Category: AMERICA

പെൻ‌സിൽ‌വാനിയ:ബുധനാഴ്ച ഉച്ചകഴിഞ്ഞ് പെൻ‌സിൽ‌വാനിയയിൽ നടന്ന വെടിവയ്പ്പിൽ മൂന്ന് നിയമപാലകർ കൊല്ലപ്പെടുകയും രണ്ട് പേർക്ക് പരിക്കേൽക്കുകയും ചെയ്തു, വെടിവച്ചയാളും മരിച്ചുവെന്ന് സംസ്ഥാന പോലീസ് കമ്മീഷണർ പറഞ്ഞു. ഉച്ചയ്ക്ക് 2:10 ന് നോർത്ത് കോഡോറസ് ടൗൺഷിപ്പിൽ നിന്നാണ് ആദ്യത്തെ 911 കോൾ വന്നതെന്ന് യോർക്ക് കൗണ്ടി ഓഫീസ് ഓഫ് എമർജൻസി മാനേജ്‌മെന്റിലെ ടെഡ് ചെക്ക് പറഞ്ഞു. പെൻസിൽവാനിയ സ്റ്റേറ്റ് പോലീസ് അന്വേഷണം നടത്തുന്നുണ്ടെന്ന് ചെക്ക് പറഞ്ഞു. വെടിവയ്പ്പുമായി ബന്ധപ്പെട്ട് രണ്ട് പേരെ ചികിത്സിക്കുന്നുണ്ടെന്ന് വെൽസ്പാൻ യോർക്ക് ആശുപത്രിയുടെ വക്താവ് പറഞ്ഞു, ഇരുവരുടെയും നില ഗുരുതരമാണ്. പെൻസിൽവാനിയ ഗവർണർ ജോഷ് ഷാപ്പിറോ ഉദ്യോഗസ്ഥരുടെ കുടുംബങ്ങൾക്ക് വേണ്ടി പ്രാർത്ഥിക്കാൻ അഭ്യർത്ഥിച്ചു. യോർക്ക് കൗണ്ടിക്കും സംസ്ഥാനത്തിനും “ഒരു ദാരുണവും വിനാശകരവുമായ ദിവസം” എന്നാണ് അദ്ദേഹം ഇതിനെ വിശേഷിപ്പിച്ചത്. “ഇത്തരത്തിലുള്ള അക്രമം ശരിയല്ല,” ഷാപ്പിറോ പറഞ്ഞു. “ഒരു സമൂഹമെന്ന നിലയിൽ നമ്മൾ മികച്ച പ്രകടനം കാഴ്ചവയ്ക്കേണ്ടതുണ്ട്.…

കേരളത്തിൽ വന്യ ജീവി ആക്രമണങ്ങൾ ദിനംപ്രതി വർധിച്ചു കൊണ്ടിരിക്കുകയാണ്. ആന, കടുവ, കരടി, പുലി തുടങ്ങി നിരവധി വന്യജീവി ആക്രമണങ്ങളുടെ ഫലമായി സാധാരണ ജനങ്ങളുടെ ജീവനും സ്വത്തുക്കളും അപകടത്തിലാണ്. കർഷകരുടെ ജീവിതം പ്രയാസകരമാകുകയും ചെയ്തിട്ടുണ്ട്. പല പ്രദേശങ്ങളിലും ജനങ്ങൾ രാത്രിയും പകലും വ്യത്യാസമില്ലാതെ പേടിയോടെ ജീവിക്കേണ്ട സാഹചര്യമാണിപ്പോൾ. ഈ പശ്ചാത്തലത്തിലാണ് കേരള സർക്കാർ വന്യജീവി സംരക്ഷണവുമായി ബന്ധപ്പെട്ട കേന്ദ്രനിയമത്തിൽ ഭേദഗതി കൊണ്ടുവരാൻ തീരുമാനിച്ചിരിക്കുന്നത്. വന്യജീവി സംരക്ഷണ നിയമത്തിൽ ഇപ്പോൾ ‘ആക്രമണോത്സുകങ്ങളായ വന്യമൃഗത്തെ കൊല്ലാനുള്ള വ്യവസ്ഥകൾ’ വ്യക്തമല്ല. കേന്ദ്രനിയമമായ വന്യജീവി സംരക്ഷണ നിയമം, 1972 (Wild Life Protection Act, 1972) പ്രകാരം വന്യമൃഗങ്ങളെ പരമാവധി സംരക്ഷിക്കുകയാണ് ലക്ഷ്യം എന്ന് വ്യക്തമാക്കിയിട്ടുണ്ട്. എന്നാൽ, മനുഷ്യജീവൻ അപകടത്തിലാകുന്ന സാഹചര്യങ്ങളിൽ പോലും ആക്രമണോത്സുകങ്ങളായ വന്യമൃഗത്തെ കൊല്ലുന്നതിനുള്ള വ്യക്തമായ വ്യവസ്ഥകളില്ലെന്നതാണ് കേരളം ചൂണ്ടിക്കാട്ടുന്നത്. കേന്ദ്രനിയമത്തിലെ പ്രധാന വകുപ്പുകൾ : വകുപ്പ് 9 –…

ഡൊണാൾഡ് ട്രംപിന്റെ നയങ്ങളുടെ പേരിൽ മറ്റ് രാജ്യങ്ങളിൽ മാത്രമല്ല, അമേരിക്കയിലും വന്‍ വിമർശനങ്ങളാണ് നേരിടുന്നത്. ഭരണകൂടം അക്കാദമിക് സ്വാതന്ത്ര്യത്തിന് തുരങ്കം വയ്ക്കുന്നുവെന്ന് ആരോപിച്ച് കാലിഫോർണിയ സർവകലാശാലയിലെ ജീവനക്കാരും വിദ്യാർത്ഥികളും സംയുക്തമായി കേസ് ഫയൽ ചെയ്തു. കാലിഫോര്‍ണിയ: യുഎസ് പ്രസിഡന്റ് ഡൊണാൾഡ് ട്രംപിന്റെ താരിഫ് നയങ്ങൾ കാരണം ലോകമെമ്പാടു നിന്നും വന്‍ പ്രതിഷേധങ്ങളാണ് അദ്ദേഹം നേരിടുന്നത്. മറ്റ് രാജ്യങ്ങളിൽ മാത്രമല്ല, സ്വന്തം രാജ്യത്തു നിന്നും അദ്ദേഹം എതിർപ്പുകളും ട്രോളുകളും നേരിടുന്നു. സർക്കാർ ധനസഹായം തടഞ്ഞതിനെതിരെ കാലിഫോര്‍ണിയ സർവകലാശാല പ്രതിഷേധം ആരംഭിച്ചു. ട്രംപ് ഭരണകൂടം അക്കാദമിക് സ്വാതന്ത്ര്യത്തെയും അഭിപ്രായ സ്വാതന്ത്ര്യത്തെയും ദുർബലപ്പെടുത്തുന്നുവെന്ന് ആരോപിച്ചാണ് കാലിഫോർണിയ സർവകലാശാലയിലെ ജീവനക്കാരും വിദ്യാർത്ഥികളും മറ്റ് ജീവനക്കാരും ചേർന്ന് കേസ് ഫയൽ ചെയ്തിരിക്കുന്നത്. ട്രംപ് ഭരണകൂടം കാലിഫോർണിയ സർവകലാശാലയ്ക്ക് 1.2 ബില്യൺ ഡോളർ പിഴ ചുമത്തുകയും ഗവേഷണ ധനസഹായം തടഞ്ഞുവയ്ക്കുകയും ചെയ്ത് ഏതാനും ആഴ്ചകൾക്ക് ശേഷമാണ്…

ഐ ഒ സി (യു കെ): കേരള ചാപ്റ്ററിന്റെ നേതൃത്വത്തിൽ ഗാന്ധി ജയന്തി ദിനം ‘സേവന ദിനം’ ആയി ആചരിക്കും. ശ്രമ ദാനത്തിന്റെ ഭാഗമായി പ്രവർത്തകർ ബോൾട്ടൻ കൗൺസിലുമായി ചേർന്നു മാലിന്യം നിറഞ്ഞ തെരുവുകൾ ശുചീകരിക്കും. രാവിലെ 10 മണി മുതൽ ബോൾട്ടൻ പ്ലേ പാർക്ക്‌ ഗ്രൗണ്ടിൽ വച്ച് സംഘടിപ്പിക്കുന്ന പരിപാടിയിൽ ജന പ്രതിനിധികൾ, സാമൂഹ്യ പ്രവർത്തകർ, വിവിധ യൂണിറ്റ് / റീജിയനുകളിൽ നിന്നുള്ള ഐ ഒ സി പ്രവർത്തകർ എന്നിവർ പങ്കെടുക്കും. കേരള ചാപ്റ്റർ പ്രസിഡന്റ്‌ ഷൈനു ക്ലെയർ മാത്യൂസ് ലഹരി വിരുദ്ധ പ്രതിജ്ഞ അംഗങ്ങൾക്ക് ചൊല്ലിക്കൊടുക്കും. രാജ്യ വ്യത്യാസമില്ലാതെ വർധിച്ചു വരുന്ന ലഹരി ഉപയോഗത്തിന്റെ ദൂഷ്യ ഫലങ്ങൾ ബോധവൽകരിച്ചുകൊണ്ട് ‘സർവോദയ ലഹരി വിരുദ്ധ ക്യാമ്പയിനി’ന്റെ ഔദ്യോഗിക ഉദ്ഘടനവും ചടങ്ങിൽ വച്ച് സംഘടിപ്പിക്കും. തദേശഭരണ സംവിദാനം, മലയാളി അസോസിയേഷൻ ഉൾപ്പടെയുള്ള വിവിധ സംഘടനകൾ, എൻ ജി…

കണക്ടിക്കട്ട്: കണക്ടിക്കട്ടിലെ സ്ട്രാറ്റ് ഫോർഡ്, മിൽഫോർഡ്, ഷെൽട്ടൺ, ട്രംബുൾ തുടങ്ങിയ ഭാഗങ്ങളിലെ കുടിയേറ്റ മലയാളികളെ കോർത്തിണക്കി കഴിഞ്ഞ ഒന്നര പതിറ്റാണ്ടിലധികമായി ട്രംബുൾ കേന്ദ്രീകൃതമായി പ്രവർത്തിക്കുന്ന മലയാളീ അസ്സോസ്സിയേഷൻ ഓഫ് കണക്ടിക്കട്ട് (MASCONN) ഈ വർഷത്തെ ഓണം പ്രൗഢ ഗംഭീരമായും അതിവിപുലമായും ആഘോഷിച്ചു. ജാതി-മത-രാഷ്ട്രീയ അതിർവരമ്പുകൾക്കും അപ്പുറമായി മലയാളി എന്ന പരിഗണനയിൽ മാത്രം മലയാളികളുടെ സംസ്കാരവും പാരമ്പര്യവും സാഹോദര്യവും പൈതൃകവും പരിപോഷിപ്പിക്കുവാനും നിലനിർത്തുവാനുമായി ഒത്തൊരുമയോടെ പ്രവർത്തിക്കുന്ന സംഘടന ഈ വർഷത്തെ ഓണാഘോഷവും തനതായ ശൈലിയിൽ അതിമനോഹരമായി തന്നെയാണ് കൊണ്ടാടിയത്. അത്തപ്പൂക്കളവും, നിലവിളക്കും, ചെണ്ടമേളവും, മാവേലി തമ്പുരാൻറെ എഴുന്നെള്ളത്തും, ഡാൻസും, പാട്ടും, ആട്ടവും, തിരുവാതിരയും, ഓണസദ്യയുമൊക്കെയായി ഈ വർഷത്തെ ഓണം അടിപൊളിയായി ആഘോഷിക്കുവാൻ സാധിച്ചതിലുള്ള സംതൃപ്തിയിലാണ് ആഘോഷക്കമ്മറ്റിക്കാർ. സംഘടനയിലെ അംഗങ്ങൾ തന്നെ അവതരിപ്പിച്ച നൃത്ത-നൃത്യ-നാട്ട്യ-ഗാന പരിപാടികൾ അതി മനോഹരമായി. സംഘടനാംഗങ്ങളുടെ മക്കൾ അവതരിപ്പിച്ച ഡാൻസുകളും പാട്ടുകളും കാണികളെ അത്യധികം സന്തോഷിപ്പിച്ചു.…

ലണ്ടന്‍: ബ്രിട്ടനിലെ വലതുപക്ഷ നേതാവും വിവാദ പ്രവർത്തകനുമായ ടോമി റോബിൻസൺ തന്റെ കടുത്ത കുടിയേറ്റ വിരുദ്ധ നിലപാടുകളുടെ പേരിൽ എപ്പോഴും വാർത്തകളിൽ ഇടം നേടിയിട്ടുണ്ട്. എന്നാൽ അതിശയകരമെന്നു പറയട്ടെ, അതേ റോബിൻസൺ ഇന്ത്യൻ സമൂഹത്തെ, പ്രത്യേകിച്ച് ഹിന്ദുക്കളെ, തന്റെ സഖ്യകക്ഷികളായി കണക്കാക്കുന്നു. സമീപ വർഷങ്ങളിൽ, അദ്ദേഹം ഹിന്ദുക്കളെ പരസ്യമായി പ്രശംസിക്കുക മാത്രമല്ല, ആവശ്യമെങ്കിൽ അവർക്കുവേണ്ടി തെരുവിലിറങ്ങുന്നതിൽ നിന്ന് ഒഴിഞ്ഞുമാറില്ലെന്നും അവകാശപ്പെട്ടു. ഹിന്ദു കുടിയേറ്റക്കാർ മറ്റ് സമുദായങ്ങളിൽ നിന്ന് വ്യത്യസ്തരാണെന്ന് റോബിൻസൺ ആവർത്തിച്ച് ഊന്നിപ്പറയുന്നു. ഹിന്ദുക്കൾ ബ്രിട്ടീഷ് സമൂഹത്തിൽ എളുപ്പത്തിൽ ഇടപഴകുമെന്നും ഒരു തരത്തിലുള്ള ഭീഷണിയും ഉയർത്തുന്നില്ലെന്നും അദ്ദേഹം പറയുന്നു. ഇതിനു വിപരീതമായി, മുസ്ലീം കുടിയേറ്റക്കാരെ അദ്ദേഹം പലപ്പോഴും ‘ആക്രമണകാരികൾ’ എന്നും ‘ക്രിമിനൽ മാനസികാവസ്ഥ’ ഉള്ളവർ എന്നും വിശേഷിപ്പിക്കുന്നു. 2022-ൽ ലെസ്റ്ററിൽ നടന്ന ഹിന്ദു-മുസ്ലീം സംഘർഷങ്ങൾക്ക് ശേഷം, റോബിൻസൺ ഹിന്ദുക്കളെ പിന്തുണച്ചു, സ്ഥിതി കൂടുതൽ വഷളായാൽ, നൂറുകണക്കിന് ആളുകളെ…

ചിക്കാഗോ: ക്നാനായ കത്തോലിക്ക കോൺഗ്രസ് ഓഫ് നോർത്ത് അമേരിക്ക (കെസിസിഎൻഎ)യുടെ നാഷണൽ കൗൺസിൽ യോഗം 2025 സെപ്റ്റംബർ 20 ശനിയാഴ്ച രാവിലെ 8 മണിക്ക് ആരംഭിക്കും. ചിക്കാഗോ ക്നാനായ കത്തോലിക്ക സൊസൈറ്റി (കെ.സി.എസ്.) ആതിഥേയത്വം വഹിക്കുന്ന നാഷണൽ കൗൺസിൽ യോഗം ഡെസ് പ്ലെയിൻസിലെ കെ.സി.എസ്. കമ്മ്യൂണിറ്റി സെന്ററിലാണ് സംഘടിപ്പിച്ചിരിക്കുന്നത്. കെ.സി.സി.എൻ.എ എക്സിക്യൂട്ടീവ് കമ്മിറ്റി പ്രസിഡന്റ് ശ്രീ. ജെയിംസ് ഇല്ലിക്കൽ നാഷണൽ കൗൺസിൽ മീറ്റിംഗിന്റെ പ്രാധാന്യം ഊന്നിപ്പറഞ്ഞു. ഏറെ പ്രതീക്ഷയോടെ കാത്തിരിക്കുന്ന 1 6-ാമത് കെ.സി.സി.എൻ.എ. കൺവെൻഷൻ* ഉൾപ്പെടെ, വടക്കേ അമേരിക്കയിലെ ക്നാനായ സമൂഹത്തിന്റെ ഭാവി ദിശ നിർണ്ണയിക്കുന്ന നിരവധി നിർണായക തീരുമാനങ്ങൾ യോഗത്തിൽ എടുക്കുമെന്ന് അദ്ദേഹം അറിയിച്ചു. എല്ലാ നാഷണൽ കൗൺസിൽ അംഗങ്ങളും ഈ ചരിത്രപരമായ സംഗമത്തിൽ സജീവമായി പങ്കെടുക്കണമെന്ന് അദ്ദേഹം ആഹ്വാനം ചെയ്തു. യോഗാനന്തരം കെ.സി.എസ്. ചിക്കാഗോ ‘ടൗൺ ഹാൾ’ സെഷനും സംഘടിപ്പിക്കും. അംഗങ്ങൾക്ക് അഭിപ്രായങ്ങൾ…

ന്യൂയോർക്ക്: യുണൈറ്റഡ് ക്രിസ്ത്യൻ ചാരിറ്റബിൾ ഓർഗനൈസേഷന്റെ നേതൃത്വത്തിൽ ഒക്ടോബർ 5 ഞായറാഴ്ച വൈകിട്ട് 5 മണിക്ക് ന്യൂയോർക്ക് എൽമോന്റ് സീറോ മലങ്കര കാത്തലിക് സ്കൂൾ ഓഡിറ്റോറിയത്തിൽ വെച്ച് (1510, DePaul Street, Elmont, NY 11003) സ്നേഹ സങ്കീർത്തനം എന്ന ക്രിസ്തീയ സംഗീത വിരുന്ന് നടത്തപ്പെടുന്നു. അമേരിക്കയിൽ ആദ്യമായി എത്തുന്ന മലങ്കരയുടെ ഗായകൻ എന്നപേരിൽ അറിയപ്പെടുന്ന പ്രശസ്ത ക്രിസ്തിയ ഭക്തിഗായകൻ റോയി പുത്തൂർ, അനേക ക്രിസ്തിയ ആൽബങ്ങളിലൂടെ പ്രശസ്തയായ മരിയ കോലാടി എന്നിവരെ കൂടാതെ ഏഷ്യാനെറ്റിന്റെ ഐഡിയ സ്റ്റാർ സിംഗർ ജേതാവും, സിനിമാ പിന്നണി ഗായികയുമായ മെറിൻ ഗ്രിഗറി, ഐഡിയ സ്റ്റാർ സിംഗറിലൂടെ മലയാളികളുടെ അഭിമാനവും ഇന്ന് ക്രൈസ്തവ ഗാന രംഗത്ത് നിറസാന്നിധ്യവുമായ ഇമ്മാനുവൽ ഹെന്റി എന്നീ ഗായകരും, ലൈവ് ഓർക്കസ്ട്രായും ചേർന്ന് ഈ സംഗീത വിരുന്നിന് മികവേകും. ഡിവൈൻ മ്യൂസിക് ആൻഡ് പ്രൊഡക്ഷൻസ് ഒരുക്കുന്ന ഈ…

ഗാർലാൻഡ് (ഡാളസ്): ഇന്ത്യാ പ്രസ് ക്ലബ് ഓഫ് നോർത്ത് ടെക്സാസിൻ്റെ ആഭിമുഖ്യത്തിൽ സംഘടിപ്പിച്ച   മാധ്യമ വിചാരണ ഏറെ ശ്രദ്ധേയമായി. സെപ്റ്റംബർ 14 ഞായറാഴ്ച വൈകിട്ട് 5 ന് ഗാർലൻഡിലുള്ള കേരള അസോസിയേഷൻ ഹാളിൽ സംഘടിപ്പിച്ച സംവാദത്തിൽ മാധ്യമ മേഖലകളിൽ പ്രവർത്തിക്കുന്ന നിരവധി പേർ സജീവമായി പങ്കെടുത്തു. ഇന്ത്യാ പ്രസ് ക്ലബ് ഓഫ് നോർത്ത് ടെക്സാസ് പ്രസിഡൻ്റ് സണ്ണി മാളിയേക്കൽ മാധ്യമ സമ്മേളനത്തിന് അദ്ധ്യക്ഷത വഹിച്ചു. ഇന്നത്തെ സമൂഹത്തിൽ അത്യന്താപേക്ഷിതവും ചര്‍ച്ചചെയ്യപ്പെടേണ്ടതുമായ ഒരു വിഷയമാണ് ഇന്നത്തെ “മാധ്യമ പ്രവർത്തനം ഇങ്ങനെ ആയാൽ എങ്ങനെ” എന്നത് എന്ന് അദ്ധ്യക്ഷ പ്രസംഗത്തിൽ മാളിയേക്കൽ ഓർപ്പിച്ചു.ഒരു ജനാധിപത്യ സംവിധാനത്തിൽ ‘മാധ്യമം’ നാലാമത്തെ തൂണാണ് എന്ന് നമ്മൾ ഏറെക്കാലമായി കേട്ടുപോരുകയാണ്. എന്നാൽ ഇന്നത്തെ മാധ്യമം അതിൻ്റെ കർത്തവ്യങ്ങൾ എത്രമാത്രം അനുഷ്ഠിക്കുന്നു എന്ന് നമുക്ക് ചോദിക്കേണ്ടിയിരിക്കുന്നു, അദ്ദേഹം പറഞ്ഞു. ‘സത്യത്തിന്റെയും ജനാധിപത്യത്തിന്റെയും ശബ്ദം’ എന്ന…