Month: September 2022

ഹൂസ്റ്റണ്‍: മലയാളികളുടെ ദേശീയോത്സവമായ ഓണം ഹൂസ്റ്റണ്‍ ക്‌നാനായ കാത്തലിക് സൊസൈറ്റി സെപ്റ്റംബര്‍ 10-ാം തീയതി ശനിയാഴ്ച വിപുലമായ പരിപാടികളോടെ ആഘോഷിച്ചു. ഹൂസ്റ്റണ്‍ ക്‌നാനായ കമ്മ്യൂണിറ്റി സെന്ററില്‍ വച്ച് നടന്ന പരിപാടിയില്‍ കേരളീയ വേഷവിധാനങ്ങളോടെയുള്ള താലപ്പൊലിയോടെ മഹാബലിയെ വരവേറ്റു. വിഭവസമൃദ്ധമായ ഓണസദ്യയും മലയാളത്തനിമയിലൂന്നിയ കലാപരിപാടികളും ഓണാഘോഷത്തോടനുബന്ധിച്ച് സംഘടിപ്പിച്ചു. ആയിരത്തിലധികം ആളുകള്‍ പങ്കെടുത്ത ഓണാഘോഷം മലയാളികളുടെ ഗൃഹാതുരസ്മരണകള്‍ ഉണര്‍ത്തുന്ന ഒന്നായി മാറി. ഓണാഘോഷത്തോടനുബന്ധിച്ച് നടന്ന പൊതുസമ്മേളനത്തില്‍ എച്ച്.കെ.സി.എസ്. പ്രസിഡന്റ് ജോജോ തറയില്‍ അദ്ധ്യക്ഷത വഹിച്ചു. സ്പിരിച്വല്‍ ഡയറക്ടര്‍ ഫാ. സുനി പടിഞ്ഞാറേക്കര, റീജിയണല്‍ വൈസ് പ്രസിഡന്റ് സാബു മുളയാനിക്കുന്നേല്‍, മേയര്‍ റോബിന്‍ ഇലക്കാട്ട്, മാവേലിയായി വന്ന സ്റ്റീഫന്‍ എരുമേലിക്കര എന്നിവര്‍ ഓണസന്ദേശം നല്‍കി. പരിപാടികള്‍ക്ക് മെല്‍വിന്‍ വാഴപ്പിള്ളിയില്‍ സ്വാഗതവും ബെറ്റ്‌സി തുണ്ടിപ്പറമ്പില്‍ കൃതജ്ഞതയും അര്‍പ്പിച്ചു. ഷെറിന്‍ പള്ളിക്കിഴക്കേതില്‍, ശ്രേയ കൈപ്പിള്ളിയില്‍, ഫ്രാന്‍സിസ് ചെറുകാട്ടുപറമ്പില്‍ തുടങ്ങിയവര്‍ പരിപാടികള്‍ക്ക് നേതൃത്വം നല്‍കി. ഓണാഘോഷത്തോടനുബന്ധിച്ച്…

ബ്രൂക്ക്‌ലിന്‍ (ന്യൂയോര്‍ക്ക്): ഒരു വയസ്സുള്ള കുട്ടിയെ മടിയിലിരുത്തി മുപ്പത്തിയാറു വയസ്സുള്ള മാതാവ് സ്വയം തലയില്‍ വെടിവെച്ച് ആത്മഹത്യ ചെയ്തു. സ്റ്റുവര്‍ട്ട് അവന്യൂവിലെ മറിന്‍ പാര്‍ക്ക് മിഡില്‍ സ്‌കൂള്‍ പരിസരത്തുവെച്ച് സെപ്റ്റംബര്‍ 20 ചൊവ്വാഴ്ച ഉച്ചതിരിഞ്ഞായിരുന്നു സംഭവം. കുട്ടിയുമായി സ്‌കൂള്‍ യാര്‍ഡില്‍ ഇരുന്ന് കുട്ടിയുടെ പിതാവിനെ ഫോണില്‍ വിളിച്ചു താന്‍ ആത്മഹത്യ ചെയ്യുവാന്‍ പോകുകയാണെന്ന് അറിയിച്ചു. പിതാവ് സംഭവസ്ഥലത്ത് ഓടിയെത്തുന്നതിനു മുമ്പു തന്നെ ഇവര്‍ വെടിയുതിര്‍ത്തിരുന്നു. വിന്‍ഗേറ്റ് (36) ആണ് ഭര്‍ത്താവുമായുണ്ടായ തര്‍ക്കത്തെ തുടര്‍ന്ന് ആത്മഹത്യ ചെയ്തത്. സംഭവ സ്ഥലത്തെത്തിയ ഭര്‍ത്താവ് കുട്ടിയേയും കൂട്ടി അവിടെ നിന്നും അപ്രത്യക്ഷമായി. അവിടെ സ്ഥാപിച്ചിരുന്ന ക്യാമറകളില്‍ ഇയാളുടെ ദൃശ്യം പതിഞ്ഞിരുന്നു. വെടിവെച്ചുവെന്ന് കരുതപ്പെടുന്ന തോക്ക് സംഭവസ്ഥലത്തു നിന്നു പോലീസിന് കണ്ടെടുക്കാനായില്ല. കുട്ടിയുടെ പിതാവ് തോക്കെടുത്ത് എവിടെയോ ഒളിപ്പിച്ചു വെച്ചിരിക്കാം എന്നാണ് പോലീസിന്റെ നിഗമനം. ഇയാളെ പിന്നീട് പിടികൂടി ചോദ്യം ചെയ്തുവരികയാണ്. ചൊവ്വാഴ്ച…

ന്യൂയോര്‍ക്ക്: മുന്‍ പ്രസിഡന്റ് ഡൊണാൾഡ് ട്രംപിനും, അദ്ദേഹത്തിന്റെ മുതിർന്ന മൂന്ന് മക്കള്‍ക്കും, ട്രംപ് ഓർഗനൈസേഷനുമെതിരെ ന്യൂയോർക്ക് അറ്റോർണി ജനറൽ കേസെടുത്തു. സ്വയം സമ്പന്നരാകാനും അനുകൂലമായ വായ്പകൾ നേടാനും തന്റെ ആസ്തി കോടിക്കണക്കിന് ഡോളര്‍ പെരുപ്പിച്ചു കാണിച്ചതിനാണ് കേസ്. യുഎസ് അറ്റോർണി ജനറൽ ലെറ്റിഷ്യ ജെയിംസ് ബുധനാഴ്ച മന്‍‌ഹാട്ടനിലെ ന്യൂയോർക്ക് സ്റ്റേറ്റ് കോടതിയിൽ സിവിൽ കേസ് ഫയൽ ചെയ്തു. 2011 മുതൽ 2021 വരെയുള്ള സാമ്പത്തിക കണക്കുകള്‍ തയ്യാറാക്കുന്നതിൽ ട്രംപ് ഓർഗനൈസേഷൻ “നിരവധി വഞ്ചനകളും തെറ്റിദ്ധാരണകളും” നടത്തിയെന്നാണ് അറ്റോര്‍ണി ജനറല്‍ ആരോപിക്കുന്നത്. കുറഞ്ഞ പലിശനിരക്കും കുറഞ്ഞ ഇൻഷുറൻസ് പരിരക്ഷയും ഉൾപ്പെടെയുള്ള ഇടപാടുകളിൽ അനുകൂലമായ സാമ്പത്തിക നേട്ടത്തിനായി തന്റെ കമ്പനിയെ സഹായിക്കുന്നതിന് ട്രംപ് തന്റെ സമ്പത്തിനെ ബില്യൺ കണക്കിന് ഡോളർ കൃത്രിമമായി വര്‍ദ്ധിപ്പിച്ചതായി ലെറ്റിഷ്യ ജെയിംസ് പറഞ്ഞു. “സാമ്പത്തിക സ്ഥിതിയെക്കുറിച്ചുള്ള പ്രസ്താവനകൾ വളരെ അതിശയോക്തിപരവും, മൊത്തത്തിൽ ഊതിപ്പെരുപ്പിച്ചതും, വസ്തുനിഷ്ഠമായി തെറ്റായതും,…

ന്യൂയോർക്ക്: സെക്യൂരിറ്റി കൗൺസിലിൽ ഇന്ത്യക്ക് സ്ഥിരാംഗത്വം ലഭിക്കുന്നതിന് വേണ്ടതെല്ലാം ചെയ്യുമെന്ന് യു എസ് പ്രസിഡന്റ് ജോ ബൈഡൻ ഉറപ്പു നൽകി. സെപ്റ്റംബർ 21ന് ജനറൽ അസംബ്ലിയിൽ ഉന്നതതല യോഗത്തെ അഭിസംബോധന ചെയ്യുന്നതിനിടയിലാണ് ബൈഡൻ തന്റെ പ്രഖ്യാപനം നടത്തിയത്. സെക്യൂരിറ്റി കൗൺസിലിൽ സ്ഥിരാംഗങ്ങളുടേയും താത്ക്കാലിക അംഗങ്ങളുടേയും സംഖ്യ വർധിപ്പിക്കുന്നതിന് അമേരിക്ക മുൻകൈ എടുക്കുമെന്നും ബൈഡൻ പറഞ്ഞു. വളരെ നാളുകളായി സ്ഥിരാംഗത്വത്തിന് ശ്രമിക്കുന്ന ഇന്ത്യ, ജപ്പാൻ, ജർമ്മനി തുടങ്ങിയ രാഷ്ട്രങ്ങളുടെ താല്പര്യം സംരക്ഷിക്കുമെന്നും അദ്ദേഹം പറഞ്ഞു. ഇന്ന് ലോകം നേരിടുന്ന പ്രശ്നങ്ങളിൽ ശരിയായ രീതിയില്‍ പ്രതികരിക്കുന്നതിന് കൂടുതൽ രാഷ്ട്രങ്ങളെ ഉൾപ്പെടുത്തേണ്ടതാണെന്നും ആഫ്രിക്ക, ലാറ്റിൻ അമേരിക്ക, കരീബിയൻ തുടങ്ങിയ രാജ്യങ്ങളേയും അതില്‍ ഉൾപ്പെടുത്തണമെന്നും ബൈഡൻ വാദിച്ചു. 2021 ഓഗസ്റ്റില്‍ യുഎൻ സെക്യൂരിറ്റി കൗൺസിലിൽ പ്രസിഡന്റ് ബൈഡനും ഇന്ത്യൻ പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചയിൽ ഇന്ത്യയുടെ സ്ഥിരാംഗത്വത്തിനു വേണ്ടി അമേരിക്ക സെക്യൂരിറ്റി കൗൺസിലിൽ…

ഹൂസ്റ്റൺ: വേൾഡ് മലയാളി കൗൺസിൽ ഹൂസ്റ്റൺ പ്രാെവിൻസിന്റെ നേതൃത്വത്തിൽ സംഘടിപ്പിച്ച ഓണാഘോഷം “ഓണനിലാവ് ” പുത്തൻ അനുഭവമായി. ആർപ്പുവിളിച്ചും പാട്ടു പാടിയും സദ്യ കഴിച്ചുമൊക്കെ മലയാളി സമൂഹം ഒരിക്കൽ കൂടി ഒത്തുചേർന്നു. സ്റ്റാഫോർഡിലെ കേരള ഹൗസിൽ നടന്ന പരിപാടി പങ്കാളിത്വം കൊണ്ട് ശ്രദ്ധേയമായി. സെപ്തംബർ 18 ന് ഞായറാഴ്ച വൈകുന്നേരം 5.30 യ്ക്ക് ആരംഭിച്ച പരിപാടികളിൽ സ്റ്റാഫോർഡ് സിറ്റി കൗൺസിൽമാൻ കെൻ മാത്യു, ഫോർട്ട്ബെൻഡ് കൗണ്ടി കോർട്ട് ജഡ്ജ് ജൂലി മാത്യു, ഇന്ത്യയുടെ സിംഗിംഗ് പ്രീസ്റ്റ് (പാടും പാതിരി) എന്നറിയപ്പെടുന്ന ഫാദർ ഡോ. പോൾ പൂവത്തിങ്കൽ എന്നിവർ വിശിഷ്ടാതിഥികളായിരുന്നു. താലപ്പൊലിയുടെയും ചെണ്ട മേളത്തിന്റെയും അകമ്പടിയോടെയാണ് വിശിഷ്ടാതിഥികളെ വേദിയിലീക്ക് ആനയിച്ചത്. ഹൂസ്റ്റണിലെ ആസ്ഥാന മാവേലി തമ്പുരാൻ എന്നറിയപ്പെടുന്ന റെനി കവലയിൽ നേതൃത്വം നൽകിയ ‘മാവേലി എഴുന്നള്ളത്ത്’ പങ്കെടുത്തവരിൽ ആവേശമുണർത്തി. ‘റിവർ സ്റ്റോൺ ബാൻഡിന്റെ’ ചെണ്ടമേളം, വിഭവ സമൃദ്ധമായ ഓണസദ്യ…

കറാച്ചി: വെള്ളപ്പൊക്കത്തിൽ തകർന്ന പ്രദേശങ്ങളില്‍ അണുബാധ, വയറിളക്കം, മലേറിയ എന്നിവ 324 പേരുടെ ജീവൻ അപഹരിച്ചതായി പാക് അധികൃതർ പറയുന്നു. ആവശ്യമായ സഹായം കൃത്യസമയത്ത് എത്തിയില്ലെങ്കിൽ സ്ഥിതിഗതികൾ നിയന്ത്രണാതീതമാകുമെന്ന് അവർ പറഞ്ഞു. പേമാരിയിലും വെള്ളപ്പൊക്കത്തിലും കുടിയൊഴിപ്പിക്കപ്പെട്ട ലക്ഷക്കണക്കിന് ജനങ്ങൾ തുറസ്സായ സ്ഥലത്തും വെള്ളക്കെട്ടിലും താമസിക്കുന്നത് രാജ്യവ്യാപകമായി ഗുരുതരമായ ആരോഗ്യപ്രശ്നങ്ങളിലേക്ക് നയിക്കുകയാണ്. സഹായ വിതരണം ത്വരിതപ്പെടുത്തണമെന്ന് അധികൃതർ അഭ്യര്‍ത്ഥിച്ചു. പാക്കിസ്ഥാന്റെ ആരോഗ്യ സംവിധാനം ഇതിനകം തന്നെ നിരവധി പോരായ്മകൾ നേരിടുന്നുണ്ട്. മലിന ജലം കുടിക്കാനും പാചകം ചെയ്യാനും നിർബന്ധിതരാകുന്നതായി കുടിയിറക്കപ്പെട്ട കുടുംബങ്ങൾ പരാതിപ്പെടുന്നുണ്ടെന്ന് വെള്ളത്തിനടിയിലായ നിരവധി പ്രദേശങ്ങൾ സന്ദർശിച്ച ശേഷം മേഴ്‌സി കോർപ്‌സിന്റെ പാക് കൺട്രി ഡയറക്ടർ ഫറാ നൗറീൻ പറഞ്ഞു. ശുദ്ധമായ കുടിവെള്ളം കൂടാതെ ഭവനരഹിതരുടെ ഏറ്റവും നിർണായകമായ ആവശ്യങ്ങൾ ആരോഗ്യവും പോഷകാഹാരവുമാണ് വേറിട്ടുനിൽക്കുന്നതെന്നും നൗറിൻ പറഞ്ഞു. വെള്ളപ്പൊക്ക പ്രദേശങ്ങളിലെ താൽക്കാലിക ആരോഗ്യ സൗകര്യങ്ങളും മൊബൈൽ ക്യാമ്പുകളും…