Month: January 2024

തിരുവനന്തപുരം: വാർഷിക സ്കൂൾ അക്കാദമിക് കലണ്ടറിലെ ഏറ്റവും ഉയർന്ന പോയിന്റുകളിൽ ഒന്നാണ് സംസ്ഥാന സ്കൂൾ കലോത്സവം. ഈയിടെ കൊല്ലത്ത് നടന്ന 62-ാമത് സംസ്ഥാന സ്കൂൾ കലോത്സവം ഉയർച്ച താഴ്ചകൾക്ക് സാക്ഷ്യം വഹിച്ചപ്പോൾ, കലോത്സവ ചരിത്രത്തിൽ തങ്ങളുടെ പേര് സ്വർണ്ണലിപികളാല്‍ രേഖപ്പെടുത്താൻ വിദ്യാർത്ഥികൾ ശ്രമിക്കുകയാണ്. അഞ്ചുദിവസം നീണ്ടുനിന്ന ആഘോഷപരിപാടികളിൽ പങ്കെടുക്കാൻ കഴിയാത്തവർ നിരാശപ്പെടേണ്ടതില്ല. ഫെസ്റ്റിവൽ ഹൈടെക് ആക്കുന്നതിന് ഉത്തരവാദികളായ കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എജ്യുക്കേഷൻ തങ്ങളുടെ കൈറ്റ് വിക്ടേഴ്‌സ് ചാനലിലെ സ്റ്റേജ് പ്രകടനങ്ങളും സ്കൂൾ വിക്കിയിലെ സ്റ്റേജ് പ്രവർത്തനങ്ങളും അവതരിപ്പിച്ച് വർഷം മുഴുവനും സാംസ്കാരിക മേളയെ അനുസ്മരിക്കാൻ തീരുമാനിച്ചു. വിജയങ്ങളും തോൽവികളും സന്തോഷവും നിരാശയും നൃത്തവും നാടകവുമെല്ലാം അടുത്ത ആഴ്ച മുതൽ ഒരു മണിക്കൂർ വീതമുള്ള 300-ലധികം എപ്പിസോഡുകൾ കാണാനും ആസ്വദിക്കാനും കഴിയും. ജനുവരി 15 മുതൽ മേളയുടെ വിശേഷങ്ങൾ രാത്രി 8 മണിക്ക് സംപ്രേക്ഷണം…

ശബരിമല: തിങ്കളാഴ്ച നടക്കുന്ന ശബരിമല അയ്യപ്പക്ഷേത്രത്തിലെ മകരവിളക്ക് മഹോത്സവത്തിന്റെ സുരക്ഷയ്ക്കായി 1000 പോലീസുകാരെ അധികമായി വിന്യസിക്കും. ഉത്സവത്തിന്റെ സുരക്ഷാ ക്രമീകരണങ്ങൾ അവലോകനം ചെയ്യാൻ ശനിയാഴ്ച സംസ്ഥാന പോലീസ് മേധാവി ഷെയ്ഖ് ദർവേഷ് സാഹിബ് വിളിച്ചു ചേർത്ത യോഗത്തിലാണ് ഇത് സംബന്ധിച്ച തീരുമാനമുണ്ടായത്. സന്നിധാനം, പമ്പ, നിലക്കൽ, പാണ്ടിത്താവളം തുടങ്ങിയ തന്ത്രപ്രധാനമായ സ്ഥലങ്ങളിൽ നാല് സൂപ്രണ്ടുമാരും 19 ഡെപ്യൂട്ടി സൂപ്രണ്ടുമാരും അടങ്ങുന്ന അധിക ബാച്ചിനെ വിന്യസിക്കുമെന്നും അദ്ദേഹം പറഞ്ഞു. മകരജ്യോതി ദർശനത്തിന് ശേഷം തീർഥാടകരുടെ സഞ്ചാരം സുഗമമാക്കുന്നതിന് എക്സിറ്റ് പ്ലാൻ തയ്യാറാക്കിയിട്ടുണ്ട്. മകരജ്യോതി ദർശിക്കാൻ ഭക്തർ ഒത്തുചേരുന്ന സ്ഥലങ്ങളിൽ ശരിയായ വെളിച്ചം ഉൾപ്പെടെ എല്ലാ ക്രമീകരണങ്ങളും പൂർത്തിയായി. പമ്പ ബേസ് ക്യാമ്പിലേക്കുള്ള തീർഥാടകരുടെ മടക്കയാത്ര സുഗമമാക്കാൻ നാല് എക്സിറ്റ് റൂട്ടുകൾ തുറക്കും. പാണ്ടിത്താവളം ജംക്‌ഷനിൽ നിലയുറപ്പിക്കുന്നവർ മാളികപ്പുറം ക്ഷേത്രത്തിന്റെ വലതുവശംകൂടി അന്നദാന മണ്ഡപത്തിനു പിന്നിലെ ബെയ്‌ലി പാലം കടന്ന്…

എടത്വ: അർബുദ രോഗം ബാധിച്ച് തിരുവനന്തപുരം റീജിയണൽ ക്യാൻസർ സെൻ്ററിൽ ശസ്ത്രക്രിയയ്ക്ക് വിധേയനാകുന്ന തലവടി ഗ്രാമപഞ്ചായത്ത് 13-ാം വാർഡിൽ കോടമ്പനാടി പുത്തൻപുരയ്ക്കൽ വീട്ടിൽ അഭിലാഷിൻ്റെയും സനിലകുമാരിയുടെയും മൂത്ത മകൻ അഭിനവിനുള്ള (11) ചികിത്സ സഹായ സമാഹരണം ഇന്ന് നടക്കും.എടത്വ സെന്റ് അലോഷ്യസ് കോളജ് എൻഎസ്എസ് പ്രവർത്തകർ സമാഹരിച്ച അമ്പതിനായിരം രൂപ കോളജ് ഓഫിസിൽ നടന്ന ചടങ്ങിൽ പ്രിൻസിപ്പാൾ പ്രൊഫ. ഡോ. ജി. ഇന്ദുലാൻ, എൻ. എസ്. എസ് പ്രോഗ്രാം ഓഫിസർമാരായ മനോജ് സേവ്യർ,വി. ആർ ഇന്ദു, എൻ. എസ്. എസ് വോളണ്ടിയർ കെ.ജെ ആൽബിൻ എന്നിവരിൽ നിന്നും സമിതി ഭാരവാഹികൾ ഏറ്റ് വാങ്ങി. ചടങ്ങിൽ ഗ്രാമ പഞ്ചായത്ത് അംഗം ബിജു ജോർജ് അധ്യക്ഷത വഹിച്ചു. ജനറൽ കൺവീനർ എൻ.പി.രാജൻ, ചെയർമാൻ രമേശ് വി. ദേവ്, ട്രഷറാർ പി.സി. അഭിലാഷ്, പബ്ലിസിറ്റി കൺവീനർമാരായ ബിനോയി ജോസഫ്, മനോജ് മണക്കളം,…

ഡാളസ്: ഡാളസ് മലയാളികൾക്ക് ഏറ്റവും പ്രിയപ്പെട്ട സംഘടനയായ ഡാളസ് സൗഹൃദ വേദിയുടെ 2023 വർഷത്തെ ക്രിസ്തുമസ് &ന്യൂ ഇയർ ആഘോഷ പരിപാടി പ്രാസംഗികരുടെ മികവും. പരിപാടികളുടെ മേന്‍മയും കൊണ്ട് മലയാളികളുടെ ശ്രദ്ധ പിടിച്ചു പറ്റിയ ഒന്നായിരുന്നു. ഡാളസ് സൗഹൃദ വേദിയുടെ വളർച്ചക്ക് തുടക്കം മുതലേ തന്റെ നിറ സാന്നിധ്യം തെളിയിച്ചിട്ടുള്ള സെക്രട്ടറി അജയകുമാർ അഥിതികളയേയും, ഓഡിറ്റോറിയത്തിലെ നിറഞ്ഞ സദസ്സിനെയും സ്വാഗതം ആശംസിച്ചു. ക്രിസ്തുമസ് സ്വർഗ്ഗവും ഭൂമിയും തമ്മിൽ നടന്ന ഒരു കച്ചവടത്തിന്റെ കഥ പറയുന്ന ദിനമാണെന്നും ഇതിൽ സ്വർഗത്തിന് നഷ്ടവും ഭൂമിക്കു നേട്ടവും ഉണ്ടായതായി പ്രസിഡണ്ട് എബി തോമസ് അധ്യക്ഷത പ്രസംഗത്തിലൂടെ അഭിപ്രായപ്പെട്ടു. മാർത്തോമാ സഭയിലെ മികച്ച പ്രാസംഗീകനും,മാർത്തോമാ സഭയിലെ വിവിധ മിഷനറി മേഖലകളിൽ പ്രവർത്തിച്ചു മനുഷ്യ മനസ്സുകളുടെ തേങ്ങൽ നേരിട്ട് മസ്സിലാക്കുകയും അവരുടെ ഉന്നമനത്തിനു വേണ്ടി നിലകൊള്ളുകയും ചെയ്തുകൊണ്ടിരിക്കുന്ന റവ ഷൈജു സി ജോയ് ആയിരുന്നു…

ഡാളസ് : തേവലക്കര കൈതവിളയിൽ വൈദ്യൻ കുടുംബാംഗം തോപ്പിൽ തെക്കതിൽ ടി.ജേക്കബ് വൈദ്യൻ (കുഞ്ഞുമോൻ 78) ഡാളസിൽ നിര്യാതനായി. ഭാര്യ : തോട്ടക്കാട് പള്ളികുന്നേൽ മേരിക്കുട്ടി ജേക്കബ്. മക്കൾ : ഫിലിപ്പ് വൈദ്യൻ, ജോൺ വൈദ്യൻ, ലീന മെറിൻ (എല്ലാവരും ഡാളസിൽ). മരുമക്കൾ : കരുനാഗപ്പള്ളി കിഴക്കേ പള്ളത്ത് ആനി ജേക്കബ്, കാർത്തികപ്പള്ളി ആലുംമ്മൂട്ടിൽ സ്മിത ജോൺ, എരുമേലി മാംമ്പറ്റയിൽ മെറിൻ ശാമൂവേൽ. കൊച്ചുമക്കൾ : ആരോൺ വൈദ്യൻ, അഭിഷേക് വൈദ്യൻ, ആകാശ് വൈദ്യൻ, അമേയ ജോൺ, എബൻ ശാമൂവേൽ, എലൻ ശാമൂവേൽ, എലിസ ശാമുവേൽ. സഹോദരങ്ങൾ: പരേതരായ ജോർജ് വൈദ്യൻ, തോമസ് വൈദ്യൻ, കുഞ്ചാണ്ടി വൈദ്യൻ, ഉമ്മൂമ്മൻ വൈദ്യൻ. സഹോദരി കുമ്പനാട് വെള്ളിക്കര റാഹേലമ്മ ജോൺ. പൊതുദർശനം ജനുവരി 20 ശനിയാഴ്ച ഉച്ചക്ക് 2 മുതൽ വൈകിട്ട് 5 മണി വരെ ഡാളസ് കാരോൾട്ടൻ മാർത്തോമ്മാ…