മലപ്പുറം: ചരിത്ര ഗവേഷണ, കലാ, സാഹിത്യ, സാംസ്കാരിക, പത്രപ്രവർത്തന രംഗത്തെന്ന പോലെ രാഷ്ട്രീയ രംഗത്തും ഐ സമീൽ സംഭാവനകൾ നൽകിയെന്ന് വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി പറഞ്ഞു. പാർട്ടി സംഘടിപ്പിച്ച സാഹോദര്യയാത്ര ഡിസൈൻ ചെയ്യുന്നതിൽ നിർണായകമായ പങ്കാണ് സമീൽ വഹിച്ചതെന്നും അദ്ദേഹം അനുസ്മരിച്ചു. വെൽഫെയർ പാർട്ടി മലപ്പുറം മണ്ഡലം കമ്മിറ്റി ജില്ലാ ഓഫീസിൽ സംഘടിപ്പിച്ച ഐ സമീൽ അനുസ്മരണത്തിൽ അനുസ്മരണ പ്രഭാഷണം നടത്തുകയായിരുന്നു അദ്ദേഹം. ഇ.സി. ആയിശ, സമീർ ബിൻസി, ഡോ. വി. ഹിക്മത്തുല്ല, ഷാനവാസ് മലപ്പുറം, ജലീൽ മങ്കരത്തൊടി, ഡോ. പി.പി. ബാസിത്, ഐ ജരീർ. മുൻസിപ്പൽ കൗൺസലർ ഷിറിൻ ഇർഫാൻ, സിയാവുൽ ഹഖ്, റഹ്മത്തലി, മുനീബ് കാരക്കുന്ന് തുടങ്ങിയവർ സംസാരിച്ചു. മണ്ഡലം പ്രസിഡണ്ട് ജലീൽ കോഡൂർ അധ്യക്ഷത വഹിച്ചു.
