Month: March 2024

ജുനഗഡ് (ഗുജറാത്ത്): ജുനഗഡ് മുനിസിപ്പൽ കോർപ്പറേഷൻ മജെവാഡി ഗേറ്റിന് സമീപമുള്ള ദർഗയും മറ്റ് മതപരമായ കെട്ടിടങ്ങളും ഞായറാഴ്ച പുലര്‍ച്ചെ അധികൃതര്‍ പൊളിച്ചുനീക്കി. അശാന്തി ഉണ്ടാകാതിരിക്കാൻ പോലീസിൻ്റെ വൻ പിന്തുണയോടെയാണ് ദർഗ തകർത്തത്. ഞായറാഴ്ച പുലർച്ചെ രണ്ട് മണിയോടെ ആരംഭിച്ച ഓപ്പറേഷനിൽ കഴിഞ്ഞ രണ്ട് പതിറ്റാണ്ടുകളായി സ്ഥലത്ത് നിലനിന്നിരുന്ന ദർഗ നീക്കം ചെയ്യുന്നതിന് മേൽനോട്ടം വഹിക്കാൻ ഏകദേശം 1,000 പോലീസ് ഉദ്യോഗസ്ഥരെ വിന്യസിച്ചിരുന്നു. പുലർച്ചെ 5 മണിയോടെ സൈറ്റ് പൂർണ്ണമായും വൃത്തിയാക്കി പ്രദേശം സുരക്ഷിതമാക്കാൻ ബാരിക്കേഡുകൾ സ്ഥാപിച്ചു. ദർഗയ്ക്ക് പുറമേ, ജലറാം ക്ഷേത്രം, രാംദേവ്പിർ ക്ഷേത്രം എന്നിവയുൾപ്പെടെയുള്ള മറ്റ് കൈയ്യേറ്റങ്ങളും ജുനഗഡ് ഭരണകൂടം നീക്കം ചെയ്തു. കച്ചിലെ മദ്രസകളും ജാംനഗറിലെ അനധികൃത ബംഗ്ലാവുകളും പൊളിക്കുന്നതുൾപ്പെടെയുള്ള സമീപകാല നടപടികളോടെ, അനധികൃത നിർമാണങ്ങൾ കൈകാര്യം ചെയ്യുന്നതിനുള്ള ഗുജറാത്ത് ഗവൺമെൻ്റിൻ്റെ വിപുലമായ സംരംഭത്തിൻ്റെ ഭാഗമാണ് ഈ പൊളിച്ചു നീക്കല്‍.

ന്യൂഡൽഹി: ഞായറാഴ്ച രാഷ്ട്രപതി ഭവനിൽ നടന്ന ചടങ്ങിൽ രാഷ്ട്രപതി ദ്രൗപതി മുർമു മുൻ സുപ്രീം കോടതി ജഡ്ജി ജസ്റ്റിസ് അജയ് മണിക്‌റാവു ഖാൻവിൽക്കറിന് ലോക്‌പാൽ ചെയർപേഴ്‌സണായി സത്യവാചകം ചൊല്ലിക്കൊടുത്തു. പ്രധാനമന്ത്രി നരേന്ദ്ര മോദി, വൈസ് പ്രസിഡൻ്റ് ജഗ്ദീപ് ധൻഖർ എന്നിവരും ചടങ്ങിൽ പങ്കെടുത്തു. ജസ്റ്റിസ് ഖാൻവിൽക്കർ സുപ്രീം കോടതിയിൽ 6 വർഷത്തെ സേവനത്തിന് ശേഷം 2022 ജൂലൈയിലാണ് സ്ഥാനമൊഴിഞ്ഞത്. ജസ്‌റ്റിസ് ഖാൻവിൽക്കറിൻ്റെ നേതൃത്വത്തിലുള്ള സുപ്രീം കോടതി ബെഞ്ചാണ് കുറ്റകൃത്യത്തിൻ്റെ നിർവചനം, അറസ്റ്റിനുള്ള അധികാരം, തിരച്ചിൽ, പിടിച്ചെടുക്കൽ, സ്വത്തുക്കൾ കണ്ടുകെട്ടൽ എന്നിവയുമായി ബന്ധപ്പെട്ട് പിഎംഎൽഎ (കള്ളപ്പണം വെളുപ്പിക്കൽ നിയമം), ഇരട്ട ജാമ്യ വ്യവസ്ഥകള്‍ എന്നിവയുടെ കർശനമായ വ്യവസ്ഥകൾ സ്ഥിരീകരിച്ചത്.

അസംഗഡ് (യുപി): അസംഗഢിനെ അജൻമഗഡ് എന്ന് പുനര്‍നാമകരണം ചെയ്ത് പ്രധാനമന്ത്രി നരേന്ദ്ര മോദി. ഇന്ന് (ഞായറാഴ്ച‌) 3700 കോടിയുടെ നിരവധി വികസന പദ്ധതികൾ പ്രഖ്യാപിച്ചുകൊണ്ടാണ് അദ്ദേഹം ഈ വിളംബരം നടത്തിയത്. “കഴിഞ്ഞ കുറച്ച് ദിവസങ്ങളിൽ ഞാൻ രാജ്യത്ത് നിരവധി പദ്ധതികൾ ഉദ്ഘാടനം ചെയ്തത് നിങ്ങൾ കണ്ടുകാണും. വിമാനത്താവളങ്ങൾ, റെയിൽവേ സ്റ്റേഷനുകൾ, എയിംസ്, ഐഐഎം എന്നിവയെക്കുറിച്ച് കേൾക്കുമ്പോൾ ജനങ്ങള്‍ അത്ഭുതപ്പെട്ടേക്കാം. ഇത് തിരഞ്ഞെടുപ്പ് കാലമായതുകൊണ്ടാണെന്ന് ചിലർ കരുതുന്നു. ജനങ്ങളെ കബളിപ്പിക്കുന്ന പ്രഖ്യാപനങ്ങളാണ് മുൻ സർക്കാരുകൾ നടത്തിയിരുന്നത്. 30-35 വർഷം മുമ്പാണ് പ്രഖ്യാപനങ്ങൾ നടത്തിയത്. തെരഞ്ഞെടുപ്പിന് മുമ്പ് വാഗ്ദാനങ്ങൾ നൽകുകയും പിന്നീട് അപ്രത്യക്ഷരാകുകയും ചെയ്യുന്നു. മോദി വാക്ക് പാലിക്കുന്ന ആളാണെന്ന് ഇപ്പോൾ രാജ്യത്തിന് മനസ്സിലാക്കാന്‍ കഴിഞ്ഞു,” അദ്ദേഹം പറഞ്ഞു. ഇത് എൻ്റെ പുരോഗതിയുടെ യാത്രയാണ്. 2047-ഓടെ ഇന്ത്യ ഒരു വികസിത രാഷ്ട്രമായി മാറുന്നതിനായി ഞാൻ രാജ്യത്തെ പൂർണ്ണ വേഗതയിൽ മുന്നോട്ട്…