Category: KERALA

കോഴിക്കോട്: ബാലഗോകുലം സംഘടിപ്പിച്ച പരിപാടിയില്‍ പങ്കെടുത്ത കോഴിക്കോട് കോർപ്പറേഷൻ മേയർ ഡോ. ബീന ഫിലിപ്പിനെ സി.പി.ഐ.എം പരസ്യമായി തള്ളിപ്പറഞ്ഞു. ആർഎസ്എസ് നിയന്ത്രണത്തിലുള്ള സംഘടന സംഘടിപ്പിച്ച പരിപാടിയിൽ പങ്കെടുക്കവെ മേയർ സംസാരിച്ച രീതിയെ സിപിഐ എം കോഴിക്കോട് ജില്ലാ സെക്രട്ടറി പി. മോഹനൻ വിമര്‍ശിച്ചു. സി.പി.ഐ.എം എക്കാലവും ഉയർത്തിപ്പിടിച്ച പ്രഖ്യാപിത നിലപാടിന് വിരുദ്ധമാണ് മേയറുടെ സമീപനം. ഇത് സിപിഎമ്മിന് ഒരു തരത്തിലും അംഗീകരിക്കാൻ കഴിയില്ല. ഇക്കാര്യത്തിൽ മേയറുടെ നിലപാട് പരസ്യമായി തള്ളാനാണ് പാർട്ടിയുടെ തീരുമാനമെന്നും പി. മോഹനൻ പ്രസ്താവനയിൽ പറഞ്ഞു. അതേസമയം ബാലഗോകുലം ആര്‍.എസ്.എസിന്റെ പോഷകസംഘടനയായി തോന്നിയിട്ടില്ലെന്നും ബാലഗോകുലം പരിപാടിയില്‍ പങ്കെടുക്കരുതെന്ന് പാര്‍ട്ടി തന്നോട് കര്‍ശനമായി പറഞ്ഞിട്ടില്ലെന്നും സംഭവം വിവാദമായതിനെത്തുടര്‍ന്ന് മേയര്‍ ബീന ഫിലിപ്പ് പറഞ്ഞിരുന്നു. ഇതിന് പിന്നാലെയാണ് പാര്‍ട്ടി പരസ്യമായി മേയറെ തള്ളിപ്പറഞ്ഞിരിക്കുന്നത്. ബാലഗോകുലം സ്വത്വ 2022 എന്ന മാതൃസമ്മേളനത്തിലാണ് ബീന ഫിലിപ്പ് പങ്കെടുത്തത്. കുട്ടികളെ വളർത്തുന്നതിൽ…

കോഴിക്കോട്: ലിംഗവിവേചനപരമായ ആശയങ്ങൾ അംഗീകരിക്കാനാകില്ലെന്ന് വിവിധ മുസ്ലീം സംഘടനകൾ. ലിംഗ നിഷ്‌പക്ഷതയാണ് ലിംഗ വിവേചനം അവസാനിപ്പിക്കാനുള്ള വഴിയെന്ന സിദ്ധാന്തം അംഗീകരിക്കാനാവില്ല. ഇടതു സർക്കാരിന്റെ നീക്കം പ്രതിഷേധാർഹമാണെന്നും ഇത് പിൻവലിക്കണമെന്നും ലീഗ് നേതാവ് റഷീദ് അലി തങ്ങൾ പറഞ്ഞു. കോഴിക്കോട്ട് ചേർന്ന സമുദായ നേതാക്കളുടെ യോഗത്തിന് ശേഷമായിരുന്നു ലീഗ് നേതാവിന്റെ പ്രതികരണം. കേരളത്തില്‍ ഭൂരിപക്ഷം മതവിശ്വാസികളെയും കണക്കിലെടുക്കാതെ ലിബറല്‍ ആശയം നടപ്പിലാക്കുന്നത് ഫാസിസമാണ്. കലാലയങ്ങളില്‍ ഭരണകൂടം ജെന്‍ഡര്‍ ന്യൂട്രല്‍ ആശയങ്ങള്‍ അടിച്ചേല്‍പ്പിക്കാനാണ് നീക്കം നടത്തുന്നതെന്നും അദ്ദേഹം കുറ്റപ്പെടുത്തി. ലിംഗസമത്വത്തിന്റെ പേരിൽ സർക്കാർ സ്‌കൂളുകളിൽ മതനിരപേക്ഷത വളർത്തുകയാണെന്ന് ലീഗ് നേതാവും എംഎൽഎയുമായ എംകെ മുനീർ നേരത്തെ അഭിപ്രായപ്പെട്ടിരുന്നു. മതമില്ലാത്ത ജീവിതത്തിന്റെ പേരിൽ മതനിഷേധം കടത്തിവിട്ടതുപോലെ, ഇപ്പോൾ ലിംഗ നിഷ്‌പക്ഷതയുടെ പേരിൽ സ്‌കൂളുകളിൽ വീണ്ടും മതനിഷേധം കൊണ്ടുവരാൻ പാഠ്യപദ്ധതി തയ്യാറായിക്കഴിഞ്ഞു എന്നായിരുന്നു മുനീറിന്റെ പരാമർശം. ഇതിനെതിരെ വലിയ വിമർശനം ഉയർന്നിരുന്നു.  

കണ്ണൂർ: മുതിർന്ന പത്രപ്രവർത്തകനും എഴുത്തുകാരനും സിപിഐ എം സഹയാത്രികനുമായ ‘ബെർലിൻ’ കുഞ്ഞനന്തൻ നായർ (96) തിങ്കളാഴ്ച അന്തരിച്ചതായി പാർട്ടി വൃത്തങ്ങൾ അറിയിച്ചു. വാർദ്ധക്യ സഹജമായ അസുഖങ്ങളെ തുടർന്ന് നാറാത്ത് ഗ്രാമത്തിലെ വസതിയിലായിരുന്നു അന്ത്യം. അവിഭക്ത കമ്മ്യൂണിസ്റ്റ് പാർട്ടിയുമായും പാർട്ടി പിളർപ്പിന് ശേഷം സിപിഐ എമ്മുമായും അടുത്ത ബന്ധം പുലർത്തിയ നായർ 1960 കളുടെ തുടക്കത്തിൽ ഇന്ത്യയിലെ ഇടതുപക്ഷ പ്രസിദ്ധീകരണങ്ങളുടെ യൂറോപ്യൻ ലേഖകനായി. ഇപ്പോൾ പ്രവർത്തനരഹിതമായ ഇടതുപക്ഷ അനുകൂല വാരികയായ “ബ്ലിറ്റ്സ്” ന്റെ ലേഖകനായിരുന്നു അദ്ദേഹം. പഴയ കിഴക്കൻ ജർമ്മനിയിൽ ദീർഘകാലം താമസിച്ചതിനാൽ അദ്ദേഹത്തിന്റെ പേരിനൊപ്പം ‘ബെർലിൻ’ എന്ന ഉപസർഗ്ഗം അദ്ദേഹത്തിന് ലഭിച്ചു. കിഴക്കൻ ജർമ്മനിയിൽ പത്രപ്രവർത്തകനെന്ന നിലയിൽ മൂന്ന് പതിറ്റാണ്ട് നീണ്ട തന്റെ ഔദ്യോഗിക ജീവിതത്തിൽ, നായർ പഴയ സോഷ്യലിസ്റ്റ് ബ്ലോക്കിലെ നിരവധി നേതാക്കളുമായി ബന്ധപ്പെട്ടിരുന്നു. തിരുവനന്തപുരത്ത് എ.കെ.ജി സെന്ററിലും ഏറെ നാള്‍ പ്രവര്‍ത്തിച്ചിരുന്നു. ഇ.എം.എസിന്റെ പൊളിറ്റിക്കല്‍…

കോഴിക്കോട്: കേരളത്തിൽ ശിശു സംരക്ഷണം മോശമാണെന്നും ഉത്തരേന്ത്യക്കാർ കുട്ടികളെ കൂടുതൽ സ്നേഹിക്കുന്നുവെന്നുമുള്ള കോഴിക്കോട് മേയർ ബീന ഫിലിപ്പിന്റെ പരാമർശം വിവാദത്തിൽ. സംഘപരിവാർ പരിപാടിയിൽ പങ്കെടുക്കവെയാണ് സിപിഎം മേയറുടെ പരാമർശം. ബാലഗോകുലത്തിന്റെ മാതൃസമ്മേളനം ഉദ്ഘാടനം ചെയ്യവെയായിരുന്നു വിവാദ പ്രതികരണം. എന്നാൽ, തന്റെ വാക്കുകൾ ദുരുദ്ദേശ്യത്തോടെ വളച്ചൊടിച്ചതാണെന്ന് മേയർ പ്രതികരിച്ചു. ‘കേരളീയർ മക്കളെ സ്നേഹിക്കുന്നതിൽ സ്വാർത്ഥരാണ്. പ്രസവത്തിൽ കുട്ടികൾ മരിക്കുന്നില്ല എന്നത് മാത്രമല്ല, ചെറുപ്പം മുതലേ അവർ സ്നേഹിക്കപ്പെടണം എന്നതും പ്രധാനമാണ്. കുട്ടിക്കാലത്ത് കുട്ടികൾക്ക് എന്ത് ഭക്ഷണം നൽകുന്നു എന്നതാണ് പ്രധാനം. ഉണ്ണിക്കണ്ണനോട് ഭക്തിയുണ്ടെങ്കിൽ ഒരിക്കലും കുട്ടികളോട് ദേഷ്യപ്പെടില്ലെന്നും ബീനാ ഫിലിപ്പ് പറഞ്ഞു. ആര്‍എസ്എസ് ശോഭായാത്രകള്‍ സംഘടിപ്പിക്കുന്നതിന് ബദലായി സിപിഎം ഘോഷയാത്രകള്‍ സംഘടിപ്പിച്ച് പ്രതിരോധം തീര്‍ക്കുന്നതിനിടയിലാണ് മേയര്‍ സംഘപരിവാര്‍ ചടങ്ങില്‍ ഉദ്ഘാടകയായെത്തിയിരിക്കുന്നത്. എന്നാല്‍ തന്റെ വാക്കുകള്‍ ദുരുദ്ദേശത്തോടെ വളച്ചൊടിച്ചതാണെന്ന് ബീന ഫിലിപ്പ് പ്രതികരിച്ചു. ‘മതം എന്ന രീതിയില്‍ കണ്ടിരുന്നില്ല, മനസില്‍…

കൊച്ചി: പ്രമുഖ മോട്ടോർസൈക്കിൾ നിർമ്മാതാക്കളായ റോയൽ എൻഫീൽഡ് പുതിയ ഹണ്ടർ 350 പുറത്തിറക്കി. നഗരങ്ങളിലെ തിരക്ക് കണക്കിലെടുത്ത് രൂപകൽപ്പന ചെയ്‌തിരിക്കുന്ന പുതിയ ഹണ്ടർ 350 എന്ന ശക്തവും ചടുലവുമായ മോട്ടോർസൈക്കിൾ, റെട്രോ-മെട്രോ ശൈലി പ്രകടമാക്കുന്ന വിധത്തിലാണ് നിർമ്മിക്കപ്പെട്ടിട്ടുള്ളത്. നഗര -ഗ്രാമ വീഥികളിൽ ഒരു പോലെ ആയാസരഹിതമായ റൈഡ് വാഗ്ദാനം ചെയ്യുന്ന ഹണ്ടർ 350 പുതുമയോടൊപ്പം റോയൽ എൻഫീൽഡിന്റെ പാരമ്പര്യം ഉയർത്തിപ്പിടിക്കുന്നുണ്ട്. ഉപഭോക്താക്കളുടെയും, ഒപ്പം സമൂഹത്തിന്റെയും, ആവശ്യങ്ങളും ആശകളും നന്നായി മനസ്സിലാക്കുന്ന റോയൽ എൻഫീൽഡ്, അവരുടെ ഇഷ്ടത്തിനൊത്ത മോട്ടോർ സൈക്കിൾ അനുഭവങ്ങളാണ് അവതരിപ്പിക്കുന്നത്. റോയൽ എൻഫീൽഡിന്റെ വിവിധ മോഡലുകളെ വളരെ ഇഷ്ടത്തോടെ സമീപിക്കുന്ന ഉപഭോക്താക്കളിൽ ഒരു വിഭാഗം പേർ പ്രതീക്ഷയോടെ കാത്തിരുന്ന ഒരു വാഹനമാകും ഹണ്ടർ 350. ശുദ്ധമായ മോട്ടോർ സൈക്കിളിങ് അനുഭവം ഏറെ സ്റ്റൈലിഷ് ആയി ഉപഭോക്താക്കൾക്കു മുന്നിൽ എത്തിക്കുകയാണ് ഹണ്ടർ 350, എന്ന് ഐഷർ മോട്ടോർസ്…

കണ്ണൂർ: നെടുമ്പാശേരി വിമാനത്താവളം വഴി കസ്റ്റംസിന്റെ കണ്ണു വെട്ടിച്ച് കടത്തിക്കൊണ്ടുപോയ ഒന്നര കിലോയോളം വരുന്ന സ്വര്‍ണ്ണം തലശ്ശേരിയില്‍ നിന്ന് പോലീസ് സാഹസികമായി പിടികൂടി. സംഘത്തിലെ പതിമൂന്നു പേരെയും അറസ്റ്റു ചെയ്തു. ഒന്നരക്കിലോ സ്വർണം അടങ്ങിയ ബാഗുമായി കടന്ന തൃശൂർ വെണ്ണൂർ സ്വദേശി അഫ്‌സലും സംഘവും തലശ്ശേരിയിലെ ഹോട്ടലിൽവെച്ചാണ് പിടിയിലായത്. അഫ്‌സലിനെയും മുറിയിലുണ്ടായിരുന്ന 13 പേരെയും നഗരമധ്യത്തിലുള്ള ഹോട്ടലിൽ നിന്നാണ് പോലീസ് കസ്റ്റഡിയിലെടുത്തത്. തലശ്ശേരി എസിപി നിതിൻ രാജിന്റെ നേതൃത്വത്തിലുള്ള മൂന്നംഗ സംഘം അതിസാഹസികമായാണ് ഇവരെ പിടികൂടി നെടുമ്പാശേരി പോലീസിൽ ഏൽപ്പിച്ചത്. ഇവര്‍ സഞ്ചരിച്ച വാഹനങ്ങളും പോലീസ് കസ്റ്റഡിയിലെടുത്തിട്ടുണ്ട്. ഗൾഫിൽ നിന്നും വന്ന അഫ്‌സലിനെ കാണാനില്ലെന്ന് മാതാവ് ഉമ്മല്ലു പൊലീസിൽ പരാതി നൽകിയിരുന്നു. പിടിക്കപ്പെട്ടവർ ക്രിമിനൽ ബന്ധമുള്ളവരാണ്. ചോദ്യങ്ങളോട് ഇവർ കൃത്യമായി മറുപടി പറയുന്നില്ല. പരിശോധന പൂർത്തിയാക്കി പ്രതികളെ നെടുമ്പാശ്ശേരിയിലേക്ക് കൊണ്ടുപോകുമെന്നും നെടുമ്പാശ്ശേരി എസ്ഐ അനീഷ് പറഞ്ഞു.

തിരുവനന്തപുരം: കേശവദാസപുരത്ത് വയോധിക കൊല്ലപ്പെട്ട സംഭവത്തിൽ പോലീസ് അന്വേഷണം ഊർജിതമാക്കി. സംഭവവുമായി ബന്ധപ്പെട്ട് കൊല്ലപ്പെട്ട വയോധികയുടെ വീടിന് സമീപം താമസിച്ചിരുന്ന ഇതര സംസ്ഥാന തൊഴിലാളി ആദം അലി (21)ക്ക് വേണ്ടിയുള്ള തിരച്ചിൽ തുടരുകയാണ്. ഞായറാഴ്ച രാത്രിയാണ് മനോരമ (60) എന്ന വയോധികയെ കൊല്ലപ്പെട്ട നിലയിൽ കണ്ടെത്തിയത്. മനോരമയെ കാണാനില്ലെന്ന് പോലീസില്‍ പരാതി നല്‍കിയതിനെത്തുടര്‍ന്ന് നടത്തിയ തിരച്ചിലിനിടെ രാത്രി 11.15ഓടെയാണ് മൃതദേഹം കിണറ്റിൽ നിന്ന് കണ്ടെടുത്തത്. മനോരമയെ കാണാനില്ലെന്നറിഞ്ഞതോടെ മനോരമയുടെ വീടിനു സമീപം നിർമാണ ജോലിക്കായി താമസിച്ചിരുന്ന ബംഗാൾ സ്വദേശി ആദം അലിയെന്ന തൊഴിലാളിയേയും കാണാതായി. ഇതോടെ ആദം അലിക്കെതിരെ സംശയം ഉയർന്നിരുന്നു. ആദം അലിക്കൊപ്പം താമസിച്ചിരുന്ന മൂന്നുപേരെ പൊലീസ് ചോദ്യം ചെയ്തു. കേശവദാസപുരം ദേവസ്വം ലെയിനിൽ താമസിക്കുന്ന മനോരമയെയാണ് (60) കൊല്ലപ്പെട്ട നിലയിൽ കണ്ടെത്തിയത്. കാലുകൾ കൂട്ടിക്കെട്ടിയ നിലയിൽ സമീപത്തെ വീട്ടിലെ കിണറ്റിൽ നിന്നാണ് കണ്ടെത്തിയത്. കൊലപ്പെടുത്തിയതിന്…

തിരുവനന്തപുരം: ബംഗാൾ ഉൾക്കടലിൽ രൂപം കൊണ്ട ന്യൂനമർദം ശക്തി പ്രാപിക്കാൻ സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. കഴിഞ്ഞ ദിവസങ്ങളിൽ കേരളത്തിൽ ലഭിച്ച കനത്ത മഴയ്ക്ക് ശമനമുണ്ടായെങ്കിലും മഴ വീണ്ടും ശക്തമാകുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. എട്ട് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്. കോട്ടയം, ഇടുക്കി, തൃശ്ശൂര്‍, പാലക്കാട്, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് യെല്ലോ അലര്‍ട്ട്. വടക്ക് പടിഞ്ഞാറന്‍ ബംഗാള്‍ ഉള്‍ക്കടലില്‍ ഒഡിഷ-പശ്ചിമബംഗാള്‍ തീരത്തിന് മുകളിലായി രൂപപ്പെട്ട ന്യൂനമര്‍ദം വരും മണിക്കൂറുകളില്‍ അതി തീവ്ര ന്യൂനമര്‍ദമായേക്കും. തെക്കന്‍ മഹാരാഷ്ട്ര തീരം മുതല്‍ വടക്കന്‍ കേരള തീരം വരെ ന്യൂനമര്‍ദ പാത്തിയും രൂപപ്പെട്ടിരിക്കുന്നു.ഇതിനാലാണ് വടക്കന്‍ കേരളത്തില്‍ മഴ ശക്തമാകുന്നത്. ഇതുകൂടാതെ, മധ്യ-കിഴക്കൻ അറബിക്കടലിൽ ഒരു ചക്ര വാതച്ചുഴിയും നിലവിലുണ്ട്. ഓഗസ്റ്റ് 11 വരെ ഒറ്റപ്പെട്ട കനത്ത മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ…

മലപ്പുറം: സംസ്ഥാനത്തെ കനത്ത മഴയിൽ റോഡുകൾ തകർന്നപ്പോൾ വേറിട്ട പ്രതിഷേധവുമായി ഒരു യുവാവ്. പാണ്ടിക്കാട് ഒട്ടോമ്പറ്റ സ്വദേശി ഹംസ പൊർളി (35) യാണ് റോഡിലെ കുഴികളിൽ കുളിച്ച് വസ്ത്രങ്ങൾ അലക്കി പ്രതിഷേധിച്ചത്. പ്രതിഷേധത്തിനിടെ അഡ്വ. യു എ ലത്തീഫ് എംഎൽഎയും പ്രതിഷേധത്തിന് സാക്ഷിയായി. റോഡുകളുടെ ശോചനീയാവസ്ഥ പരിഹരിക്കാൻ ശ്രമം നടക്കുന്നുണ്ടെന്ന് എംഎൽഎ മറുപടി നൽകി. പാണ്ടിക്കാട് ടൗണുമായി ബന്ധിപ്പിക്കുന്ന മഞ്ചേരി റോഡ് ഒഴികെയുള്ള റോഡുകളിലൂടെയുള്ള യാത്ര തീർത്തും ദുരിതപൂർണമാണ്. മഴ കനത്തതോടെ കുഴികളിൽ വെള്ളം നിറഞ്ഞ് അപകടങ്ങൾ പതിവായിരിക്കുകയാണ്. അതിനിടെയാണ് വ്യത്യസ്‌ത പ്രതിഷേധങ്ങളിലൂടെ ശ്രദ്ധേയനായ ഹംസ വീണ്ടും രംഗത്തിറങ്ങിയത്. അസർ മുഹമ്മദ്, നസീം ഒടോമ്പറ്റ, ഷിനോജ് പരിയാരത്ത്, ഫർഹാൻ കുറ്റിപ്പുളി എന്നിവരും പ്രതിഷേധത്തിന്‍റെ ഭാഗമായി.