ക്ലേടൺ, ഒക്ലഹോമ: പുഷ്മതഹാ കൗണ്ടിയിലെ ക്ലേടണിന് സമീപം നടന്ന ഇരട്ടക്കൊലപാതകത്തിൽ പ്രതിക്കായി ഒക്ലഹോമ സ്റ്റേറ്റ് ബ്യൂറോ ഓഫ് ഇൻവെസ്റ്റിഗേഷൻ (OSBI) തിരച്ചിൽ ഊർജിതമാക്കി. വ്യാഴാഴ്ച വൈകുന്നേരം സ്റ്റേറ്റ് ഹൈവേ 43-ൽ ഒരു വീട്ടിൽ നടത്തിയ പരിശോധനയിലാണ് പ്രായമായ ഒരു സ്ത്രീയുടെയും പുരുഷന്റെയും മൃതദേഹങ്ങൾ കണ്ടെത്തിയത്. കൊലപാതകത്തിന്റേതിന് സമാനമായ പരിക്കുകളാണ് ഇരുവരുടെയും ശരീരത്തിൽ ഉണ്ടായിരുന്നത്. കൊല്ലപ്പെട്ട ദമ്പതികളുടെ മകനായ 35-കാരനായ ജെഫ്രി സ്കോട്ട് ബേക്കറിനെയാണ് കേസിലെ പ്രധാന സംശയമുള്ള ആളായി പോലീസ് തിരയുന്നത്. ഇയാൾ അപകടകാരിയും ആയുധധാരിയുമാണെന്ന് OSBI അറിയിച്ചു. കൊല്ലപ്പെട്ടവരുടെ 2013-ലെ ചാരനിറമുള്ള ഡോഡ്ജ് കാരവൻ വാഹനത്തിലാണ് ഇയാൾ രക്ഷപ്പെട്ടതെന്നാണ് കരുതുന്നത്. ബേക്കറിനെക്കുറിച്ച് എന്തെങ്കിലും വിവരം ലഭിക്കുന്നവർ tips@osbi.ok.gov എന്ന ഇമെയിൽ വിലാസത്തിലോ 1-800-522-8017 എന്ന നമ്പറിലോ ബന്ധപ്പെടണമെന്ന് അധികൃതർ അറിയിച്ചു.
ഒക്ലഹോമയിൽ ഇരട്ടക്കൊലപാതകം പ്രതിയെ കണ്ടെത്താൻ പൊതുജന സഹായമഭ്യർത്തിച്ചു പോലീസ്
