ഇന്ന് (ഓഗസ്റ്റ് 19 ചൊവ്വാഴ്ച) ബിസിസിഐ മുംബൈയിൽ നടത്തിയ പത്രസമ്മേളനത്തിൽ, സെലക്ഷന് കമ്മിറ്റി ചെയർമാൻ അജിത് അഗാർക്കർ വരാനിരിക്കുന്ന ഏഷ്യാ കപ്പിനുള്ള ടീം ഇന്ത്യയെ പ്രഖ്യാപിച്ചു. പത്രസമ്മേളനത്തിലെ ചോദ്യോത്തരങ്ങൾക്കിടെ, പാക്കിസ്താനുമായി ബന്ധപ്പെട്ട ചോദ്യങ്ങൾക്ക് ഉത്തരം നൽകുന്നതിൽ നിന്ന് അഗാർക്കറെ ഒഴിഞ്ഞു മാറി. ചോദ്യത്തിന് ഉത്തരം നൽകുന്നതിന് മുമ്പ് ബിസിസിഐയുടെ ഒരു പ്രതിനിധി ഇടപെട്ട് സെലക്ഷന് കമ്മിറ്റി ചെയർമാൻ അഗാർക്കറെ തടഞ്ഞു. അഗാർക്കർ മാധ്യമങ്ങളുടെ ചോദ്യങ്ങൾക്ക് ഉത്തരം നൽകുന്നതിനിടെയാണ് ഈ സംഭവം നടന്നത്, ഇത് ഇന്ത്യ-പാക്കിസ്താന് ക്രിക്കറ്റ് മത്സരത്തെക്കുറിച്ചുള്ള പിരിമുറുക്കം കൂടുതൽ വർദ്ധിപ്പിച്ചു.
സെപ്റ്റംബർ 14 ന് ദുബായിൽ നടക്കുന്ന ഏഷ്യാ കപ്പിൽ ഇന്ത്യൻ ക്രിക്കറ്റ് ടീം പാക്കിസ്താനെ നേരിടും. ജമ്മു കശ്മീരിലെ പഹൽഗാമിൽ നടന്ന ഭീകരാക്രമണത്തിന് ശേഷം ഇരു ടീമുകളും ആദ്യമായിട്ടാണ് നേർക്കുനേർ വരുന്നത്. ടൂർണമെന്റിൽ ഇരു രാജ്യങ്ങളും മൂന്ന് തവണ നേർക്കുനേർ വരാൻ സാധ്യതയുണ്ട്. ഗ്രൂപ്പ് ഘട്ടം, സെപ്റ്റംബർ 21 ന് നടക്കുന്ന സൂപ്പർ 4, ഒരുപക്ഷേ ഫൈനൽ. അതിർത്തിക്കപ്പുറത്തുള്ള സംഘർഷം കാരണം, ഈ മത്സരത്തെക്കുറിച്ച് രാജ്യത്ത് രൂക്ഷമായ പ്രതികരണങ്ങളാണ് ഉയര്ന്നു വരുന്നത്.
മെയ് മാസത്തിൽ, പഹൽഗാം ആക്രമണത്തിന് ശേഷം ഇന്ത്യ ഏഷ്യാ കപ്പിൽ പങ്കെടുക്കുകയോ ആതിഥേയത്വം വഹിക്കുകയോ ചെയ്യില്ലെന്ന് വൃത്തങ്ങൾ മാധ്യമങ്ങളോട് പറഞ്ഞു. എന്നാൽ, ബിസിസിഐ നിലപാട് മാറ്റി ടൂർണമെന്റ് യുഎഇയിൽ നടത്താൻ തീരുമാനിച്ചു. ഇരു രാജ്യങ്ങളും തമ്മിലുള്ള സംഘർഷം കുറയ്ക്കുന്നതിനുള്ള ഒരു ചുവടുവയ്പ്പായി ഈ തീരുമാനം കണക്കാക്കപ്പെടുന്നു.
പാക്കിസ്താനെതിരെ കളിക്കരുതെന്ന് മുൻ ഇന്ത്യൻ ക്രിക്കറ്റ് താരങ്ങൾ ബിസിസിഐയെ ഉപദേശിച്ചിട്ടുണ്ട്. അടുത്തിടെ നടന്ന വേൾഡ് ചാമ്പ്യൻഷിപ്പ് ഓഫ് ലെജൻഡ്സിൽ ഇന്ത്യൻ ടീമിന്റെ ഭാഗമായിരുന്ന ഹർഭജൻ സിംഗ് ആ ടൂർണമെന്റിൽ പാക്കിസ്താനെതിരായ മത്സരം ബഹിഷ്കരിച്ചു.
അതേസമയം, സെപ്റ്റംബർ 9 മുതൽ യുഎഇയിൽ ആരംഭിക്കുന്ന 2025 ഏഷ്യാ കപ്പിൽ പാക്കിസ്താനെതിരായ മത്സരങ്ങൾ ബഹിഷ്കരിക്കണമെന്ന് മുൻ കളിക്കാരൻ കേദാർ ജാദവ് ദേശീയ ടീമിനോട് ആവശ്യപ്പെട്ടു. “ഇന്ത്യൻ ടീം കളിക്കരുതെന്ന് ഞാൻ കരുതുന്നു. ഇന്ത്യ കളിക്കില്ലെന്ന് ഞാൻ വിശ്വസിക്കുന്നു. ഇന്ത്യ അവരെ (പാക്കിസ്താന്) എവിടെ നേരിട്ടാലും അവർ വിജയിക്കും. പക്ഷേ ഈ മത്സരം തീർച്ചയായും സംഭവിക്കരുത്. ഇത് സംഭവിക്കില്ലെന്ന് എനിക്ക് പൂർണ്ണ ആത്മവിശ്വാസത്തോടെ പറയാൻ കഴിയും,” അദ്ദേഹം പറഞ്ഞു.
ഇന്ത്യൻ ടീം:
സൂര്യകുമാർ യാദവ് (ക്യാപ്റ്റൻ)
ശുഭ്മാൻ ഗിൽ (വൈസ് ക്യാപ്റ്റൻ)
അഭിഷേക് ശർമ്മ
തിലക് വർമ്മ
ഹാർദിക് പാണ്ഡ്യ
ശിവം ദുബെ
അക്സർ പട്ടേൽ
ജിതേഷ് ശർമ്മ (വിക്കറ്റ് കീപ്പർ)
ജസ്പ്രീത് ബുംറ
അർഷ്ദീപ് സിംഗ്
വരുൺ ചക്രവർത്തി
കുൽദീപ് യാദവ്
സഞ്ജു സാംസൺ (വിക്കറ്റ് കീപ്പർ)
ഹർഷിത് റാണ
റിങ്കു സിംഗ്
