Author: മര്‍ക്കസ് മീഡിയ

കാരന്തൂർ: മർകസ് കോളേജ് ഓഫ് ആർട്സ് ആൻഡ് സയൻസിലെ ജനറൽ ലൈബ്രറി പുറത്തിറക്കിയ പ്രഥമ പുസ്തകം പ്രകാശനം ചെയ്തു. ഡിപ്പാർട്ടമെന്റ് ഓഫ് കൊമേഴ്‌സ് വിഭാഗം അസി. പ്രൊഫസറായ ജാബിർ കാപ്പാടിന്റെ കവിതാ സമാഹാരമായ ‘ഇല’ യാണ് പ്രമുഖ എഴുത്തുകാരി ഗിരിജ പാതേക്കരയിൽ നിന്ന് യുവ എഴുത്തുകാരി നന്ദിത ബിജു ഏറ്റുവാങ്ങി പ്രകാശനം ചെയ്തത്. യുവ കവി ജാബിർ കാപ്പാടിന്റെ കവിതകൾ തീക്ഷണമായ ജീവിത പ്രശ്‌നങ്ങളെ ആഴത്തിൽ സ്പർശിക്കുന്ന തികഞ്ഞ സാഹിത്യ രചനകളാണെന്ന് പ്രകാശന ചടങ്ങിൽ ഗിരിജ പാതേക്കര പറഞ്ഞു. പുസ്തകവായന കേന്ദ്രം എന്നതിലുപരി അറിവുൽപാദന കേന്ദ്രമായി ലൈബ്രറിയെ മാറ്റുക എന്ന ഉദ്ദേശത്തോടെയാണ് മർകസ് ലൈബ്രറിക്ക് കീഴിൽ പുസ്തക പ്രകാശന സംവിധാനം ആരംഭിച്ചത്. ഇന്റർനാഷണൽ സ്റ്റാൻഡേർഡ് ബുക് നമ്പറോട് കൂടിയാണ് പുസ്തകങ്ങൾ പ്രസിദ്ധീകരിക്കുന്നത്. കോളേജ് ലൈബ്രറിക്ക് കീഴിൽ പുസ്തകം പ്രസിദ്ധീകരിക്കുക എന്ന അപൂർവ്വ നേട്ടം കൂടിയാണ് ഇതുവഴി മർകസ്…

പാലക്കാട് : പാലക്കാട് ചങ്ങിലേരി സ്വദേശിനി മർജാന എന്ന വിദ്യാർഥിനിക്ക് സ്വകാര്യ ബസിൽ നിന്ന് വീണ് പരിക്കേറ്റു. ബസിൽ നിന്ന് ഇറങ്ങാൻ ശ്രമിക്കുന്നതിനിടെയായിരുന്നു അപകടം. സുരക്ഷിതമായി ഇറങ്ങുന്നതിന് മുമ്പ് ഡ്രൈവർ ബസ് മുന്നോട്ടെടുത്തതാണ് വിദ്യാർത്ഥിയെ റോഡിലേക്ക് വീഴാൻ ഇടയാക്കിയതെന്ന് പരിക്കേറ്റ വിദ്യാർത്ഥിനി പറഞ്ഞു. റോഡിലേക്ക് തെറിച്ചു വീണ വിദ്യാര്‍ത്ഥിനിയുടെ കൈകാലുകള്‍ക്ക് പരിക്കേറ്റതിനെത്തുടര്‍ന്ന് ഉടൻ മണ്ണാർക്കാട് ഗവ. താലൂക്ക് ആശുപത്രിയില്‍ പ്രവേശിപ്പിച്ചു. വിദ്യാർത്ഥികൾ ബസിൽ നിന്ന് ഇറങ്ങുന്നതിന് മുമ്പ് ഡ്രൈവർ ബസ് മുന്നോട്ടെടുക്കുന്ന സംഭവം ഇതാദ്യമല്ലെന്ന് വിദ്യാർത്ഥികൾ ആരോപിച്ചു.  

തിരുവനന്തപുരം: പൂജപ്പുരയില്‍ സ്ഥിതി ചെയ്യുന്ന ചരിത്രപ്രസിദ്ധമായ ഹൈന്ദവ ക്ഷേത്രങ്ങളായ സരസ്വതി മണ്ഡപവും നവരാത്രി മണ്ഡപവും തങ്ങളുടെ രാഷ്ട്രീയ പ്രചാരണ വേദിയാക്കി സിപിഐഎം മാറ്റിയതിനെതിരെ വ്യാപക പ്രതിഷേധം. ഭക്തരുടെയും നാട്ടുകാരുടെയും എതിർപ്പ് അവഗണിച്ചാണ് സരസ്വതി മണ്ഡപത്തെ നവകേരള സദസ് പരിപാടിയുടെ സംഘാടക സമിതി ഓഫീസാക്കി മാറ്റിയത്. ഭക്തരുടെ എതിർപ്പിനെ തുടർന്ന് സിപിഐഎം പ്രവർത്തകർ ഭീഷണി മുഴക്കി. ഈ ഓഫീസ് ക്രമീകരണത്തിൽ ഒരു മുതിർന്ന സിപിഐ(എം) നേതാവും സംഘവും ഉൾപ്പെട്ടിട്ടുണ്ടെന്ന് പ്രദേശവാസികൾ ആരോപിക്കുന്നു. ക്ഷേത്രങ്ങൾക്ക് സമീപം കൊടി ഉയർത്തുന്നതും രാഷ്ട്രീയ യോഗങ്ങൾ സംഘടിപ്പിക്കുന്നതും നിരോധിച്ചുകൊണ്ടുള്ള ദേവസ്വം ബോർഡിന്റെ ഉത്തരവ് അവഗണിച്ചുകൊണ്ടാണ് സിപിഐ എമ്മിന്റെ ഈ നടപടി. ഈ കടന്നുകയറ്റത്തിന് കേരള സർക്കാരിന്റെ പിന്തുണയുണ്ടെന്ന് പ്രദേശവാസികളിൽ ഒരാൾ പറഞ്ഞു. സരസ്വതി പൂജാ വേളയിൽ, മണ്ഡപം ഭക്തർ ഒരു പുണ്യസ്ഥലമായി കണക്കാക്കുന്നു, അവിടെ ആരാധനയും ഭക്തിഗാന പ്രകടനങ്ങളും നടക്കുന്നു. പരമ്പരാഗതമായി, മണ്ഡലം-മകരവിളക്ക് തീർത്ഥാടന…

ഡാളസ്: അമേരിക്കയിലെ ടെക്‌സാസിലെ ഡാളസിൽ നിന്നുള്ള മാറ്റ് ജോർജ് സൃഷ്ടിച്ച വിപ്ലവകരമായ ഒരു പുതിയ ഫ്ലാറ്റുഫോമിന് രൂപം നൽകി (www.malayalam.ai,) , ഭാഷാപരമായ വിഭജനം ഇല്ലാതാക്കി, ആർട്ടിഫിഷ്യൽ ഇന്റലിജൻസിന്റെ (എഐ) കൗതുകകരവും നവീനവുമായ സാങ്കേതിക മുന്നേറ്റങ്ങളിലേക്ക് കേരള സമൂഹത്തെ പരിചയപ്പെടുത്തുകയാണ് പ്രത്യേകം ChatGPT. ഓപ്പൺഎഐയുടെ ചാറ്റ്ജിപിടിയുമായി മലയാളത്തിൽ സംവദിക്കുക എന്നത് ഇതുവരെ മലയാളികൾക്ക് അസാധ്യമായിരുന്നു. www.malayalam.ai എന്നത് ഭാഷാ അതിർവരമ്പുകളെ മറികടക്കുന്ന സവിശേഷവും ഉപയോക്തൃ-സൗഹൃദവുമായ ഇന്റർഫേസാണ്. നിങ്ങളുടെ ഉപകരണത്തോട് ഒഴുക്കുള്ള മലയാളത്തിൽ സംസാരിക്കുന്നതോ ചിന്തകൾ പ്രകടിപ്പിക്കുന്നതോ ഉത്തരം തേടുന്നതോ സങ്കൽപ്പിക്കുക. ഈ പ്ലാറ്റ്‌ഫോം ഇത് ട്രാൻസ്ക്രൈബ് ചെയ്യുന്നു, ChatGPT-യുമായി ഇടപഴകുന്നു, ഇത് ഒരു സെക്കൻഡിന്റെ ഒരു അംശത്തിൽ, വിവരങ്ങൾ പ്രോസസ്സ് ചെയ്യുകയും ഒരു പ്രതികരണം സൃഷ്ടിക്കുകയും ചെയ്യുന്നു, ടെക്സ്റ്റ്-ടു-സ്പീച്ച് സാങ്കേതികവിദ്യ ഉപയോഗിച്ച് നിങ്ങളുടെ സ്പീക്കറുകളിലൂടെ പ്രതിധ്വനിക്കുന്ന വാചാലമായ മലയാളത്തിലുള്ള ഒരു ശബ്ദ സന്ദേശം ലഭിക്കും ആർട്ടിഫിഷ്യൽ ഇന്റലിജൻസിനെക്കുറിച്ചോ ChatGPTയെക്കുറിച്ചോ നിങ്ങൾ…

ഡാളസ്: ഡോ. ഷിബു തോമസ്, ഡോ. ലെസ്ലി വർഗീസ് എന്നിവർ നയിക്കുന്ന ഫാമിലി സെമിനാർ നവംബർ 24ന് ഡാലസിൽ രാവിലെ 10 മുതൽ നടത്തപ്പെടുന്നു. ഷാരോൺ ഫെലോഷിപ്പ് ചർച്ച് ഡാളസ് ( 940 Barnes Bridge Rd, Mesquite TX 75150) മീറ്റിങ്ങിന് ആതിഥേയത്വം വഹിക്കും. “കണ്ണികൾ തമ്മിൽ ബന്ധിപ്പിക്കുക” എന്ന വിഷയമാണ് ചർച്ചയ്ക്കായി തിരഞ്ഞെടുത്തിരിക്കുന്നത്. കാൽവറി അസംബ്ലി ചർച്ച ഓഫ് ഗോഡ് അറ്റ്ലാന്റായുടെ മുതിർന്ന പാസ്റ്ററാണ് ഡോ. ഷിബു തോമസ്. കൺവെൻഷൻ പ്രാസംഗികൻ, ക്രിസ്തീയ എഴുത്തുകാരൻ എന്നീ നിലകളിൽ പ്രസിദ്ധനാണ് ഡോക്ടർ ഷിബു. സെറംപോർ യൂണിവേഴ്സിറ്റിയിൽ നിന്നും ദൈവ ശാസ്ത്രപഠനത്തിൽ ബിരുദം നേടിയിട്ടുള്ള പാസ്റ്റർ ഷിബു, പെന്തകോസ്റ്റ് തിയോളജിക്കൽ സെമിനാരി, ഇൻറർനാഷണൽ തിയോളജിക്കൽ സെമിനാരി എന്നിവിടങ്ങളിൽ നിന്നും ദൈവശാസ്ത്രത്തിൽ ബിരുദാനന്തര ബിരുദങ്ങളും കരസ്ഥമാക്കിയിട്ടുണ്ട്. ട്രിനിറ്റി തിയോളജിക്കൽ സെമിനാരിയുടെ മാനേജിംഗ് ഡയറക്ടറായും ഡോ.ഷിബു തോമസ് പ്രവർത്തിച്ചുവരുന്നു. ഡോ.…

ഡാളസ്: സയോൺ അസംബ്ലിസ് ഓഫ് ഗോഡ് ഡാളസ് പണികഴിപ്പിക്കുവാൻ പദ്ധതിയിടുന്ന പുതിയ ആരാധനാലയത്തിന്റെ നിർമ്മാണ പ്രവർത്തനങ്ങളുടെ ഉദ്ഘാടനം (Ground Breaking Ceremony) 2023 നവംബർ 19 ഞായറാഴ്ച രാവിലെ 10 മണിക്ക് നടത്തപ്പെടുന്നു അസംബ്ലീസ് ഓഫ് സഭകളുടെ നോർത്ത് ടെക്സാസ് ഡിസ്ട്രിക്ട് സൂപ്രണ്ട് ഡോ.ഗെയ്‌ലൻ ക്ലൗഞ്ച് മുഖ്യാതിഥിയായി പങ്കെടുക്കും. കൂടാതെ നവംബർ 17,18 (വെള്ളി,ശനി) തീയതികളിൽ വൈകുന്നേരം 7 മണിമുതൽ പ്രത്യേക സുവിശേഷയോഗങ്ങളും ക്രമീകരിച്ചിട്ടുണ്ട്. അനുഗ്രഹീത ദൈവദാസന്മാരായ പാസ്റ്റർ മൈക്ക് ഹാർപർ, പാസ്റ്റർ കിപ്ലിൻ ബാച്ചിലർ എന്നിവർ മുഖ്യ പ്രഭാഷകർ ആയിരിക്കും. ക്രൈസ്റ്റ് ഫോർ ദ നേഷൻസ് ഇന്റർനാഷണൽ (CFNI) വർഷിപ്പ് ടീമും, സയോൺ ചർച്ച് വർഷിപ്പ് ടീമും ഗാനശുശ്രൂഷയ്ക്ക് നേതൃത്വം നൽകും. 2000-ൽ ഡാളസിലെ റിച്ചർഡ്സൺ പട്ടണത്തിൽ (1620 E. Arapaho Road, Richardson, Texas) ആരംഭിച്ച സഭയുടെ പുതിയ ആരാധനാലയത്തിന്റെ പണി പല ഘട്ടങ്ങളിലായിട്ടായിരിക്കും…

ന്യൂയോർക്ക്: 1976-ൽ ന്യൂയോർക്ക് ക്വീൻസിൽ രൂപീകൃതമായ ആദ്യകാല മലയാളീ സംഘടന കേരളാ കൾച്ചറൽ അസ്സോസിയേഷൻ ഓഫ് നോർത്ത് അമേരിക്കയുടെ (കെ.സി.എ.എൻ.എ – K.C.A.N.A) 2024 വർഷത്തേക്കുള്ള പ്രസിഡന്റായി ഫിലിപ്പ് മഠത്തിൽ തെരഞ്ഞെടുക്കപ്പെട്ടു. കഴിഞ്ഞ ദിവസം കൂടിയ സംഘടനയുടെ ജനറൽ ബോഡിയിൽ എതിർ സ്ഥാനാർഥി എബ്രഹാം പുതുശ്ശേരിയെ പിൻ തള്ളിക്കൊണ്ടാണ് മഠത്തിൽ തെരഞ്ഞെടുക്കപ്പെട്ടത്. 2024-ൽ സംഘടനയെ നയിക്കുന്നതിനുള്ള മറ്റു ഭാരവാഹികളെയും ഏകകണ്ഡേന അതോടൊപ്പം തെരഞ്ഞെടുത്തു. കെ.സി.എ.എൻ.എ യുടെ നിലവിലെ സെക്രട്ടറിയാണ് ഫിലിപ്പ് മഠത്തിൽ. ന്യൂയോർക്കിൽ സ്വന്തമായി ആസ്ഥാന മന്ദിരമുള്ള ഏതാനും ചില മലയാളീ സംഘടനകളിൽ ഒന്നാണ് 48 വർഷം മുൻപ് ഉടലെടുത്ത കെ.സി.എ.എൻ.എ.. ദീർഘകാലമായി ഈ സംഘടനയിൽ അംഗമായ ഫിലിപ്പ് മഠത്തിൽ കഴിഞ്ഞ പല വർഷങ്ങളിൽ അതിന്റെ ഭരണ സമിതിയിൽ അംഗമായിരുന്നിട്ടുണ്ട്. ലോങ്ങ് ഐലൻഡിലെ വിവിധ സംഘടനകളിൽ അംഗവും സാമൂഹിക സാംസ്കാരിക പ്രവർത്തനങ്ങളിൽ മലയാളികളുടെ ഇടയിലെ നിറ സാന്നിദ്ധ്യവുമായ…