ശബരിമല ശ്രീ അയ്യപ്പന്റെ സന്നിധാനത്തു നിന്നും സ്വര്ണ്ണം അടിച്ചുമാറ്റി എന്ന കേസില് ആരോപണ വിധേയനായ സര്വ്വാദരണീയനായ ശ്രീ ഉണ്ണിക്കൃഷ്ണന് പോറ്റി ഈ കഴിഞ്ഞ ദിവസം ജാമ്യം ലഭിച്ച് ജയില് മോചിതനായി. ദോഷം പറയരുതല്ലോ! ആളൊന്നു മിനുങ്ങിയിട്ടുണ്ട്, നമ്മുടെ ജയില് സംവിധാനം എത്ര സുഖപ്രദമായിരിക്കുന്നു എന്ന് അദ്ദേഹത്തിന്റെ മുഖത്തെ ഓജസ്സും തേജസ്സും കണ്ടാലറിയാം. അവിടെ വിളമ്പുന്ന മട്ടന് കറിയും വരാല് വറുത്തതും കണ്ടാല് ഏതു വെജിറ്റേറിയനും നോണ്വെജ് ആയിപ്പോകും. പോറ്റിയെ സംബന്ധിച്ചിടത്തോളം പച്ചരിച്ചോറും വെറും പച്ചമോരും ഇനി വെറും പഴങ്കഥ. ചുവന്ന സില്ക്കു ഷര്ട്ടും ചന്ദനക്കുറിയുമണിഞ്ഞ്, സുസ്മേരവദനനായി പുറത്തേക്കു വന്ന പോറ്റിയെ സ്വീകരിക്കുവാന് സന്തോഷത്തോടെ അദ്ദേഹത്തിന്റെ അന്തര്ജ്ജനം ജയില് കവാടത്തില് കാത്തുനില്പുണ്ടായിരുന്നു. രണ്ടുപേരും ചുവപ്പു വസ്ത്രം തെരഞ്ഞെടുത്തത് ആകസ്മികമാകാം. കളവു പോയ സ്വര്ണ്ണം വീണ്ടെടുക്കുന്നതിലൊന്നും ആര്ക്കും ഒരു താല്പര്യവുമില്ല. ആരൊക്കെ പോറ്റിയോടൊപ്പം നിന്നു ഫോട്ടോ പടം പിടിച്ചു എന്നതു…
“പോറ്റിയേ…ഇറക്കിയേ…” (ലേഖനം): രാജു മൈലപ്ര
