Category: KERALA

കൊച്ചി: ഈ വർഷം രജിസ്റ്റർ ചെയ്ത മയക്കുമരുന്ന് കേസുകളുടെ എണ്ണം പറയുന്നത് കേരളം പഞ്ചാബിന്റെ വഴിയിലേക്ക് പോകുന്നതായാണ്. മുന്‍ വര്‍ഷങ്ങളെ അപേക്ഷിച്ച് 2022-ൽ മയക്കുമരുന്ന് കേസുകളിൽ ഭയാനകമായ വർദ്ധനവാണ് കേരളം കണ്ടത് – വെറും നാല് മാസത്തിനുള്ളിൽ 8,000-ത്തിലധികം കേസുകള്‍ !! പോലീസിൽ നിന്ന് ലഭിച്ച വിവരമനുസരിച്ച്, ഈ വർഷം ഇതുവരെ 8,124 കേസുകൾ സംസ്ഥാനത്ത് നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസ് (എൻഡിപിഎസ്) നിയമപ്രകാരം രജിസ്റ്റർ ചെയ്തിട്ടുണ്ട്. 2021-ൽ ഇത് 5,586 ആയിരുന്നു. 4.4 കിലോ എം.ഡി.എം.എ.യും പിടികൂടി. 2021ൽ 2.7 കിലോഗ്രാം പിടികൂടിയപ്പോൾ ഈ വർഷം പിടികൂടിയത് 24 കിലോ ഹാഷിഷും 610 ഗ്രാം ബ്രൗൺ ഷുഗറും ആണ്. ഈ പ്രവണത തുടർന്നാൽ, സംസ്ഥാനം പഞ്ചാബിലെ മയക്കുമരുന്ന് കേസുകളെ കടത്തിവെട്ടുമെന്നാണ് ഒരു പോലീസ് ഉദ്യോഗസ്ഥന്‍ പറഞ്ഞത്. “നേരത്തെ, ഞങ്ങൾ പ്രതിമാസം 100 കേസുകളാണ് രജിസ്റ്റർ…

കോഴിക്കോട്: പന്ത്രണ്ടാം വയസ്സിൽ പഠനം ഉപേക്ഷിച്ച് വിവാഹിതയായി 10 വർഷത്തിനുശേഷം പഠനം പുനരാരംഭിച്ച സഫിയയെ അവരുടെ അയൽവാസികൾ ഒരു “വിചിത്ര സ്ത്രീ”യെപ്പോലെയാണ് നോക്കി കണ്ടത്. എന്നാൽ സഫിയ അതൊന്നും കാര്യമാക്കിയില്ല. കടമ്പകൾ ഒന്നൊന്നായി താണ്ടി അവര്‍ ബിരുദധാരിയായി. അപ്പോഴാണ് അവര്‍ ഗൗരവത്തോടെയാണ് കാര്യങ്ങള്‍ നോക്കിക്കണ്ടിരുന്നതെന്ന് എല്ലാവർക്കും മനസ്സിലായത്. ഹയർ സെക്കൻഡറി അദ്ധ്യാപികയാകുന്നതിന് മുമ്പ് സോഷ്യോളജി, ചരിത്രം, വിദ്യാഭ്യാസം എന്നിവയിൽ ബിരുദാനന്തര ബിരുദം നേടാന്‍ സഫിയക്ക് കഴിഞ്ഞു. തിരിഞ്ഞു നോക്കുമ്പോൾ, ഇപ്പോൾ നാദാപുരത്തിനടുത്ത് പേരോട് എംഐഎം എച്ച്എസ്എസിൽ അദ്ധ്യാപികയായി ജോലി ചെയ്യുന്ന സഫിയക്ക് പോലും തന്റേത് ഒരു യക്ഷിക്കഥ പോലെയാണ് തോന്നുന്നത്. കോഴിക്കോട് ജില്ലയിലെ പുറമേരിയിലെ ഒരു യാഥാസ്ഥിതിക മുസ്ലീം കുടുംബത്തിൽ ജനിച്ച സഫിയയ്ക്ക് നേരത്തെ വിവാഹിതയായതോടെ പഠനം നിർത്തേണ്ടി വന്നു. “എന്റെ കുടുംബത്തിൽ സർക്കാർ ജീവനക്കാരോ അദ്ധ്യാപകരോ അക്കാദമിക് വിദഗ്ധരോ ഉണ്ടായിരുന്നില്ല. എന്നെ നയിക്കാൻ ആരുമുണ്ടായിരുന്നില്ല. എന്നാൽ,…

തിരുവനന്തപുരം: മെമ്പർഷിപ്പില്ലാതെ നിങ്ങൾക്ക് ഏതു പുസ്തകവും സൗജന്യമായി വായിക്കാന്‍ തലസ്ഥാന നഗരിയില്‍ ഒരു ലൈബ്രറി വരുന്നു. ഇവിടെ ഒരു പുസ്തകം വായിക്കാൻ നിങ്ങൾ മെമ്പര്‍ഷിപ്പോ വരിസംഖ്യയോ ഒന്നും കൊടുക്കേണ്ടതില്ല…. ലൈബ്രറിയില്‍ പോകുക.. ഇഷ്ടമുള്ള പുസ്തകമെടുത്ത് വായിക്കുക…. തിരിച്ചു നല്‍കുക.. അത്രമാത്രം. ഇനി നിങ്ങൾക്ക് പുസ്തകം വീട്ടിലേക്ക് കൊണ്ടുപോകണമെങ്കിൽ, ചെറിയൊരു സെക്യൂരിറ്റി തുക നൽകണം. എന്നാൽ, പുസ്തകം തിരികെ നൽകുമ്പോൾ ആ പണം കൃത്യമായി തിരികെ നൽകും. വായനയെ സ്നേഹിക്കുന്നവർക്ക്, ‘ബുക്ക്സ് എൻ ബിയോണ്ട്’ – ഈ മാസാവസാനത്തോടെ തുറക്കാൻ സജ്ജമായിക്കൊണ്ടിരിക്കുകയാണ്. തിരുവനന്തപുരം സ്വദേശിയായ സുകേഷ് രാമകൃഷ്ണ പിള്ളയുടെ സ്വപ്ന സാക്ഷാത്കാരമാണ് അതുല്യമായ ഈ ലൈബ്രറി. ഈ 43-കാരന് വായന ഒരു വികാരമാണ്. പുതിയ തലമുറയിൽ നഷ്ടപ്പെട്ടതായി തോന്നുന്ന വായനാശീലം വളർത്തിയെടുക്കുക എന്നതാണ് ഏക ലക്ഷ്യമെന്ന് സുകേഷ് പറയുന്നു. ഇതൊരു ബിസിനസ്സല്ല. അതുകൊണ്ടാണ് ഞങ്ങൾ അംഗത്വ ഫീസ് ഒന്നും…

കൊച്ചി: പോപ്പുലർ ഫിനാൻസിന്റെ മാനേജിംഗ് പാർട്ണറായ തോമസ് ഡാനിയേൽ, ഇറക്കുമതിക്ക് പണം നൽകാനെന്ന വ്യാജേന പൊതുജനങ്ങളുടെ നിക്ഷേപം ഹവാല വഴി ദുബായിലേക്കും ഓസ്‌ട്രേലിയയിലേക്കും കടത്തിയതായി എൻഫോഴ്‌സ്‌മെന്റ് ഡയറക്‌ടറേറ്റ് അന്വേഷണത്തിൽ കണ്ടെത്തി. ഇറക്കുമതി ചെയ്ത വസ്തുക്കളിൽ പഴയ കമ്പ്യൂട്ടറുകൾ, ചൈനീസ് മൊബൈൽ ഫോണുകൾ, ആരോഗ്യ പാനീയങ്ങൾ, രേഖകളില്ലാത്ത ചെമ്മീൻ എന്നിവ ഉൾപ്പെടുന്നു. ദുബായ് ആസ്ഥാനമായുള്ള കാരി കാർട്ട് ട്രേഡിംഗ് എൽഎൽസിയുടെ 1.7 കോടി രൂപയുടെ 50 ശതമാനം ഓഹരികൾ വാങ്ങാനും അദ്ദേഹം ഫണ്ട് ഉപയോഗിച്ചു. ഹവാല വഴിയാണ് 1.7 കോടി രൂപ നൽകിയത്. തോമസ് ഡാനിയേലിന്റെ ജാമ്യാപേക്ഷയെ എതിർത്ത് ഇഡി കേരള ഹൈക്കോടതിയിൽ റിപ്പോർട്ട് സമർപ്പിച്ചു. ഓസ്‌ട്രേലിയയിലെ നിക്ഷേപങ്ങളുടെ വിശദാംശങ്ങളെക്കുറിച്ചുള്ള അന്വേഷണത്തിന്റെ ഭാഗമായി, ഇന്ത്യാ ഗവൺമെന്റ് ഓസ്‌ട്രേലിയൻ അധികാരികൾക്ക് ഒരു അഭ്യർത്ഥന ഇതിനകം അയച്ചിട്ടുണ്ടെന്ന് റിപ്പോർട്ട് പറയുന്നു. ഏകദേശം 3,000 നിക്ഷേപകരുടെ 1,000 കോടി രൂപയോളം വഞ്ചിച്ചതായി ഇഡി…

കൊച്ചി: നഗരത്തിൽ നിന്ന് 12 ചക്രങ്ങളുള്ള ട്രെയിലര്‍ മോഷ്ടിച്ച് ഉത്തരേന്ത്യ മുഴുവന്‍ ചുറ്റിക്കറങ്ങിയ ചുറ്റിക്കറങ്ങിയ വിചിത്രമായ കേസിൽ നിന്ന് കൊച്ചി പോലീസിന് ഒടുവിൽ ആശ്വാസം. എന്തിനധികം, ട്രെയിലര്‍ മോഷ്ടിച്ചതും പോരാ കഴിഞ്ഞ രണ്ട് മാസമായി ഈ വിരുതന്‍ സാധനങ്ങൾ കടത്തി മൂന്ന് ലക്ഷം രൂപ പോക്കറ്റിലാക്കുകയും ചെയ്തു. രണ്ട് ദിവസം മുമ്പ് വാഹനവുമായി സ്വദേശമായ കൊല്ലം മുണ്ടയ്ക്കലില്‍ എത്തിയപ്പോഴാണ് സുജിത്ത് എന്ന യുവാവിനെ പിടികൂടിയതെന്ന് ഉദ്യോഗസ്ഥർ പറഞ്ഞു. ചോദ്യം ചെയ്യലിന് ശേഷം കോടതിയിൽ ഹാജരാക്കുമെന്ന് സെൻട്രൽ പൊലീസ് സ്റ്റേഷൻ സർക്കിൾ ഇൻസ്പെക്ടർ എസ് വിജയശങ്കർ പറഞ്ഞു. കോയമ്പത്തൂരിലും ശിവകാശിയിലും മറ്റ് ചില സ്ഥലങ്ങളിലും ട്രെയിലറില്‍ സാധനങ്ങൾ എത്തിച്ചുകൊണ്ടിരുന്ന ഒരു ഡ്രൈവറെ കാണാതായതായി ട്രാൻസ്പോർട്ട് കമ്പനിയിൽ നിന്ന് മാർച്ചിൽ പോലീസിന് പരാതി ലഭിച്ചിരുന്നു. ഇയാളുടെ മൊബൈൽ ഫോൺ സ്വിച്ച് ഓഫായിരുന്നുവെന്നും കമ്പനി അധികൃതർ പറഞ്ഞു. കഴിഞ്ഞ രണ്ട് മാസമായി…

കൊച്ചി: തൃക്കാക്കര നിയമസഭാ ഉപതിരഞ്ഞെടുപ്പിലെ സ്ഥാനാർത്ഥിയായി ഡോ. ജോ ജോസഫിനെ സി.പി.എം അവതരിപ്പിച്ചതിന് പിന്നാലെ സഭയുടെ നിയന്ത്രണത്തിലുള്ള ലിസി ആശുപത്രിയിൽ നടന്ന രാഷ്ട്രീയ ചേരിതിരിവ് രസകരമായ വഴിത്തിരിവിലേക്ക്. സിറോ മലബാർ സഭയെ തിരഞ്ഞെടുപ്പ് ചർച്ചയിലേക്ക് വലിച്ചിഴച്ചു എന്ന കുറ്റം ചുമത്തി യു.ഡി.എഫിനെ സി.പി.എം. പ്രതിക്കൂട്ടിലാക്കി. അപകടം മണത്തറിഞ്ഞ്, ജോസഫ് സഭയുടെ നോമിനിയാണെന്ന് പാർട്ടി ഒരിക്കലും പറഞ്ഞിട്ടില്ലെന്ന് മുതിർന്ന നേതാക്കളായ രമേശ് ചെന്നിത്തലയും ഡൊമിനിക് പ്രസന്റേഷനും വ്യക്തമാക്കി. “സിൽവർ ലൈൻ, സർക്കാരിന്റെ മൊത്തത്തിലുള്ള പരാജയം തുടങ്ങിയ യഥാർത്ഥ വിഷയങ്ങളിൽ നിന്ന് ചർച്ചയെ വഴിതിരിച്ചുവിടാനാണ് സി.പി.എം സഭയെ തിരഞ്ഞെടുപ്പ് ചർച്ചയിലേക്ക് വലിച്ചിഴയ്ക്കുന്നത്. ഡോ. ജോ ജോസഫ് സഭയുടെ സ്ഥാനാർത്ഥിയാണെന്ന് കോൺഗ്രസ് ഒരിക്കലും പറഞ്ഞിട്ടില്ല. കോൺഗ്രസ് തെരഞ്ഞെടുപ്പിനെ രാഷ്ട്രീയമായി നേരിടുകയാണ്, യഥാർത്ഥ പ്രശ്‌നങ്ങൾ ചർച്ച ചെയ്യാൻ ഞങ്ങൾ ആഗ്രഹിക്കുന്നു. സി.പി.എം തന്ത്രങ്ങൾ തുറന്നുകാട്ടും,” ഡൊമിനിക് പ്രസന്റേഷന്‍ പറഞ്ഞു. എന്നാൽ, കൊച്ചിയിൽ നടത്തിയ…

കണ്ണൂർ: ചൊക്ലിയിൽ അമ്മയെയും ആറുമാസം പ്രായമുള്ള മകനെയും വീട്ടിലെ കിണറ്റിൽ മരിച്ച നിലയിൽ കണ്ടെത്തി. ജ്യോൽസ്‌ന (25), ധ്രുവിൻ എന്നിവരാണ് മരിച്ചതെന്ന് ചൊക്ലി പോലീസ് പറഞ്ഞു. വീടിന്റെ മുൻവശത്തെ വാതിൽ തുറന്ന് കിടന്നിരുന്നതിനാൽ വീട്ടുകാർ ഇരുവരെയും തിരഞ്ഞതോടെയാണ് സംഭവം പുറത്തറിയുന്നത്. പിന്നീട് കിണറ്റിൽ നിന്ന് മൃതദേഹങ്ങൾ കണ്ടെത്തി. ജ്യോൽസ്നയുടെ മുറിയിൽ നിന്ന് ആത്മഹത്യാ കുറിപ്പ് പോലീസ് കണ്ടെടുത്തു. ഹൃദ്രോഗത്തിനുള്ള ധ്രുവിന്റെ ചികിത്സ തനിക്ക് വളരെയധികം വേദനയുണ്ടാക്കി, അതിനാലാണ് മകന്റെ ജീവിതം അവസാനിപ്പിക്കാൻ തീരുമാനിച്ചതെന്ന് അതിൽ പറയുന്നു. തലശ്ശേരി ജനറൽ ആശുപത്രിയിൽ പോസ്റ്റ്‌മോർട്ടം നടത്തി. ജ്യോൽസ്നയുടെ ഭർത്താവ് നിവേദ്, അച്ഛൻ ജനാർദനൻ, അമ്മ സുമ.

തിരുവനന്തപുരം: സീറോ മ​ല​ങ്ക​ര സു​റി​യാ​നി സ​ഭ​യ്ക്ക് പു​തി​യ ര​ണ്ടു ബി​ഷ​പ്പു​മാ​രെ കൂടി നിയമിച്ചു. സഭയ്ക്ക് കൂരിയാ ബിഷപിനെയും തി​രു​വ​ന​ന്ത​പു​രം മേ​ജ​ർ അ​തി​രൂ​പ​തയ്ക്ക് സ​ഹാ​യ മെ​ത്രാ​നെയുമാണ് പുതുതായി നിയമിച്ചത്. ഡെൽ​ഹി-​ഗു​ഡ്ഗാ​വ് ഭ​ദ്രാ​സ​ന​ത്തി​ൽ ബി​ഷ​പ് തോ​മ​സ് മാ​ർ അ​ന്തോ​ണി​യോ​സാണ് പു​തി​യ അ​ധ്യ​ക്ഷ​ൻ. പൂ​നെ സെ​ന്‍റ് എ​ഫ്രേം ഭ​ദ്രാ​സ​ന​ മെ​ത്രാ​നാ​യി അ​ദ്ദേ​ഹം പ്ര​വ​ർ​ത്തി​ച്ചു വ​രി​ക​യാ​യി​രു​ന്നു. തിരുവനന്തപുരം പട്ടം സെൻറ് മേരീസ് കത്തീഡ്രലിൽ മലങ്കര സഭാ മേജർ ആർച്ച് ബിഷപ് കർദ്ദിനാൾ ബസേലിയോസ് ക്ലീമിസ് കാതോലിക്കാ ബാവ ഇതുസംബന്ധിച്ച പ്രഖ്യാപനം നടത്തി. മ​ല​ങ്ക​ര ക​ത്തോ​ലി​ക്കാ സു​വി​ശേ​ഷ സം​ഘം ഡ​യ​റ​ക്ട​ർ റ​വ.​ഡോ. ആ​ന്‍റ​ണി കാ​ക്ക​നാ​ട്ടിനെ സ​ഭാ ആ​സ്ഥാ​ന​മാ​യ കാ​തോ​ലി​ക്കേ​റ്റ് സെ​ന്‍റ​റി​ൽ കൂ​രി​യ മെ​ത്രാ​നാ​യി നിയമിച്ചു. മാ​ർ ഇ​വാ​നി​യോ​സ് കോ​ള​ജ് മു​ൻ പ്രി​ൻ​സി​പ്പ​ൽ റ​വ.​ഡോ. മാ​ത്യു മ​ന​ക്ക​ര​ക്കാ​വി​ലിനെ തി​രു​വ​ന​ന്ത​പു​രം മേ​ജ​ർ അ​തി​രൂ​പ​താ സ​ഹാ​യ മെ​ത്രാ​നാ​യും നിയമിച്ചു.

കൊച്ചി: വ്യവസായം തുടങ്ങാൻ ഏറെ ബുദ്ധിമുട്ടുള്ള സംസ്ഥാനം കേരളമാണെന്നും എന്നാല്‍, ആ ബുദ്ധിമുട്ടുകൾ മുന്‍‌കൂട്ടി മനസ്സിലാക്കി മുന്നോട്ടു പോയാല്‍ കേരളത്തിൽ തടസ്സമില്ലാതെ ബിസിനസ് നടത്തി വിജയിപ്പിക്കാമെന്ന് ലുലു ഗ്രൂപ്പ് ചെയർമാൻ എം.എ.യൂസഫലി പറഞ്ഞു. പ്രതിസന്ധികളെ അതിജീവിച്ച് വ്യവസായങ്ങൾ തുടങ്ങാൻ പ്രവാസികൾ മുന്നോട്ടുവരണമെന്നും അദ്ദേഹം കൂട്ടിച്ചേർത്തു. ‘വ്യവസായം തുടങ്ങാന്‍ ഏറ്റവും ബുദ്ധിമുട്ടുള്ള സ്ഥലങ്ങളിലൊന്നാണു കേരളം. അതു മുന്‍കൂട്ടി കണ്ട് കേരളത്തിന്റെ ഉന്നമനത്തിന് വേണ്ടിയും വരും തലമുറയുടെ ശോഭനമായ ഭാവിക്കുവേണ്ടിയും, ഇവിടെ സംരംഭങ്ങള്‍ പടുത്തുയര്‍ത്താന്‍ തയ്യാറാകണം. നാടിന്റെ വളര്‍ച്ചയുടെ ഉത്തരവാദിത്വം സര്‍ക്കാരിന്റെ തലയില്‍ കെട്ടിവയ്ക്കാതെ നമ്മളും പങ്കാളികളാകണം. ലോകത്തിന്റെ എല്ലാ കോണിലും കച്ചവടം ചെയ്തിട്ടുണ്ട്. ഒരോ സ്ഥലത്തും അതിന്റേതായ ബുദ്ധിമുട്ടുകളുണ്ട്. അതു മനസ്സിലാക്കി, നിയമത്തിന്റെ പരിധിക്കുള്ളില്‍ നിന്നു വ്യവസായം ചെയ്താല്‍ തീര്‍ച്ചയായും വിജയിക്കും’ യൂസഫലി പറഞ്ഞു. ആഗോള വിപണിയിൽ വൻകിട വ്യവസായങ്ങളിൽ വിജയിച്ചവർക്ക് സ്വന്തം രാജ്യത്തിന് വേണ്ടി പ്രവർത്തിക്കാനുള്ള ഉത്തരവാദിത്തമുണ്ട്.…