Year: 2024

തിരുവനന്തപുരം: ലോക്സഭാ തെരഞ്ഞെടുപ്പിലെ പരാജയം ശക്തമായ ഭരണവിരുദ്ധവികാരമാണെന്ന് വിലയിരുത്തുമ്പോഴും അത് മുഖവിലയ്ക്കെടുക്കാതെ പ്രതികരിച്ച് മുഖ്യമന്ത്രി പിണറായി വിജയൻ. സി.പി.എമ്മും ഘടകകക്ഷികളും ഭരണവിരുദ്ധ വികാരമാണ് പരാജയത്തിന് കാരണമെന്ന് വിലയിരുത്തിയപ്പോഴും മുഖ്യമന്ത്രി അത് അംഗീകരിക്കില്ലെന്ന് പരസ്യമായി പ്രഖ്യാപിച്ചു. ഫലം എൽ.ഡി.എഫിന് തിരിച്ചടിയായില്ലെങ്കിലും ഭരണവിരുദ്ധ വികാരം മൂലമാണ് ഈ തോൽവിയെന്ന് വിലയിരുത്തിയത് തെറ്റായിരുന്നു എന്നാണ് അദ്ദേഹത്തിന്റെ അഭിപ്രായം. കോഴിക്കോട് പൊതുവേദിയില്‍ വെച്ച് മുഖ്യമന്ത്രി നടത്തിയ ഈ പരാമര്‍ശം സ്വന്തം പാർട്ടിക്കാരുള്‍പ്പടെയുള്ളവര്‍ക്കുള്ള മറുപടി കൂടിയായിരുന്നു. സൗഹൃദത്തിൻ്റെ സാധ്യതകളിലേക്ക് വാതില്‍ തുറന്നിട്ട് മുസ്ലീം ലീഗിനെക്കുറിച്ച് കരുതലോടെ മാത്രം സംസാരിച്ചിരുന്ന മുഖ്യമന്ത്രി, അതേ വേദിയിൽ ലീഗിനെ രൂക്ഷമായ ഭാഷയിൽ വിമർശിക്കുകയും ചെയ്തു. ലീഗാകട്ടെ ഇന്നലെ അവരുടെ മുഖപത്രമായ ചന്ദ്രികയിലെ മുഖപ്രസംഗത്തിലൂടെ മുഖ്യമന്ത്രിക്കെതിരെ ശക്തമായി ആഞ്ഞടിച്ചു. ‘നരേന്ദ്ര മോദിയുടെ തന്ത്രങ്ങളുടെ പകര്‍പ്പാണ് മുണ്ടുടുത്ത മോദിയുടെ പടപ്പുറപ്പാട്’ എന്നായിരുന്നു ചന്ദ്രികയില്‍ എഴുതിയത്. മുസ്ലീം ലീഗിനെ ഒപ്പം നിർത്താനുള്ള ശ്രമങ്ങൾ…

വയനാട്: പ്രതിസന്ധി ഘട്ടത്തിൽ തനിക്കൊപ്പം നിന്ന വയനാട്ടിലെ ജനങ്ങൾക്ക് വികാരനിർഭരമായ കത്തെഴുതി കോൺഗ്രസ് നേതാവ് രാഹുൽ ഗാന്ധി. വയനാട് വിടുകയാണെന്ന് മാധ്യമങ്ങളോട് പറയുമ്പോൾ എൻ്റെ കണ്ണുകളിലെ സങ്കടം നിങ്ങൾ കണ്ടിട്ടുണ്ടാകുമെന്നും രാഹുൽ പറഞ്ഞു. എനിക്ക് ഏറ്റവും ആവശ്യമുള്ള സമയത്ത് നിങ്ങൾ എന്നെ സംരക്ഷിച്ചു. ഏറെ വേദനയോടെയാണ് മണ്ഡലം വിടാനുള്ള തീരുമാനമെടുത്തത്. വയനാട്ടിലെ ജനങ്ങൾക്കൊപ്പം എന്നും ഉണ്ടാകുമെന്നും രാഹുൽ കത്തിൽ അറിയിച്ചു. രാജ്യത്തിന് വേണ്ടിയുള്ള പോരാട്ടത്തിൽ നിങ്ങളുടെ പിന്തുണ അഭ്യർത്ഥിച്ച് അഞ്ച് വർഷം മുമ്പ് നിങ്ങളുടെ മുന്നിൽ വന്നപ്പോൾ നിങ്ങള്‍ക്ക് ഞാന്‍ അപരിചിതനായിരുന്നു. എന്നാൽ, വയനാട്ടിലെ ജനങ്ങൾ തന്നെ ഹൃദയത്തോട് ചേർത്ത് നിര്‍ത്തിയെന്നും അദ്ദേഹം കത്തില്‍ പറഞ്ഞു. ഓരോ ദിനവും താന്‍ അപമാനിക്കപ്പെട്ടപ്പോള്‍, നിങ്ങള്‍ എന്നെ അളവില്ലാത്ത സ്‌നേഹത്താല്‍ സംരക്ഷിച്ചു. നിങ്ങളായിരുന്നു എന്റെ അഭയവും, വീടും, കുടുംബവുമെന്ന് രാഹുല്‍ പറഞ്ഞു. ആയിരക്കണക്കിന് ആളുകള്‍ക്ക് മുമ്ബ് പെണ്‍കുടടികലാണ് എന്റെ പ്രസംഗങ്ങള്‍…

മോസ്‌കോ: റഷ്യയിലെ ഡാഗെസ്താനിലെ കോക്കസസ് മേഖലയിൽ ഞായറാഴ്ച സിനഗോഗും പള്ളികളും ആക്രമിച്ച തോക്കുധാരികൾ ഒരു പുരോഹിതനെയും ആറ് പോലീസ് ഉദ്യോഗസ്ഥരെയും കൊലപ്പെടുത്തിയതായി ദേശീയ തീവ്രവാദ വിരുദ്ധ ഏജൻസിയും പോലീസും അറിയിച്ചു. ഡാഗെസ്താനിലെ ഏറ്റവും വലിയ നഗരമായ മഖച്കലയിലും തീരദേശ നഗരമായ ഡെർബെൻ്റിലുമാണ് ആക്രമണം നടന്നത്. സംഭവത്തില്‍ അന്വേഷണം ആരംഭിച്ചതായി റഷ്യയുടെ അന്വേഷണ സമിതി അറിയിച്ചു. ജോർജിയയുടെയും അസർബൈജാനിൻ്റെയും അതിർത്തിയിലുള്ള റഷ്യയിലെ മുസ്ലീങ്ങൾ കൂടുതലുള്ള പ്രദേശമാണ് ഡാഗെസ്താൻ. “ഇന്ന് വൈകുന്നേരം ഡെർബെൻ്റ്, മഖച്കല നഗരങ്ങളിൽ രണ്ട് ഓർത്തഡോക്സ് പള്ളികൾക്കും ഒരു സിനഗോഗിനും പോലീസ് ചെക്ക് പോയിൻ്റിനും നേരെ സായുധ ആക്രമണം നടത്തി,” ദേശീയ തീവ്രവാദ വിരുദ്ധ സമിതി RIA നോവോസ്റ്റി വാർത്താ ഏജൻസിക്ക് നൽകിയ പ്രസ്താവനയിൽ പറഞ്ഞു. ഭീകരാക്രമണത്തിൻ്റെ ഫലമായി, പ്രാഥമിക വിവരമനുസരിച്ച്, റഷ്യൻ ഓർത്തഡോക്സ് സഭയിലെ ഒരു പുരോഹിതനും പോലീസ് ഉദ്യോഗസ്ഥരും കൊല്ലപ്പെട്ടു. ആക്രമണത്തിൽ ആറ് പോലീസ്…

കൊച്ചി: ട്രാൻസ്ഫർ കാറ്റഗറി ക്വാട്ടയിൽ മെഡിക്കൽ ഓഫീസർ (ഹോമിയോ) തസ്തികയിൽ നികത്താത്ത ഒഴിവുകൾ നിർണയിച്ച് നേരിട്ടുള്ള റിക്രൂട്ട്‌മെൻ്റിലൂടെ നിയമനം നടത്താനുള്ള കേരള അഡ്മിനിസ്‌ട്രേറ്റീവ് ട്രൈബ്യൂണലിൻ്റെ (കെഎടി) തീരുമാനം കേരള ഹൈക്കോടതി ഡിവിഷൻ ബെഞ്ച് അംഗീകരിച്ചില്ല. ബൈ-ട്രാൻസ്‌ഫർ വിഭാഗങ്ങളിൽ യോഗ്യരായ ഉദ്യോഗാർത്ഥികളുടെ അഭാവം മൂലം 18 ഒഴിവുകൾ നിലവിലുണ്ടെന്ന് ബെഞ്ച് അടുത്തിടെ നിരീക്ഷിച്ചു. ട്രാൻസ്ഫർ വിഭാഗത്തിൽ യോഗ്യതയുള്ള ഉദ്യോഗാർത്ഥികൾ ഉണ്ടായിരുന്നോ ഇല്ലയോ എന്ന് കണ്ടെത്താൻ കേരള സ്റ്റേറ്റ് പബ്ലിക് സർവീസ് കമ്മീഷൻ (പിഎസ്‌സി) ഒരു കൃത്യമായ നടപടിക്രമം പാലിക്കേണ്ടതുണ്ട്. ഒഴിവുകൾ ഉണ്ടാകുന്ന തീയതിയിൽ ട്രാൻസ്ഫർ മുഖേനയുള്ള നിയമനത്തിന് യോഗ്യതയുള്ള ഉദ്യോഗാർത്ഥികളുടെ അഭാവത്തിൽ മാത്രമേ ഓപ്പൺ ക്വോട്ടയിൽ നിന്ന് നേരിട്ടുള്ള റിക്രൂട്ട്‌മെൻ്റിലൂടെ തസ്തികകൾ നികത്താവൂ എന്ന് പ്രത്യേക ചട്ടങ്ങൾ നിർദ്ദേശിക്കുന്നു. നേരിട്ടുള്ള റിക്രൂട്ട്‌മെൻ്റിന് ഉദ്യോഗാർത്ഥികളെ ശുപാർശ ചെയ്യുന്നതിന് മുമ്പ് വിജ്ഞാപനം പുറപ്പെടുവിക്കുകയും യോഗ്യരായ ഉദ്യോഗാർത്ഥികളിൽ നിന്ന് ട്രാൻസ്ഫർ വഴി നിയമനത്തിന്…

എറണാകുളം: ദേശീയ പാതയിൽ മാടവനയിൽ സ്വകാര്യ ബസ് മറിഞ്ഞ് ഒരാൾ മരിച്ചു. അപകടത്തിൽ നിരവധി പേർക്ക് പരിക്കേറ്റു. രാവിലെ പത്തോടെയാണ് അപകടം. മറിഞ്ഞ ബസിനടിയിൽപ്പെട്ട ഇരുചക്രവാഹന യാത്രക്കാരൻ ഇടുക്കി സ്വദേശി ജിജോ സെബാസ്റ്റ്യനാണ് മരിച്ചത്. ജിജോയെ ഗുരുതരാവസ്ഥയിൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബെംഗളൂരുവിൽ നിന്ന് തിരുവനന്തപുരത്തേക്ക് പോവുകയായിരുന്ന കല്ലട ബസാണ് അപകടത്തിൽപ്പെട്ടത്. എറണാകുളത്ത് നിന്ന് അമിതവേഗതയിൽ വന്ന് മാടവന സിഗ്നലിൽ പെട്ടെന്ന് നിർത്തിയപ്പോഴാണ് ബസ് മറിഞ്ഞത്. ബസ് പെട്ടെന്ന് ബ്രേക്കിട്ടതോടെയാണ് മറിഞ്ഞത്. സിഗ്നൽ ജങ്ഷനിൽ കാത്തുനിന്ന ഇരുചക്രവാഹനത്തിനു മുകളിലേക്കാണ് ബസ് മറിഞ്ഞത്. ബസിൽ 40ഓളം യാത്രക്കാർ ഉണ്ടായിരുന്നതായാണ് പ്രാഥമിക വിവരം. നാട്ടുകാരും പോലീസും ചേർന്നാണ് ഇവരെ പുറത്തെടുത്തത്. ഇവരിൽ 14 പേരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഒരു സ്ത്രീക്ക് ഗുരുതരമായി പരിക്കേറ്റിട്ടുണ്ട്. ചാറ്റല്‍ മഴയിൽ അമിതവേഗതയിൽ വന്ന ബസ് പെട്ടെന്ന് സിഗ്നൽ ജംഗ്ഷനിൽ നിർത്തിയതാണ്…

തിരുവനന്തപുരം: സംസ്ഥാനത്ത് പ്ലസ് വൺ ക്ലാസുകൾ ഇന്ന് ആരംഭിക്കും. ആദ്യദിനം 3,22,147 കുട്ടികളാണ് ക്ലാസ്സുകളിലെത്തുക. തിരുവനന്തപുരം കോട്ടൺഹിൽ സ്കൂളിൽ രാവിലെ 9:00 മണിക്ക് മന്ത്രി വി ശിവൻകുട്ടിയുടെ നേതൃത്വത്തിൽ വിദ്യാർഥികളെ സ്വീകരിക്കും. സംസ്ഥാനത്തെ 2076 സർക്കാർ, എയ്ഡഡ്, അൺ എയ്ഡഡ് ഹയർ സെക്കൻഡറി സ്കൂളുകളിലാണ് പ്ലസ് വൺ ക്ലാസുകൾ ഇന്ന് ആരംഭിക്കുന്നത്. ഇത്തവണ ക്ലാസുകൾ നേരത്തെ തുടങ്ങുകയാണ്. കഴിഞ്ഞ വർഷം ജൂലൈ അഞ്ചിനാണ് ക്ലാസുകൾ ആരംഭിച്ചത്. ഏകദേശം മൂന്നേകാല്‍ ലക്ഷം വിദ്യാര്‍ത്ഥികള്‍ സ്ഥിരപ്രവേശനം നേടിയിട്ടുണ്ട്. ഇനിയും അഡ്മിഷന്‍ ലഭിക്കാനുള്ളവര്‍ക്ക് സപ്ലിമെന്ററി അലോട്‌മെന്റ് സമയത്ത് അഡ്മിഷന്‍ ലഭിക്കുമെന്നും അത് വളരെവേഗം പൂര്‍ത്തിയാക്കുമെന്നും വിദ്യാഭ്യാസ വകുപ്പ് അറിയിച്ചു. മലപ്പുറം ജില്ലയിലെ പ്ലസ് വണ്‍ പ്രവേശനവുമായി ബന്ധപ്പെട്ട് ഉയര്‍ന്നു വന്ന കാര്യങ്ങള്‍ ചര്‍ച്ച ചെയ്യാന്‍ മുഖ്യമന്ത്രിയുടെ നിര്‍ദേശപ്രകാരം വിദ്യാര്‍ത്ഥി സംഘടനകളുടെ യോഗം വിളിച്ചു ചേര്‍ത്തിട്ടുണ്ട്. യോഗത്തിന്റെ അടിസ്ഥാനത്തില്‍ നടപടി ആവശ്യമെങ്കില്‍ ഉണ്ടാകുമെന്ന്…

ഗാസ സിറ്റിക്ക് പടിഞ്ഞാറ് യുഎൻ പരിശീലന കേന്ദ്രത്തിൽ ഞായറാഴ്ച ഇസ്രായേൽ നടത്തിയ വ്യോമാക്രമണത്തിൽ നാല് ഫലസ്തീനികൾ കൊല്ലപ്പെട്ടതായി ആരോഗ്യ പ്രവര്‍ത്തകര്‍ പറഞ്ഞു. ദൃക്‌സാക്ഷികൾ പറയുന്നതനുസരിച്ച്, യുഎൻ ഏജൻസി ഫോർ ഫലസ്തീൻ അഭയാർത്ഥികളുടെ (UNRWA) വൊക്കേഷണൽ ട്രെയിനിംഗ് കോളേജിൻ്റെ ആസ്ഥാനത്താണ് യുദ്ധവിമാനങ്ങൾ ആക്രമണം നടത്തിയത്. സ്ഥലത്ത് വൻ നാശനഷ്ടം റിപ്പോർട്ട് ചെയ്തിട്ടുണ്ട്. ഫലസ്തീൻ മെഡിക്കൽ സ്രോതസ്സുകൾ പ്രകാരം, കഴിഞ്ഞ 24 മണിക്കൂറിനുള്ളിൽ ഗാസ മുനമ്പിൽ ഇസ്രായേൽ നടത്തിയ നിരന്തര ആക്രമണങ്ങളിൽ 60 പേർ കൊല്ലപ്പെട്ടു. 2023 ഒക്‌ടോബർ 7-ന് ഹമാസ് നടത്തിയ ആക്രമണത്തിന് ശേഷം ഗാസയ്‌ക്കെതിരായ ക്രൂരമായ ആക്രമണം തുടരുന്നതിനിടയിൽ, ഉടനടി വെടിനിർത്തൽ ആവശ്യപ്പെടുന്ന യുഎൻ സുരക്ഷാ കൗൺസിൽ പ്രമേയം ലംഘിച്ചുകൊണ്ട് ഇസ്രായേൽ അന്താരാഷ്ട്ര അപലപനം നേരിട്ടു. കഴിഞ്ഞ ഒക്‌ടോബർ മുതൽ ഗാസ മുനമ്പിൽ ഇസ്രയേൽ നടത്തിയ നിരന്തര ആക്രമണങ്ങളിൽ ഫലസ്തീനികളുടെ മരണസംഖ്യ 37,600 കവിഞ്ഞതായി ഉപരോധിക്കപ്പെട്ട എൻക്ലേവിലെ…

വയനാട്: വയനാട്ടിലെ കേണിച്ചിറയിൽ പശുക്കളെ കൊന്ന കടുവ ഞായറാഴ്ച രാത്രി വനംവകുപ്പ് സ്ഥാപിച്ച കൂട്ടിൽ അകപ്പെട്ടു. പശുക്കളെ കൊന്ന തൊഴുത്തിന് സമീപമാണ് കടുവ തിരിച്ചെത്തിയത്. പത്തുവയസ്സുള്ള തോൽപ്പെട്ടി 17 എന്ന ആൺകടുവയാണ് കൂട്ടിൽ കുടുങ്ങിയത്. മാളിയേക്കല്‍ ബെന്നിയുടെ വീടിനു സമീപമുള്ള തൊഴുത്തിലാണ് ഞായറാഴ്ച രാത്രി വീണ്ടും കടുവയെത്തിയത്. വീട്ടുകാർ മൊബൈലിൽ ദൃശ്യങ്ങൾ പകർത്തുകയും ചെയ്തു. മൂന്ന് പശുക്കളെയാണ് കടുവ കൊന്നത്. ബെന്നിയുടെ തൊഴുത്തില്‍ കെട്ടിയിട്ടിരുന്ന രണ്ട് പശുക്കളെ ഞായറാഴ്ച പുലര്‍ച്ചെയാണ് കടുവ ആക്രമിച്ചത്. കടുവയുടെ ആക്രമണത്തെ തുടര്‍ന്ന് ചത്ത പശുക്കളുടെ ജഡവുമായി നാട്ടുകാര്‍ ഇന്നലെ നടുറോഡില്‍ കുത്തിയിരിപ്പ് സമരം നടത്തി പ്രതിഷേധിച്ചിരുന്നു. അതേസമയം കടുവയെ പിടികൂടുന്നതിന്റെ ഭാ​ഗമായി പൂതാടി പഞ്ചായത്തിലെ 3 വാര്‍ഡുകളില്‍ രണ്ട് ദിവസത്തേക്ക് നിരോധനാജ്ഞ പ്രഖ്യാപിച്ചിരുന്നു. വയനാട്ടില്‍ വന്യജീവി ആക്രമണം ശക്തമാകുന്ന സാഹചര്യം കണക്കിലെടുത്ത് ഡിഎഫ്ഒയെ നിയമിച്ചു. സൗത്ത് വയനാട് ഡിഎഫ്ഒ ആയി അജിത്…