Year: 2026

കനത്ത മഞ്ഞുവീഴ്ചയെയും റോഡുകളിലെ മഞ്ഞിനെയും (Ice) തുടർന്ന് നോർത്ത് ടെക്സാസിലെ പ്രധാന സ്‌കൂൾ ഡിസ്ട്രിക്റ്റുകൾ വ്യാഴാഴ്ചയും (ജനുവരി 29, 2026) അടഞ്ഞുകിടക്കും. അവധി പ്രഖ്യാപിച്ച പ്രധാന ഡിസ്ട്രിക്റ്റുകൾ: ഡെന്റൺ (Denton ISD) ലൂയിസ്‌വിൽ (Lewisville ISD) ലിറ്റിൽ എൽമ് (Little Elm ISD) നോർത്ത് വെസ്റ്റ് (Northwest ISD) അന്ന (Anna), ഡെക്കാറ്റൂർ (Decatur), ഡെനിസൺ (Denison), ഫാർമേഴ്‌സ്‌വിൽ (Farmersville), ലേക്ക് ഡാളസ് (Lake Dallas), ഷെർമാൻ (Sherman). അതേസമയം റോഡ് സാഹചര്യങ്ങൾ മെച്ചപ്പെട്ടതിനെത്തുടർന്ന് അർലിംഗ്ടൺ (Arlington ISD), ഹർസ്റ്റ്-യൂലെസ്-ബെഡ്ഫോർഡ് (HEB ISD), കാറോൾ, കോർസിക്കാന, ലങ്കാസ്റ്റർ തുടങ്ങിയ ഡിസ്ട്രിക്റ്റുകൾ വ്യാഴാഴ്ച തുറന്ന് പ്രവർത്തിക്കുമെന്ന് അറിയിച്ചിട്ടുണ്ട്. കാലാവസ്ഥയും റോഡുകളിലെ സുരക്ഷയും മുൻനിർത്തി മറ്റ് ഡിസ്ട്രിക്റ്റുകൾ ഉടൻ തീരുമാനമെടുക്കുമെന്ന് അധികൃതർ അറിയിച്ചു.

ഹൂസ്റ്റൺ /ചെങ്ങന്നൂർ: മാർത്തോമ്മ സഭ പട്ടക്കാരൻ റവ. സുനു ബേബി കോശി അച്ചന്റെ(വികാരി, ചാലിശ്ശേരി മാർത്തോമ്മ ഇടവക, തൃശ്ശൂർ) പിതാവ് ചെങ്ങന്നൂർ പുത്തൻകാവ് മടയ്ക്കൽ പീടികയിൽ തോമസ് എം. കോശി (സണ്ണി – 74) അന്തരിച്ചു. ഹൂസ്റ്റണിലേക്കു ഈ ആഴ്ച യാത്ര തിരിക്കാനിരിക്കെയാണ്  അപകടം. സണ്ണിയുടെ  ഭാര്യയും മക്കളും ഹൂസ്റ്റണിലാണ്. ബുധനാഴ്ച വെളുപ്പിന് അഞ്ച് മണിയോടെ. ചെങ്ങന്നൂർ കൂത്താട്ടുകുളം ആറൂരിന് സമീപം എംസി റോഡിലുണ്ടായ വാഹനാപകടത്തിലാണ് മരണം സംഭവിച്ചത്.  അപകടത്തിൽ പരിക്കേറ്റ മകൻ റവ. സുനു ബേബി കോശിയും  അദ്ദേഹത്തിന്റെ ഭാര്യ എന്നിവർ ചികിത്സയിലാണ്.രണ്ടു പേരുടെയും പരിക്ക് ഗുരുതരമല്ല എന്നാണ് ആശുപത്രിയിൽ നിന്നും ലഭിച്ച റിപ്പോർട്ട്. നിയന്ത്രണം വിട്ട കാർ കലുങ്കിൽ ഇടിക്കുകയായിരുന്നു. ഡ്രൈവർ ഉറങ്ങിപ്പോയതാണ് അപകടകാരണമെന്ന് കരുതപ്പെടുന്നു. അപകടത്തിൽ തകർന്ന കാറിൽ നിന്നും പരിക്കേറ്റവരെ ഉടൻതന്നെ കൂത്താട്ടുകുളം ദേവമാത ഹോസ്പിറ്റലിൽ എത്തിച്ചെങ്കിലും തോമസ് എം. കോശിയുടെ…

ന്യൂയോർക്ക്: അമേരിക്കയിലെ മലയാളി സംഘടനകളിൽ സജീവ സാന്നിധ്യമായ ന്യൂയോർക്ക് മലയാളി അസോസിയേഷൻ്റെ (NYMA) 2026 പ്രവർത്തന വർഷത്തേക്കുള്ള പുതിയ ഭാരവാഹികളെ തിരഞ്ഞെടുത്തു. പ്രമുഖ സംരംഭകനും സാമൂഹിക പ്രവർത്തകനുമായ രാജേഷ് പുഷ്പരാജനെ പ്രസിഡന്റായി എതിരില്ലാതെ തിരഞ്ഞെടുത്തു. ജനുവരി 11 ഞായറാഴ്ച ന്യൂയോർക്കിലെ കേരള കിച്ചൻ റെസ്റ്റോറന്റിൽ വെച്ച് നടന്ന വാർഷിക ജനറൽ ബോഡി യോഗത്തിലാണ് പുതിയ നേതൃത്വത്തെ പ്രഖ്യാപിച്ചത്. പ്രസിഡന്റ് ബിബിൻ മാത്യു തൻ്റെ അദ്ധ്യക്ഷ പ്രസംഗത്തിൽ രണ്ട് വർഷക്കാലം വേണ്ട സപ്പോർട്ട് തന്ന കമ്മിറ്റി അംഗങ്ങൾക്കും, മെംബേർസിനും നന്ദി അറിയിച്ചു സംസാരിച്ചു. അസോസിയേഷൻ്റെ ബോർഡ് ചെയർമാൻ ലാജി തോമസിൻ്റെ നേതൃത്വത്തിൽ നടന്ന മികച്ച ഒരുക്കങ്ങൾ ഈ വർഷത്തെ പൊതുയോഗത്തെ ശ്രദ്ധേയമാക്കി. തിരഞ്ഞെടുപ്പ് നടപടികൾ സുതാര്യവും സൗഹാർദ്ദപരവുമായി നടത്തുന്നതിൽ അദ്ദേഹം മുഖ്യപങ്കുവഹിച്ചു. കായിക-സാമൂഹിക, സാംസ്കാരിക മേഖലകളിൽ സജീവമായ NYMA ന്യൂയോർക്കിലെ മലയാളി സമൂഹത്തിനിടയിൽ പ്രവർത്തനങ്ങൾക്ക് വലിയ പ്രാധാന്യം നൽകുന്ന…

പരസ്പര ബഹുമാനത്തിന്റെയും പങ്കിട്ട താൽപ്പര്യങ്ങളുടെയും അടിസ്ഥാനത്തിൽ ഇറാൻ ചർച്ചകൾക്ക് തയ്യാറാണെന്ന് പറഞ്ഞുകൊണ്ട് ഐക്യരാഷ്ട്രസഭയിലെ ഇറാന്‍ പ്രതിനിധി അമേരിക്കയ്ക്ക് ശക്തമായ സന്ദേശം നൽകി. ന്യൂയോര്‍ക്ക്: അമേരിക്കയും ഇറാനും തമ്മിലുള്ള സംഘർഷം വീണ്ടും രൂക്ഷമായി. പ്രസിഡന്റ് ഡൊണാൾഡ് ട്രംപിന്റെ ഭീഷണിക്ക് ഇറാൻ ശക്തമായ മറുപടിയാണ് നൽകിയത്. തങ്ങളെ ആക്രമിച്ചാൽ മുമ്പൊരിക്കലും ലഭിക്കാത്ത തരത്തിലുള്ള പ്രതികരണം അമേരിക്കയ്ക്ക് ലഭിക്കുമെന്ന് ഇറാൻ വ്യക്തമായി പ്രസ്താവിച്ചു. ഇരു രാജ്യങ്ങളും തമ്മിലുള്ള വാചാടോപവും സൈനിക പ്രവർത്തനങ്ങളും സ്ഥിതിഗതികൾ കൂടുതൽ വഷളാക്കുകയാണിപ്പോള്‍. പരസ്പര ബഹുമാനത്തിന്റെയും പൊതുവായ താൽപ്പര്യങ്ങളുടെയും അടിസ്ഥാനത്തിൽ ഇറാൻ ചര്‍ച്ചയ്ക്ക് തയ്യാറാണെന്ന് ഐക്യരാഷ്ട്രസഭയികെ ഇറാൻ പ്രതിനിധി യുഎസിന് ശക്തമായ സന്ദേശം നൽകി. എന്നാല്‍, സമ്മർദ്ദം ചെലുത്തുകയോ ആക്രമിക്കുകയോ ചെയ്താൽ, പ്രതിരോധത്തിനായി തങ്ങള്‍ പൂർണ്ണ ശക്തിയോടെ പ്രതികരിക്കുമെന്നും ഇറാന്‍ വ്യക്തമാക്കി. ഒരു സൈനിക കപ്പൽപ്പടയെ അയക്കാന്‍ ആഹ്വാനം ചെയ്യുന്ന ട്രംപിന്റെ സമീപകാല സോഷ്യൽ മീഡിയ പോസ്റ്റിന്റെ സ്ക്രീൻഷോട്ടും…

കേരളത്തിലെ രാഷ്ട്രീയ പാർട്ടികളും മുന്നണികളും തെരഞ്ഞെടുപ്പിന് മുൻപ് നേതാവിനെ പ്രഖ്യാപിക്കാത്തത് വെറും തന്ത്രമല്ല; അത് ജനാധിപത്യത്തോട് നടത്തുന്ന കൃത്യമായ ചതിയാണ്. വോട്ട് ചെയ്യാൻ ആവശ്യപ്പെടുന്നവർക്കു മുന്നിൽ തന്നെ, “ആർക്കാണ് നിങ്ങൾ അധികാരം നൽകുന്നത്” എന്ന അടിസ്ഥാന ചോദ്യത്തിന് മറുപടി നൽകാൻ തയ്യാറാകാത്ത രാഷ്ട്രീയം, ജനങ്ങളെ ബുദ്ധിയില്ലാത്തവരായി കണക്കാക്കുന്നതിന്റെ തെളിവാണ്. ഒരു പൗരൻ വോട്ട് ചെയ്യുന്നത് ചിഹ്നത്തിനോ പതാകയ്ക്കോ അല്ല. അത് അധികാരം കൈമാറുന്ന ഒരു നിയമപരമായ സമ്മതപത്രമാണ്. അധികാരം കൈകാര്യം ചെയ്യാൻ പോകുന്ന വ്യക്തിയെ മറച്ചുവെച്ചുകൊണ്ട് ആ സമ്മതം ചോദിക്കുന്നത് മോറൽ ഫ്രോഡാണ്. തിരഞ്ഞെടുപ്പ് കാലത്ത് നേതാക്കൾക്ക് നാവിൽ നിറയുന്നത് വികസനവാഗ്ദാനങ്ങളാണ്. പക്ഷേ ആ വാഗ്ദാനങ്ങൾ നടപ്പാക്കാൻ പോകുന്ന മുഖം ആരാണെന്ന് ചോദിച്ചാൽ രാഷ്ട്രീയ നേതൃത്വം മൗനം പാലിക്കുന്നു. ഈ മൗനം ലജ്ജയുടേതല്ല – കണക്കുകൂട്ടലിന്റെയും ഭയത്തിന്റെയും മൗനമാണ്. ജനവിധി കഴിഞ്ഞാൽ മാത്രമാണ് തിരശ്ശീല ഉയരുന്നത്. അപ്പോഴേക്കും…

ഇറാനും അമേരിക്കയും തമ്മിലുള്ള സംഘർഷം മൂർച്ഛിച്ചിരിക്കുകയാണ്. മിഡിൽ ഈസ്റ്റിൽ പ്രധാന വ്യോമസേനാ അഭ്യാസങ്ങൾ അമേരിക്ക പ്രഖ്യാപിച്ചു. എബ്രഹാം ലിങ്കൺ വിമാനവാഹിനിക്കപ്പലിന്റെ വിന്യാസം സ്ഥിതിഗതികൾ കൂടുതൽ വഷളാക്കി. വാഷിംഗ്ടണ്‍: മിഡിൽ ഈസ്റ്റ് വീണ്ടും ആഗോളതലത്തിൽ ആശങ്കാജനകമായ ഒരു കേന്ദ്രമായി മാറിയിരിക്കുന്നു. ഇറാനും അമേരിക്കയും തമ്മിലുള്ള വർദ്ധിച്ചുവരുന്ന സംഘർഷങ്ങൾക്കിടയിൽ, മേഖലയിൽ നിരവധി ദിവസത്തെ വ്യോമസേനാ സൈനികാഭ്യാസങ്ങൾ അമേരിക്ക പ്രഖ്യാപിച്ചു. ഇറാനിൽ സർക്കാർ വിരുദ്ധ പ്രതിഷേധങ്ങൾ തുടരുകയും ആയിരക്കണക്കിന് ആളുകൾ മരിച്ചതായി റിപ്പോർട്ട് ചെയ്യപ്പെടുകയും ചെയ്ത സമയത്താണ് ഈ തീരുമാനം. ഇതുവരെ യുദ്ധം പ്രഖ്യാപിച്ചിട്ടില്ലെങ്കിലും, സൈനിക പ്രവർത്തനം സ്ഥിതി കൂടുതൽ വഷളാക്കിയിരിക്കുകയാണ്. മിഡിൽ ഈസ്റ്റിൽ നിലവിലുള്ള സംഘർഷങ്ങൾ കൂടുതൽ വഷളാക്കിയിരിക്കുകയാണ് ഈ യുഎസ് പ്രഖ്യാപനം. മേഖലയിൽ ദീർഘകാലത്തേക്ക് യുദ്ധ വ്യോമശക്തി വിന്യസിക്കാനും നിലനിർത്താനുമുള്ള കഴിവ് പ്രകടിപ്പിക്കുന്നതിനാണ് ഈ അഭ്യാസം നടത്തുന്നതെന്ന് യുഎസ് വ്യോമസേന സെൻട്രൽ കമാൻഡ് അറിയിച്ചു. അഭ്യാസത്തിന്റെ തീയതിയും സ്ഥലവും…

ഇറാനോട് താൻ മുമ്പ് ഒരു കരാർ നിർദ്ദേശിച്ചിരുന്നതായി യുഎസ് പ്രസിഡന്റ് ഓർമ്മിപ്പിച്ചു. എന്നാൽ, ആ സമയത്ത് ടെഹ്‌റാൻ അത് അവഗണിച്ചു. ഇതിനെത്തുടർന്ന്, ഇറാന് കനത്ത നഷ്ടം വരുത്തിവെച്ചുകൊണ്ട് യുഎസ് ഓപ്പറേഷൻ മിഡ്‌നൈറ്റ് ഹാമർ ആരംഭിച്ചു. വാഷിംഗ്ടണ്‍: കഴിഞ്ഞ ഒരു വർഷമായി, യുഎസ് പ്രസിഡന്റ് ഡൊണാൾഡ് ട്രംപിന്റെ ചില തീരുമാനങ്ങൾ ലോകമെമ്പാടും വലിയ പ്രതിഷേധങ്ങൾക്ക് കാരണമായിട്ടുണ്ട്. വ്യാപാര തീരുവകൾ, വിദേശ നേതാക്കൾക്കെതിരായ കടുത്ത പ്രസ്താവനകൾ, അദ്ദേഹത്തിന്റെ പ്രവർത്തനങ്ങൾ എന്നിവ ആഗോള രാഷ്ട്രീയത്തെ നിരന്തരം അസ്വസ്ഥമാക്കിക്കൊണ്ടിരിക്കുന്നു. ഇപ്പോള്‍, ഇറാനെതിരെ കർശനമായ മുന്നറിയിപ്പ് നൽകി അദ്ദേഹം വീണ്ടും അന്താരാഷ്ട്ര സംഘർഷങ്ങൾ വർദ്ധിപ്പിച്ചിരിക്കുകയാണ്. ഇറാനിലേക്ക് ഒരു വലിയ അമേരിക്കൻ നാവികസേനാ കപ്പൽപ്പട അതിവേഗം മുന്നേറുകയാണെന്ന് അദ്ദേഹം പറഞ്ഞു. അദ്ദേഹത്തിന്റെ അഭിപ്രായത്തിൽ, ഈ കപ്പൽപ്പട പൂർണ്ണ തയ്യാറെടുപ്പോടെയും ശക്തിയോടെയും വ്യക്തമായ ലക്ഷ്യത്തോടെയുമാണ് പുറപ്പെട്ടിരിക്കുന്നത്. ഈ സൈനിക സേനയെ നയിക്കുന്നത് കൂറ്റൻ വിമാനവാഹിനിക്കപ്പലായ എബ്രഹാം ലിങ്കണാണ്.…

ടെക്സസ്: അമേരിക്കയിലെ ടെക്സസിൽ തുടരുന്ന അതിശൈത്യത്തിനിടെ ദാരുണമായ അപകടം. ഐസ് മൂടിയ കുളത്തിൽ വീണ് മൂന്ന് സഹോദരങ്ങൾ മരിച്ചു. പ്രദേശത്ത് ശൈത്യ തരംഗം ആരംഭിച്ചതിന് ശേഷം റിപ്പോർട്ട് ചെയ്യപ്പെടുന്ന മരണസംഖ്യ ഇതോടെ 42 ആയി ഉയർന്നു. കുളത്തിന് മുകളിൽ ഐസ് കട്ടപിടിച്ചത് ശ്രദ്ധിക്കാതെ അതിലൂടെ നടക്കാൻ ശ്രമിക്കവെ ഐസ് പാളി തകരുകയും കുട്ടികൾ വെള്ളത്തിൽ വീഴുകയുമായിരുന്നു എന്നാണ് പ്രാഥമിക വിവരം. കഠിനമായ മഞ്ഞുവീഴ്ചയെയും തണുപ്പിനെയും തുടർന്ന് ടെക്സസിൽ ഇതുവരെ 42 പേർക്ക് ജീവൻ നഷ്ടമായതായാണ് ഔദ്യോഗിക കണക്കുകൾ സൂചിപ്പിക്കുന്നത്. ഐസ് മൂടിക്കിടക്കുന്ന ജലാശയങ്ങൾക്കും കുളങ്ങൾക്കും അരികിൽ പോകരുതെന്ന് അധികൃതർ കർശന നിർദ്ദേശം നൽകിയിട്ടുണ്ട്. പലയിടങ്ങളിലും വൈദ്യുതി ബന്ധം തകരാറിലായതും ഗതാഗതം തടസ്സപ്പെട്ടതും ജനജീവിതത്തെ സാരമായി ബാധിച്ചിരിക്കുകയാണ്.