ആലപ്പുഴ: മുല്ലയ്ക്കലിലെ ബ്രാഹ്മണ സമൂഹ മഠത്തിലെ അഗ്രഹാരത്തിലെ തീപിടുത്തത്തെ തുടര്ന്ന് രണ്ട് വീടുകൾ പൂർണ്ണമായും കത്തിനശിച്ചു. സമീപത്തുള്ള അഞ്ച് വീടുകളിലേക്ക് തീ പടർന്നതായി റിപ്പോർട്ടുണ്ട്. ഇന്ന് രാത്രി 7:30 ഓടെയാണ് സംഭവം. ആലപ്പുഴയിൽ നിന്നും തകഴിയിൽ നിന്നുമുള്ള അഗ്നിശമന സേനാ യൂണിറ്റുകൾ തീ അണയ്ക്കാൻ ശ്രമിക്കുകയാണ്. രാജരാജേശ്വരി ക്ഷേത്രത്തിന് തെക്ക് മഠത്തുമുറി അഗ്രഹാരത്തിൽ ഉഷാ മോഹനന്റെ വീട്ടിലാണ് ആദ്യം തീപിടുത്തമുണ്ടായത്. അതിനോട് ചേർന്നുള്ള മകൻ അരവിന്ദ് മോഹനന്റെ വീട്ടിലേക്കാണ് തീ പടർന്നതോടെ രണ്ട് വീടുകളും പൂർണ്ണമായും കത്തി നശിച്ചു. തുടർന്ന് സമീപത്തുള്ള മൂന്ന് വീടുകളിലേക്ക് തീ പടർന്നു. വീടുകളിലെ സാധനങ്ങൾ കത്തി നശിച്ചു. ഭാഗികമായി കത്തിനശിച്ച വീടുകളിൽ ഒന്ന് റെഡ്യാർ അസോസിയേറ്റ്സിന്റെ ഓഫീസായി ഉപയോഗിച്ചിരുന്നതാണ്. മറ്റ് രണ്ട് വീടുകൾ കേന്ദ്രീയ ഹിന്ദി മഹാസഭയുടെ ഒരു ശാഖയായ ബാലാജിയുടെ ഉടമസ്ഥതയിലുള്ളതാണ്. തീ പിടുത്ത സമയത്ത് ആരും അവിടെ ഉണ്ടായിരുന്നില്ല.…
മുല്ലയ്ക്കല് ബ്രാഹ്മണ സമൂഹ മഠത്തിൽ തീപിടുത്തം; രണ്ട് വീടുകൾ പൂർണമായും കത്തിനശിച്ചു
