ന്യൂഡൽഹി: എൻഫോഴ്‌സ്‌മെന്റ് ഡയറക്ടറേറ്റിലെ (ഇഡി) ഒരു ഉദ്യോഗസ്ഥൻ തമിഴ്‌നാട്ടിൽ അറസ്റ്റിലായതിന് പിന്നാലെ ബിജെപിക്കെതിരെ ആഞ്ഞടിച്ച് കോൺഗ്രസ്. പ്രതിപക്ഷത്തെ ദ്രോഹിക്കാനുള്ള രാഷ്ട്രീയ ഉപകരണങ്ങളാക്കി കേന്ദ്ര ഏജൻസികളെ ഉപയോഗിച്ചുകൊണ്ടിരിക്കുന്ന ബിജെപിയുടെ ബിജെപിയുടെ സൂപ്പർ സ്റ്റാർ പ്രചാരകർ വീണ്ടും ഇടറിയെന്ന് കോൺഗ്രസ് പരിഹസിച്ചു.
‘ബിജെപിയുടെ സൂപ്പർ സ്റ്റാർ പ്രചാരകരിൽ ഒരാൾക്ക് ഇത്തവണ തമിഴ്‌നാട്ടിൽ കാലിടറി,” കോൺഗ്രസ് ജനറൽ സെക്രട്ടറി (കമ്യൂണിക്കേഷൻ) ജയറാം രമേശ് എക്‌സിൽ കുറിച്ചു.
നിയമസഭാ തെരഞ്ഞെടുപ്പിന് മുന്നോടിയായി രാജസ്ഥാനിൽ ഒരു ഇഡി ഉദ്യോഗസ്ഥനെ അറസ്റ്റ് ചെയ്ത കാര്യം അനുസ്മരിച്ചുകൊണ്ട് കോൺഗ്രസ് നേതാവ് പറഞ്ഞു, “രാജസ്ഥാനിൽ ഒരു ഇഡി ഉദ്യോഗസ്ഥൻ 15 ലക്ഷം രൂപ കൈക്കൂലിയുമായി പിടിക്കപ്പെട്ടതിന് ശേഷം, ഇഡിയിലെ മറ്റൊരു ഉദ്യോഗസ്ഥൻ 20 ലക്ഷം രൂപയുമായി തമിഴ്നാട്ടില്‍ പിടിക്കപ്പെട്ടു.”
“ഇഡിയുടെയോ സിബിഐയുടെയോ ഐടിയുടെയോ സൽപ്പേര് പ്രതിപക്ഷത്തെയും സർക്കാരിനെ ചോദ്യം ചെയ്യുന്നവരെയും ഭീഷണിപ്പെടുത്താനും പ്രകോപിപ്പിക്കാനുമുള്ള രാഷ്ട്രീയ ഉപകരണങ്ങളാക്കി മാറ്റി മോദി സർക്കാർ അവയെ പൂർണ്ണമായും നശിപ്പിച്ചു. ഇപ്പോൾ അതിന്റെ ഉദ്യോഗസ്ഥർ സ്വന്തമായി കൊള്ള റാക്കറ്റുകൾ നടത്തുന്നു,” അദ്ദേഹം പറഞ്ഞു.
സംസ്ഥാന സർക്കാർ ജീവനക്കാരനിൽ നിന്ന് 20 ലക്ഷം രൂപ തട്ടിയെടുത്തെന്നാരോപിച്ച് കേന്ദ്ര ഏജൻസിയിലെ ഒരു ഉദ്യോഗസ്ഥനെ അറസ്റ്റ് ചെയ്തതിന് ശേഷം തമിഴ്‌നാട് ഡയറക്ടറേറ്റ് ഓഫ് വിജിലൻസ് ആൻഡ് ആന്റി കറപ്ഷൻ ഉദ്യോഗസ്ഥർ മധുരയിലെ ഇഡി ഓഫീസിൽ പരിശോധന നടത്തിയതിന് പിന്നാലെയാണ് അദ്ദേഹത്തിന്റെ പരാമർശം.
അനധികൃത സ്വത്ത് സമ്പാദനക്കേസിൽ പ്രതിയായ ഒരു സർക്കാർ ഡോക്ടറിൽ നിന്ന് കൈക്കൂലി ആവശ്യപ്പെടുകയും കൈക്കൂലി വാങ്ങുകയും ചെയ്‌തെന്ന കുറ്റത്തിന് ഡിവിഎസി ഉദ്യോഗസ്ഥർ അങ്കിത് തിവാരിയെയാണ് അഭൂതപൂർവമായ നടപടിയിൽ അറസ്റ്റ് ചെയ്തത്. ഇയാളുടെ കാറിൽ നിന്ന് കൈക്കൂലിയായി ലഭിച്ച 20 ലക്ഷം രൂപയും പിടികൂടി. ഇഡി ഉദ്യോഗസ്ഥനെ ചോദ്യം ചെയ്യുന്നതിനായി ഡിണ്ടിഗലിലെ വി ആൻഡ് എസി ഓഫീസിലേക്ക് കൊണ്ടുപോയി.
പിന്നീട് ഇഡിയുടെ മധുരയിലെ ഓഫീസിലും അദ്ദേഹത്തിന്റെ വസതിയിലും വെള്ളിയാഴ്ച വൈകി നടത്തിയ പരിശോധനയിൽ നിരവധി രേഖകൾ പിടിച്ചെടുത്തതായും പിന്നീട് ഉദ്യോഗസ്ഥനെ 14 ദിവസത്തെ ജുഡീഷ്യൽ കസ്റ്റഡിയിൽ വിട്ടതായും റിപ്പോർട്ടുണ്ട്.
തമിഴ്‌നാട്ടിൽ ഇതാദ്യമായാണ് ഇഡി ഉദ്യോഗസ്ഥൻ അറസ്റ്റിലാകുന്നത്.
One of the superstar campaigners of the BJP has stumbled yet again, this time in Tamil Nadu. Weeks after an ED official was caught with a ₹15 lakhs bribe in Rajasthan, another official of the ED was caught red-handed with ₹20 lakhs for extortion and bribery.
The Modi…
— Jairam Ramesh (@Jairam_Ramesh) December 2, 2023
