കൊച്ചി: ഭൂട്ടാനിൽ രജിസ്റ്റർ ചെയ്ത് ഇന്ത്യയിലേക്ക് അനധികൃതമായി ഇറക്കുമതി ചെയ്ത ആഡംബര വാഹനങ്ങളുടെ നികുതി വെട്ടിപ്പുമായി ബന്ധപ്പെട്ട് മലയാള സിനിമ താരങ്ങളായ പൃഥ്വിരാജിന്റെയും ദുൽഖർ സൽമാന്റെയും വീടുകളിൽ കസ്റ്റംസ് റെയ്ഡ് നടത്തി. പൃഥ്വിരാജിന്റെ തേവരയിലെ വീട്ടിലും ദുൽഖർ സൽമാന്റെ പനമ്പിള്ളി നഗറിലെ വീട്ടിലുമാണ് റെയ്ഡ് നടന്നത്. ഭൂട്ടാനിൽ നിന്ന് ആഡംബര വാഹനങ്ങൾ നികുതി വെട്ടിച്ച് ഇന്ത്യയിലേക്ക് കടത്തുന്നുവെന്ന കണ്ടെത്തലിനെ തുടർന്നാണ് കസ്റ്റംസ് രാജ്യവ്യാപകമായി അന്വേഷണം നടത്തുന്നത്. പൃഥ്വിരാജിന്റെ തിരുവനന്തപുരത്തെ വീട്ടിലും കസ്റ്റംസ് പരിശോധന നടത്തിയെങ്കിലും വാഹനങ്ങളൊന്നും കണ്ടെത്താനാകാതെ മടങ്ങി. ഇന്ത്യയിലേക്ക് ഇറക്കുമതി ചെയ്ത ആഡംബര വാഹനങ്ങള് ഉൾപ്പെടുന്ന നികുതി വെട്ടിപ്പ് തടയുന്നതിനായി രാജ്യവ്യാപകമായി നടപ്പിലാക്കുന്ന ഓപ്പറേഷൻ നംഖോറിന്റെ ഭാഗമാണ് കേരളത്തിലെ കസ്റ്റംസ് വകുപ്പ് നടത്തിയ ഈ വിപുലമായ പരിശോധന. കേരള, ലക്ഷദ്വീപ് കസ്റ്റംസ് കമ്മീഷണർ-ഇൻ-ചാർജ് ആണ് പരിശോധനയ്ക്ക് നേതൃത്വം നൽകുന്നത്. ഇതുമായി ബന്ധപ്പെട്ട് നടൻ അമിത് ചക്കാലക്കലിന്റെ…
അനധികൃത വാഹന ഇറക്കുമതി; ദുൽഖർ സൽമാന്റെയും പൃഥ്വിരാജിന്റെയും വസതികളില് കസ്റ്റംസ് റെയ്ഡ്
