Month: July 2022

ചിക്കാഗോ: അമേരിക്കയില്‍ ഇപ്പോള്‍ സന്ദര്‍ശനം നടത്തുന്ന പ്രശസ്ത കര്‍ണാടിക് സംഗീത വിദഗ്ധന്‍ ‘പാടും പാതിരി’ എന്നറിയപ്പെടുന്ന റവ ഡോ പോള്‍ പൂവത്തിങ്കല്‍ നയിക്കുന്ന ഗാനമേള ജൂലൈ 31 ന് ഞായറാഴ്ച വൈകുന്നേരം 5:30 ന് ചിക്കാഗോ ബെല്‍വുഡ് മാര്‍ തോമാശ്ലീഹാ കത്തീഡ്രല്‍ ഹാളില്‍ നടക്കും. ചിക്കാഗോ രൂപതയുടെ നിയുക്ത ബിഷപ്പ് അഭിവന്ദ്യ മാര്‍ ജോയ് ആലപ്പാട്ട് പരിപാടി ഉദ്ഘാടനം ചെയ്യും. അതിഥികളെ സ്വാഗതം ചെയ്ത്‌കൊണ്ടുള്ള കുട്ടികളുടെ സംഘനൃത്തത്തിന് ശേഷം കച്ചേരി ആരംഭിക്കും. ഈ ഫണ്ട് റേസിങ് ഡിന്നര്‍ പരിപാടിക്ക് പ്രവേശനം സൗജന്യമായിരിക്കുമെന്ന് ഫാ പോള്‍ അറിയിച്ചു. തൃശ്ശൂരില്‍ ഫാ പോള്‍ ആരംഭിക്കുന്ന ആരംഭിക്കുന്ന ഗാനാശ്രമത്തിനുവേണ്ടി സംഭാവനകള്‍ തദവസരത്തില്‍ സ്വീകരിക്കുമെന്ന് പ്രോഗ്രാം കമ്മിറ്റി അറിയിച്ചു. കൂടുതല്‍ വിവരങ്ങള്‍ക്ക്:  (773) 620 2484.

ഡാളസ് : ഡാളസ് കൗണ്ടി ജഡ്ജി ക്ലെ ജങ്കിൻസിന് കോവിഡ് സ്ഥിരീകരിച്ചു. ജഡ്ജി തന്നെയാണ് കോവിഡ് പോസിറ്റീവായ വിവരം ട്വിറ്ററിലൂടെ അറിയിച്ചത്. ചൊവ്വാഴ്ച വൈകിട്ടാണ് തൻ പോസിറ്റീവായതെന്നും, വീട്ടിൽ സ്വയം ഒറ്റപ്പെട്ട് കഴിയുകയാണെന്നും അദ്ദേഹം വ്യക്തമാക്കി. രോഗലക്ഷണങ്ങൾ പൂർണ്ണമായി മാറി കോവിഡ് നെഗറ്റീവ് റിപ്പോർട്ട് ലഭിച്ചതിനുശേഷം മാത്രമേ ജോലിയിൽ പ്രവേശിക്കുകയുള്ളുവെന്നും ജങ്കിൻസ് ട്വീറ്റിൽ പറയുന്നു. രണ്ട് ഡോസ് വാക്സിനും രണ്ട് ബൂസ്റ്റര്‍ ഡോസും സ്വീകരിച്ചിരുന്നതായി അദ്ദേഹം വെളിപ്പെടുത്തി. വാക്സിനേഷനാണ് എന്നെ കൂടുതൽ സംരക്ഷിച്ചതെന്നും അദ്ദേഹം പറയുന്നു. ‍ഡാളസിൽ കഴിഞ്ഞ രണ്ടു മാസമായി കോവിഡ് കേസുകൾ വർദ്ധിക്കുകയാണ്. ജൂലൈ ആദ്യവാരം 58 ശതമാനം വർദ്ധനവാണ് രേഖപ്പെടുത്തിയിട്ടുള്ളത്. ജൂലൈ 8 മുതൽ 15 വരെ 28.9 ശതമാനം വർധനവാണ് ആശുപത്രികളിൽ പ്രവേശിപ്പിക്കുന്ന രോഗികളിൽ ഉണ്ടായിരിക്കുന്നത്. ഡാലളസിലെ 74 ശതമാനം പേർക്കും വാക്സീൻ രണ്ടു ഡോസ് ലഭിച്ചുവെങ്കിലും ഇതിൽ 24 ശതമാനം…

വാഷിംഗ്ടൺ : ചൈനയുടെ ദൃഢനിശ്ചയത്തിന്റെയും, ന്യൂഡൽഹി തങ്ങളുടെ ദേശീയ പ്രതിരോധത്തിനായി റഷ്യൻ സൈനിക കയറ്റുമതിയെ ആശ്രയിക്കുന്നതിന്റെയും പശ്ചാത്തലത്തിൽ ഇന്ത്യയുമായുള്ള പ്രതിരോധ പങ്കാളിത്തം മെച്ചപ്പെടുത്താൻ അമേരിക്ക ശ്രമിക്കുന്നതായി യു എസ് കോൺഗ്രസ് അംഗം റോ ഖന്ന. റഷ്യയുമായി കാര്യമായ പ്രതിരോധ ഇടപാടുകളിൽ ഏർപ്പെടുന്ന രാജ്യങ്ങൾക്ക് പിഴ ചുമത്തുന്ന അമേരിക്കയുടെ എതിരാളികളെ ഉപരോധ നിയമത്തിലൂടെ (CAATSA) നേരിടുന്നതിൽ ഇന്ത്യക്ക് ഇളവ് നൽകുന്നത് യുഎസിന്റെയും യുഎസ്-ഇന്ത്യയുടെയും ഏറ്റവും മികച്ച ദേശീയ താൽപ്പര്യമാണെന്ന് ഒരു മാധ്യമത്തിന് നൽകിയ പ്രത്യേക അഭിമുഖത്തിൽ ഖന്ന പറഞ്ഞു. ഇന്ത്യ-യുഎസ് പ്രതിരോധ ബന്ധത്തിന്റെ ആഴം കൂട്ടാൻ നിർദ്ദേശിക്കുന്ന നാഷണൽ ഡിഫൻസ് ഓതറൈസേഷൻ ആക്ടിന്റെ (എൻഡിഎഎ) ഭൂരിപക്ഷത്തോടെ യുണൈറ്റഡ് സ്റ്റേറ്റ്സ് (യുഎസ്) പ്രതിനിധി സഭ ജൂലൈ 14-ന് ഒരു ഭേദഗതി അംഗീകരിച്ചതിന് ശേഷമാണ് കാലിഫോർണിയയിൽ നിന്നുള്ള പുരോഗമന ഡെമോക്രാറ്റായ ഖന്ന ഈ ഭേദഗതി വാഗ്ദാനം ചെയ്തത്. 300 ഉഭയകക്ഷി വോട്ടുകൾക്ക്…

ഹൂസ്റ്റൺ : ഇന്ത്യയുടെ പതിനഞ്ചാമത് രാഷ്ട്രപതിയായി ജൂലൈ 25 നു സത്യപ്രതിജഞ ചൊല്ലി അധികാരമേറ്റെടുത്ത .ദ്രൗപദി മുര്‍മുവിനു ഇന്റർനാഷണൽ പ്രയർ ലൈൻ പ്രാർത്ഥനാ നിർഭരമായ ആശംസകൾ നേരുന്നതായി ഐ പി എൽ കോർഡിനേറ്റർ സി വി സാമുവേൽ അറിയിച്ചു .ഇന്ത്യയുടെ ചരിത്ര താളുകളിൽ തങ്ക ലിപികളിൽ എഴുതിച്ചേർക്കപെട്ട മറ്റൊരു അദ്ധ്യായത്തിന്റെ തുടക്കമാണ് ആദ്യമായി രാജ്യത്തിന്റെ പരമോന്നത പദവിയിലെത്തുന്ന , രണ്ടാമത്തെ വനിതയും ഏറ്റവും പ്രായം കുറഞ്ഞ(64) വ്യക്തിയും,ആദിവാസി വനിതയും ,ലാളിത്യത്തിന്റെ പ്രതീകവും, പരിചയസമ്പന്നതയുടെ നിറകുടവുമായ മുര്‍മുവിന്റെ സത്യപ്രതിജഞയിലൂടെ നിറവേറ്റപ്പെട്ടതെന്ന് അദ്ദേഹം പറഞ്ഞു.. ഭാ​ര​ത​ത്തി​ന്‍റെ ഐ​ക്യ​വും അ​ഖ​ണ്ഡ​ത​യും മ​തേ​​തര​ത്വവും നിർഭയമായി കാ​ത്തു​സൂ​ക്ഷി​കുന്നതിനു പു​തി​യ രാ​ഷ്ട്ര​പ​തി​ക്ക് ക​ഴി​യ​ട്ടെ​യെ​ന്നും ഇന്ത്യയുടെ പരമോന്നതപദവിയിൽ തിളക്കമാർന്ന പ്രവർത്തനങ്ങളും ,ചുമതലകളും നിറവേറ്റുന്നതിന് രാഷ്ട്രപതിക്കു എല്ലാ ഭാവുകങ്ങളും ,അനുഗ്രഹങ്ങളും , ജ്ഞാനവും സർവേശ്വരനായ ദൈവം നല്കട്ടെയെന്നു പ്രയർ ലൈനായി പ്രാർത്ഥിക്കുന്നുവെന്നും ,ആശംസിക്കുന്നുവെന്നും സി വി എസ് പറഞ്ഞു.…

സാൻഫ്രാൻസിസ്കോ: ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി(യു എസ് എ) കാലിഫോർണിയ സാൻഫ്രാൻസിസ്കോ ചാപ്റ്റർ ഭാരവാഹികളെ പ്രഖ്യാപിച്ചു. പ്രസിഡണ്ട് : അനിൽ ജോസഫ് മാത്യു , ജനറൽ സെക്രട്ടറി ജോമോൻ ജോസ്, ട്രഷറർ സജി ജോർജ്‌ കണ്ണോത്ത്‌കുടി. വൈസ് പ്രസിഡന്റുമാർ : ബിനോയ് ജോർജ്‌, തോമസ് പട്ടർമഡ് സെക്രട്ടറി: ജോഷ് കോശി ജോയിന്റ് ട്രഷറർ : റെനി അലക്സാണ്ടർ എക്സിക്യൂട്ടീവ് കമ്മിറ്റി അംഗങ്ങൾ: റോയ് ഫിലിപ്പ്, ഐസക്ക് ഫിലിപ്പ്, ഏബ്രഹാം ചെറുകര, തോമസ് ജോർജ് (രാജു) ,ഡോ.മോൻസി സ്കറിയ, മനു പെരിഞ്ഞേലിൽ, ക്ളീറ്റസ് മഞ്ഞൂരാൻ, റഞ്ജി തോമസ് മുപ്പതിയിൽ, ഇ.ജി. ജോയ്, റോയ് എബ്രഹാം,ബിനേഷ് വർഗീസ്,തോമസ് വര്ഗീസ് (രാജൻ) സാൻഫ്രാൻസിസ്കോയിൽ നിന്നുള്ള ഒഐസിസി യൂഎസ്എ നാഷണൽ കമ്മിറ്റി വൈസ് ചെയർമാൻ ഡോ.ചേക്കോട്ട് രാധാകൃഷ്ണനും സൈബർ ആൻഡ് സോഷ്യൽ മീഡിയ ചെയർമാൻ ടോം തരകനും വെസ്റ്റേൺ റീജിയൻ സെക്രട്ടറിയായ…

മണ്ണാർക്കാട്: ചങ്ങലീരി ഇർശാദ് ഹൈസ്കൂളിൽ വിജയോത്സവവും വിവിധ ക്ലബ്ബുകളുടെ ഉത്ഘാടനവും സംഘടിപ്പിച്ചു. എസ് എസ് എൽ സി പരീക്ഷയിലും വിവിധ സ്കോളർഷിപ്പ് പരീക്ഷകളിലും വിജയികളായവരെ അനുമോദിച്ചു. കുമരംപുത്തൂർ പഞ്ചായത്ത്‌ പ്രസിഡന്റ്‌ ലക്ഷ്മിക്കുട്ടി പരിപാടി ഉത്ഘാടനം ചെയ്തു. സംസ്ഥാന അദ്ധ്യാപക അവാർഡ് ജേതാവ് കെ കെ വിനോദ്കുമാർ മാസ്റ്റർ മുഖ്യപ്രഭാഷണം നിർവഹിച്ചു. പ്രിൻസിപ്പാൾ മുഹമ്മദ്‌ റിയാസ്, കെ മുഹമ്മദ്‌ ഷാഫി, അബു ബിൻ മുഹമ്മദ്‌, മുഹമ്മദ്‌ ഷമീർ, കെ അബ്ദുൽ ജബ്ബാർ, നസറുദ്ധീൻ പാലക്കാഴി എന്നിവർ സംസാരിച്ചു.

തുർക്കി: സൺ എക്‌സ്‌പ്രസ് വിമാനത്തിലെ ക്യാബിൻ ക്രൂ അംഗം ഭക്ഷണത്തിനുള്ളിൽ പാമ്പിന്റെ തല കണ്ടതായി തുര്‍ക്കിയിലെ ഒരു ഓൺലൈൻ മാധ്യമം റിപ്പോർട്ട് ചെയ്തു. റിപ്പോര്‍ട്ട് പറയുന്നതനുസരിച്ച്, അങ്കാറയിൽ നിന്ന് ഡസൽഡോർഫിലേക്ക് പറക്കുന്നതിനിടെയാണ് പാമ്പിന്റെ ശരീരഭാഗം ക്രൂ അംഗം കണ്ടെത്തിയത്. മാധ്യമത്തിന്റെ യൂട്യൂബ് ചാനലിൽ ഭക്ഷണത്തിൽ പാമ്പിന്റെ തല ദൃശ്യമാകുന്ന വീഡിയോ പോസ്റ്റ് ചെയ്തിട്ടുണ്ട്. എയർലൈനുകൾക്കുള്ള കാറ്ററിംഗ് സേവന ദാതാവായ സാൻകാക് ഇൻഫ്ലൈറ്റാണ് ഈ ഭക്ഷണവും മറ്റുള്ളവയും ടർക്കിഷ് എയർലൈൻസും ലുഫ്താൻസയും തമ്മിലുള്ള സംയുക്ത സംരംഭമായ സൺഎക്‌സ്‌പ്രസിന് വിതരണം ചെയ്തത്. സാൻക് ഇൻഫ്‌ലൈറ്റിന്റെ വെബ്‌സൈറ്റ് അനുസരിച്ച് മലേഷ്യൻ എയർലൈൻസ്, ഖത്തർ എയർവേയ്‌സ്, ഈസി ജെറ്റ് എന്നിവയാണ് അവരുടെ ഉപഭോക്താക്കളിൽ ചിലർ. ഇതിനെക്കുറിച്ച് സമഗ്രമായ അന്വേഷണം ആരംഭിച്ചിട്ടുണ്ട്. വിമാനത്തിനുള്ളിലെ ഭക്ഷണം വിതരണം ചെയ്യുന്ന കാറ്ററിംഗ് സര്‍‌വ്വീസുമായി ബന്ധപ്പെട്ട് മാധ്യമങ്ങളിൽ വന്ന ആരോപണങ്ങളും ഷെയറുകളും തീർത്തും അസ്വീകാര്യമാണെന്ന് സൺഎക്‌സ്‌പ്രസ് തുർക്കി വാർത്താ…