ഡാളസ്: ഡാളസിൽ ഇന്നു രാവിലെ (മാർച്ച് 16 ശനിയാഴ്ച ) ഉണ്ടായ ബൈക്ക് അപകടത്തിൽ മലയാളി യുവാവിനു ദാരുണാന്ത്യം.
ആലപ്പുഴ കൃഷ്ണപുരം കാപ്പിൽ കിഴക്കേതിൽ ആലുംമൂട്ടിൽ നഗരൂർ വീട്ടിൽ രാജൻ – വൽസമ്മ ഏബ്രഹാം ദമ്പതികളുടെ മൂത്ത മകന്‍ ആൽവിനാണ് മരിച്ചത്. ഡാളസ് ശാരോണ്‍ ഫെലോഷിപ്പ് സഭാംഗമാണ്.
ആമസോൺ കമ്പനിയുടെ ജീവനക്കാരനായിരുന്നു. സംസ്കാര ശുശ്രൂഷകൾ പിന്നീട് മെസ്കിറ്റിലുള്ള ശാരോണ്‍ ഫെലോഷിപ്പ് ചർച്ചിൻ്റെ നേതൃത്വത്തിൽ നടക്കും. ആരൻ ഏബ്രഹാം പരേതൻ്റെ ഏക സഹോദരനാണ്.
