പ്രധാനമന്ത്രിയുടെ അഹമ്മദാബാദ് സന്ദർശനത്തിനിടെ നിരോധിത മേഖലയിൽ ഡ്രോൺ പറത്തിയ മൂന്ന് പേർ അറസ്റ്റിൽ

ബാവ്‌ല (അഹമ്മദാബാദ്): പ്രധാനമന്ത്രി നരേന്ദ്രമോദിയുടെ ബവ്‌ല സന്ദർശനത്തിനിടെ ഡ്രോൺ ഉപയോഗിച്ച് വീഡിയോ പകർത്തുകയും “നോ ഡ്രോൺ ഫ്ലൈ സോൺ” ലംഘിച്ചതിന് മൂന്ന് പേരെ അഹമ്മദാബാദ് പോലീസ് കേസെടുത്ത് അറസ്റ്റ് ചെയ്യുകയും ചെയ്തു.

അഹമ്മദാബാദ് അഡീഷണൽ ജില്ലാ മജിസ്‌ട്രേറ്റ് ബുധനാഴ്ച പുറപ്പെടുവിച്ച നോട്ടീസില്‍ സാഭയ്ക്ക് സമീപമുള്ള 2 കിലോമീറ്റർ പ്രദേശം മുഴുവൻ “നോ ഡ്രോൺ ഫ്‌ളൈയിംഗ് സോൺ” ആയി പ്രഖ്യാപിച്ചു.

നികുൽ രമേഷ്ഭായ് പർമർ, രാകേഷ് കലുഭായ് ഭർവാദ്, രാജേഷ്കുമാർ മംഗിലാൽ പ്രജാപതി എന്നീ മൂന്ന് പേരെയാണ് അറസ്റ്റു ചെയ്തതെന്ന് പോലീസ് പറഞ്ഞു. ഔദ്യോഗിക പ്രസ്താവന പ്രകാരം, അഹമ്മദാബാദ് റൂറലിലെ ലോക്കൽ ക്രൈംബ്രാഞ്ചിലെ കോൺസ്റ്റബിൾ അനുപ് സിൻ ഭരത്സംഗാണ് സാഭാ ഗ്രൗണ്ടിനടുത്തുള്ള പ്രധാന റോഡിൽ നിന്ന് മൈക്രോഡ്രോൺ പ്രവർത്തിപ്പിക്കുന്ന ചിലരെ തിരിച്ചറിഞ്ഞത്.

ഡ്രോണിന്റെ ഓപ്പറേറ്റർമാരെ പിടികൂടുകയും അത് താഴെ ഇറക്കാൻ ആവശ്യപ്പെടുകയും ചെയ്തപ്പോൾ മൂന്ന് പേരും അനുസരിച്ചു. ബോംബ് ഡിറ്റക്ഷൻ ആൻഡ് ഡിസ്‌പോസൽ സ്ക്വാഡ് (ബിഡിഡിഎസ്) ഉടൻ ഡ്രോൺ പരിശോധിച്ച് ഡ്രോൺ ചിത്രീകരണത്തിന് മാത്രമുള്ളതാണെന്നും ഓപ്പറേറ്റിംഗ് ക്യാമറയുണ്ടെന്നും അതിൽ സ്‌ഫോടക വസ്തുക്കളോ മറ്റ് ദോഷകരമായ വസ്തുക്കളോ ഇല്ലെന്നും സ്ഥിരീകരിച്ചു.

പിടികൂടിയവരുടെ പക്കൽ നിന്ന് നിരോധിത വസ്തുക്കളൊന്നും കണ്ടെത്തിയിട്ടില്ലെന്നും ബിഡിഡിഎസ് സംഘം പറയുന്നതനുസരിച്ച് ഡ്രോൺ പ്രവർത്തിപ്പിക്കുമ്പോൾ അവർ സാഭയുടെ ചുറ്റുമതിലിന് പുറത്തായിരുന്നുവെന്നും പറഞ്ഞു. കൂടുതൽ ചോദ്യം ചെയ്യലിൽ, ജനറൽ ഫോട്ടോഗ്രാഫിക്കായി തങ്ങൾ അവിടെയുണ്ടായിരുന്നുവെന്നും പ്രദേശത്ത് ഡ്രോണുകൾ നിരോധിച്ചിട്ടുണ്ടെന്ന് അറിയില്ലായിരുന്നുവെന്നും അവര്‍ പോലീസിനോട് പറഞ്ഞു.

“മൂന്ന് പേരുടേയും പേരില്‍ പോലീസ് രേഖകളോ മുൻ ക്രിമിനൽ ചരിത്രമോ ഇല്ല, അവർക്ക് ഒരു രാഷ്ട്രീയ പാർട്ടിയുമായോ സംഘടനയുമായോ ബന്ധമില്ല”, അഹമ്മദാബാദ് ജില്ലാ പോലീസ് പറഞ്ഞു.

പ്രഥമദൃഷ്ട്യാ ഡ്രോണുപയോഗിച്ച് അപകടമുണ്ടാക്കാൻ ഇവര്‍ ഉദ്ദേശിച്ചിരുന്നതായി തോന്നുന്നില്ല. എന്നാൽ, പോലീസ് വിശദമായ ചോദ്യം ചെയ്യലും അന്വേഷണവും നടത്തിവരികയാണ്. ഇന്ത്യൻ പീനൽ കോഡ് (ഐപിസി) സെക്ഷൻ 188 പ്രകാരം പോലീസ് എഫ്‌ഐആർ രജിസ്റ്റർ ചെയ്തിട്ടുണ്ട്. കൂടുതൽ വിശദാംശങ്ങൾക്കായി കാത്തിരിക്കുന്നു.

Print Friendly, PDF & Email

Please like our Facebook Page https://www.facebook.com/MalayalamDailyNews for all daily updated news

Leave a Comment