Category: POLITICS

യുവ നേതാക്കൾക്ക് പ്രവർത്തിക്കാനും തിരഞ്ഞെടുപ്പുകളിൽ മത്സരിക്കാനും അവസരമില്ലാത്ത പാർട്ടിയാണ് കോൺഗ്രസെന്ന് ആക്ഷേപങ്ങളുണ്ടായിരുന്നു. രാഹുൽ ഗാന്ധി കോൺഗ്രസിന്റെ ദേശീയ നേതൃത്വം ഏറ്റെടുത്ത ശേഷം അത്തരം അവഗണനകൾ യുവാക്കൾക്ക് നേരിടേണ്ടി വന്നിട്ടില്ല. എല്ലാ സംസ്ഥാനങ്ങളിലും കോൺഗ്രസ് നേതൃത്വത്തിലേക്ക് യുവാക്കളെത്തി. കേരളത്തിലും അതിനനുസൃതമായി വലിയ മാറ്റങ്ങളുണ്ടായി. ചാനൽ ചർച്ചകളിൽ മാത്രം മുഖം കാണിച്ചു കൊണ്ടിരുന്ന രാഹുൽ മാങ്കൂട്ടത്തിലിനെപ്പോലെ ഒരുപറ്റം ചെറുപ്പക്കാരെ ഫീൽഡിലേക്ക് ഇറക്കി. ഷാഫി പറമ്പിലും ഹൈബി ഈഡനും ചാണ്ടി ഉമ്മനുമൊക്കെ അങ്ങനെ ഉയർന്നുവന്നവരാണ്. ഗാന്ധിജിയും നെഹ്രുവും ഇന്ദിരാഗാന്ധിയും കോൺഗ്രസ് പ്രസ്ഥാനത്തിന് ആദർശം പകർന്ന മാതൃകാ നേതാക്കളാണ്. ജനക്ഷേമത്തിന് സത്യസന്ധമായി പ്രവർത്തിക്കാനാണ് നേതാക്കൾ അധികാരത്തെ ഉപയോഗിച്ചിരുന്നത്. ആ പാരമ്പര്യം കെടാതെ കാക്കുന്നവരാണ് കോൺഗ്രസിന്റെ ഇപ്പോഴത്തെ മുതിർന്ന നേതാക്കൾ. പക്ഷെ, എം. എൽ. എയും യൂത്ത് കോൺഗ്രസ് സംസ്ഥാന പ്രസിഡന്റുമായിരിക്കെ രാഹുൽ മാങ്കൂട്ടത്തിലിനെതിരെ ഉയർന്ന ലൈംഗികാക്ഷേപങ്ങൾ പാർട്ടിക്ക് ദേശീയ തലത്തിൽ തന്നെ നാക്കേടുണ്ടാക്കിയിരിക്കുന്നു.…

പാലക്കാട്: പാലക്കാട് നഗരസഭാ ഭരണ സമിതി ബസ് ടെർമിനലിന്റെ പേര് ഉദ്ഘാടന തലേന്ന് വരെ പുറത്തു വിടാതെ ഉദ്ഘാടന സമയത്ത് ബി.ജെ.പി നേതാവിന്റെ പേര് തൂക്കി തികഞ്ഞ രാഷ്ട്രീയ നാടകം കളിച്ചത് ബി.ജെ.പിയുടെ രാഷ്ട്രീയ പാപ്പരത്തത്തെയാണ് സൂചിപ്പിക്കുന്നതെന്ന് ഐ.എൻ.എൽ പാലക്കാട് ജില്ലാ കമ്മിറ്റി കുറ്റപ്പെടുത്തി. പാലക്കാട് എം.പി വി.കെ ശ്രീകണ്ഠന്റെ പ്രാദേശിക വികസന ഫണ്ടിൽ നിന്നും രണ്ടു കോടി 26 ലക്ഷം രൂപ ചിലവഴിച്ചാണ് ബസ് സ്റ്റാൻഡ് ടെർമിനലിന്റെ പണി പൂർത്തീകരിച്ചത്, എക്കാലത്തും ടെർമിനലിന്റെ പണിയുടെ പുരോഗതിയുമായി ബന്ധപ്പെട്ട കാര്യങ്ങളിൽ മുഖം തിരിയ്ക്കുന്ന സമീപനമായിരുന്നു നഗരസഭയുടേത്. ഉത്തരേന്ത്യയിലും മറ്റും ബി.ജെ.പി അനുവർത്തിച്ചു പോരുന്ന പേര് മാറ്റ നാടകത്തിൻ്റെ മറ്റൊരു പതിപ്പാണ് പാലക്കാട്ടേത്. സ്ഥലങ്ങളുടെയും സ്ഥാപനങ്ങളുടെയും പേരുമാറ്റി തങ്ങളുടെ ഇഷ്ടക്കാരുടെ പേര് നൽകുന്നതിന്റെ ഭാഗമായി പാലക്കാട് നഗരസഭ തന്നെ മുൻകാലങ്ങളിൽ ആർ.എസ്.എസ് നേതാക്കളായ വി.ഡി സവർക്കറുടെയും ഹെഡ്ഗേവാറിന്റെയുംപേര് നൽകി…

തിരുവനന്തപുരം: ആരോപണങ്ങളുടെ പടുകുഴിയില്‍ അകപ്പെട്ട രാഹുൽ മാങ്കൂട്ടത്തിൽ എംഎൽഎ രാജിവയ്ക്കണമെന്ന് വിദ്യാഭ്യാസ മന്ത്രി വി. ശിവൻകുട്ടി ആവർത്തിച്ച് ആവശ്യപ്പെട്ടു. പൊതുജനങ്ങളും പാർട്ടി അംഗങ്ങളും ഒരുപോലെ ആവശ്യപ്പെടുന്ന വിഷയമാണിതെന്നും, നിലപാട് വ്യക്തമാക്കാതെ ഒളിവിൽ കഴിയുന്നത് ഒരു ജനപ്രതിനിധിക്ക് യോജിച്ചതല്ലെന്നും മന്ത്രി പറഞ്ഞു. ആരോപണങ്ങൾ നേരിടുമ്പോഴും നിയമസഭാംഗമായി തുടരുന്നത് പൊതുപ്രവർത്തനത്തിനും ജനാധിപത്യത്തിനും അപമാനമാണെന്ന് അദ്ദേഹം അഭിപ്രായപ്പെട്ടു. എംഎൽഎയുമായി സംസാരിക്കാൻ പലതവണ വിളിച്ചെങ്കിലും ഫോണിൽ ബന്ധപ്പെടാൻ കഴിഞ്ഞില്ലെന്ന് ശിവൻകുട്ടി പറഞ്ഞു. ജനങ്ങളുടെ മുന്നിൽ വന്ന് ആരോപണങ്ങൾക്ക് മറുപടി നൽകേണ്ട സമയത്താണ് അദ്ദേഹം ഒളിവിൽ പോകുന്നത്. ഇരകൾ പറയുന്ന കാര്യങ്ങൾ സത്യമല്ലെങ്കിൽ അത് തെളിയിക്കേണ്ടത് രാഹുലാണെന്നും എന്നാൽ മൗനം പാലിക്കുന്നത് അത് സംശയങ്ങൾക്ക് വഴിവയ്ക്കുമെന്നും മന്ത്രി ചൂണ്ടിക്കാട്ടി. ഇത്തരം വിഷയങ്ങളിൽ സർക്കാരിന്റെയും പാർട്ടിയുടെയും നിലപാട് വ്യക്തമാണെന്നും ശിവൻകുട്ടി കൂട്ടിച്ചേർത്തു. പൊതുപ്രതിനിധികൾക്കെതിരെ ആരോപണങ്ങൾ ഉന്നയിക്കപ്പെട്ടാൽ, ജനങ്ങൾക്ക് മുന്നിൽ അത് വ്യക്തമാക്കാൻ അവർ ബാധ്യസ്ഥരാണ്. ആരോപണങ്ങൾക്ക്…

തിരുവനന്തപുരം: സ്ത്രീകളോട് അപമര്യാദയായി പെരുമാറിയതിന് ആരോപണം നേരിടുന്ന പാർട്ടി നിയമസഭാംഗമായ രാഹുൽ മാങ്കൂത്തിലിനെതിരെ കർശന നടപടിയെടുക്കാൻ കോൺഗ്രസ് ആലോചിക്കുന്നതായി പ്രതിപക്ഷ നേതാവ് വി ഡി സതീശൻ ശനിയാഴ്ച സൂചന നൽകി. പാലക്കാട് നിയമസഭാംഗം രാഹുല്‍ മാങ്കൂട്ടത്തിലിന്റെ രാജി ആവശ്യപ്പെട്ട് തെരുവ് പ്രതിഷേധങ്ങൾ ശക്തമായി ഉയരുന്നതിന്റെ പശ്ചാത്തലത്തിൽ സതീശന്റെ പ്രസ്താവനയ്ക്ക് രാഷ്ട്രീയ പ്രാധാന്യം ലഭിച്ചു. രാഹുല്‍ പാലക്കാട്ട് പ്രവേശിച്ചാൽ അദ്ദേഹത്തെ ബഹിഷ്‌കരിക്കുമെന്ന് സിപി‌എമ്മും ബിജെപിയും ഭീഷണിപ്പെടുത്തിയിട്ടുണ്ട്. രാഹുല്‍ മാങ്കൂട്ടത്തിലിന്റെ നിയമസഭാ സീറ്റ് രാജിവയ്ക്കണമെന്ന് ആവശ്യപ്പെട്ട് കോൺഗ്രസ് നേതാവ് സോണിയ ഗാന്ധിക്ക് കുറഞ്ഞത് ഒരു ലക്ഷം കത്തുകളെങ്കിലും അയയ്ക്കുമെന്ന് എസ് എഫ് ഐ പ്രഖ്യാപിച്ചു. എറണാകുളത്ത് മാധ്യമപ്രവർത്തകരോട് സംസാരിക്കവെ, മാങ്കൂട്ടത്തില്‍ സംസ്ഥാന യൂത്ത് കോൺഗ്രസ് പ്രസിഡന്റ് സ്ഥാനം രാജിവച്ചത് “ആദ്യ ഘട്ടമായിരുന്നു” എന്ന് സതീശൻ പറഞ്ഞു. അദ്ദേഹത്തിനെതിരായ പരാതികളുടെ ഗൗരവം പരിശോധിക്കാൻ പാർട്ടിയുടെ ദേശീയ നേതൃത്വം ഒരു കമ്മിറ്റി രൂപീകരിക്കുമെന്നും…

മലപ്പുറം: യൂത്ത് കോൺഗ്രസ് സംഘടന പദവി ദുരുപയോഗപ്പെടുത്തി യുവതികളുമായി അനാശാസ്യ പ്രവർത്തനത്തിൽ ഏർപ്പെട്ടതിന് ആരോപണ വിധേയനായ രാഹുൽ മാങ്കൂട്ടം കേരളത്തിലെ യുവജന പ്രസ്ഥാനങ്ങൾക്കാകെ അപമാനം ഉണ്ടാക്കിയിരിക്കയാണ്. പൊതുപ്രവർത്തകർ ജീവിതത്തിൽ കൂടുതൽ ജാഗ്രതയോടെ പാലിക്കേണ്ട വ്യക്തി വിശുദ്ധി തൊട്ടു തീണ്ടാത്തയാളാണ് സംസ്ഥാന യൂത്ത് കോൺഗ്രസ് പദവിയിലുണ്ടായ രാഹുലെന്നത് ആശ്ചര്യകരമാണ്. രാഹുലിനെ പോലുള്ള ഒരാളെ നിയമസഭ കക്ഷി അംഗമായി ചുമക്കേണ്ട ഗതികേടിലാണ് കേരളത്തിലെ കോൺഗ്രസും യു.ഡി. എഫും. രാഹുലിനെ നിയമസഭാ അംഗത്വത്തിൽ നിന്ന് പുറത്താക്കാനുള്ള രാഷ്ട്രീയ മാന്യതയും ധാർമ്മികതയും കോൺഗ്രസ് നേതൃത്വം കാണിക്കണമെന്നും എൻ. വൈ.എൽ മലപ്പുറത്ത് നടത്തിയ പ്രതിഷേധ പരിപാടി ആവശ്യപ്പെട്ടു. പൂവൻകോഴിയുമാട്ടാണ് എൻ. വൈ.എൽ പ്രവർത്തകർ മലപ്പുറത്ത് രാഹുൽ മാങ്കൂട്ടത്തിൽ എം.എൽ.എ ആയി തുടരുന്നതിന്നെതിരെ പ്രതിഷേധിച്ചത്. ഐ.എൻ.എൽ ജില്ലാ സിക്രട്ടറി എൻ.പി ശംസു ഉദ്ഘാടനം ചെയ്തു. എൻ .വൈ.എൽ ജില്ലാ പ്രസിഡൻ്റ് പി.പി അർഷദ് , ജനറൽ…

തിരുവനന്തപുരം: രാഹുൽ മാങ്കൂട്ടത്തിൽ പ്രസിഡന്റ് സ്ഥാനമൊഴിഞ്ഞതോടെ ഒഴിവുവരുന്ന യൂത്ത് കോൺഗ്രസ് സംസ്ഥാന പ്രസിഡന്റ് സ്ഥാനത്തേക്ക് നാല് നേതാക്കളെയാണ് പരിഗണിക്കുന്നത്. സംസ്ഥാന വൈസ് പ്രസിഡന്റ് അബിൻ വർക്കി, ദേശീയ സെക്രട്ടറി ബിനു ചുള്ളിയിൽ, കെഎസ്‌യു മുൻ സംസ്ഥാന പ്രസിഡന്റ് കെഎം അഭിജിത്ത്, സംസ്ഥാന വൈസ് പ്രസിഡന്റ് ഒജെ ജനീഷ് എന്നിവരാണ് സാധ്യതാ പട്ടികയിൽ മുൻനിരയിലുള്ളത്. നിലവിലെ പ്രസിഡന്റിന്റെ കാലാവധി ഒരു വർഷത്തിനുള്ളിൽ അവസാനിക്കും, അതിനാൽ പുതിയ നിയമനം താൽക്കാലികമായിരിക്കും. എന്നാല്‍, എല്ലാ ഘടകങ്ങളും പരിഗണിച്ച ശേഷം ദേശീയ നേതൃത്വമായിരിക്കും തീരുമാനമെടുക്കുക. രണ്ട് വർഷം മുമ്പ് നടന്ന യൂത്ത് കോൺഗ്രസ് പ്രസിഡന്റ് തിരഞ്ഞെടുപ്പിൽ അബിൻ വർക്കി രാഹുലിനെതിരെ രണ്ടാം സ്ഥാനത്തെത്തിയിരുന്നു. വ്യാജ ഐഡി കാർഡുകൾ ഉപയോഗിച്ച് വോട്ട് തട്ടിപ്പ് നടത്തിയതായി അന്ന് രാഹുൽ ആരോപിച്ചിരുന്നു. ഇക്കാരണത്താൽ, അബിന് മുൻഗണന ലഭിച്ചേക്കാം. എന്നാൽ കെപിസിസി, മഹിളാ കോൺഗ്രസ്, കെഎസ്‌യു പ്രസിഡന്റ് സ്ഥാനങ്ങൾ…

പാലക്കാട്: രാഹുൽ മാങ്കൂട്ടത്തിൽ എംഎൽഎയ്ക്കും ഷാഫി പറമ്പിൽ എംപിക്കുമെതിരെ പാലക്കാട്ടെ കോൺഗ്രസ് നേതാക്കൾ രംഗത്ത്. ഉത്സവ വേദികളിലെ പിക്ക് പോക്കറ്ററുകളെപ്പോലെയാണ് ഇരുവരും, ഉപതിരഞ്ഞെടുപ്പിനിടെ വൻതോതിൽ ഫണ്ട് എത്തി. ഈ തുകയെക്കുറിച്ച് വ്യക്തത വരുത്തണമെന്ന് നേതാക്കൾ ഉൾപ്പെടെ പലരും ആവശ്യപ്പെടുന്നു. എംഎൽഎയായി തിരഞ്ഞെടുക്കപ്പെട്ട ശേഷം കാർ വാങ്ങാൻ രാഹുലിന് എവിടെ നിന്ന് പണം ലഭിച്ചുവെന്ന് വ്യക്തമാക്കണമെന്നും അദ്ദേഹത്തിന്റെ മോശം സ്വഭാവം കാരണം ആദ്യം തന്നെ സ്ഥാനാർത്ഥിത്വത്തെ എതിർത്തിരുന്നുവെന്നും അവർ പറഞ്ഞു. യുവ നടി ഉന്നയിച്ച ആരോപണങ്ങളുടെ പശ്ചാത്തലത്തിൽ രാഹുൽ മാങ്കൂട്ടത്തിൽ യൂത്ത് കോൺഗ്രസ് പ്രസിഡന്റ് സ്ഥാനം രാജിവച്ചു. അതേസമയം, രാഹുലിനെതിരെ ആരോപണങ്ങൾ ഉയർന്നിട്ടും ഷാഫി പറമ്പിൽ എംപി ഇതുവരെ പ്രതികരിച്ചിട്ടില്ല. എല്ലാ തവണയും ഷാഫി രാഹുലിനെ സംരക്ഷിക്കാറുണ്ടെന്ന ആരോപണവുമുണ്ട്. ഇന്നലെ രാവിലെ മുതൽ ഡൽഹിയിലെ തന്റെ ഫ്ലാറ്റിൽ ഷാഫി ഉണ്ടായിരുന്നു, പാർലമെന്റിൽ പോലും പോയിരുന്നില്ല. വൈകുന്നേരം അദ്ദേഹം ബീഹാറിലേക്ക്…

പാലക്കാട്: യൂത്ത് കോൺഗ്രസ്സ് സംസ്ഥാന അദ്ധ്യക്ഷനും പാലക്കാട് എം എൽ എ യുമായ രാഹുൽ മാങ്കൂകൂട്ടത്തിനു നേരെയുള്ള വെളിപ്പെടുത്തലുകൾ തെളിവുകൾ സഹിതം പുറത്തുവരുമ്പോൾ ജനങ്ങളുടെയും പ്രവർത്തകരുടെയും കണ്ണിൽ പൊടിയിടാൻ വേണ്ടി എന്തെങ്കിലും ഗിമ്മിക്കുകൾ കാണിച്ച് ഇടതുപക്ഷത്തിന് നേരെ പ്രത്യാരോപണം ഉന്നയിക്കുന്നതിനപ്പുറം യൂത്ത് കോൺഗ്രസ്സിന്റെ അദ്ധ്യക്ഷ സ്ഥാനത്തു നിന്നും ജനങ്ങൾ തെരെഞ്ഞെടുത്ത എംഎൽഎ പദവിയിൽ നിന്നുകൂടി രാഹുൽ മാങ്കൂട്ടത്തെ രാജിവെപ്പിക്കാൻ കോൺഗ്രസ് തയ്യാറാവണമെന്നും, യുഡിവൈഎഫ് സംസ്ഥാനത്തെ യുവജനങ്ങൾക്ക് അപമാനമാണെന്നും നാഷണൽ യൂത്ത് ലീഗ് പാലക്കാട് ജില്ലാ എക്സിക്യുട്ടീവ് വ്യക്തമാക്കി. യോഗത്തിൽ സംസ്ഥാന ട്രഷറർ കെ.വി.അമീർ, ജില്ലാ പ്രസിഡന്റ് ശിഹാബ് മൈലമ്പാടം, ജനറൽ സെക്രട്ടറി സുൽഫിക്കർ എ.പി , ട്രഷറർ അബ്ദുല്ല ഷൊർണൂർ, കമ്മിറ്റി അംഗങ്ങളായ പി.വി.ഇക്രാം, ഷെഫീഖ് കെ, ഷാദിൻ.ടി എന്നിവർ സംസാരിച്ചു.