങ്ങുകയായിരുന്നു. യുവാവിന്റെ കഴുത്തിൽ ചുറ്റി വളഞ്ഞു തല മുകളിലേക്കുയർത്തിയ പാമ്പിന്റെ തലയ്ക്കു നേരെ പൊലീസ് വെടിയുതിർത്തു. വെടിയേറ്റ് ജീവൻ നഷ്ടപ്പെട്ട പാമ്പിന്റെ ശരീരം സാവകാശത്തിൽ നിലത്തേക്കു പതിച്ചു. പാമ്പിന്റെ പിടിയിൽ നിന്നും രക്ഷപ്പെട്ട യുവാവിനെ പൊലീസ് ചികിത്സയ്ക്കായി ആശുപത്രിയിൽ പ്രവേശിപ്പിച്ചു. ജീവൻ തിരിച്ചു കിട്ടിയെങ്കിലും താൻ ഓമനിച്ചു വളർത്തിയ പെരുമ്പാമ്പിന്റെ മരണം തന്നെ കൂടുതൽ തളർത്തിയതായി യുവാവ് പറഞ്ഞു.

ഫിലഡല്‍ഫിയ: ചരിത്ര നഗരിയായ ഫിലഡല്‍ഫിയയ്ക്ക് തിലകക്കുറിയായി പ്രവര്‍ത്തിക്കുന്ന പ്രമുഖ കലാ-സാംസ്‌കാരിക-ജീവകാരുണ്യ സംഘടനയായ ഫ്രണ്ട്‌സ് ഓഫ് റാന്നിയുടെ ഇരുപത്തഞ്ചാം വാര്‍ഷികം (സില്‍വര്‍ജൂബിലി) 2022 ജൂലൈ 30-ന് ക്രിസ്‌തോസ് മാര്‍ത്തോമാ ചര്‍ച്ചിന്റെ കമനീയമായ ഓഡിറ്റോറിയത്തില്‍ വച്ചു (999 ഗാന്റോയി റോഡ്, ഫിലഡല്‍ഫിയ, പി.എ 19115) നടത്തുന്നു. ജൂലൈ 30-ന് 5 മണിക്ക് ആരംഭിക്കുന്ന ഘോഷയാത്രയോടെ ജൂബിലി ആഘോഷങ്ങള്‍ക്ക് തുടക്കമാകും. ജൂബിലി ആഘോഷങ്ങള്‍ക്ക് അമേരിക്കയിലെ പ്രമുഖ സാസംസ്‌കാരിക നായകന്മാരും ഫിലഡല്‍ഫിയയിലെ മറ്റ് സംഘടനാ പ്രവര്‍ത്തകരും അണിനിരക്കും. തുടര്‍ന്ന് ജൂബിലി ആഘോഷത്തിന്റെ ഔപചാരികമായ ഉദ്ഘാടനം നിര്‍വഹിക്കും. സില്‍വര്‍ ജൂബിലി സമ്മേളനം ചരിത്രമുഹൂര്‍ത്തമാക്കാനുള്ള പ്രവര്‍ത്തനങ്ങള്‍ ധൃതഗതയില്‍ നടക്കുന്നതായി കോര്‍ഡിനേറ്റര്‍ മനു ചെറുകത്തറ അറിയിച്ചു. സമ്മേളനത്തില്‍ സംഘടനയിലെ മുതിര്‍ന്ന പൗരന്മാരേയും, മുന്‍ പ്രസിഡന്റുമാരേയും ആദരിക്കും. പൊതുസമ്മേളനത്തിനുശേഷം കലാപരിപാടികള്‍ക്ക് തിരിതെളിയും. ഡാന്‍സ്, മിമിക്രി, ഗാനമേള എന്നിവയും ക്രമീകരിച്ചിട്ടുണ്ട്. ‘സംഗീതമഴ’ എന്ന പ്രത്യേക സംഗീത പരിപാടി ശബരീനാഥ് (ന്യൂയോര്‍ക്ക്),…

കൊപ്പേൽ (ടെക്സാസ്) : ഭാരതത്തിന്‍റെ പ്രഥമ വിശുദ്ധയായ വി. അല്‍ഫോന്‍സാമ്മയുടെ തിരുനാളിനു കൊപ്പേല്‍ സെന്റ് അല്‍ഫോന്‍സാ ദേവാലയത്തില്‍ ജൂലൈ 22 (വെള്ളി) അഭിവന്ദ്യ ബിഷപ്പ് മാർ ലോറൻസ് മുക്കുഴി കൊടിയേറ്റുന്നതോടെ തുടക്കമാവും . ജൂലൈ 22 മുതല്‍ 31 വരെയാണ് തിരുനാൾ. ജൂലൈ 31 ഞായറാഴ്ച നടക്കുന്ന ആഘോഷമായ തിരുനാൾ കുർബാനക്കു അഭി. ബിഷപ്പ് മാർ ലോറൻസ് മുക്കുഴി മുഖ്യകാർമ്മികത്വം വഹിക്കും. തിരുനാൾ ആഘോഷങ്ങൾക്ക് ഇടവക വികാരി ഫാ. ജേക്കബ് ക്രിസ്റ്റി പറമ്പുകാട്ടിൽ , കൈക്കാരന്മാരായ എബ്രഹാം പി മാത്യൂ , പീറ്റർ തോമസ് , സാബു സെബാസ്റ്റ്യൻ , ടോം ഫ്രാൻസീസ്, ജോർജ് തോമസ് (സെക്രട്ടറി) എന്നിവരടങ്ങുന്ന പാരീഷ് കൌണ്‍സിലും ഇടവകയിലെ കുടുംബ യൂണിറ്റുകളും നേതൃത്വം നൽകും. തിരുനാൾ പരിപാടികൾ: ജൂലൈ 22 വെള്ളി: വൈകുന്നേരം 6 മുതൽ ദിവ്യകാരുണ്യആരാധന. വൈകുന്നേരം 7 നു കൊടിയേറ്റ്.…

വാഷിംഗ്ടണ്‍: റഷ്യയെ ഭീകരതയെ പ്രോത്സാഹിപ്പിക്കുന്ന രാഷ്ട്രമായി പ്രഖ്യാപിക്കണമെന്ന് ഡമോക്രാറ്റിക് പാര്‍ട്ടി ലീഡറും യു.എസ്. ഹൗസ് സ്പീക്കറുമായ നാന്‍സി പെലോസി സ്‌റ്റേറ്റ് സെക്രട്ടറി ആന്റണി ബ്ലിങ്കനോട് ആവശ്യപ്പെട്ടു. സെക്രട്ടറി ഇതിന് തയ്യാറാകുന്നില്ലെങ്കില്‍ യു.എസ്. കോണ്‍ഗ്രസ് ഈ ദൗത്യം ഏറ്റെടുക്കേണ്ടിവരുമെന്നും നാന്‍സി സ്‌റ്റേറ്റ് സെക്രട്ടറിക്ക് മുന്നറിയിപ്പ് നല്‍കി. ഭീകരതയെ പ്രോത്സാഹിപ്പിക്കുന്ന രാഷ്ട്രമായി പ്രഖ്യാപിക്കുന്നതിന് സ്റ്റേറ്റ് സെക്രട്ടറിക്ക് ആവശ്യമായ അധികാരം കോണ്‍ഗ്രസ് നല്‍കിയിട്ടുണ്ട്. സൗത്ത് കരോലിനായില്‍ നിന്നുള്ള റിപ്പബ്ലിക്കന്‍ സെനറ്റര്‍ ലിന്‍ഡ്‌സി ഗ്രാഹം, കണക്റ്റിക്കട്ടില്‍ നിന്നുള്ള ഡമോക്രാറ്റിക് സെനറ്റര്‍ റിച്ചാര്‍ഡ് ബ്ലൂമെന്തല്‍ ഈ മാസമാദ്യം ഉ്ക്രയ്ന്‍ തലസ്ഥാനം സന്ദര്‍ശിച്ചു. പ്രസിഡന്റ് സെലന്‍സ്‌ക്കിക്ക് യു.എസ്. പിന്തുണ പ്രഖ്യാപിച്ചിരുന്നു. ഇരുവരും റഷ്യ ഭീകരപ്രവര്‍ത്തനങ്ങള്‍ നടത്തുന്നുവെന്ന് ആരോപിക്കുകയും, ബ്ലിങ്കനോട് റഷ്യയെ ഔദോഗീകമായി ഭീകരതയെ പ്രോത്സാഹിപ്പിക്കുന്ന രാഷ്ട്രമായി പ്രഖ്യാപിക്കണമെന്ന് ആവശ്യപ്പെടുകയും ചെയ്തിരുന്നു. ഭീകരരാഷ്ട്രമായി റഷ്യയെ പ്രഖ്യാപിക്കുന്നതോടെ കൂടുതല്‍ നിയന്ത്രണങ്ങള്‍ ഏര്‍പ്പെടുത്തുവാന്‍ കഴിയുമെന്നും, ഇവര്‍ക്കെതിരെ ശിക്ഷാനടപടികള്‍ സ്വീകരിക്കുവാന്‍ കഴിയുമെന്നും…

ന്യൂജേഴ്‌സി: അമേരിക്കയിലെ പ്രമുഖ മലയാളി സംഘടനയായ കേരള അസോസിയേഷന്‍ ഓഫ്‌ ന്യൂജേഴ്‌സി (കാന്‍ജ്‌ ) ഓണം 2022 സെപ്തംബർ 17 ശനിയാഴ്ച ആഘോഷിക്കുന്നു. ഈസ്റ്റ് ബ്രോൺസ്വിക് പെർഫോമൻസ് ആർട്സ് സെന്ററിൽ ( JMPAC) വെച്ച് നടത്തപ്പെടുന്ന ഓണാഘോഷചടങ്ങുകളിൽ പഞ്ചവാദ്യ മേളങ്ങളുടേയും, താലപ്പൊലിയേന്തിയ യുവതികളുടെയും ബാലികമാരുടേയും അകമ്പടിയോടെ മാവേലി മന്നന്റെ എഴുന്നള്ളത്ത് അടക്കം വിവിധ തനതു കേരള കലാരുപങ്ങൾ ഉൾക്കൊള്ളിച്ചുള്ള ഘോഷയാത്രയോടെ ആരംഭിക്കും , രാഷ്ട്രീയ സാമൂഹിക സാംസ്കാരിക സിനിമ രംഗങ്ങളിലെ പ്രശസ്തർ പങ്കെടുക്കുന്ന പൊതു സമ്മേളനത്തിന് ശേഷം നടക്കുന്ന വിവിധ കലാപരിപാടികളിൽ ന്യൂ ജേഴ്സിയിലെ പ്രമുഖ കലാകാരന്മാർ പങ്കെടുക്കുന്ന മെഗാ തിരുവാതിര മറ്റു നൃത്ത നൃത്യങ്ങൾ, പ്രശസ്ത ഗായകർ ചേർന്ന് ഒരുക്കുന്ന സംഗീത സായാന്ഹ്നം കൂടാതെ കേരളത്തിലെ പ്രമുഖ സിനിമാതാരങ്ങൾ അടക്കമുള്ള അനേകം കലാകാരന്മാർ പങ്കെടുക്കുന്ന സ്റ്റേജ് ഷോ, സിത്താർ പാലസ് ഒരുക്കുന്ന വിഭവസമൃദ്ധമായ ഓണസദ്യ എന്നിവ…

വാഷിംഗ്ടൺ: പ്രസിഡന്റ് ജോ ബൈഡന് കോവിഡ്-19 പോസിറ്റീവിന്റെ നേരിയ ലക്ഷണങ്ങളുണ്ടെന്ന് വൈറ്റ് ഹൗസ്. വ്യാഴാഴ്ചയാണ് 79 കാരനായ ബൈഡന്‍ “നേരിയ ലക്ഷണങ്ങൾ” അനുഭവിക്കുന്നുണ്ടെന്ന് വൈറ്റ് ഹൗസ് പ്രസ്താവനയില്‍ പറയുന്നു. വൈറ്റ് ഹൗസിൽ തന്നെ ക്വാറന്റൈനിലായിരിക്കുമ്പോള്‍ തന്റെ മുഴുവൻ ചുമതലകളും നിർവഹിക്കുമെന്നും അദ്ദേഹത്തിന്റെ ഭരണകൂടം അറിയിച്ചു. “അദ്ദേഹം പൂർണ്ണമായി വാക്സിനേഷൻ എടുത്തിട്ടുണ്ട്, രണ്ടു തവണ ബൂസ്റ്റര്‍ ഡോസും എടുത്തിരുന്നു. വളരെ നേരിയ ലക്ഷണങ്ങൾ അനുഭവപ്പെടുന്നു,” വൈറ്റ് ഹൗസ് പ്രസ്താവനയിൽ പറഞ്ഞു. ഫൈസറിന്റെ കോവിഡ് വിരുദ്ധ ഗുളികയായ പാക്‌സ്‌ലോവിഡ് കഴിക്കാൻ തുടങ്ങി. “സി‌ഡി‌സി മാർഗ്ഗനിർദ്ദേശങ്ങൾക്ക് അനുസൃതമായി, അദ്ദേഹം വൈറ്റ് ഹൗസിൽ ഒറ്റപ്പെടുകയും ആ സമയത്ത് തന്റെ എല്ലാ ചുമതലകളും പൂർണ്ണമായും നിർവഹിക്കുന്നത് തുടരുകയും ചെയ്യും.”

ന്യൂയോർക്ക് : മാർത്തോമ്മ സഭയുടെ പരമാധ്യക്ഷൻ ഡോ.തിയഡോഷ്യസ് മാർത്തോമ്മാ മെത്രാപ്പോലീത്തായുടെ സഹോദരിയും, കോട്ടയം അഞ്ചേരി ഇലക്കാട്ടുകടുപ്പിൽ എ.ഇ ജേക്കബിന്റെ സഹധർമ്മിണിയുമായ അച്ചാമ്മ ജേക്കബ് (77) അന്തരിച്ചു. കൊല്ലം അഷ്ടമുടി ഇമ്മാനുവേൽ മാർത്തോമ്മ ഇടവകാംഗവും കിഴക്കേ ചക്കാലയിൽ കുടുംബാംഗവുമാണ് പരേത. മാർത്തോമ്മാ സഭയുടെ ജോസഫ് മാർ ബർന്നബാസ് സഫ്രഗൻ മെത്രാപ്പോലീത്താ ഭർതൃസഹോദരൻ ആണ്. മക്കൾ: പുഷ്പ – ഡോ. മിജി മാത്യു (ഒക്ലഹോമ, യൂ.എസ്.എ), പ്രിയ – ജോബി (ഇന്ത്യ) പൊതുദർശനം ജൂലൈ 22 വെള്ളിയാഴ്ച്ച ഉച്ചക്ക് 2 മണി മുതൽ തിരുവനന്തപുരം പാറ്റൂർ സെന്റ്.തോമസ് മാർത്തോമ്മ പള്ളിയിൽ. സംസ്കാരം ജൂലൈ 23 ശനിയാഴ്ച്ച വൈകിട്ട് 4 മണിക്ക് കോട്ടയം അഞ്ചേരി ക്രിസ്തോസ് മാർത്തോമ്മ പള്ളിയിൽ. നോർത്ത് അമേരിക്ക – യൂറോപ്പ് ഭദ്രാസനാധിപൻ ബിഷപ് ഡോ.ഐസക്ക് മാർ ഫിലക്സിനോസ് ഭദ്രാസനത്തിനുവേണ്ടി അനുശോചനം അറിയിച്ചു.