ഏദൻ: മനുഷ്യര്‍ക്ക് മാത്രമല്ല പൂച്ചകള്‍ക്കും വിവാഹം കഴിക്കാമെന്ന് തെളിയിച്ചിരിക്കുകയാണ് സോഷ്യല്‍ മീഡിയയില്‍ പ്രചരിക്കുന്ന വീഡിയോ ക്ലിപ്പ്. വെള്ളിയാഴ്ച യെമനിലെ ഏദൻ നഗരത്തിൽ ഒരു കൂട്ടം ആളുകൾ രണ്ട് പൂച്ചകളുടെ കല്യാണം ആഘോഷിക്കാൻ ഒത്തുകൂടിയ വിവാഹമാണ് ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്.
സോഷ്യൽ മീഡിയ ഉപയോക്താക്കൾ ഇവന്റിന്റെ ഒരു വീഡിയോ പ്രചരിപ്പിച്ചതില്‍ ഒരാൾ രണ്ട് പൂച്ചകൾ തമ്മിലുള്ള വിവാഹ ഉടമ്പടി ചൊല്ലുകയും കാര്യം ഔദ്യോഗികമാക്കാൻ രണ്ടിന്റെയും രണ്ട് കാൽപ്പാടുകൾ എടുക്കുകയും ചെയ്യുന്നു.
ഏദനിലെ അൽ മുഅല്ല ജില്ലയിലാണ് പരിപാടി നടന്നത്. തീര്‍ന്നില്ല, ക്ഷണക്കത്തുകൾ തയ്യാറാക്കി അച്ചടിച്ചതിന് ശേഷം അതിഥികളെ പാർട്ടിയിലേക്ക് ക്ഷണിക്കുകയും ചെയ്തിരുന്നു.
സോഷ്യൽ നെറ്റ്‌വർക്കിംഗ് സൈറ്റുകളിൽ വീഡിയോ വ്യാപകമായി പ്രചരിക്കുകയും നർമ്മവും ആക്ഷേപഹാസ്യവുമായ കമന്റുകളും ലഭിക്കുകയും ചെയ്തു. വീഡിയോയ്ക്ക് പിന്നിലുള്ളവരെ അറസ്റ്റ് ചെയ്യണമെന്ന് പ്രേക്ഷകർ ആവശ്യപ്പെടുന്ന വീഡിയോയ്ക്ക് നെഗറ്റീവ് ഫീഡ്‌ബാക്കും ലഭിച്ചു.
— Baher Esmail (@EsmailBaher) June 16, 2022
