പ്രധാനമന്ത്രി നരേന്ദ്ര മോദിയുടെ അമേരിക്കന് സന്ദര്ശനം ഇരുരാജ്യങ്ങളും തമ്മിലുള്ള ബന്ധത്തില് നിര്ണായക വഴിത്തിരിവാണ് സൃഷ്ടിച്ചിരിക്കുന്നത്. മുമ്പെങ്ങുമില്ലാത്തവിധം ഇന്ത്യയുടെ രാഷ്ദ്രീയ-സാമ്പത്തിക പ്രാധാന്യത്തെ അംഗീകരിക്കാനും വരും വര്ഷങ്ങളില് വിവിധ മേഖലകളില് നമ്മുടെ ചുവടുറപ്പിക്കുന്ന ധാരണകള്ക്ക് മോദി-ബൈഡന് കൂടിക്കാഴ്ച കാരണമായി. നേരത്തെ പ്രതിരോധ സഹകരണ കരാറുകള് ഉണ്ടായിട്ടുണ്ടെങ്കിലും അതെല്ലാം ഏകപക്ഷീയമായിരുന്നു. പ്രതിരോധ സഹകരണം, കോ.-പ്രൊഡക്ഷന്, ഗവേഷണം, പരീക്ഷണങ്ങള്, സാങ്കേതിക വിദ്യയുടെ കൈമാറ്റം എന്നിവയില് ഒരിക്കലും പ്രവേശിച്ചിരുന്നില്ല. മോദിയുടെ സന്ദര്ശനം ചരിത്രവിജയമാകാന് കാരണം അമേരിക്ക ഇപ്പോള് അതിന് തയ്യാറായിക്കഴിഞ്ഞു എന്നതാണ്. മാറുന്ന ലോകത്ത് ഇന്ത്യയുടെ വളര്ച്ചയും പ്രധാനമന്ത്രി മോദി നല്കിയ ശക്തമായ നേതൃത്വവും 100% ഉറപ്പോടെ ഉറപ്പിച്ചിരിക്കുന്നു. അമേരിക്കയുടെ ഏറ്റവും അടുത്ത സുഹൃത്തായി വിശ്വസിക്കാവുന്ന ഏക ഏഷ്യന് രാജ്യമാണ് ഇന്ത്യയെന്ന തിരിച്ചറിവാണ് കരാറുകള് നിര്മാണത്തിലേക്കും സഹകരണത്തിലേക്കും നീളാന് കാരണം. ഇന്ത്യയുടെ സ്വയം നിര്മ്മിത ലൈറ്റ് കോംബാറ്റ് എയര്ക്രാഫ്റ്റായ തേജസിനായി ജിഇ എയ്റോസ്പേസില് നിന്ന്…
മോദിയുടെ അമേരിക്കൻ സന്ദർശനം ചരിത്ര വിജയം (എഡിറ്റോറിയല്)
