കൊച്ചി: തൃക്കാക്കര ഉപതെരഞ്ഞെടുപ്പിന്റെ വോട്ടെണ്ണൽ തുടങ്ങി. യുഡിഎഫ് സ്ഥാനാർഥി ഉമാ തോമസാണ് ആദ്യ റൗണ്ടിൽ ലീഡ് ചെയ്യുന്നത്. തപാൽ, സർവീസ് വോട്ടുകൾ എണ്ണിയപ്പോൾ ഉമാ തോമസിന് മൂന്നും എൽഡിഎഫിലെ ജോ ജോസഫിനും ബിജെപിയിലെ എഎൻ രാധാകൃഷ്ണനും രണ്ടു വോട്ടുകൾ വീതവും ലഭിച്ചു. മൂന്ന് വോട്ടുകൾ അസാധുവായി. തപാൽ, സർവീസ് വോട്ടുകൾ എണ്ണിക്കഴിഞ്ഞാണ് ഇലക്ട്രോണിക് വോട്ടിങ് യന്ത്രങ്ങളിലെ വോട്ടെണ്ണൽ ആരംഭിച്ചത്. എറണാകുളം മഹാരാജാസ് കോളേജിൽ രാവിലെ എട്ടിന് വോട്ടെണ്ണൽ ആരംഭിച്ചു. 21 വോട്ടെണ്ണൽ ടേബിളുകൾ സജ്ജീകരിച്ചിട്ടുണ്ട്. 21 വോട്ടിംഗ് യന്ത്രങ്ങളാണ് ഒരു റൗണ്ടിൽ എണ്ണുക. അങ്ങനെ പതിനൊന്ന് റൗണ്ടുകൾ പൂർത്തിയാകുന്നതോടെ പുതിയ ജനപ്രതിനിധി ആരെന്ന് വ്യക്തമാകും. കോർപ്പറേഷൻ പരിധിയിലെ ബൂത്തുകളാണ് ആദ്യം എണ്ണുന്നത്. 239 ബൂത്തുകളിലായി 1,35,342 വോട്ടർമാർമാരാണ് ചൊവ്വാഴ്ച ജനഹിതം രേഖപ്പെടുത്തിയത്. യുഡിഎഫിനായി ഉമ തോമസ്, എൽഡിഎഫിനായി ഡോ. ജോ ജോസഫ്, എൻഡിഎയുടെ എഎൻ രാധാകൃഷ്ണൻ എന്നിവരാണ്…
തൃക്കാക്കര ഉപതെരഞ്ഞെടുപ്പ് വോട്ടെണ്ണല് ആരംഭിച്ചു; ഉമാ തോമസ് ലീഡ് ചെയ്യുന്നു
