ബെംഗളൂരു: വിനോദയാത്രയ്ക്കിടെ കാണാതായ പാലക്കാട് കടമ്പഴിപുരം സ്വദേശിനിയായ പതിനഞ്ചുകാരി ശ്രീനന്ദയുടെ മൃതദേഹം കണ്ടെത്തി. ചിക്കമഗളൂരു ജില്ലയിലെ മാണിക്കധാര വെള്ളച്ചാട്ടത്തിനടുത്തുള്ള വ്യൂപോയിന്റ് ഏരിയയിൽ നിന്ന് കാണാതായതിനെ തുടർന്ന് മൂന്ന് ദിവസത്തെ തിരച്ചിലിനു ശേഷമാണ് മൃതദേഹം കണ്ടെത്തിയത്. പോലീസും വനം വകുപ്പും ദുരന്തനിവാരണ സംഘവും സംയുക്തമായി തിരച്ചിൽ നടത്തി. പ്രദേശത്ത് വ്യാപകമായി തിരച്ചിൽ നടത്താൻ ഡ്രോൺ ക്യാമറകളും ഉപയോഗിച്ചു. ഒടുവിൽ, ബാബ ബുധൻഗിരിക്ക് താഴെയുള്ള ഹർഷന ഗുപ്പ പ്രദേശത്ത് ഏകദേശം 1500 അടി താഴ്ചയിൽ മൃതദേഹം കണ്ടെത്തി. പ്രാഥമിക പോസ്റ്റ്മോർട്ടം റിപ്പോർട്ടിൽ ദുരൂഹതയുടെ ലക്ഷണങ്ങൾ ഒന്നും തന്നെയില്ല, തലയുടെ വലതുവശത്ത് ഗുരുതരമായി പരിക്കേറ്റതാണ് മരണകാരണമെന്ന് റിപ്പോര്ട്ടില് പറയുന്നു. ശരീരത്തിൽ പരിക്കുകളും ഒന്നിലധികം അസ്ഥികൾ ഒടിഞ്ഞതും ഉണ്ടായിരുന്നെങ്കിലും, ഇവ മാരകമായ വീഴ്ച മൂലമാണെന്ന് റിപ്പോർട്ടിൽ പറയുന്നു. അസാധാരണമായ ഒന്നും കണ്ടെത്തിയില്ലെന്ന് ഇൻക്വസ്റ്റ് റിപ്പോർട്ടിലും പറയുന്നു. താഴെ വീഴുന്നതിനിടെ മരക്കൊമ്പുകളിൽ ഇടിച്ചതിനാൽ കുട്ടിയുടെ…
വിനോദയാത്രയ്ക്കിടെ കാണാതായ ശ്രീനന്ദയുടെ മൃതദേഹം കണ്ടെത്തി; തലയുടെ വലതുവശത്ത് ഗുരുതരമായി പരിക്കേറ്റതാണ് മരണകാരണമെന്ന് പോസ്റ്റ്മോര്ട്ടം റിപ്പോര്ട്ട്
