Year: 2025

കൊപ്പേൽ/ടെക്‌സാസ്: കോട്ടയം വടവാതൂർ പൗരസ്ത്യ വിദ്യാപീഠത്തിന്റെ കീഴിൽ ചിക്കാഗോ സെന്റ് തോമസ് സീറോ മലബാർ വിശ്വാസ പരിശീലന ഡിപ്പാർട്ട്‌മെന്റായ മാർത്തോമാ തിയോളജിക്കൽ ഇൻസ്റ്റിറ്റ്യൂട്ട് നടത്തുന്ന ദൈവശാസ്ത്ര പഠനത്തിൽ, കൊപ്പേൽ സെന്റ് അൽഫോൻസാ സീറോ മലബാർ ഇടവകയിലെ ഒൻപത് അൽമായർ ഡിപ്ലോമ ബിരുദം നേടി. റോമിലെ പൊന്തിഫിക്കൽ ഓറിയന്റൽ ഇൻസ്റ്റിറ്റ്യൂട്ടുമായി അഫിലിയേറ്റ് ചെയ്ത ഈ പാഠ്യപദ്ധതിയിൽ, വിദ്യാർഥികൾ ഓൺലൈനായാണ് പഠനം പൂർത്തിയാക്കിയത്. ഇടവകയിൽ ഒക്ടോബർ 5-ന് നടന്ന ബിരുദദാന ചടങ്ങിൽ ബിഷപ്പ് എമരിറ്റസ് മാർ. ജേക്കബ് അങ്ങാടിയത്ത് ബിരുദധാരികൾക്ക് ഡിപ്ലോമ സമ്മാനിച്ചു. ജോർജ് പുളിക്കൽ, ജിജോ ജോസഫ്, ഹണി ജിജോ, സന്തോഷ് ജോർജ്, വിനിൽ വർഗീസ്, അമ്പിൽ വി പാലാട്ടി, കിരൺ ജോർജ്, മഞ്ജു കോലഞ്ചേരി, ഷീന ജോൺ എന്നിവരാണ് രണ്ടു വർഷത്തെ പഠനം വിജയകരമായി പൂർത്തിയാക്കി ഡിപ്ലോമ കരസ്ഥമാക്കിയവർ. ഇടവക വികാരി ഫാ. മാത്യൂസ് കുര്യൻ മുഞ്ഞനാട്ട്,…

ചിക്കാഗോ: പ്രതിഷേധക്കാർക്കും മാധ്യമപ്രവർത്തകർക്കുമെതിരെ ICE, DHS ഏജൻ്റുമാർ നടത്തുന്ന ആക്രമണങ്ങൾ ഒഴിവാക്കാൻ ഫെഡറൽ ജഡ്ജി ഉത്തരവിട്ടു. യു.എസ്. ഡിസ്ട്രിക്റ്റ് ജഡ്ജി സാറാ എല്ലിസ് പുറപ്പെടുവിച്ച താൽക്കാലിക വിലക്ക് ഉത്തരവ് (TRO), ഒരു കുറ്റകൃത്യം ചെയ്തു എന്ന് വിശ്വസിക്കാൻ മതിയായ കാരണങ്ങൾ ഇല്ലാത്ത പക്ഷം മാധ്യമപ്രവർത്തകർ, പ്രതിഷേധക്കാർ, മറ്റ് പൗരന്മാർ എന്നിവർക്കെതിരെ ‘കലാപ നിയന്ത്രണ ആയുധങ്ങൾ’ ഉപയോഗിക്കുന്നതിൽ നിന്ന് ഫെഡറൽ ഏജൻ്റുമാരെ വിലക്കുന്നു. ബ്രോഡ്‌വ്യൂ ICE കേന്ദ്രത്തിന് പുറത്ത് നടന്ന പ്രതിഷേധത്തിനിടെ ഫെഡറൽ ഏജൻ്റുമാർ പെപ്പർ ബോളുകൾ ഉപയോഗിച്ച് തന്നെ ആക്രമിച്ചു എന്ന് പറയുന്ന പാസ്റ്റർ ഡേവിഡ് ബ്ലാക്ക് ഉൾപ്പെടെയുള്ളവരാണ് കേസ് ഫയൽ ചെയ്തത്. മാധ്യമപ്രവർത്തകരെ അറസ്റ്റ് ചെയ്യുന്നതിനോ, ഭീഷണിപ്പെടുത്തുന്നതിനോ, ബലപ്രയോഗം നടത്തുന്നതിനോ ജഡ്ജിയുടെ ഉത്തരവിൽ വിലക്കുണ്ട്.

തലവടി: സ്മാർട്ട് ഫോണിന്റേയും സോഷ്യൽ മീഡിയയുടേയും വരവോടെ തപാലോഫീസുകളുടെ സേവനം ഔദ്യോഗികമായ ആവശ്യങ്ങളിൽ മാത്രം ചുരുങ്ങി പോയി എന്ന നിലയിൽ എത്തിയ സാഹചര്യത്തില്‍ വിദ്യാർത്ഥികൾക്ക് ഇടയിൽ അവബോധം സൃഷ്ടിക്കാന്‍ ലക്ഷ്യമിട്ട് ആണ് ഇത് സംഘടിപ്പിച്ചത്. കത്തുകളും കാത്തിരിപ്പുമൊക്കെ അത്ഭുതമായി കാണുംവിധം ആളുകൾ മാറിപ്പോയിരിക്കുന്നു. കത്തുകളുടെ ലോകത്തേക്ക് ഇറങ്ങി ചെല്ലണം, ഉള്ളു തുറന്നെഴുതണം, മറുപടിക്കായ്‌ കാത്തിരിക്കണം,  ഒറ്റപ്പെടലുകളിൽ..  സ്നേഹത്തിന്റെ മഷി പുരണ്ട കത്തുകൾ പിന്നേയും വായിക്കണം, വീണ്ടുമെഴുതണം എന്ന സന്ദേശം നല്കിയാണ് ഇപ്രകാരം ഒരു ദിനാചരണം സംഘടിപ്പിച്ചതെന്ന് പ്രധാന അദ്ധ്യാ ധ്യാപകൻ റെജിൽ സാം മാത്യു പറഞ്ഞു. കുന്തിരിക്കൽ ബ്രാഞ്ച് പോസ്റ്റ് മാസ്റ്റർ ബി. പ്രതിഭ, അസിസ്റ്റന്റ് പോസ്റ്റ് മാസ്റ്റർമാരായ ടി. അർജുൻ, സീന പി. വർഗ്ഗീസ് എന്നിവർ വിദ്യാർത്ഥികളെ സ്വീകരിച്ചു. പ്രധാന അധ്യാപകൻ റെജിൽ സാം മാത്യൂ,സൂസൻ വി.ഡാനിയേൽ, ആൻസി ജോസഫ്, സാനി എം. ചാക്കോ, ആർ…

വടക്കാങ്ങര : കലാഭാരതി ചിൽഡ്രൻസ് ഇൻസ്റ്റിറ്റ്യൂട്ട് ദേശീയതലത്തിൽ നടത്തിയ കയ്യെഴുത്ത്, ചിത്രരചന മത്സരങ്ങളിൽ മികച്ച നേട്ടം കൈവരിച്ച് വടക്കാങ്ങര ടാലൻറ് പബ്ലിക് സ്കൂൾ. സ്കൂളിൽനിന്ന് മത്സരത്തിൽ പങ്കെടുത്ത കുട്ടികളിൽ കയ്യെഴുത്ത് മത്സരത്തിൽ എയ്സ ഫാത്തിം (കെ.ജി), മുഹമ്മദ് ഇഷാൻ (ആറാം ക്ലാസ്), ഇഷാ മെഹ് വിഷ് (രണ്ടാം ക്ലാസ്), അദിബ ഫാത്തിമ (ഏഴാം ക്ലാസ്) എന്നിവരും ചിത്രരചന മത്സരത്തിൽ അനഹിത തെക്കത്ത് (കെ.ജി), റിസ ഫാത്തിമ കെ പി (ഒന്നാം ക്ലാസ്), ദുആ മറിയം കെ പി (രണ്ടാം ക്ലാസ്), ഹയ റുഷ്ദ (മൂന്നാം ക്ലാസ്), ഷെസാൻ ഷെരീഫ് കെ.ടി (അഞ്ചാം ക്ലാസ്), റോന കോഴിപ്പള്ളി (ഏഴാം ക്ലാസ്) എന്നിവർ ദേശീയതലത്തിൽ വിജയികളായി. മത്സരത്തിൽ പങ്കെടുത്ത എല്ലാ വിദ്യാർത്ഥികളെയും പ്രിൻസിപ്പൽ മുഹമ്മദലി കൊടിഞ്ഞി അനുമോദിച്ചു. പൊതു മത്സര വിഭാഗം മേധാവി നസ്മി ടീച്ചർ, സ്കൂൾ കമ്മിറ്റി പ്രസിഡൻറ്…

തിരുവനന്തപുരം: തൊഴിൽ സംരക്ഷണം ഉറപ്പാക്കുക, പാഴ് വസ്തുക്കളെ നികുതിയിൽ നിന്നും പൂർണമായും ഒഴിവാക്കുക തുടങ്ങി വിവിധ ആവശ്യങ്ങൾ ഉന്നയിച്ച് സംസ്ഥാനത്തെ ഖര മാലിന്യ നിർമ്മാർജ്ജന പ്രക്രിയയിൽ മുഖ്യ പങ്കാളിത്തം വഹിക്കുന്നവരുടെ സംഘടനയായ കേരളാ സ്ക്രാപ്പ് മെർച്ചന്റ്സ് അസോസിയേഷൻ ( കെ എസ് എം എ), ഇന്ന്, ഒക്ടോബർ 8ന്, നിയമസഭാ മാർച്ച് സംഘടിപ്പിച്ചു. പാഴ്‌വസ്തു ശേഖരണവും സംസ്കരണവും സാധ്യമാക്കുന്ന മേഖലയുടെ നിലനിൽപ്പിന് ആവശ്യമായ അവകാശങ്ങൾ സർക്കാരിന്റെ ശ്രദ്ധയിൽപ്പെടുത്തുന്നതിനായാണ് മാർച്ച് സംഘടിപ്പിച്ചത്. ബുധനാഴ്ച രാവിലെ 10 മണിക്ക് തിരുവനന്തപുരം പുത്തരിക്കണ്ടം മൈതാനത്തു നിന്നും ആരംഭിച്ച തൊഴിൽ സംരക്ഷണ റാലി സംസ്ഥാന പ്രസിഡന്റ്‌ മുഹമ്മദ്‌ ആസിഫ് ഉദ്ഘാടനം ചെയ്തു. അവകാശ സംരക്ഷണ പോരാട്ട പ്രഖ്യാപനം സംസ്ഥാന സെക്രട്ടറി കെ പി എ ഷെരീഫ് നിർവഹിച്ചു. തിരുവനന്തപുരം ജില്ലയിലെ മുഴുവൻ പ്രവർത്തകരും മറ്റു 13 ജില്ലകളിൽ നിന്നും തെരഞ്ഞെടുക്കപ്പെട്ട പ്രവർത്തകരും ഉൾപ്പെടെ…

കേരളത്തിന്റെ വികാസ പരിണാമങ്ങളിൽ നിർണ്ണായക പങ്ക് വഹിച്ച കെ.എം. മാണിക്ക് തലസ്ഥാനത്ത് ഉചിതമായ സ്മാരകം നിർമ്മിക്കണമെന്ന് കേരളാ കോൺഗ്രസ്‌ (എം) സംസ്ഥാന ജനറൽ സെക്രട്ടറി കെ. ആനന്ദകുമാർ ആവശ്യപ്പെട്ടു. കേരളാ കോൺഗ്രസ്‌ അറുപത്തി ഒന്നാം ജന്മവാർഷികം പ്രമാണിച്ച്, കേരളാ കോൺഗ്രസ്‌ (എം) നെടുമങ്ങാട് നിയോജകമണ്ഡലം കമ്മിറ്റി സംഘടിപ്പിച്ച *കെ.എം. മാണി സ്മരണാഞ്‌ജലി* ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പതിമൂന്ന് ബജറ്റുകളിലൂടെ, കേരളത്തിന്റെ സമഗ്ര വികസനത്തിന്‌ മൂല്യവത്തായ സംഭാവനകൾ നൽകിയ കെ.എം. മാണി, കാരുണ്യ ചികിത്സാ പദ്ധതയിലൂടെ, സമാനതകളില്ലാത്ത ജീവകാരുണ്യ പ്രവർത്തനത്തിന് നേതൃത്വം നൽകി: ആനന്ദകുമാർ പറഞ്ഞു. നിയോജകമണ്ഡലം പ്രസിഡന്റ്‌ സതീഷ് മേച്ചേരിയുടെ അധ്യക്ഷതയിൽ വെമ്പായത്ത് നടന്ന പരിപാടിയിൽ എ. നൗഷാദ് (സി.പി.ഐ (എം), രാധാകൃഷ്ണൻ നായർ (കരയോഗം പ്രസിഡന്റ്‌ എൻ.എസ്.എസ്), ഫാ. ടി. പ്രഭാകർ, കെ. ഷോഫി, കെ.എസ്. പ്രമോദ്, ഭുവനചന്ദ്രൻ നായർ, ഷീന മധു, രവീന്ദ്രൻ…

കണ്ണൂർ: തളിപ്പറമ്പ് ബസ് സ്റ്റാൻഡിന് സമീപത്ത് സ്ഥിതി ചെയ്യുന്ന കെ വി കോം‌പ്ലക്സില്‍ ഇന്ന് (വ്യഴാഴ്ച) ഉണ്ടായ അഗ്നിബാധയില്‍ അമ്പതോളം കടകൾ കത്തിനശിച്ചതായി ജില്ലാ കളക്ടർ അരുൺ കെ വിജയൻ പറഞ്ഞു. രാത്രിയോടെ തീ നിയന്ത്രണവിധേയമാക്കി. അപകടകാരണം ഇപ്പോഴും അജ്ഞാതമാണ്. തീ നിയന്ത്രണവിധേയമാക്കാൻ കണ്ണൂർ, കാസർകോട്, മറ്റ് ജില്ലകളിൽ നിന്ന് 15 ഫയർഫോഴ്‌സ് യൂണിറ്റുകൾ എത്തി. തീപിടിത്തത്തിന്റെ കാരണത്തെക്കുറിച്ച് അന്വേഷണം നടത്തുമെന്നും നഷ്ടപരിഹാരം പിന്നീട് കണക്കാക്കുമെന്നും കളക്ടർ പറഞ്ഞു. രക്ഷാപ്രവർത്തനത്തിൽ കാലതാമസമുണ്ടായില്ലെന്ന് കളക്ടര്‍ പറഞ്ഞു. തളിപ്പറമ്പ് ബസ് സ്റ്റാൻഡിന് സമീപമുള്ള കെവി കോംപ്ലക്സിൽ ഇന്ന് വൈകുന്നേരം 4:30 ഓടെയാണ് തീപിടുത്തമുണ്ടായത്. 60 ലധികം കടകൾ ഇവിടെ പ്രവർത്തിക്കുന്നുണ്ട്. ഷോർട്ട് സർക്യൂട്ടാണ് തീപിടുത്തത്തിന് കാരണമെന്ന് പ്രാഥമിക റിപ്പോർട്ടുകൾ സൂചിപ്പിക്കുന്നുണ്ടെങ്കിലും, അടുത്തുള്ള ഒരു ട്രാൻസ്ഫോർമറിൽ നിന്നുള്ള തീപ്പൊരിയെ തുടർന്നാണ് തീപിടുത്തമുണ്ടായതെന്ന് ദൃക്‌സാക്ഷികൾ പറയുന്നു. തീപിടുത്തത്തിൽ ഈ ട്രാൻസ്‌ഫോർമറും കത്തിനശിച്ചു. തീ…