യുണൈറ്റഡ് നേഷന്സ്: ഗാസയിൽ ഇസ്രായേല് നടത്തിക്കൊണ്ടിരിക്കുന്ന വംശഹത്യാ പ്രവര്ത്തനങ്ങള്ക്കെതിരെ അന്താരാഷ്ട്ര നീതിന്യായ കോടതി (ICJ) പുറപ്പെടുവിച്ച താത്ക്കാലിക വിധിയെ യുഎൻ സെക്രട്ടറി ജനറൽ അന്റോണിയോ ഗുട്ടെറസ് വെള്ളിയാഴ്ച സ്വാഗതം ചെയ്തു. കോടതിയുടെ തീരുമാനങ്ങൾക്ക് ഇസ്രായേല് “ബാദ്ധ്യസ്ഥരാണെന്ന്” അദ്ദേഹം പറഞ്ഞു. കോടതിയുടെ ചട്ടത്തിനനുസൃതമായി, കോടതിയുടെ തീരുമാനങ്ങൾ നടപ്പിലാക്കാന് എല്ലാ കക്ഷികളും ബാദ്ധ്യസ്ഥരാണെന്നും, ഉത്തരവ് അവര് കൃത്യമായി പാലിക്കുമെന്ന് വിശ്വസിക്കുന്നുവെന്നും സെക്രട്ടറി ജനറൽ പറഞ്ഞതായി അദ്ദേഹത്തിന്റെ വക്താവ് സ്റ്റെഫാൻ ഡുജാറിക് ഒരു പ്രസ്താവനയില് പറഞ്ഞു. വംശഹത്യ കൺവെൻഷൻ ബാധ്യതകൾക്ക് അനുസൃതമായി ഗാസയിൽ കൂടുതൽ രക്തച്ചൊരിച്ചിൽ തടയാൻ “അതിന്റെ അധികാര പരിധിയിലുള്ള എല്ലാ നടപടികളും സ്വീകരിക്കാൻ” ഇസ്രയേലിനോട് ഐസിജെ ഉത്തരവിട്ടതിന് പിന്നാലെയാണ് പ്രസ്താവന. ബന്ദികളാക്കിയ എല്ലാവരെയും ഉടൻ മോചിപ്പിക്കണമെന്നും കോടതി ആവശ്യപ്പെട്ടു. ഇസ്രായേലിന്റെ സൈന്യം ഈ പ്രവൃത്തികളൊന്നും ചെയ്യുന്നില്ലെന്ന് ഉറപ്പാക്കാൻ ഇസ്രയേലിനോടുള്ള കോടതിയുടെ നിർദ്ദേശവും യു എന് മേധാവി സ്വാഗതം ചെയ്തതായി…
ലോക കോടതിയുടെ തീരുമാനങ്ങൾ നടപ്പിലാക്കാന് ഇസ്രായേല് ബാദ്ധ്യസ്ഥര്: യുഎൻ മേധാവി
