Category: AMERICA

ഒക്ലഹോമ:ജനുവരി 19 നു  അമേരിക്കയിലുടനീളം മാർട്ടിൻ ലൂഥർ കിംഗ് ജൂനിയറുടെ ജീവിതവും പൈതൃകവും സ്മരിച്ചുകൊണ്ട് വിവിധ പരിപാടികൾ നടന്നു.ഇതിനോടുബന്ധിച്ചു  ഒക്ലഹോമ സിറ്റിയിലും വിപുലമായ ആഘോഷങ്ങൾ സംഘടിപ്പിച്ചു ഫ്രീഡം സെന്ററിൽ നിന്ന് ഒക്ലഹോമ ഹിസ്റ്ററി മ്യൂസിയം വരെയായിരുന്നു നിശബ്ദ ജാഥ സംഘടിപ്പിച്ചത്. ഒക്ലഹോമ സിറ്റി ഡൗണ്ടൗണിൽ നടന്ന വാർഷിക പരേഡിൽ വൻ ജനപങ്കാളിത്തം ഉണ്ടായിരുന്നു. 1986 മുതലാണ് നഗരത്തിൽ ഈ ആഘോഷങ്ങൾ സജീവമായി തുടങ്ങിയതെന്ന് ചടങ്ങിൽ പങ്കെടുത്തവർ ഓർമ്മിച്ചു.സമാധാനത്തിന്റെയും സ്നേഹത്തിന്റെയും സന്ദേശങ്ങൾ ഇന്നത്തെ സമൂഹത്തിന് അത്യന്താപേക്ഷിതമാണെന്ന് പങ്കെടുക്കുന്നവർ അഭിപ്രായപ്പെട്ടു. ക്ലാര ലൂപ്പറിനെപ്പോലെയുള്ളവരുടെ നേതൃത്വത്തിൽ നടന്ന പൗരാവകാശ പോരാട്ടങ്ങളെയും എൻ.എ.എ.സി.പി  നേതാക്കൾ ചടങ്ങിൽ സ്മരിച്ചു.

പരമോന്നത നേതാവ് ആയത്തുള്ള ഖമേനിക്കെതിരായ ആക്രമണം മുഴുവൻ രാജ്യത്തിനെതിരെയുമുള്ള യുദ്ധമായി കണക്കാക്കുമെന്ന് ഇറാൻ യുഎസിന് മുന്നറിയിപ്പ് നൽകി. ട്രംപിന്റെ പരാമർശങ്ങൾ, വർദ്ധിച്ചുവരുന്ന പ്രതിഷേധങ്ങൾ, വധശിക്ഷയെക്കുറിച്ചുള്ള സൂചനകൾ എന്നിവ സ്ഥിതിഗതികൾ കൂടുതൽ വഷളാക്കി. ഇറാനും അമേരിക്കയും തമ്മിലുള്ള വർദ്ധിച്ചുവരുന്ന സംഘർഷങ്ങൾ അന്താരാഷ്ട്ര രാഷ്ട്രീയത്തെ വീണ്ടും ഇളക്കിമറിച്ചിരിക്കുന്നു. വാഷിംഗ്ടണുമായുള്ള ഏറ്റുമുട്ടലിനിടയിൽ, തങ്ങളുടെ പരമോന്നത നേതാവ് ആയത്തുള്ള അലി ഖമേനിയെ ലക്ഷ്യമിടുന്നത് നേരിട്ടുള്ള യുദ്ധമായി കണക്കാക്കുമെന്ന് ഇറാൻ വ്യക്തമായ മുന്നറിയിപ്പ് നൽകി. അത്തരമൊരു നീക്കം മുഴുവൻ രാജ്യത്തിനെതിരെയുമുള്ള യുദ്ധത്തിന് തുല്യമാണെന്ന് ഇറാൻ നേതൃത്വം പ്രസ്താവിച്ചു. ഏതൊരു “ന്യായീകരിക്കാത്ത ആക്രമണത്തിനും” ഇറാൻ ശക്തമായും കർശനമായും പ്രതികരിക്കുമെന്ന് ഇറാൻ പ്രസിഡന്റ് മസൂദ് പെഷേഷ്കിയാൻ സോഷ്യൽ മീഡിയ പ്ലാറ്റ്‌ഫോമുകളിൽ ഒരു പ്രസ്താവന ഇറക്കി. പരമോന്നത നേതാവിനെതിരായ ആക്രമണം ഒരു വ്യക്തിക്ക് മാത്രമല്ല, മുഴുവൻ ഇറാൻ രാഷ്ട്രത്തിനും നേരെയുള്ള ആക്രമണമായി കണക്കാക്കുമെന്ന് അദ്ദേഹം വ്യക്തമായി പ്രസ്താവിച്ചു. ട്രം‌പിന്റെ…

ഗ്രീൻലാൻഡിന്റെ പേരില്‍ യൂറോപ്യൻ രാജ്യങ്ങൾക്ക് മേൽ തീരുവ ചുമത്തുമെന്ന് ഭീഷണിപ്പെടുത്തിയ ട്രം‌പിന് വന്‍ തിരിച്ചടി. ട്രം‌പിന്റെ നീക്കം യുഎസും യൂറോപ്പും തമ്മിലുള്ള വ്യാപാര, രാഷ്ട്രീയ, തന്ത്രപരമായ സംഘർഷങ്ങൾ വർദ്ധിപ്പിച്ചിരുന്നു. യൂറോപ്യൻ യൂണിയനിൽ നിന്നും കാനഡയിൽ നിന്നും ശക്തമായ പ്രതികരണമാണ് ഇതിന് കാരണമായത്. ഗ്രീൻലാൻഡിനെതിരെ യുഎസ് പ്രസിഡന്റ് ഡൊണാൾഡ് ട്രംപ് സ്വീകരിച്ച ആക്രമണാത്മക നിലപാടിന് വന്‍ തിരിച്ചടി. ഡെൻമാർക്കിലെ സ്വയംഭരണ പ്രദേശമായ ഗ്രീൻലാൻഡിന്മേൽ ട്രംപ് പരസ്യമായി അവകാശവാദമുന്നയിച്ചിരുന്നു. വെറും ഒരു ഉടമ്പടിയിലൂടെയല്ല, മറിച്ച് ഉടമസ്ഥാവകാശത്തിലൂടെയാണ് ഗ്രീൻലാൻഡിന്‍റെ നിയന്ത്രണം അമേരിക്ക ഏറ്റെടുക്കാൻ ആഗ്രഹിക്കുന്നതെന്ന് അദ്ദേഹം പ്രസ്താവിക്കുകയും ചെയ്തു. ഗ്രീന്‍‌ലാന്‍ഡും ഡെന്മാര്‍ക്കും എതിര്‍പ്പുമായി രംഗത്തെത്തിയപ്പോള്‍, ഈ വിഷയത്തിൽ സാമ്പത്തിക സമ്മർദ്ദം ചെലുത്താനുള്ള ഒരു തന്ത്രമാണ് ട്രംപ് സ്വീകരിച്ചത്. ഗ്രീൻലാൻഡ് സംബന്ധിച്ച് ഒരു കരാറിലെത്താൻ കഴിഞ്ഞില്ലെങ്കിൽ, ഫെബ്രുവരി 1 മുതൽ നിരവധി യൂറോപ്യൻ രാജ്യങ്ങളിൽ നിന്നുള്ള സാധനങ്ങൾക്ക് യുഎസ് അധിക തീരുവ ചുമത്തുമെന്ന്…

വാഷിംഗ്‌ടൺ ഡി സി :അമേരിക്കൻ ക്യാൻസർ സൊസൈറ്റിയുടെ (ACS) ഏറ്റവും പുതിയ റിപ്പോർട്ട് പ്രകാരം അമേരിക്കയിലെ ക്യാൻസർ അതിജീവന നിരക്ക് റെക്കോർഡ് ഉയരത്തിൽ എത്തിയിരിക്കുന്നു. ക്യാൻസർ ചികിത്സാരംഗത്തെ ഗവേഷണങ്ങളും രോഗം നേരത്തെ കണ്ടുപിടിക്കാനുള്ള നൂതന മാർഗങ്ങളുമാണ് ഈ പുരോഗതിക്ക് പ്രധാന കാരണമായി ചൂണ്ടിക്കാണിക്കപ്പെടുന്നത്. അമേരിക്കയിലെ അഞ്ച് വർഷത്തെ ക്യാൻസർ അതിജീവന നിരക്ക്  ഇപ്പോൾ 70% ആണ്. 1970-കളുടെ പകുതിയിൽ ഇത് വെറും 50% മാത്രമായിരുന്നു. ലിവർ ക്യാൻസർ അതിജീവന നിരക്ക് 1990-കളിലെ 7%-ൽ നിന്നും 2023-ൽ 22% ആയി വർധിച്ചു. ലങ് ക്യാൻസർ അതിജീവന നിരക്ക് 15%-ൽ നിന്നും 28% ആയും, മൈലോമ  അതിജീവന നിരക്ക് 32%-ൽ നിന്നും 62% ആയും ഉയർന്നു. ദൂരെയുള്ള അവയവങ്ങളിലേക്ക് പടർന്ന ക്യാൻസറുകളുടെ  അതിജീവന നിരക്ക് 1990-കളിലെ 17%-ൽ നിന്നും 35% ആയി വർധിച്ചിട്ടുണ്ട്. 1991-ലെ ഏറ്റവും ഉയർന്ന നിരക്കിൽ നിന്നും…

ഹൂസ്റ്റൺ: സൗത്ത് ഈസ്റ്റ് ഹൂസ്റ്റണിലെ ജനവാസ മേഖലയിൽ തെരുവ് നായ്ക്കളുടെ ആക്രമണം വർദ്ധിക്കുന്നത് പ്രദേശവാസികളെ ഭീതിയിലാഴ്ത്തുന്നു. നായ്ക്കൾ വളർത്തുമൃഗങ്ങളെ ആക്രമിക്കുകയും ആളുകളെ ഓടിക്കുകയും ചെയ്യുന്നതായാണ് പരാതി. സെലിൻസ്കി റോഡിന് സമീപം ആറോളം നായ്ക്കൾ ചേർന്ന് ഒരു നായക്കുട്ടിയെ ക്രൂരമായി ആക്രമിച്ചു. ഒരു സ്ത്രീ ഇടപെട്ട് നായ്ക്കളെ ഓടിച്ചതിനാലാണ് നായക്കുട്ടിയുടെ ജീവൻ രക്ഷിക്കാനായത്. കഴിഞ്ഞ ഒന്നര വർഷമായി ഈ നായ്ക്കൾ പ്രദേശത്ത് പ്രശ്നങ്ങൾ സൃഷ്ടിക്കുന്നുണ്ടെന്ന് നാട്ടുകാർ പറയുന്നു. മുൻപ് പല വളർത്തുമൃഗങ്ങളെയും ഇവ കൊലപ്പെടുത്തിയിട്ടുണ്ട്. സ്റ്റെർലിംഗ് ഹൈസ്കൂളിന് സമീപമുള്ള അപ്പാർട്ട്മെന്റ് പരിസരത്താണ് നായശല്യം രൂക്ഷമായിരിക്കുന്നത്. വൈകുന്നേരങ്ങളിൽ സ്കൂൾ കഴിഞ്ഞ് നടന്നുപോകുന്ന കുട്ടികളെ നായ്ക്കൾ ആക്രമിക്കുമോ എന്ന ആശങ്കയിലാണ് രക്ഷിതാക്കൾ. നഗരസഭയുടെ മൃഗസംരക്ഷണ വിഭാഗമായ ‘BARC’ പ്രദേശത്ത് പരിശോധന ശക്തമാക്കിയിട്ടുണ്ട്. കഴിഞ്ഞ നാല് മാസത്തിനിടെ ഈ മേഖലയിൽ നിന്ന് 14 നായ്ക്കളെ പിടികൂടിയതായി അധികൃതർ അറിയിച്ചു. നായ്ക്കളുടെ ആക്രമണമുണ്ടായാൽ ഓടരുത്…

എൽ പാസോ (ടെക്സസ്): ടെക്സസിലെ എൽ പാസോയിലുള്ള ഫോർട്ട് ബ്ലിസ് സൈനിക താവളത്തിലെ ‘ക്യാമ്പ് ഈസ്റ്റ് മൊണ്ടാന’ തടങ്കൽ പാളയത്തിൽ രണ്ടാഴ്ചയ്ക്കിടെ രണ്ടാമത്തെ മരണം റിപ്പോർട്ട് ചെയ്തു. നിക്കരാഗ്വ സ്വദേശിയായ വിക്ടർ മാനുവൽ ഡയസ് (36) ആണ് കഴിഞ്ഞ ബുധനാഴ്ച മരിച്ചത്. വിക്ടർ മാനുവൽ ഡയസിനെ മുറിയിൽ അബോധാവസ്ഥയിൽ കണ്ടെത്തുകയായിരുന്നുവെന്നും ഇത് ആത്മഹത്യയാണെന്ന് സംശയിക്കുന്നതായും ഇമിഗ്രേഷൻ ആൻഡ് കസ്റ്റംസ് എൻഫോഴ്സ്മെന്റ് അറിയിച്ചു. എന്നാൽ മരണത്തിൽ ഔദ്യോഗിക അന്വേഷണം തുടരുകയാണ്. ജനുവരി 6-ന് മിനിയാപൊളിസിൽ നടന്ന കുടിയേറ്റ വിരുദ്ധ പരിശോധനയ്ക്കിടെയാണ് ഇയാളെ പിടികൂടിയത്. തുടർന്ന് നാടുകടത്തുന്നതിനായി ടെക്സസിലേക്ക് മാറ്റുകയായിരുന്നു. ഇതേ ക്യാമ്പിൽ ജനുവരി 3-ന് ക്യൂബൻ സ്വദേശിയായ ജെറാൾഡോ ലുനാസ് കാമ്പോസ് (55) മരിച്ചിരുന്നു. ഉദ്യോഗസ്ഥർ കഴുത്തിലും നെഞ്ചിലും അമർത്തിയതിനെ തുടർന്നുണ്ടായ ശ്വാസംമുട്ടലാണ് മരണകാരണമെന്ന് മെഡിക്കൽ റിപ്പോർട്ടുകൾ സൂചിപ്പിക്കുന്നു. ഇത് കൊലപാതകമാണെന്ന് സഹതടവുകാർ ആരോപിച്ചിട്ടുണ്ട്. കഴിഞ്ഞ വർഷം മാത്രം…

ഹൂസ്റ്റൺ: അമേരിക്കയിലെ ഏറ്റവും വലിയ എക്യൂമെനിക്കൽ കൂട്ടായ്മകളിലൊന്നായ ഇന്ത്യൻ ക്രിസ്ത്യൻ എക്യൂമെനിക്കൽ കമ്മ്യൂണിറ്റി ഓഫ് ഹൂസ്റ്റൻറെ ICECH) 2026 ലേക്കുള്ള പുതിയ ഭാരവാഹികളെ തിരഞ്ഞെടുത്തു. ഹൂസ്റ്റണിലെ 19 ഇടവകകളുടെ സംയുക്ത വേദിയാണ് ഐസിഇസിഎച്ച്. ജനുവരി 15 നു വ്യാഴാഴ്ച വൈകുന്നേരം 7.30 യ്ക്ക് ഇമ്മാനുവേൽ മാർത്തോമാ ദേവാലയത്തിൽ നടന്ന 44 – മത് വാർഷിക പൊതുയോഗത്തിലാണ് തിരഞ്ഞെടുപ്പ് നടന്നത്. പ്രസിഡണ്ട് റവ.ഫാ.ഡോ.ഐസക് ബി പ്രകാശിന്റെ അദ്ധ്യക്ഷതയിൽ നടന്ന യോഗം റവ.ഫാ. മാത്യൂസ് ജോർജിന്റെ പ്രാർത്ഥനയോടു കൂടി ആരംഭിച്ചു. പ്രകാശ് അച്ചൻ വന്നു ചേർന്ന ഏവർക്കും സ്വാഗതം ആശംസിച്ചു. സെക്രട്ടറി ഷാജൻ ജോർജ് 2025 ലെ പ്രവർത്തന റിപ്പോർട്ടും ട്രഷറർ രാജൻ അങ്ങാടിയിൽ വരവ് ചിലവ് കണക്കും അവതരിപ്പിച്ചു പാസാക്കി. തുടർന്ന് പുതിയ വർഷത്തെ ഭാരവാഹികളെ തിരഞ്ഞെടുത്തു. പ്രസിഡന്റ് : റവ. ഫാ. ഡോ. ഐസക് ബി. പ്രകാശ്,…