Category: AMERICA

ഓഗസ്റ്റ് 15 ന് അലാസ്കയിൽ യുഎസ് പ്രസിഡന്റ് ഡൊണാൾഡ് ട്രംപും റഷ്യൻ പ്രസിഡന്റ് വ്‌ളാഡിമിർ പുടിനും തമ്മിലുള്ള കൂടിക്കാഴ്ചയ്ക്ക് മുമ്പ്, റഷ്യയ്ക്ക് ഒരു ഇഞ്ച് ഭൂമി പോലും കൈമാറില്ലെന്ന് ഉക്രെയ്ൻ പ്രസിഡന്റ് വോളോഡിമർ സെലെൻസ്‌കി വ്യക്തമായി പറഞ്ഞു. ഉക്രെയ്ൻ യുദ്ധവുമായി ബന്ധപ്പെട്ട് ട്രംപ് പുടിനുമായി എന്തെങ്കിലും തരത്തിലുള്ള കരാറിലെത്താൻ ശ്രമിക്കുന്ന സമയത്താണ് സെലെന്‍സ്കിയുടെ ഈ പ്രസ്താവന. ഡോൺബാസ് മേഖല വിട്ടുപോകുന്നതിന് പകരമായി റഷ്യ വെടിനിർത്തൽ വ്യവസ്ഥ ഏർപ്പെടുത്തിയാൽ, ഭാവിയിൽ മറ്റൊരു ആക്രമണത്തിന് സാധ്യതയുള്ളതിനാൽ താൻ അത് നിരസിക്കുമെന്ന് സെലെൻസ്‌കി മുന്നറിയിപ്പ് നൽകി. സമാധാന കരാറിന് കീഴിൽ ചില പ്രദേശങ്ങൾ കൈമാറ്റം ചെയ്യാമെന്ന് ട്രംപ് നേരത്തെ പറഞ്ഞിരുന്നു. വെടിനിർത്തലിന് പകരമായി പുടിൻ ഉക്രെയ്ൻ നിയന്ത്രിത ഡോൺബാസ് ഭാഗം ആവശ്യപ്പെട്ടേക്കാമെന്ന് വിശ്വസിക്കപ്പെടുന്നു. അതേസമയം, കിഴക്കൻ നഗരമായ ഡോബ്രോപിലിയയ്ക്ക് സമീപവും റഷ്യ ആക്രമണം നടത്തിയിട്ടുണ്ട്, ഇത് വെടിനിർത്തലിന്റെ സാധ്യതയെ ദുർബലപ്പെടുത്തി. ഡോൺബാസ്…

ഡാളസ്: പരിശുദ്ധ കന്യകാ മറിയാമിന്‍റെ നാമത്തില്‍ സ്ഥാപിതമായ കരോള്‍ട്ടന്‍ സെന്‍റ് മേരീസ് മലങ്കര യാക്കോബായ സുറിയാനി പള്ളിയിലെ പ്രധാന തിരുനാളായ പരിശുദ്ധ കന്യകാമറിയാമിന്‍റെ ശൂനോയോ പെരുന്നാള്‍ ആഗസ്റ്റ് 16, 17 (ശനി, ഞായര്‍) തീയതികളില്‍ പൂര്‍വ്വാധികം ഭംഗിയായി കൊണ്ടാടുന്നു. ആഗസ്റ്റ് 10-ാം തീയതി വിശുദ്ധ കുര്‍ബാനാനന്തരം പെരുന്നാളിന്‍റെ കൊടികയറി. വികാരി റവ.ഫാ. പോള്‍ തോട്ടക്കാട്ടാണ് കൊടിയേറ്റ് കര്‍മ്മം നിര്‍വഹിച്ചത്. മരിച്ച് ഗത്സമന്‍ തോട്ടത്തില്‍ അടക്കം ചെയ്യപ്പെട്ട കന്യകാ മറിയാമിന്‍റെ ശരീരം മൂന്നാം ദിവസം മാലാഖമാരാല്‍ ഉയരത്തിലേക്ക് എടുക്കപ്പെട്ടതിന്‍റെ ഓര്‍മ്മയായി എല്ലാ വര്‍ഷവും ആഗസ്റ്റ് മാസം 15-ാം തീയതി വാങ്ങിപ്പ് പെരുന്നാള്‍ കൊണ്ടാടുന്നു. ഈ വര്‍ഷത്തെ പെരുന്നാളിന്‍റെ പ്രധാന അതിഥി മൂവാറ്റുപുഴ-അങ്കമാലി മേഖലകളുടെ ചുമതലയുള്ള മെത്രാപ്പോലീത്ത അഭിവന്ദ്യ മോര്‍ അന്തീമോസ് മാത്യൂസ് തിരുമേനിയാണ്. 16-ാം തീയതി ശനിയാഴ്ച സന്ധ്യാപ്രാര്‍ത്ഥനാനന്തരം അഭിവന്ദ്യ തിരുമേനിയുടെ വചനശുശ്രൂഷ ഉണ്ടായിരിക്കുന്നതാണ്. 17-ാം തീയതി രാവിലെ…

ന്യൂജേഴ്‌സി : കേരള സമാജം ഓഫ് ന്യൂജേഴ്‌സിയും  (KSNJ ) , വൈറ്റാലൻറ്  ഗ്രൂപ്പും (vitalant .org ) സംയുക്തമായി ബർഗെൻഫീൽഡിൽ രക്തദാനം സംഘടിപ്പിച്ചു . 28 പേർ പങ്കെടുത്ത ഈ രക്തദാന പരിപാടിക്ക് കേരള സമാജം ഓഫ് ന്യൂജേഴ്‌സി ഭാരവാഹികളായ റ്റോമി തോമസ്, സെബാസ്റ്റ്യൻ ചെറുമടത്തിൽ , ബോബി തോമസ് , ബിനു ജോസഫ് പുളിക്കൽ, സിറിയക് കുര്യൻ എന്നിവർ  നേതൃത്വം കൊടുത്തു

ഹ്യൂസ്റ്റൻ: ഒല്ലൂർ സ്വദേശി മൊയലൻ ആന്റണി തോമസ് (95) ഹൂസ്റ്റനിൽ നിര്യാതനായി. ബര്‍മയിലും ഒറീസയിൽ ഗവൺമെൻറ് സർവീസിലും ജോലി ചെയ്തിരുന്നു. റിട്ടയർമെന്റിന് ശേഷം കേരളത്തിലേക്ക് മടങ്ങി. 2000 ൽ അമേരിക്കയിലെത്തി. ഭാര്യ : ശ്രീമതി സെലിൻ സ്‌കൂൾ പ്രിന്സിപ്പലായിരുന്നു. മക്കൾ : ബിജോയ് (ഭാര്യ നിർമ്മല), മകൻ സന്തോഷ്, (ഭാര്യ ഷൈനി), ഡോ ആനി (സീമ) മൈക്കൾസ് (ഭർത്താവ് കൈരളി ഓഫ് ബാൾട്ടിമോർ പ്രസിഡന്റ് മൈജോ മൈക്കൾസ്). പത്ത് പേര കുട്ടികളുണ്ട് : ആശ, അഞ്ജു, ക്രിസ്റ്റഫർ, ആനി, റ്റെസ്സി, മരിയ, ലിസ, മാത്യു, റ്റോം, ജോൺ സംസ്കാര ചടങ്ങുകളും സംസ്കാരവും ഓഗസ്റ്റ് 16 ന് ഉച്ചയ്ക്ക് 2 മണിക്ക് സെന്റ് മൈക്കിൾ ദി ആർക്കേഞ്ചൽ പള്ളിയിൽ, 100 ഓക്ക് ഡ്രൈവ് സൗത്ത്, ലേക്ക് ജാക്സൺ, TX 77566.

വാഷിംഗ്ടണ്‍: ഡൊണാൾഡ് ട്രംപ് ഇന്ത്യയ്ക്ക് മേൽ താരിഫ് യുദ്ധം നടത്തി പെട്ടെന്ന് ഇന്ത്യയ്‌ക്കെതിരെ നിലകൊള്ളാൻ പ്രേരിപ്പിച്ചത് എന്താണെന്ന് ഇപ്പോഴും മനസ്സിലായിട്ടില്ല. നിരവധി തീരുമാനങ്ങളാണ് ട്രംപ് സർക്കാർ ഇന്ത്യയ്‌ക്കെതിരെ എടുത്തിട്ടുള്ളത്. അതേസമയം, പാക്കിസ്താനുമായുള്ള സൗഹൃദം വർദ്ധിപ്പിച്ചുകൊണ്ടിരിക്കുകയാണ്. റഷ്യയിൽ നിന്ന് ഇന്ത്യ എണ്ണ വാങ്ങുന്നതാണ് ഇതിന് പിന്നിലെ കാരണമെന്ന് ചില വിദഗ്ധർ പറയുന്നു. പാക്കിസ്താനുമായുള്ള വെടിനിർത്തലിൽ ഡൊണാൾഡ് ട്രംപിന് ഇന്ത്യ ക്രെഡിറ്റ് നൽകാത്തതാണ് ഇതിന് കാരണമെന്ന് മറ്റു പലരും കരുതുന്നു. എന്നാല്‍, ഡൊണാൾഡ് ട്രംപ് ചെയ്യുന്നത് മുൻ പ്രസിഡന്റ് ജോ ബൈഡൻ തുടങ്ങി വെച്ചത് പിന്തുടരുകയാണെന്നാണ് അമേരിക്കൻ വിദഗ്ദ്ധനായ റസ്റ്റ് കോഹ്ലെ പറയുന്നത്. ഇന്ത്യ-യുഎസ് ബന്ധങ്ങളിലെ ഈ പിരിമുറുക്കം പുതിയതല്ലെന്ന് റസ്റ്റ് കോഹ്ലെ പറയുന്നു. അദ്ദേഹത്തിന്റെ അഭിപ്രായത്തിൽ, ഇതെല്ലാം ആരംഭിച്ചത് 2024 ൽ ജോ ബൈഡൻ ഭരണകൂടത്തിന്റെ കാലത്താണ്. 2023 വരെ, ഇന്ത്യയെ ഒരു തന്ത്രപരമായ പങ്കാളിയായി യുഎസ് കണ്ടിരുന്നുവെന്നും,…

അമേരിക്കയിലെ നിരവധി ഹിന്ദു ക്ഷേത്രങ്ങൾ തീവ്ര രാഷ്ട്രീയ വീക്ഷണങ്ങളുള്ള ഗ്രൂപ്പുകളാൽ ആക്രമിക്കപ്പെടുന്നത് പതിവ് സംഭവമായിരിക്കുന്നു. ഇന്ത്യൻ സർക്കാരും ഹിന്ദു സമുദായ നേതാക്കളും ഈ കുറ്റകൃത്യങ്ങൾ അവസാനിപ്പിക്കണമെന്നും അക്രമികളെ ശിക്ഷിക്കണമെന്നും ആവശ്യപ്പെടുന്നു. ഇന്ത്യാനയിലെ ഗ്രീൻവുഡിലുള്ള ബിഎപിഎസ് സ്വാമിനാരായണ ക്ഷേത്രത്തിനു നേരെ ആക്രമണം. ക്ഷേത്രത്തിന്റെ ചുവരുകളിൽ അധിക്ഷേപകരവും വിദ്വേഷം നിറഞ്ഞതുമായ വാക്കുകൾ എഴുതി. ഇന്ത്യയ്ക്കും പ്രധാനമന്ത്രി നരേന്ദ്ര മോദിക്കും എതിരെയായിരുന്നു അവ. ഈ സംഭവത്തിന് പിന്നിൽ ഖാലിസ്ഥാൻ അനുകൂല സംഘടനയാണെന്ന് പറയപ്പെടുന്നു. ഇത്തരം ആക്രമണങ്ങൾ നടക്കുന്നത് ഇതാദ്യമല്ല. അമേരിക്കയിൽ ഹിന്ദു ക്ഷേത്രങ്ങൾ പലതവണ ആക്രമിക്കപ്പെട്ടിട്ടുണ്ട്. ക്ഷേത്രത്തിൽ വിദ്വേഷകരമായ വാക്കുകൾ എഴുതിയിരിക്കുന്ന ഒരു വീഡിയോ ഹിന്ദു അമേരിക്കൻ ഫൗണ്ടേഷൻ ഓൺലൈനിൽ പങ്കിട്ടു. ചിക്കാഗോയിലെ ഇന്ത്യൻ കോൺസുലേറ്റ് ഈ പ്രവൃത്തിയെ അപലപനീയമാണെന്ന് വിശേഷിപ്പിച്ചു. ഇതിന് ഉത്തരവാദികളായവരെ കണ്ടെത്തി ശിക്ഷിക്കണമെന്ന് അവർ പ്രാദേശിക പോലീസിനോട് അഭ്യർത്ഥിച്ചു. ഒരു വർഷത്തിനുള്ളിൽ ഇത് നാലാം തവണയാണ് ഒരു…

ഷിക്കാഗോ: ഷിക്കാഗോ മലയാളി അസോസിയേഷന്റെ 2025-27 വര്‍ഷത്തേക്ക് നടക്കുന്ന തിരഞ്ഞെടുപ്പില്‍ ജൂബി വള്ളിക്കളം പ്രസിഡന്റ് സ്ഥാനത്തേക്ക് മത്സരിക്കുന്നു. അസോസിയേഷന്റെ ഇതുവരെയുള്ള 31 പ്രസിഡന്റുമാരില്‍ മൂന്ന് വനിതാ പ്രസിഡന്റുമാര്‍ ഉണ്ടായിട്ടുണ്ടെങ്കിലും അവര്‍ക്ക് തിരഞ്ഞെടുപ്പിനെ നേരിടേണ്ടി വന്നിട്ടില്ല. അസോസിയേഷന്റെ ചരിത്രത്തില്‍ ആദ്യമായാണ് വനിതാ പ്രസിഡന്റ് സ്ഥാനാര്‍ത്ഥി തിരഞ്ഞെടുപ്പിനെ നേരിടുന്നത്. ഇതിലെ വിജയം വനിതകള്‍ക്ക് ഒരു പ്രചോദനമായിരിക്കും. 25 വര്‍ഷത്തോളമായി ഷിക്കാഗോ മലയാളി അസോസിയേഷനിലെ ഒരു സജീവ സാന്നിധ്യമായ ജൂബി വള്ളിക്കളം, അസോസിയേഷന്റെ ബോര്‍ഡ് മെമ്പറായും വിമന്‍സ് ഫോറം ചെയര്‍പേഴ്‌സനായും പല പരിപാടികളുടെ കോഓര്‍ഡിനേറ്ററായും കഴിവ് തെളിയിച്ചിട്ടുണ്ട്. അസോസിയേഷന്റെ ഗോള്‍ഡന്‍ ജൂബിലി ആഘോഷങ്ങളുടെ കോ-കണ്‍വീനര്‍ സ്ഥാനം അലങ്കരിച്ചിട്ടുണ്ട്. ഫോമയുടെ നാഷണല്‍ വിമന്‍സ് ഫോറം വൈസ് ചെയര്‍പേഴ്‌സണ്‍, ജൂനിയര്‍ അഫയേഴ്‌സ് കമ്മിറ്റി ചെയര്‍ എന്നീ നിലകളിലും പ്രവര്‍ത്തിച്ച് വ്യക്തിമുദ്ര പതിപ്പിച്ചിട്ടുണ്ട്. ജൂബി കോഓര്‍ഡിനേറ്റ് ചെയ്ത ‘മയൂഖം’ ഫാഷന്‍ ഷോ മത്സരം ഏവരുടേയും പ്രശംസ…