Month: August 2025

ഈജിപ്ത് ഗ്രാൻഡ് മുഫ്തിയുമായി കൂടിക്കാഴ്‌ച നടത്തി ഇന്ത്യൻ ഗ്രാൻഡ് മുഫ്തിയുടെ പ്രതിനിധി കോഴിക്കോട്: ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാരുടെ പ്രതിനിധിയായി കൈറോയിൽ നടന്ന ആഗോള ഫത്‌വാ സമ്മേളനത്തിൽ പങ്കെടുത്ത അബ്ദുല്ല സഖാഫി മലയമ്മ ഈജിപ്ത് ഗ്രാൻഡ് മുഫ്തി ഡോ. നാസിർ അയ്യദുമായി കൂടിക്കാഴ്ച നടത്തി. ഈജിപ്ത് ഔഖാഫും ജാമിഅ മർകസും നിലവിലുള്ള അക്കാദമിക സഹകരണം വിപുലപ്പെടുത്താനും സംയുക്ത വൈജ്ഞാനിക പദ്ധതികൾ ആരംഭിക്കാനും സംഗമത്തിൽ ധാരണയായി. ഈജിപ്ത് ഔഖാഫുമായി സഹകരിച്ച് വിവിധ വിഷയങ്ങളിൽ ഓൺലൈൻ സെമിനാറുകളും പരിശീലനങ്ങളും ജാമിഅ മർകസ് ഇപ്പോൾ ആവിഷ്കരിച്ചു വരുന്നുണ്ട്. ശൈഖ് അബൂബക്കർ അഹ്‌മദിന്റെ നേതൃത്വത്തിൽ നടത്തുന്ന വിദ്യാഭ്യാസ-സാമൂഹ്യ സേവനങ്ങളിൽ സന്തോഷം രേഖപ്പെടുത്തിയ ഡോ. നാസിർ അയ്യദ് ജാമിഅ മർകസുമായി ചേർന്ന് കൂടുതൽ പദ്ധതികൾ ആവിഷ്കരിക്കുന്നതിലും ഇന്ത്യ സന്ദർശിക്കുന്നതിലും താത്പര്യം പ്രകടിപ്പിച്ചു. നിലവിൽ ഇരുരാജ്യങ്ങൾക്കുമിടയിൽ നിലനിൽക്കുന്ന മികച്ച നയതന്ത്രബന്ധം…

പാലക്കാട് – പാലക്കാട് നഗരത്തിലെ കാർണിക നഗർ വടക്കന്തറ വ്യാസ വിദ്യാപീഠം സ്കൂളിൽ നിന്നും സ്ഫോടക വസ്ത്തുക്കൾ പിടി കൂടിയതിലും , സ്ഫോടനം നടന്ന സംഭവത്തിലും പോലീസ് ഊർജ്ജിതമായി അന്വേഷണം നടത്തണമെന്ന് ആവശ്യപ്പെട്ട് ജില്ലാ പോലീസ് മേധാവിക്ക് വെൽഫെയർ പാർട്ടി ജില്ലാ കമ്മിറ്റി നിവേദനം നൽകി. സ്ഫോടനത്തിനു പിന്നിലെ വസ്തുതകൾ പുറത്തു കൊണ്ടു വരണമെന്നും, ഉഗ്രശേഷിയുള്ള സ്ഫോടകവസ്തു സ്കൂളിൽ എങ്ങിനെയാണ് എത്തിയതിനെ സംബന്ധിച്ച് സമഗ്ര അന്വേഷണം നടത്തി പ്രതികളെ പുറത്തുകൊണ്ടുവന്ന് കർശന നടപടി സ്വീകരിക്കണമെന്നും, നാടിൻറെ സമാധാനം തകർക്കുന്ന ഗൂഡ ശ്രമങ്ങൾക്കെതിരെ ശക്തമായ ജാഗ്രത കൈക്കൊള്ളണമെന്നും ആവശ്യപ്പെട്ടു. വെൽഫെയർ പാർട്ടി ജില്ലാ ജനറൽ സെക്രട്ടറിമാരായ മോഹൻദാസ് പറളി, എം. ദിൽഷാദ് അലി, വൈസ് പ്രസിഡൻറ് റിയാസ് ഖാലിദ്, നഗരസഭ കൗൺസിലർ എം.സുലൈമാൻ എന്നിവർ നിവേദക സംഘത്തിൽ ഉണ്ടായിരുന്നു.

വിദ്യാലയങ്ങളിൽ ആഘോഷവേളകളിൽ കുട്ടികൾക്ക് ഇഷ്ടമുള്ള നിറമുള്ള വസ്ത്രങ്ങൾ (കളർ ഡ്രസ്സ്) ധരിക്കാൻ അനുവാദം നൽകുമ്പോൾ,ഒരു ദിവസം യൂണിഫോമിൽ നിന്ന് മാറി സ്വന്തം ഇഷ്ടത്തിനനുസരിച്ച് വസ്ത്രം ധരിക്കുമ്പോൾ കുട്ടികൾക്ക് സന്തോഷം ലഭിക്കുമെങ്കിലും,ഗുണത്തേക്കാളേറെ ദോഷങ്ങളാണ്. അധ്യാപകരെ സംബന്ധിച്ചിടത്തോളം യൂണിഫോമിൽ നിന്നും മാറുമ്പോൾ സ്കൂൾ കുട്ടികളെയും മറ്റുള്ളവരെയും തിരിച്ചറിയാൻ ബുദ്ധിമുട്ടുണ്ടാവുകയും സ്ഥാപനത്തിൻറെ അച്ചടക്കത്തെ ബാധിക്കുകയും ചെയ്യും. രക്ഷിതാക്കളെ സംബന്ധിച്ച് അധിക ബാധ്യത വരുത്തിവെക്കുന്നു. കുട്ടികൾ വിവിധ ഗ്രൂപ്പുകൾ ആയി വ്യത്യസ്ത ഡിസൈനിലോ കളറിലോ ഉള്ള ഡ്രസ്സുകൾ തീരുമാനിക്കുകയും, പലപ്പോഴും അവർ തെരഞ്ഞെടുക്കുന്നത് ആ ഒരു ദിവസത്തേക്ക് മാത്രം അണിയാൻ തരത്തിലുള്ള വസ്ത്രങ്ങളായിരിക്കും. ഇത് രക്ഷിതാക്കൾക്ക് അമിത സാമ്പത്തിക ഭാരം ഉണ്ടാക്കുന്നു. സാമ്പത്തികമായി പിന്നോക്കം നിൽക്കുന്ന കുടുംബങ്ങൾക്ക് ഇത് ബാധ്യതയാകുന്നു. അതിലുപരി കളർ ഡ്രസ്സ് കുട്ടികൾക്കിടയിൽ സാമ്പത്തികവും സാമൂഹികവും മാനസികവുമായ പ്രശ്‌നങ്ങൾക്ക് വഴിയൊരുക്കുന്നു. കളർ ഡ്രസ്സ് ധരിക്കുമ്പോൾ ഏറ്റവും വലിയ പ്രശ്നം സാമ്പത്തികമായുള്ള…

പാലക്കാട്: യൂത്ത് കോൺഗ്രസ്സ് സംസ്ഥാന അദ്ധ്യക്ഷനും പാലക്കാട് എം എൽ എ യുമായ രാഹുൽ മാങ്കൂകൂട്ടത്തിനു നേരെയുള്ള വെളിപ്പെടുത്തലുകൾ തെളിവുകൾ സഹിതം പുറത്തുവരുമ്പോൾ ജനങ്ങളുടെയും പ്രവർത്തകരുടെയും കണ്ണിൽ പൊടിയിടാൻ വേണ്ടി എന്തെങ്കിലും ഗിമ്മിക്കുകൾ കാണിച്ച് ഇടതുപക്ഷത്തിന് നേരെ പ്രത്യാരോപണം ഉന്നയിക്കുന്നതിനപ്പുറം യൂത്ത് കോൺഗ്രസ്സിന്റെ അദ്ധ്യക്ഷ സ്ഥാനത്തു നിന്നും ജനങ്ങൾ തെരെഞ്ഞെടുത്ത എംഎൽഎ പദവിയിൽ നിന്നുകൂടി രാഹുൽ മാങ്കൂട്ടത്തെ രാജിവെപ്പിക്കാൻ കോൺഗ്രസ് തയ്യാറാവണമെന്നും, യുഡിവൈഎഫ് സംസ്ഥാനത്തെ യുവജനങ്ങൾക്ക് അപമാനമാണെന്നും നാഷണൽ യൂത്ത് ലീഗ് പാലക്കാട് ജില്ലാ എക്സിക്യുട്ടീവ് വ്യക്തമാക്കി. യോഗത്തിൽ സംസ്ഥാന ട്രഷറർ കെ.വി.അമീർ, ജില്ലാ പ്രസിഡന്റ് ശിഹാബ് മൈലമ്പാടം, ജനറൽ സെക്രട്ടറി സുൽഫിക്കർ എ.പി , ട്രഷറർ അബ്ദുല്ല ഷൊർണൂർ, കമ്മിറ്റി അംഗങ്ങളായ പി.വി.ഇക്രാം, ഷെഫീഖ് കെ, ഷാദിൻ.ടി എന്നിവർ സംസാരിച്ചു.  

തിരുവനന്തപുരം: ഇന്ന് (വ്യാഴാഴ്ച) തിരുവനന്തപുരത്ത് യോഗത്തില്‍ പങ്കെടുത്തുകൊണ്ടിരിക്കെ പീരുമേട് എംഎൽഎ വാഴൂർ സോമൻ (72) കുഴഞ്ഞു വീണു മരിച്ചു. കോട്ടയം ജില്ലയിലെ വാഴൂർ സ്വദേശിയാണ്. പിടിപി നഗറിലെ ഇൻസ്റ്റിറ്റ്യൂട്ട് ഓഫ് ലാൻഡ് ആൻഡ് ഡിസാസ്റ്റർ മാനേജ്‌മെന്റിൽ യോഗത്തില്‍ പങ്കെടുത്തുകൊണ്ടിരിക്കെയാണ് പെട്ടെന്ന് കുഴഞ്ഞുവീണത്. റവന്യൂ മന്ത്രി കെ രാജന്റെ വാഹനത്തില്‍ അദ്ദേഹത്തെ ആശുപത്രിയിലേക്ക് കൊണ്ടുപോയി. ശാസ്തമംഗലത്തെ ശ്രീരാമകൃഷ്ണ ആശുപത്രിയിൽ എത്തിച്ചെങ്കിലും ഹൃദയാഘാതം മൂലമാണ് മരണം സംഭവിച്ചതെന്ന് ഡോക്ടർമാർ പറഞ്ഞു. ഇടുക്കിയിലെ ഹൈറേഞ്ച് മേഖലയിലെ തൊഴിലാളികൾക്ക് നീതി തേടിയുള്ള ധീരമായ പോരാട്ടത്തിന് പേരുകേട്ടയാളാണ് മുതിർന്ന സിപിഐ നേതാവായ വാഴൂർ സോമൻ. 1835 വോട്ടുകളുടെ ഭൂരിപക്ഷത്തിന് വിജയിച്ച സോമൻ പീരുമേട് എംഎൽഎയായി. യുഡിഎഫ് സ്ഥാനാർത്ഥി അഡ്വ. സിറിയക് തോമസായിരുന്നു അദ്ദേഹത്തിന്റെ എതിരാളി. വെയർഹൗസിംഗ് കോർപ്പറേഷൻ ചെയർമാൻ, എഐടിയുസി സംസ്ഥാന വൈസ് പ്രസിഡന്റ് എന്നീ സ്ഥാനങ്ങൾ അദ്ദേഹം വഹിച്ചിട്ടുണ്ട്. ഭാര്യ: ബിന്ദു. മക്കൾ:…

തിരുവനന്തപുരം: അംഗൻവാടികളിലെ പുതുക്കിയ മോഡൽ ഭക്ഷണ മെനു സെപ്റ്റംബർ 8 മുതൽ നടപ്പിലാക്കുമെന്ന് വനിതാ ശിശു വികസന ഡയറക്ടർ അറിയിച്ചു. ഇതിന്റെ ഭാഗമായി, ചൈൽഡ് ഡെവലപ്‌മെന്റ് പ്രോജക്ട് ഓഫീസർമാരും സൂപ്പർവൈസർമാരും ഉൾപ്പെടെ ഓരോ ജില്ലയിൽ നിന്നും 4 ഉദ്യോഗസ്ഥർ ഉൾപ്പെടെ 56 പേർക്ക് 3 ദിവസത്തെ സംസ്ഥാനതല പരിശീലനം ഓഗസ്റ്റ് 5 മുതൽ 7 വരെ കോവളം ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്‌മെന്റ് ആൻഡ് കാറ്ററിംഗ് ടെക്‌നോളജിയിൽ സർക്കാരിന്റെ അനുമതിയോടെ സംഘടിപ്പിച്ചു. സംസ്ഥാന തലത്തിൽ ടി.ഒ.ടി പരിശീലനം ലഭിച്ച പരിശീലകർ ജില്ലകളിലെ ഫുഡ് ക്രാഫ്റ്റ് ഇൻസ്റ്റിറ്റ്യൂട്ടുകളുമായും ഹോം സയൻസ് സ്ഥാപനങ്ങളുമായും കൈകോർത്ത് അതത് ജില്ലകളിലെ സി.ഡി.പി.ഒമാർക്കും സൂപ്പർവൈസർമാർക്കും/തിരഞ്ഞെടുത്ത അംഗൻവാടി വർക്കർമാർക്കും/സഹായികൾക്കും ജില്ലാതല പരിശീലനം നൽകും. തുടർന്ന് അവർ സെക്ടറിലും ഉപമേഖലയിലും 66240 അംഗൻവാടി ജീവനക്കാർക്ക് പരിശീലനം നൽകും. അംഗൻവാടികളിൽ WBNP വഴി വിതരണം ചെയ്യുന്ന അരി, പോഷക…

ഡാളസ്:ഗ്രേറ്റ് വാല്യൂ ശീതീകരിച്ച അസംസ്കൃത ചെമ്മീനിന്റെ ഒരു ഷിപ്പ്‌മെന്റിൽ എഫ്ഡിഎ റേഡിയോ ആക്ടീവ് ഐസോടോപ്പായ സീസിയം-137 കണ്ടെത്തിയതിനെതുടർന്ന് ഗ്രേറ്റ് വാല്യൂ ബ്രാൻഡ് ഫ്രോസൺ അസംസ്കൃത ചെമ്മീനിന്റെ മൂന്ന് ലോട്ടുകൾ വാൾമാർട്ട് തിരിച്ചുവിളിക്കാൻ ഫുഡ് ആൻഡ് ഡ്രഗ് അഡ്മിനിസ്ട്രേഷൻ ശുപാർശ ചെയ്തു. 13 സംസ്ഥാനങ്ങളിലെ വാൾമാർട്ട് സ്റ്റോറുകളിൽ വിൽക്കുന്ന ഒരു ബ്രാൻഡ് ഫ്രോസൺ ചെമ്മീൻ റേഡിയോ ആക്ടീവ് വസ്തുക്കളുമായി സമ്പർക്കം പുലർത്തിയിരിക്കാമെന്നതിനാൽ അത് കഴിക്കരുതെന്ന് ഫുഡ് ആൻഡ് ഡ്രഗ് അഡ്മിനിസ്ട്രേഷൻ പൊതുജനങ്ങൾക്ക് മുന്നറിയിപ്പ് നൽകി. ഇന്തോനേഷ്യൻ കമ്പനിയായ പി.ടി. സംസ്കരിച്ച ഗ്രേറ്റ് വാല്യൂ ബ്രാൻഡ് ഫ്രോസൺ അസംസ്കൃത ചെമ്മീനിന്റെ മൂന്ന് ലോട്ടുകൾ വാൾമാർട്ട് തിരിച്ചുവിളിക്കാൻ എഫ്ഡിഎ ചൊവ്വാഴ്ച ഒരു നോട്ടീസിൽ ശുപാർശ ചെയ്തു. ബഹാരി മക്മൂർ സെജാതി, “യുഎസ് വാണിജ്യത്തിൽ പ്രവേശിച്ചിട്ടില്ലാത്ത” ഉൽപ്പന്നത്തിന്റെ ഒരൊറ്റ ഷിപ്പ്‌മെന്റിൽ റേഡിയോ ആക്ടീവ് ഐസോടോപ്പ് സീസിയം-137 അല്ലെങ്കിൽ സിഎസ്-137 കണ്ടെത്തിയതായി പറഞ്ഞു. റേഡിയോ…

തിരുവനന്തപുരം: രാഹുൽ മാംകൂട്ടത്തിലിനെതിരെ സോഷ്യൽ മീഡിയയിൽ ഉയർന്ന വെളിപ്പെടുത്തലുകളുടെയും ആരോപണങ്ങളുടെയും പശ്ചാത്തലത്തിൽ യൂത്ത് കോൺഗ്രസ് സംസ്ഥാന പ്രസിഡന്റ് സ്ഥാനത്ത് നിന്ന് രാഹുൽ മാംകൂട്ടത്തിലിനെ നീക്കിയേക്കുമെന്ന് റിപ്പോർട്ടുകൾ. പ്രതിപക്ഷ നേതാവ് വി.ഡി. സതീശനും കെ.പി.സി.സി. പ്രസിഡന്റ് സണ്ണി ജോസഫും ഇതുസംബന്ധിച്ച് അനൗദ്യോഗിക ചർച്ചകൾ നടത്തി. മുതിർന്ന നേതാക്കളുമായി ചർച്ച നടത്തിയ ശേഷമേ നടപടിയെടുക്കൂ എന്നാണ് കേൾക്കുന്നത്. പാർട്ടിയിലെ വനിതാ നേതാക്കൾ രാഹുലിനെതിരെ സംസ്ഥാന ചുമതലയുള്ള എഐസിസി ജനറൽ സെക്രട്ടറി ദീപദാസ് മുൻഷിക്ക് പരാതി നൽകിയിട്ടുണ്ട്. വിഷയം അന്വേഷിക്കണമെന്ന് അവർ സംസ്ഥാന നേതൃത്വത്തോട് ആവശ്യപ്പെട്ടു. ഇത് സംഘടനാ തലത്തിൽ രാഹുലിനെതിരെ നടപടിയെടുക്കാൻ വഴിയൊരുക്കി. അദ്ദേഹത്തെ സ്ഥാനത്തുനിന്ന് മാറ്റാനുള്ള തീരുമാനം യൂത്ത് കോൺഗ്രസ് ദേശീയ നേതൃത്വമാണ് എടുക്കേണ്ടത്. രാഹുലിന്റെ പേര് പരാമർശിച്ച് എഴുത്തുകാരി ഹണി ഭാസ്‌കരൻ രംഗത്തെത്തി. രാഹുൽ സോഷ്യൽ മീഡിയയിൽ തന്നോട് ചാറ്റ് ചെയ്തതായും പിന്നീട് മറ്റുള്ളവരോട് തന്നെക്കുറിച്ച് മോശമായി…